呢間航空公司間唔中就見報，而且每次都係話題之作，諗諗下只是一間航空公司，發覺幾多嘢都關佢事，先有黑暴事件關佢事，covid又關佢事，政府補貼一定關佢事喇……要數都唔少，今次就搞單歧視內地客的事件，以前細個睇一些航空公司廣告，都會睇到班機倉人員個個笑面迎人，很有專業的服務水準，空姐畀人感覺係高級，有禮，無論幾麻煩的乘客都以笑相待……印象是美，而事實又是另一回事，只要匿埋休息室，即刻變八婆講事非……弊就弊在被人影到兼聽到……今次正題係歧視內地客不懂英語，其實呢種歧視最憨居，若然果位空姐都係華人，咁就炒魷都無話可說……
而事實好多中國人華人都有種貶低自己民族的陋習，西人、西方、西話永遠都係高高在上，你哋唔識英語就要冇氈用，只要你講普通話就唔係人話……其實呢幾位空姐以語言來作歧視，只顯得她們的幼稚，這都正正之前講過的巨嬰年代，只要思想成熟一點也不會有這種思維和行為！
圖片來自網上，再加以整理
開始要來大清洗。
回覆刪除今鋪佢真係...做埋，做埋，時辰就到!!!!!!!
刪除大公司人多自然是非多。
回覆刪除呢個係個人道德問題唔關公司事，又會發酵到咁大，掀然巨波，搞到個CEO都要再三道歉同炒人。我覺得個CEO管理係有不足之處。
幾拾年前真係識英文就吃香D，因為英語人擁有世界最多財富，現實功利社會當然要靠向衣食父母啦！可惜呢個唔醒目空姐『遲大到』，世界早已變，國泰有6成利潤來自大陸，邊個係大金主都唔知，個CEO應該依比例多聘用國內空姐飛國內線啦！同聲同氣係親切啲。
我都試過畀人歧視，有次，個老白男一嚟到就用不屑口吻話我呢個唔識嘢嘅唐人坐錯機位，我無錯當然唔起身讓位啦！我係有教養嘅斯文人亦都唔同呢個少搭飛機嘅鬼佬一般見識，我『駛佢』自己揾空姐過來搞掂，查票後佢頭耷耷坐翻低喺我前面。
另一次，我首次到好巨大嘅芝加哥機場問咨詢處機埸酒店點行，個女人唔答我，我諗再問佢都唔答，揾其他人問仲會快啲，説時遲那時快，幸好我一眼關七立即覺察到個床嘅指示燈，明燈引路下，靠自己無再問人行咗約10分鐘，喺不見天日隧道內兜兜轉轉順利抵達。後來要喺個機場轉機才知真的很巨，有5個 terminals，你要坐附設鐵路由國際站樓去國內站樓。好在機場酒店就喺最近國際站樓唔使我揾餐C。
一爺的回覆仲長過我篇blog...
刪除雖然感覺係個人的道德操守問題，但她們身處的工作環境裡，就完全唔見得有好的一面，CEO都要負責，唔出事也不會整頓間公司的風氣~~~
其實有時感覺好古怪，兩個華人都要用英語交談!!!在公司裡的員工都慣常用英語電郵，但絕大多數係華人，用英語回答感到異常奇怪，所以我會用返中文回覆，你可以話森伯識的"雞腸"有限，都係既~~~XXXD
事實世界不斷在變，無論果班人有幾戀殖都好，現實就是現實，出來打工不是遊戲，正正經經做好工作上的本份才是醒目之人...
聽你的經歷擺明個洋人歧視你，好采一爺見慣大場面，處變不驚仲冷靜地作出糾正，但畀著好多人怕事，又會照畀個洋人點...真理在自己那邊就毋須太怕事，據理力爭拗到底!!!!
對於一個陌生地方，問下人都平常，唔會走錯太多冤枉路，有時去到百貨公司想買一件東西，都會問問費時周圍搵，相信我去到外地都會問人路的多，唔敢亂竄入不見天日隧道內，到時突然有班車衝入就瓜得喇...唔似一爺眼仔碌碌周圍望指示牌!!!!你好勇!!!
有時唔怪得常常聽人講：讀萬卷書不如行萬里路，見識吓國際大機場都係體驗之一，相當有趣!!!!!!!!
