一件舊物的回憶...

隨著時代的變遷，有很多舊事舊物都成了過去...早前聽講有內地遊客，專程去些賣舊物的檔攤，尋尋一些舊款相機，相信是我們俗稱的傻瓜機...話拍出來的照片，很有一種獨特感覺!!!!其實這些相機只不過是舊款，並不是什麼久遠的文物，可想而知科技這東西可以變化得很快...

今次我主要講的回憶物就是傳真機，每次見到傳真機都會令我想起一些往事，記得剛剛開始畫插圖的時候(年紀尚小)，會將自己的畫作寄去一些出版社期望得到回音...當時的年代，兒童刊物並不多，能找到一間就要好好把握，每次寄出的畫稿都會用心整理，那時沒有電腦上色，所有畫稿都是徒手畫，徒手上色...等了好一些時間，突然收到出版社寄來的回音，當然滿心歡喜走去見見，當時出版社見過我其他的畫作，話可以給我試試，但問我有沒有傳真機?!!那時的我當然沒有，而傳真機的作用在於改稿方面，若有錯漏都可以知道怎樣修改!!!可能就因為沒有傳真機，這次機會就錯失了...

後來有另一份兒童刊物給我機會，很好有個屬於自己的專欄，雖然我仍然沒有傳真機，但可以在街外的店舖傳真給出版社，還記得當時傳真一次就要收取5元費用，而這間出版社亦相當遷就我，看過一次，修改一次就OK...以這形式都畫了兩、三年...

直到現在，森伯都沒有過屬於自己的傳真機，因為時代改變，小型的掃描器加電郵已經可以代替傳真機...若然去到今時今日，手機影相加whatsapp已經辦到，沒有過去就沒有現在，過去一切就成了現在的回憶...

相片：是公司的舊器材，傳真機已經不需用了~~

東瀛事，咪話唔關你事...

其實自日本福島發生地震事故以來，都已經傳出有幅射的危機，日本食物可免則免，尤其是水產，因為最主要是來自當地水域問題!!

講真日本的貴價海產很少買到，至於很多港人愛吃的日本壽司、魚生等，更加少食，因為不喜歡吃生的肉類...

但傳了很久的日本將傾倒幅射水，今年就開始，不知大家對此有何反應，我當然覺得離譜啦，海洋絕對是人類的共同資源，全球很多地方的人都是，以海洋供給的食物賴以為生...最離奇就是平時乜都關佢事的某國，今次日本傾倒幅射水的事件竟然默不作聲，媒體上完全聽不見有關此事對日本譴責...更不覺有本港的環保人士走出來抗議...

只有本港的官員或部份議員促請政府做好把關，但有關的商戶竟然還罵政府要禁日本魚產影響她們的生意...

香港人好在不吃這些，還有其他選擇，打後基本上不會再買來自日本的海產食品，直至認為安全為止...

據聞她們要傾倒三十年，這樣對森伯來講，可能呢世再唔駛買日本海產食品來吃~~

之前買落的帶子，應該沒問題?!!~~

不過專賣日本食品的商舖或超市應該都幾頭痕!!!!

都市傳奇...

一向港人的壓力都唔少，的確在很多方面都可使心理上產生問題...我認為最好舒緩壓力的方法是向人傾訴，或者未必幫到實際的困難，但起碼可以打開鬱結的情緒...

另一個減壓方法，可以看一些令人心情放鬆的東西...

若近排有留意一些娛樂新聞，可能都會看到一名叫"亞視一姐"的阿儀，如果唔知這位是何許何人，還以為是靚女一名，講真靚唔靚女好見仁見智，冇準則...但若要森伯定性這位藝人，我會覺得係笑匠，最近因為佢有新歌出，所以都會在youtube睇到佢的MV，聽講有很多的點擊率，而且發覺幾多youtuber翻唱佢首歌~~~

永遠得一個表情的阿儀(圖片是截圖，經軟件整理...)

或者近排社會真的太多令人窒息的新聞，令人關注到精神與情緒的問題，就算平時講到香港幾好都好，但始終不能忽視香港的生活步伐快，所謂的競爭力使人透不過氣，港人的生活壓力都不少，電視有很多教人投資的節目，但偏偏沒有太多教人疏導情緒的方法...

但見近來阿儀這位人物的彈起，令我想到港人可能真的需要有這樣的人，來為大眾輕鬆娛樂一下，舒一舒緩心理壓力或負面情緒...

頭痕...

