早前收到一個來電，來電顯示的號碼都有點似曾相識，智能機就有個好處，是可以click入幅icon相睇一睇，幸好這位來電者是用真人頭像相，才知是那一位...
現今世代一個人都有好幾個不同網站的帳號，很多時一些無關痛癢的帳號，都會求其搵張圖做代表，至於比較個人少少的如：電話、whatsapp...就可選擇是否用真實個人照，其實圍內的親朋友好，用真人照我認為冇乜問題，起碼可以以之識別，但有些人賣廣告或街外人，要否用真人照就有所保留...
但經過今次的生疏來電，忽然令我想到是否要換真人照，當然係認人好過認圖，有時唔打個名出來，真係唔知來訊息係乜水!!!
至於現在森伯的手機，whatsapp icon相都係用個人的卡通圖，係好早前有個幫人整"個人卡通圖"的應用程式做，上載本身相片，就有多張個人卡通圖，而且不收分文~~~
.jpg)
至於卡通圖有個好處，畀人感覺有趣啲、易認啲、放心啲...不過就好細路呢!!!!
如果是自己圍內親友的通訊或者社交平台，我會用自己真人圖片，而且全部劃一頭像，可以說是我的招牌，例如電話，Whatsapp，Facebook，Wechat。但如果是公開的社交平台而對象是不認識的人，我會選用代表符號，正如你所見到的Blogger及Youtube都用同一符號，都是自己製作的。
回覆刪除我都認為如果這些平台用於平時認識的親友群，用真人相片比較好，比較直接唔需要猜猜邊位，但自己親友的圈子就很多人都是以圖顯示...
刪除咁我又唔識整，親友就用真相，另一批人就用圖...通常都是劃一，怕易搞錯...
我都喜歡自已創作頭像圖，每個社交平台也不同，都很難做到統一自己個logo圖~~~~
真人圖片或卡通圖也好，都代表自己，所以我都很少改變圖像。
回覆刪除你應該都冇什麼所謂，因為你的Blog相都已經用真人照，未必個個人會放自己相...
刪除在雅虎時代，我是用紅葉林的圖片，可是一多起來就會紅彤彤一片，太耀眼。決定來到Google blog之後，就改用一張在廣西西竹山拍下的照片，想起來都是十年前的事了。我很懷念那個山青水秀的樹林。
回覆刪除係喎，差點也忘記秋葉也是用真實的頭像圖，有時相片的背景或氣氛，都會令到這相片加點分數...若然不是放自己的真實的個人照，就喜歡自己畫些含有意思的圖像，都叫做有個人特色...你提起Google blog，都好似忘了幾時開始!!!!
刪除卡通圖的 icon相，可以令人有不同的想像空間；真實人像圖很直接，大概都使人看到一些真實形態與個性。
回覆刪除如果卡通圖與本身的個人照有點相似，也算差不多等同自己相片，不過要做到百分百都冇咩可能，除非個人素描畫!!!
刪除親疏有別，要識得保護自己隱藏身份。
回覆刪除唔使啲人會以貌取人，有利我呢副嚇親人嘅尊容。
我呢個圖係坐低飲杯茶食個包閑聊輕鬆吓，希望我係你杯茶能夾咀形，見到幾縷輕煙裊裊上升，話題有熱度，相方感覺温暖、 溫馨，能享受片刻茶聚時光。
你啲鬍鬚好Man呀！我好稀疏留鬚難睇。
隱藏身份...即刻諗起幾年前的黑衫黑褲兼豬咀口罩，若然唔係做壞事，唔駛隱藏自己!!!
刪除一般上社交網站都很少以貌取人，除非另有目的...
原來你張頭像圖是咁解，飲杯茶傾下偈，你講到好似賣茶樓廣告!!!很多人想聚聚，同友好傾偈都會選擇茶樓，可以嘆吓茶叫些點心食，慢慢坐~~
就係有pat鬚，Man味隨即返番嚟~~~哈哈哈!!!
森哥轉個彎話我做壞事，咁我係要對住森哥做壞事。哈哈！
回覆刪除壞事都有分好多種，邊種先？！
刪除一爺啲年青人真係好反叛……😁
令人心跳加速…
刪除簡直血脈沸騰……
刪除帶住做壞事心情去做健康運動，脅迫森哥去運動，見到森哥上氣不接下氣嘅受罪樣我就開心。
刪除依家啲APP功能好強大，瞬間就出到卡通版頭像，世界正急速變化。我啱啱收到張下一期5年信用卡，以前係用電話激活，現在，只能上網激活，我要試2次才成功，真係欺負唔識用電腦上網嘅老人家。
你幻想力豐富，森伯做的運動好簡單，你定，唔會搞到上氣唔接下氣，不過近年覆得一爺的留言多，訓練到老人家都長氣咗！
刪除科技之快只係短短一暽間，尤其現在的應用程式，不過對我來講冇幾多有用，留在手機都也不多！
近排都有一段時間冇收到新卡，我諗我間銀行會保留返用電話，顧及森伯伯呢類長者……😁
用自己喜歡的圖案做頭像，都係唔錯嘅選擇呢。
回覆刪除所以你就搵了龍珠卡通做頭像！！
刪除私底下個親友群用真相可能好啲！
好型呀張圖。😍😍😍
回覆刪除用圖的好處！！😁
刪除哈哈，老牛唔靚仔，所以只放一張自己製作的卡通牛頭，熟悉的朋友一看便知是老牛。
回覆刪除如果自己畫得到，自己畫仲好，好似森blog 個頭像圖，也同樣有代表性……
刪除用個人卡通圖都是個好選擇，來得親切，但也保留一點私隱。因為卡通圖同真人始終唔係百份百一樣。
回覆刪除不過都想提一提，whatsapp 頭像有機會被有心人盜用。
謝謝亞發的到訪……
刪除對，所以我暫時私下的whatsapp圖都是以個人的卡通圖做代表，認識我的人應該會知道我是誰，正如你說的對，個人漫畫圖可保留返少少私隱性……