夠長才能清晰表達親身故仔。
刪除讀書同工作慣用英文，我打英快中好多倍，少用會執筆忘字，工作繁忙邊夠時間慢慢砌字，我兩樣都係半桶水，文件上我揀英文，講嘢就用中文，明白？唔係抗中、演嘢、扮上菜。中學後一日內書寫中文最多果日係會考中文科，小學當然係罰抄啦！
我要教訓個自視過高嘅笨蛋，等佢唔好再歧視唐人。
工作上慣咗同鬼佬爭拗嘅文化，有理就唔驚，愈駁啲鬼愈尊重你嘅實力，所以，成日同森哥拗係職業病，請見諒。
行人隧道碰見有轆嘅只得旅行喼，車禍都無礙啦！反而機場內會為老人代步電動車仔飛馳。窮人環境所迫，邁出人生第一步後回看又無咩大不了，練大膽，有自信，不怕面對困難，生活更開心。
有冇睇空姐工會陰陽怪氣嘅發文，無認錯和道歉，行為似足無賴某國，外國勢力專揀呢D有勢力嘅大工會入侵，利用佢破壞人哋政權。
咁你煲電話粥的時候，最低時間要唔要三、四個鐘才收線呢?!!哈哈哈
刪除好多人都係打英語快過中文，中文的輸入法仲要經個腦諗一諗，只要打慣英文都好快上手...
英文好怕文法會錯，鬥好耐才可完成，對目不識丁的森伯來講都算勉強可以~~~~~
咁你都算為華人爭返少少光，同森伯拗就叫職業病?!!你做咩職業要同人拗?!!
人越大年紀，好多事都變大膽起來，以前細時好怕羞，當人漸大講野都夠膽了，有何不妥都總會出聲，因為你唔出聲人家又點知你覺得唔妥...問路，買了次貨要換，個人不適...呢啲冇得啞忍!!!
很多人都認為工會的所謂道歉發文，冇咩悔意，講到不三不四...始終回歸了咁多年，仲戀殖來做什麼，活在當下積極面前才是上上策~~~~
雖然森伯又唔知呢類工會有冇外國勢力參予，但呢幾年都覺得佢哋的嫌疑都唔少，專搞破壞，製造分化.......
我係老咗才咁長氣。
刪除啲鬼好無賴，要拗贏工作才順利。
巴黎名店都請咗好多國語人招呼貴客啦！咁大間公司都唔識做。
老咗先長氣...都屬正常，通常老人家比較嘮叨~~~~
刪除咁你的英文咪好醒，唔單止可以講，仲可以幫啲鬼佬拗喎??!!
世界各地很多遊客區，名店區都已經長駐普通話售貨員，只係呢間航空公司唔知活在咩年代啫!!!!
揾吃喎！係馬死落地行，聽入耳、講出口、勇認錯、即修正，腳踏實地，同一個字錯完又錯、改完又改咪記得囉，日子有功，我啲普通話都係咁練翻黎。不過，出咗我工作範圍當堂弱曬。每周同某個客電話例會，佢想加入電子人，我話書讀到基本電子，寫得但口語就麻，一試便知龍與鳳，聽得明，即時翻譯唔出，最終作罷。
刪除係好多拗撬架。喺收購某品牌時，間美國公司喺三地設有工廠生產產品，其中之一係墨西哥，我哋仲要跟該品牌嘅生產品開發流程黎做。
我正處理一個南美洲市場嘅新產品 (即係中國廠搶咗墨西哥廠工作)，因為係首次由中國厰生產，個流程最終簽批放行可生產者要由最熟悉嘅墨西哥廠頭頭把關。當全部工作已完成，我咪準備晒文件畀佢批准我生產囉，點知個墨西哥佬話我無檢查到西班牙文版說明書，所以，不予以放行，我知佢全心報復玩嘢，其實，我可以同佢拗係以英文版為準，美國廠都係咁做，不過，我呢次反應唔同，我即刻 詐詐諦發電郵(報吋)畀南美洲營業部同事， 表面上彙報工作進度，我話全部工作已完成，英文版說明書己檢查正確無誤，按照某人(指名道姓)話 我只差西班牙語說明書仲未檢查。巧妙偷偷發文第二日，個墨西哥厰頭已乖乖簽批，我知道營業部同事走咗去用西班牙話鬧鬼佢。今次我借力打力， 早知用蠻力拗餐C係無用，腦筋急轉彎，用營業部方式去解決呢個工程部問題係最快搞掂，我就算碰上奇難雜症，要智取，工作才無甩期能順利完成。動腦筋，工作都可以好有趣。
出來做事，最緊要懂得隨機應變……
刪除在航機上同是華人，客人和空姐之間，說粵語或是普通話就得了，為何硬是非要說英語不可 ! 如果這是航班上的規距，並嘲笑客人的英語差勁，那當然是一種嚴重的歧視事件。
回覆刪除但如果只是客人崇洋，又偏偏說的英語不夠精準，這樣被空姐回窒，並拒絕要求，那就是活該，怪不得人。
過去我在機上都是與華人空服人員說粵語，或是華語，都很愉快 ! 只有在 “斯里蘭卡” 的機上，不得不說英語吧了。
我對香港過去的地勤、和機組的空服人員，都很有好感。
當然實際情況就只有當事人最清楚，其他人只能夠推測他們當時的情景...但相信事件能發酵到這個地步，都應該有一定程度的不公平之處，而最離譜就是不能用英語來講出要求，或講錯了英語，就得不到應有的物件...都有點匪夷所思，如果當時是我，必會用中文跟她們拗到底...
