相信近排最熱爆的新聞事，就是香港某區的屋村暴疫，一個屋村竟有百多宗確診個案...事實又真係令人擔憂，而我們公司又跟公務員指引辦事，所以現在唯有home office......好諗有些私人機構都會跟隨，唔想外出的人流太多......
據講自有疫情以來，屋村被圍封不能外出都係第一次咁話，直到現在當中的居民要困五天，但需要不停做檢測...我認為今次政府都盡力做，派送食物，派送物資給圍封居民...當然當中都有人不滿，嫌三嫌四，嫌食物質素差冇乜冇物，兼且凍~~~好細路仔!!!!現在是緊急狀態，非常時期，都好應該忍得就忍...
現在疫情真的太多未知數，有可能今天還好地地，明天都突然要圍封做檢測，所以森伯伯都會有森理準備，因為話唔埋!! 現時唔敢外出太多，如果畀著森伯一定會乖乖留守家中，而今早在電台聽某位姓袁的專家講，呢波要緩和可能要等兩個月左右...
看來今個農曆年都要一動不如一靜的渡過!!!!
新年願望係想呢波快啲消退啦！
回覆刪除屋企凍咗咪叮翻熱囉！
相信呢個願望好多人都期待……
刪除在屋企做隔離最好，大把工具架餐可以翻熱食物……
全球咁多人祈福都冇用啦！邊會嗡兩句就搞掂咁輕易，都係自己做足防疫措施。
刪除森哥有咩做解疫情鬱悶？
都唔一定，正所謂：人有善願，天必從之，都有可能因而改變！呢兩年幾都係差唔多，外出戴口罩，返家就洗手，都冇咩其他——
刪除疫情鬱悶？！都冇咩……都係繼續生活！乜一爺有鬱悶咩？！
高低起伏、人之常情。森哥係咪畫吓就搞掂鬆翻。
刪除總之，平時都搞到唔得閒都冇空閒時間諗太多，有時間都訓下覺！！近排少了畫畫……
刪除祝虎年 快樂健康 好運發財 生活無憂！
刪除多謝一爺好早就來拜年，咁祝福你願望早日達成，身體健康，財源廣進，心想事成……
刪除聽講話第一日有飯派，之後只有即食麵。 真唔真?
回覆刪除咁又唔太清楚，只知佢哋有燒賣，珍珠雞做早餐……
刪除餐單好似時時變！
朋友的朋友在圍封範圍，將食物影張相嚟睇吓，其實一啲都唔差，朋友的朋友都話OK，不過一樣米養百樣人，梗有啲人乜都唔滿意，更有一個大叔話應該要每人賠償一萬元，直情係勒索！
回覆刪除鮑魚、甜品都照顧到，名牌蛋卷我都唔捨得買呀，十分豐富！
刪除Peace兄:
刪除其實照報道睇相，直情唔差啦，聽聞好似由某間餐飲大集團包辦……當然喇，要突然間有咁大規模的圍封，出錯問題一定會有，呢個時期都冇得太多怨言，正如你話一樣米養百種人，而且媒體總搵些不滿聲音唱衰吓政府否則冇人會睇…
個大叔真係幾獅子開大口，呢個時候都要敲政府一筆賠償……
Stella:
刪除乜有鮑魚甜品？！冇諗過……名牌蛋卷當小食，一點也不為刻薄！都算係咁…哈哈
有呀！除飯盒外，每人一個萍果，一個橙，一盒甜品，一罐蛋卷，一罐X記糖心鮑魚仔(約值$40)，真係唔差架！
刪除其實都幾好，連飯後果都照顧到，有人話生活用品都每人一份，就算強檢完後都有排用…
刪除乜糖心鮑魚仔本身都相當經濟，一個家庭都可能派送幾罐，可以提早做節！！
聽某位專家講：看來市民要儲定21日糧食，才可以應付疫情的蔓延。(大意如是說)
回覆刪除要去儲那麼多天的食物，真是困擾 !