相信大家都怕家中有物件壞或需要維修，壞了的如果是小型物件，都可以選擇回收或丟掉換過新的，但如果是大形物件都幾麻煩，如果是需要修葺或維修，這個可能仲大工程，有時睇到新聞有什麼大廈的設施或者外牆需要大執，每個住戶都需要負擔修葺費用，那筆費用可能先最大劑~~

所以除了人之外，家裡的一切東西，都最好平平安安，無穿無爛...

近好幾個月以來，洗手間的水箱渠管看似不停漏水，可能初期都只是滲水，後來都一滴滴的漏水，若然不用兜子承載著，可能滿地都水濕濕，情況更差可能會滲到樓下那層也不奇，都已經忍了好幾個月，都要去睇睇怎樣整理，一個人長時間覺得唔妥，都係時候要去睇下醫生...有時不是說笑，搵維修師傅等同搵醫生，搵正個黃綠手勢又唔好，錢又收了，都幾勞氣...

這個時候，剛剛附近有間新開的維修店舖，希望搵佢幫幫手...

以前小時很少會在意每件東西耐用不耐用，但當人大了，就發覺每樣東西都會看重耐用不耐用、質料好不好，否則要整要維修，都會幾頭痕......

增肥餐...

本來都唔想用增肥餐呢個詞，聽落有點誇張，但近排可以食多點，雖然話自己實行斷食，但仍保持一日三餐，而在一日八小時內，可盡情地吃呢三餐...

但坊間有關斷食的資料都係講斷食有助減磅，但想增肥又好似互相矛盾，不過森伯的斷食最主要畀腸胃有得休息，減少炎症同延緩衰老(你哋知喇，森伯伯年事已高，梗係唔想太過老樣喇...)

以前好少食意粉，自從一次買來自己動手整又幾方便，用幾分鐘灼熟意粉就可以，到煮的時候加個意粉醬就搞掂，前後都係廿分鐘，如果想花巧少少，加些餸菜都可以，煮意粉最主要係個醬汁...

呢個白汁磨菇醬幾方便，而且食慣呢種味道，撈埋一齊食幾惹味，胃口都好啲!!!食用意粉相對較好，而且襟飽，當然森伯不是當正餐，只是一小碟，唔需要太飽...若然想當正餐豐富些可以加些鮮磨菇及雞肉，就應該幾夾!!!

可能大家聽到又粉又醬，心裡都會講句：肥C呀!!!但對森伯來講都未必肥得到~~~哈哈哈

又係佢！！

呢間航空公司間唔中就見報，而且每次都係話題之作，諗諗下只是一間航空公司，發覺幾多嘢都關佢事，先有黑暴事件關佢事，covid又關佢事，政府補貼一定關佢事喇……要數都唔少，今次就搞單歧視內地客的事件，以前細個睇一些航空公司廣告，都會睇到班機倉人員個個笑面迎人，很有專業的服務水準，空姐畀人感覺係高級，有禮，無論幾麻煩的乘客都以笑相待……印象是美，而事實又是另一回事，只要匿埋休息室，即刻變八婆講事非……弊就弊在被人影到兼聽到……今次正題係歧視內地客不懂英語，其實呢種歧視最憨居，若然果位空姐都係華人，咁就炒魷都無話可說……

而事實好多中國人華人都有種貶低自己民族的陋習，西人、西方、西話永遠都係高高在上，你哋唔識英語就要冇氈用，只要你講普通話就唔係人話……其實呢幾位空姐以語言來作歧視，只顯得她們的幼稚，這都正正之前講過的巨嬰年代，只要思想成熟一點也不會有這種思維和行為！

圖片來自網上，再加以整理

頭像圖...

早前收到一個來電，來電顯示的號碼都有點似曾相識，智能機就有個好處，是可以click入幅icon相睇一睇，幸好這位來電者是用真人頭像相，才知是那一位...

現今世代一個人都有好幾個不同網站的帳號，很多時一些無關痛癢的帳號，都會求其搵張圖做代表，至於比較個人少少的如：電話、whatsapp...就可選擇是否用真實個人照，其實圍內的親朋友好，用真人照我認為冇乜問題，起碼可以以之識別，但有些人賣廣告或街外人，要否用真人照就有所保留...

但經過今次的生疏來電，忽然令我想到是否要換真人照，當然係認人好過認圖，有時唔打個名出來，真係唔知來訊息係乜水!!!

至於現在森伯的手機，whatsapp icon相都係用個人的卡通圖，係好早前有個幫人整"個人卡通圖"的應用程式做，上載本身相片，就有多張個人卡通圖，而且不收分文~~~

至於卡通圖有個好處，畀人感覺有趣啲、易認啲、放心啲...不過就好細路呢!!!!