刪除每件事都可以看出兩面，事件可以看出這間航空公司仍然有很多不足之處，機組人員的應變能力，靈活變通的處事手法統統都不合格，要看日後有否改進~~~~
當然喇，不能以一竹杆辦一船人，各行各業都有枯枝!!!!
我從來沒有乘搭過國泰的航班，因為她久不久便出現故障 !
刪除報名跟圑若是有得揀：國泰、港龍。我寧可付費多一點，每次都選擇乘搭港龍。後來聽聞 “國泰”成功收購了港龍，我就有些失望。
自從19年黑暴事件發生之後，國泰的機組人員有參與罷工，和反政府。實在令人反感。如果說目前的事件，空服人員有歧視大陸人的成份，我不敢說沒有。
可是那些大陸乘客，在不懂粵語之下，既然面對著的都是華人空姐，為何不說普通話呢 ? 又是不是歧視自已國家的語言呢 ?
你講得對，自從一九年至今，呢間航空公司不停有反政府的行徑，所以冇咩好印象，甚至正如你講，令人反感……有人提起才記得現在有空姐歧視普通話乘客，疫情期間有空少散播新冠，搞到新一大波疫情，之後仲要上庭，對香港人無一樣有建樹，一有得攞補貼就有得攞，平時就反政府……
刪除呢間公司有種戀殖風氣，大陸人根本非她目標顧客，所以講明英語係公司的主要語言。其實做得本地及國內的生意都冇咩可能唔做好普通話及廣東話……
佢哋呢班人唔當自己係中國人當自己係「西」人！
這是自從清朝被 “八國聯軍”入侵攻打以來，人們受遏制而自卑的結果。尤其是住在殖民地多年，都沾沾自喜地當西人是阿媽和阿爸，養成了崇洋媚外的心態。
刪除其實崇洋媚外都有很多亞洲地方也會，日本人可能更甚，對有些人來講，能操一口英語即係見到頭有光環，很多父母級的人仲好艷羡滿口英語可以辣辣聲，所以很多父母都要送子女到外國升學……
刪除新加坡是一個獨立而不畏強權的國家，他們很奇怪我們港人見到洋人都是卑躬屈膝，一副洋奴的樣子。
刪除英文說得好是方便溝通，新加坡都流行說英語。
新加坡的人民比較多唔同種族，可能大眾都以英語行先溝通會來得方便，亞洲人多崇歐美洋人，感覺白人高人一等，而英語又係國際語言，能懂英語便可與外國接軌，其實諗深一層，人人生來應該平等，我有我的生活模式，又何須踩低自己來抬高別人……
刪除我已上網再看這段事件，原來機上是使用粵語廣播的，並無不准說華語，那麼，那些內地乘客為什麼硬是要說英語呢 ?
回覆刪除同是華人，為何還要動腦筋說洋話 ? 這些內地客人分明是要逞強 ! 這不是溝通之道。
據我所了解是因她們是用粵語廣播，但國內人未必個個會懂得聽粵語...其後更被這幾名空姐講了句，他們不懂聽"人"話!!她們冇得抵賴，有了錄音...
刪除正所謂有句說話講：顧客永遠是對的，無論顧客怎樣逞強也好，醒目的人便會知她們想要什麼?!事後更冇咩必要取笑乘客!!貼錢買埋取笑?!!
