中國人就係一個食米的民族，唔敢話百分百的人都係，都相信佔絕大多數，反而北方人會以麵食為主，其實所謂的唐餐，吃飯之餘仲要弄一、兩碟餸菜才是正式的唐餐，不過港人主食選擇多，都唔一定以米行先...
森伯曾經有諗過，點解要食米呢，有時還要配個餸，整一餐都會幾費功夫...但主食一定要夠能量，所以食米都係好的選擇!!!基本上森伯都會以食糙米為主，糙米的外皮有益，而且食慣了又有口感，但不會全糙米飯，通常會加白米，這樣才會容易入口!!現在的人講求健康，基本上買糙米都唔難，而且仲有很多不同牌子可選擇，之前食開呢隻糙米，感覺唔錯，不過它的米糠味很重...而且現在的糙米都不需要浸泡太耐已經可以煮，相對較方便!!仲有貪佢細細包，如果想突然轉其他牌子，都唔需要食太耐，而且方便儲存...
不過現今有很多人提起米就好似有害，可能與媒體資訊有關，常常講白米屬高醣食物，嚇到個個都唔敢食，我認為只要唔過量就冇大問題，如果誡了米飯後果仲大劑，所以不要被洗腦，做個精明食米人...可能有間老牌子的米商有見及此，推出一隻低GI白米，這隻白米都有營養師推介過，(可以對比吓：燕麥片GI指數55、紅米55、低醣白米54、糙米50...)有機會都會試吓!!
其實對森伯來講，一碗飯的白米佔很少，其他多以糙米及五穀類(有薏米、洋薏米、扁豆等)，可以多變化，吃起來有不同口感!!!
現今世界資訊爆炸，任何媒體都可以發表任何"研究結果"，是否真實、是否適合自己、如何應用在自己身上，必須自己想想才可做決定。我暫且不提虛假訊息，就算是真的，不同人也會有不同考慮，例如專家說白米糖份高，其實一般人是沒有問題的，除非肥胖人士又或者糖尿病患者。有一次消委會發表檢測報告話腊腸有乜唔好物唔好....，老婆話以後唔好再食，其實那要食幾多才有害呢？我們一年才食一包（300克），未驚過！
回覆刪除精明的peace兄，現今資訊真的很多，也要選擇性去相信，正如你講，始終每個人都視乎自己的實際情況，不會個個都一樣...
刪除現在就算在家食，基本上都有白米和糙米兩溝，全部糙米比較難消化，兩溝就恰到好處，幸好自己對五穀類都很接受，雖然白米少了，但加其他穀類仍有一碗飯，平衡返...
如果樣樣都跟足消委會果份報告，相信唔係好多食品可以食得落肚，最大前題係唔好食過量便可，俗語話少吃多滋味，都有它的道理，有時都不能驚得太多~~~
我已經很久沒有吃淨白米飯，多數添加燕麥來和白米一齊煮，反而糙米要泡浸很麻煩，現在我才知有這款糙米，等我都買包來試試﹗
回覆刪除在家中食都很少吃淨白米飯，除非外出酒樓叫小菜，便會順道叫個白飯...
刪除係呀，燕麥唔需要時間浸泡，連米一同洗就方便得多!!!...
有機會買包糙米試試吧!!
我睇「中國通史」才知道，五穀已經有五千多年歷史，文明之初已經養活中國人，感嘆現代年輕女士為減肥放棄米飯，商家也因自家利益關係刻意醜化一些正常食品。
回覆刪除講得對，每樣食物食過量都會有益變冇益，而五穀雜糧不只得碳水，仲有其他身需要的營養素……
刪除有些商家為求自己利益，唱衰其他食物都唔奇……好壞自己衡量啦！
開門七件事：柴米油鹽醬醋茶，隨着生活進步而搣柴，米擢升為冠軍，可見好重要。
回覆刪除崇洋時代孝順父母請佢哋去批薩店擦餐高級嘢，點知佢話要有米到肚，弊在西店係無飯食架，令人哭笑不得，上一代人唔食飯會唔夠飽，個心囉囉攣！不過，我呢代接受西方思想，係開始唔嗅米氣，周圍走都無揾食困難。
細路時覺得糙米少一重磨皮費，應該平過白米，事實反而係貴一倍，你話層皮幾咁高價值呢！古代只有貴族負擔得起白米，窮人食糙米，米價翻轉。
我隻數字屋糙米要浸兩日，否則會煮生米，咁又無米糠味喎！
森哥『適量』即係每餐半碗白飯？
讀書時有飯氣攻心，上堂時好眼瞓，唔知點解出黎做嘢又無咗，可能讀書係單向塞知識入腦，特別易攰。
森哥知道有咩中國傳統習俗會用到米？
古時的人講柴，現代人講煤氣，石油氣，事實係同一樣野，不過係個進階版……
