相信近排最熱爆的新聞事,就是香港某區的屋村暴疫,一個屋村竟有百多宗確診個案...事實又真係令人擔憂,而我們公司又跟公務員指引辦事,所以現在唯有home office......好諗有些私人機構都會跟隨,唔想外出的人流太多......
據講自有疫情以來,屋村被圍封不能外出都係第一次咁話,直到現在當中的居民要困五天,但需要不停做檢測...我認為今次政府都盡力做,派送食物,派送物資給圍封居民...當然當中都有人不滿,嫌三嫌四,嫌食物質素差冇乜冇物,兼且凍~~~好細路仔!!!!現在是緊急狀態,非常時期,都好應該忍得就忍...
現在疫情真的太多未知數,有可能今天還好地地,明天都突然要圍封做檢測,所以森伯伯都會有森理準備,因為話唔埋!! 現時唔敢外出太多,如果畀著森伯一定會乖乖留守家中,而今早在電台聽某位姓袁的專家講,呢波要緩和可能要等兩個月左右...
看來今個農曆年都要一動不如一靜的渡過!!!!