如果機倉上並沒有要求客人說英語，若不懂粵語的話，大可以說普通話，甚至家鄉話，卻偏偏說著不在行的英語去要求物件，這樣就給沒有修養的空姐在背後訕笑了 !
刪除我覺得兩方面都有不對的地方。
關於某客人不諳英語而強說英語的事情，網上有解說該客人應該不是華人，其母語也非英語而是他國語言﹙例如印度語﹚，所以該客人才會勉強以英語開口。
刪除我也有經驗面對一貌似南亞的女士，當時在輪候看街症，她以簡單英語再出示一覆診紙向詢問地點，我以英語多番解釋，她仍一面茫然，後來我才醒覺英文也非她母語，所以改以英文單字和手勢，才勉強完成溝通。
我個人意見認為，無論那個乘客是甚麼種族，無論他用甚麼語言，無論他表達得如何差勁，關鍵是，空姐們「已經明白」到他的意思是要一張毛氈（從 "If you cannot speak blanket in English, you cannot have it" 這句可以得知她們是明白的），為什麼還要為難別人？
刪除新一派已經染黃了的空服人員，有幾多個能夠敬業樂業的呢 ? 否則在19年也不會搞罷工啦。
刪除既然說差勁英語的是外國人，也不能構成他們歧視大陸人的罪名。( 當然，黃色空姐歧視大陸人，一點也不出奇。)
也有人說：那個說 "If you cannot speak blanket in English, you cannot have it." 的空姐是日本人。
刪除無論如何，一架來往香港與大陸的航機上，怎能沒有普通話的廣播。聽說現在國泰已經補鑊，在這條航線上，啟用了三語廣播了。
呢單事件點講都講唔通，唔識英文就乜都冇……都有點匪夷所思，網上有很多版本，那個版本才是正確，現在真的不得而知……
刪除哈哈，都講得啱，若要分顏色，黃人思想係有偏激，只要反到政府，做出的行徑有幾失常都得……
據報導，其中一名空姐說「If you cannot speak blanket in English, you cannot have it」，其他空姐附和，雖然並非對著當事人說，但她們表現在行為中，這絕對是歧視。以前我出外都會首選國泰，因為始終以香港為基地，無論食物、服務、溝通都比較理想，退休後比較少出門，難以評估。但朋友說這幾年國泰服務已經大不如前，空姐的笑容不再，換上的是硬繃繃的回應，比茶餐廳亞姐還要惡頂。事實上2019年黑暴期間不少國泰員工站在前線反政府搞罷工，國安法下她們被迫收聲，內心實在不甘，更何況要她們去服侍看不起的大陸人，怎能以愉悅心情提供服務？
回覆刪除醫護界別和社福界別也有不少看不起別人的害群之馬。
刪除她哋的行徑就正如我講，思想幼稚，更顯得低智，以前聽人講，他們著起件制服就不是完全代表佢自己，仲要對份工，對公司，對客人要負上一種專業精神和責任心，不能以自己思想，偏見來行事，所以呢幾名空服被炒魷都與人無由，尤其是現今世代個個有部手機，個個都係記者，有咩差池，全世界都可以知道，仲要畀大家公審……
刪除現在個個商家都希望搭上中國大陸之水，反大陸客人，愚蠢至極……
亞發所講的醫護界，社福界都時有發生歧視，無視的情況，本身都想講埋，可惜本網誌篇幅有限，唔想太長氣，便冇講！！佢地呢班不良的從業者，遲早畀人拍到放上網……
刪除呢段短片拍得幾搞笑，正正是今次事件！有時間可以入去睇睇😀
回覆刪除https://youtu.be/3A2t11y7N44
二零一九真是歷史「試金石」，空服人員、醫護人員之中一些人在「風波」中支持黑暴，黑暴被掃平之後仍有人不忿，不時藉機搞事。這次「歧視」事件被錄了音，證據確鑿，「工會」仍死撐，迫使公司與之「劃清界線」，還要炒人以保公司聲譽。
回覆刪除你講嘅試金石講得對，不過好聽了，有人用照妖鏡來形容，更貼切，所有之前的所謂牛鬼蛇神，統統都現晒形……
刪除對呀，他們有很多都不服大陸人，如今仲要服侍大陸人，心有不憤和不甘，就整蠱他們，結果連自己整蠱埋……
自今次事件，才知道呢類工聯會同間航空公司冇咩關係！🤔