刪除現在個個人每日都有飯食，出去慶祝或請食飯，當然揀些非飯食品，顯得特別又兼係來佬餐……不過現在很多西餐都有飯叫，可能咩意大利炒飯，咩茄汁焗飯……雖然森伯係老人家，食飯都唔一定要嗅米氣！
而家的商家好識因時搵銀，糙米貴過白米，冇糖貴過有糖……因返消費者的需求來定價！
我都有食數字屋的糙米，唔知是否同一牌子，唔駛浸好耐而且幾有米飯味！
如果一般飯碗，我每餐大約大半碗飯，對年事己高的森伯伯來講都差唔多，但對坐唔定陽光大男孩的一爺，可以set多少少，運動量多嘛……😁
中國人有咩節慶，都會整米發糕，將浸完米用來磨，蒸出來的糕開晒花，好喜慶！！
森哥有冇用過火水爐？停電時會用火水燈，去露營都用大光燈。
刪除醒起細個每餐食2~3碗飯，後來長大食大半碗飯，所以，唔夠飯氣去攻心。
肉貴、菜唔易飽，飯係填飽最平方法。
撒米儀式 1)新娘出閣擔紅傘，2)問米，3)盂蘭節拜神，有著不同意思。點解會揀米呢？日本係撒豆驅邪。
中年好聲音唔及中國好聲音咁宏大，係指追逐和平夢。
啱啱醒覺某國民主係滲透、奪權，扶植聽話傀儡政府，疫前係發生過。
自己未用過火水爐，冇咩印象點樣操作...以前細個家中用火水爐，始終感覺危險，隨著時間的進步，已經用了煤氣爐，至於最陌生應該是石油汽~~~
刪除兩三碗飯?!...大食癪?!!記得以前最多都係碗半飯，每餐都會添飯，現在一碗過，個碗用中型size，飯餸都一碗過，方便快捷!!!
一向米對中國民間都好重要，農曆同耕作種米有關，都係講種米時的落苗、插秧、收成等等...
中國好聲音未認真睇過，國內觀眾點都多過香港觀眾啦!!!
疫前發生過咩呀?!!
食飯多即係冇乜餸囉。
刪除(11人家) 煮餸係一個個出，咁多碟要等吓，有人等到好肚餓，啲餸又好香，忍不住偷食，我哋做細嘅當然跟啦！結果，阿爸(伙頭)出到黎有一碟得翻2片肉。
我覺得一家人夠多，搶搶吓食啲嘢好食啲。
DSE中文科出題喜好兜彎，考生唔鑽牛角尖諗就踩陷阱，我係想話中國發放和平好聲音，唔係講個節目呀！
飯餸仲(提示：單眼佬睇右邊)暴亂，不惜留血、民不聊生，為達到 幕後黑手 一己私利，借民主之名辦事，其實係制造談判籌碼，你乖乖聽話唔發展超越我，我就唔搞你，好似黑社會手法。
11人家庭可算是大家庭，每日食飯都差唔多一圍檯，都幾熱鬧~~~到現在你們有冇大時大節都走埋一起食餐飯呢?!!
刪除森伯細時好似胃口未大開，到人越老越食得多...細時食的每一樣食物都感到好味，當中可能包括埋回憶，回憶中的味道，永遠是最好味~~
中國人有句說話講，發財立品，當你今日豐足富裕的時候，都應該做善事，修正自己的正念，呢樣好重要!!
係呀，真係好似某啲顏色社團做的事情，明眼人一看便知，有些人卻蒙在鼓裡，最愚蠢仲以為人地幫緊自己，一同打到強權~~@@...就等如有人入你間屋，打爛晒你所有東西，臨走前你仲要同佢講：感恩...感激...多謝...，呢啲人已經冇得救!!!!!
兩老走後，兄弟姊妹有聚會呀！佢哋仔女大晒就無黎。
刪除年青人反叛，被人利用咗佢哋愛對抗弱點，父母 老師 政府 上司 傳統…要贏權威去証明自己好叻。
無防禦措施下(口罩 擋手紙 洗手)，我終於中咗，受苦中，慘慘。
現今兄弟姊妹的疏離感都好普遍，不過在節日大家聚聚算好……
刪除証明自己叻，有更多實際事可以做，破壞就叫叻，反而被人憎厭！
好好休息，聽好多人講中完又中，我現在外出都戴口罩，平時家中備有中藥沖劑，到有事都可以作為應急用！你好番要買定！
好耐之前都試過食加左糙米煮嘅白飯，後來都係食番白米飯。
回覆刪除視乎每個人的飲食習慣，都遇過有些人認為鞋口，飲食口味好隨個人！！
刪除家族中人一向都是吃白米飯，也沒有什麼不妥。所以我也無意改變這個模式，煮兩碗白米飯，方便快捷。
回覆刪除大部份的中國人，港人主食都係白米飯，現在乜都同健康養生有關，衍生出糙米，五穀米等無應市場...而事實上食五穀米較好，現在的煮食工具細細地，煮1-3人飯都幾方便..
刪除