21日糧都算多，因為家附近的超巿非常近，所以都冇諗住要有糧食儲備，而且平時都有餅乾作後備！！
刪除都唔需要太困擾，買定乾糧，雞蛋，娃娃菜紅蘿蔔都可以存放好耐，起碼有嘢食……
謝謝你的提示。如果被困五日都有食物供應，咁都唔使咁驚吖。
刪除如果困在家中的食物吃畢，又不見有人送來食物，又不准出外，咁就死火了。
不用客氣，只是平時對食材略有點認識，在不同的情況下，怎樣運用食材也很重要。
刪除現在疫情下，都有些人足不出戶，很多人都是打個電話叫外賣或一些超市購物平台訂購食物，都一樣不會餓親！
看來都很有可能要通過外賣平台來進口食物。早前也有想過，如果家中人多是好的。因為買多了很快吃完，若是人少恐怕積累太多不夠新鮮。若果買不夠金額數目的話，是不會送的。
刪除買豬扒、牛扒、羊架、龍蝦、海味較貴，很快會夠金額。可是我吃的食物很清淡，也不貴，多是吃素食和魚，這些要買很多才夠金額，但都不耐放。
最近從新聞上知道：
有些外買儲存倉沒有凍櫃，送出的肉類有細菌或變質 ! 買家紛紛投訴。
更有投訴~在網上付了款，但收不到貨物。原來是個騙局。
若果買日用品，要騰出更多的地方來存放。也是時候要執位了。
我最喜歡附近一家小廚兼茶餐廳的食物，久不久都有幫襯，可惜他們一向都不派伙記送外賣。唉，真可惜 !
刪除若果樓字被圍封，街外的送貨員是不獲准進入的。有人打電話叫親戚買來膏藥，可是不准進入上樓，也不通知住客下來取。
刪除有一家人剛剛在家中的食物清了倉，忽然被圍封不准出入，政府的食物又未有送到，唯有捱餓，實行饑饉三十。
秋葉唔驚唔夠數，隨時都可以叫得豪喇，叫個，牛肝菌，從蓉菇，黑松露，舞茸菇焗意大利飯，或者咀刁少少，叫個黑松露配藍鰭吞拿魚，實夠數啦！！而且搵間有商譽的食肆，就唔怕不新鮮多細菌……
刪除森伯好少叫外賣，因為好簡單好容易就整一餐，都冇諗過外賣食什麼！哈哈
不過森伯都唔記得，圍封大廈不能出入冇得叫外賣，所以都係諗下，平時屋企都要有些儲備比較穩陣，有咩特殊情況都唔需要捱肚餓，至少餅乾都要有……
若然住所被圍封，相信最大問題第一飲食，第二就可能是上班，不過疫症病毒無分哪一區，隨時都有機會成為疫廈，圍封強檢哪一幢都有可能發生，所以無事的時間就要作好準備……
森少你真懂得說笑。舍區就在公屋林立之中，屬於窮人地區，你以為是尖沙嘴、銅鑼灣乎 ? 這裡只有小廚茶餐廳，沒有米芝蓮的大廚名店哩。
刪除我哪裡吃得起意大利牛肝菌焗飯 ? 還有什麼黑松露配藍鰭吞拿魚 ?
不要拿我這些窮人開玩笑吧 !
森伯唔識講笑，如有冒犯請見諒才好，在每個人的心中自己住所都是最舒適，最適應的社區喇，因為生活所需都習慣了……就算沒有米芝蓮的茶餐廳都覺得好好味！
刪除你太謙，要食隨時可食！食物都係簡簡單單最好！
食嘢食味道，不是吃價錢。我家族的習慣，都是喜歡吃食草的魚。根據專家說：「深海大條的魚有雪卡毒，宜吃細條的魚。」可能你會說我：吃不到葡萄，所以說是酸的。 因為某年真係有多人中了雪卡毒，因此我不經常吃海魚。
刪除據知森少是不喜歡吃魚的，借喻：「子非魚，焉知魚之樂 ?」
可是存在食物鏈，就注定是個弱肉強食的世界。
我也不是自小就住在這裡，之前港九中環旺角都住過多年。自從小學六年級就跟家人赴宴吃喝。跟著又要參予同學、親友們的喜宴，旺角、彌敦道、尖東、銅鑼灣、中環、灣仔一些大酒樓都吃過了。我不會獨孤一味只懂讚賞一家小廚的。
刪除這個當然喇，現在人們吃東西，都係著重口味，好味就是一切，反而有益無益都不太在意了，都不是人人如此，秋葉姨就會顧及營養與健康，不是盲目地說好味，還會諗諗它對人有否好處!!!
刪除雖然森伯甚少食魚，但都知所謂的藍鰭吞拿魚是愛吃魚生壽司的人所渴望吃到的魚類，又未必要吃過才知道，更何況赤貧的森伯都未必捨得試呢!!><~~
好多人都曾經住過唔同的區分，雖然同住香港，但住過才會知道區區有特色，畢竟都是成長的回憶......
刪除我越說越多，言多必失。謝謝包涵 !
刪除何謂赤貧 ? 家徒四壁，無冰箱雪櫃，無風扇冷氣，無電飯煲微波爐等等，才稱得上是赤貧。
刪除唔怕啦，跟秋葉咁熟！
刪除每個人心目中對赤貧的定義都有不同，總之過慣富貴生活的秋葉姨唔明咁多……🙄
你才是富貴中人，怕消化不良，喜歡吃絞碎的食物；又怕魚腥兼有骨，像bb一樣，實行不吃魚! 成個太子一樣，難為太子妃服侍你。 我窮過蒙正，連祭灶、過年都不想。好想慳番d精神同金錢。
刪除請秋葉莫見怪，森伯都想係BB仔，可惜幾廿歲哩！如果你認為吃攪碎食物，怕哽魚骨而不吃魚就是富貴人的象徵，咁世界可以冇窮人，都唔駛扶貧呢項重大工程😁
刪除相對！唔想祭灶，唔想過年大搞都唔等如要窮過蒙正！！
你鋪話法吖，窮人才不會怕哽魚骨而不吃魚 ! 一個人窮起上嚟，就會乜都食架啦。是你才會這麼身嬌肉貴。
刪除富人要體面才會大事慶祝新年，窮人冇錢只好低調來慳番。講極你都係唔明。
我諗充滿童心的秋葉沒有真正嘗過貧窮的滋味，買到魚食已經好好，因為現在鮮魚價錢都唔平，如果好似秋葉乜都要食又要有骨落地，相信每餐都唔平……
刪除我反而唔明秋葉想表達什麼，過年大搞？！你指舞火龍同醒獅採青？！用金幣封利是？！你想多了！我只是指平民百姓過年……
每年大坑舞火龍是紀念防止瘟疫成功，而成為習俗，醒獅採青也是風俗，這些與貧富何干呢 ? 現代的環境講求衛生，有骨怎會落地呀 ?
刪除森少過年到酒家鮑參翅肚，一家親夠晒豪啦 ! 有一年我去快餐店食咋。
有一年有位女議員在黃大仙祠晚上派利是，竟然不是放一張新年祝福語在內；她很豪，每封利是裡都放一個朱咕叻金幣。我有親戚住在黃大仙，所以知道。
就算係朱咕叻金幣，我都覺得好豪架啦 ! 仲唔係窮人 ?
刪除我唔知你講的大搞是指什麼，過年豐儉由人，話唔定有位首富可能試過在大宅的後花園舞過火龍，請過舞獅隊在家中採青……不過森伯未有機會見識過……
刪除我諗秋葉姨好年青，真係冇估錯，有骨落地指大魚大肉才叫有骨落地，意思把食完肉的骨吐在檯面，而不是掉落地下～～
秋葉認為朱古力金幣豪，不是你認為是窮人，而是你比較易滿足，趁今個新正頭不妨用朱古力金幣封為利是來派，相信收到的人都會讚你夠豪……到時森伯都要嚟逗番封！😏
刪除森少你仲年青啦，連檯面和地下都分唔清。「話唔定有位首富可能試過在大宅的後花園舞過火龍。」都是你幻想出來的。
刪除議員用朱咕叻當利是就話豪啫，如果我用朱咕叻當做利是來封，肯定不受歡迎，
係人都藐咀藐舌啦。你若收到都會覺得我孤寒。我收到就覺得冇乜所謂。
若果唔係知道秋葉有個孫孫，我會估秋葉係個00後或10後的年輕小女孩，連「有骨落地」都未聽過，以前多數有人贏錢後請大家食飯，會形容呢餐飯係有骨落地，証明呢餐係似樣的飯宴！……唔會諗啲骨掉落地下……哈哈哈😅（不過亦顯出秋葉姨有一顆單純的心去想事物，欣賞！）
刪除若果秋葉派朱古力金幣，其他人收到有咩反應就唔知，我就一定會開心，除了覺得秋葉豪之餘，肚仔餓的時候，仲可以拆出來裹腹！！
“00後10年後”，你不如話我今日仲未出世 ?
刪除難得你喜歡假金幣，係咁就放飛鏢飛一個俾你啦。我係荒江女俠。
希望疫情盡快遠離我們，虎年快樂！🙂
回覆刪除祝願Winnie虎年快樂，事事稱心，包括疫情快些消失！！
刪除