平時有留意開森blog，都會知道森伯有儲石仔，當中不一定是名貴的，只要有特色的石頭，森伯也會收藏起來，早前上課也曾試過以拉長石作為期考功課...
不知那時開始，喜歡了石頭，它們不但可以長時間保存，正所謂海枯石爛是比喻長久的意思，所以送人送寶石是最好，而且石頭平貴也有，最重要是可以把這份森意長久保存...
今次想介紹這種綠色的寶石---綠眼石，特色是綠色有大黑點，看起來就似是 顆眼睛，所以叫綠眼石...森伯不會長時間把它們暗藏起來，間中也會拿出來看看，有日見到這塊天然的綠眼石出現一幅畫像，畫像就仿似一隻帆船在平靜的海中航行，就正正是一帆風順的意思嗎!!不知大家看到嗎??
經森伯畫一畫，大家會否覺得呢??!!咁你都可以話森伯畫乜都得既~~~哈哈哈
當然新年第一篇blog要來個好寓意才行!!!!
啱啱google,石頭原來有助風水的。
回覆刪除唔係種種石頭都可以當風水石，在我理解風水石比較大舊……
刪除有冇旺財石架？
回覆刪除鑽石應該算旺財石……哈哈
刪除哈哈哈…
刪除喺我字典薄內，呢個世界係冇不勞而獲嘅，點會擁有一塊石頭唔使操勞就揾到錢咁輕易架，我冇人哋咁幸運，都係靠自己付出血汗，逐啲逐啲去累積小小數目，令我可以安安樂樂、簡簡樸樸、左度右度、人腦智能精密計算、毫不揮霍地過埋餘生。
極簡主義啱晒我呢個老人，要喺23年實施垃圾收費前清減晒大多數一年內都未觸碰過嘅多餘身外物。
已踩進2022年頭，不管去年目標有冇達成，只要曾經努力過，我們都要為自己鼓掌，呢種鼓勵可注入能量喺新一年向前邁進。
頭炮喜訊：世界第一大GDP(33%)同人口(33%)嘅亞洲經濟圈RCEP協議 正式喺2022年1月1日生效，各會員要降至零關稅，多咗呢個貿易發展推進器，可嚴防同美國脫鈎嘅巨大創傷。[全球GDP：美加墨圈28%，歐盟18%]。唔使靠旺財石。
大陸獨自研發綠能核聚變發電機已由穩定運行60秒大幅提升至1065秒，可擁有藍天，消除空氣汙染引發癌症，南北極冰山唔會溶化，中國愈做愈好。
現在的人講起水晶都會認為水晶有無窮的宇宙力量...心理作用還是商家諗出來就唔知，最穩陣都係靠自己嘞!!!!
刪除你果小小數目，可能對森伯來講係一筆財富呢?!!人到中晚年都係要慳慳地才好，其實好多用品都可以省去，食又少了，慳慳埋埋以備不時之需...
極簡主義係點?!!一醒來就打開個窗吸空氣，吸夠就訓覺?!!又唔需要太極簡，做人有少少要求較為好，到無欲無求就同條鹹魚冇分別~~
今年都冇咩大計，過好每天才是，生活就是太多變數，好難預計...
以為你的喜訊係發生你身上，原來咩GDP...環球經濟真係冇咩理會，雖然冇咩旺財石，但最終富貧都係上天旨意......
國內正默默做事，希望令世界的其他人對她刮目相看~~~~
我體會極簡主義係重新認識自己真正需要，審視每件身外物嘅價值，從新角度看生活，減少虛榮、 冗餘，擺脫對物質嘅依賴，令人發覺原來小量物件會令生活更輕鬆自在，我未跟足，但具震撼嘅啟發、參考。
刪除過好每一天好難架！係由好多小計累積而成嘅大計，好似要做咩、唔做咩嘅良好習慣培養，減低森哥發病率，唔病呢個已經係大計啦！
呢個喜訊真係發生喺大多數亞洲人身上喎，亞洲經濟崛起，我都受益。東升西降唔使睇惡霸西人橫行亞洲，我都開心。如南韓開戰，韓軍要聽命美軍指揮，嘩喪失主權咁羞辱。可以喺中鄰設軍，美國點會咁好心同北韓和解，大韓唯有密謀同中方尋找良策踢走美軍。
講真，中國式社會主義有長遠計劃改善人民生活，我唔係相信咩式主義最好，而係有個好舵手更重要。
對森伯來講有用就會買，又唔會刻意為簡而簡，不過在森伯家中每樣物品都有用，很少沒用到的!!除非是飾物或者收藏品，一爺有沒有什麼收藏品呢?!!
刪除我覺得一間屋物品清簡些，就會比較自在，視線都比較舒服~~
減低發病率...?!!唔係齋講咁易，基本上不是自己可控制!!!!
唔好話亞洲人，係世界的人都會睇住中國，所以近數年中國的領導層都要小心翼翼，很多事上都不能出漏洞，始終樹大就會招風，國家越強面臨的挑戰會越多...怕外亂之餘更怕內亂，所以用更嚴厲方法去整治，總之唔係咁易......
其實人民生活最重要，太平盛世冇人會嘈，最緊要是生活安安穩穩，什麼國策或什麼主義都不太理會...
對呀!!!舵手同領導智囊好重要，呢個才會影響一個國家地方的發展!!!
我冇收藏品架，收集嘅曾經有兩種，一係我開發產品中最具代表性樣板，二係去美國工作住酒店嘅細細樽洗頭水、浴液、護髮素，不過，早排已全部斷舍離，以前覺得係紀念，實際，只佔用床下底無用物品，我都未拎出黎睇過一次，係我實踐極簡主義嘅一例。另外，我扔掉好多舊DVD影碟。室內空白多咗，係住得更舒適。
刪除森哥想要太平，你問過現在霸主未呀！有組織嘅哈薩克暴亂都係同中美俄大國博弈，搞亂中亞破壞一帶一路，邪惡霸主攻擊對手技倆。霸主一日不崩潰，世界永無安寧，要徹底打抵呢個恐怖主義源頭，因為推選邊位總統背後係軍火商搞鬼。
如果你有寫網誌，就可展示下你的開發產品的樣板...有好多人都喜歡收起外遊的用品，相信至今這些物品都未必可以用...為免太阻地方，我主收藏都是輕巧的匙扣，小小的又唔阻地方，而且收藏比較容易，對森伯來講有很多物品都很有存在價值和義意，多數會長期保留...
刪除因為現在都冇播影機，都有些影碟，舊唱片CD都扔了...不過扔的唔太多，其餘的還有地方擺放!!!
森伯冇話一定可以得到太平，不過森態要改變，人不能以環境去遷就自己，只能用自己心態去遷就環境...相信很多國家的領導者都已經有此一著，
唔想被其他國家搞鬼，反而最緊要係大家一條心，一同團結..........不過講就易，做就非常困難~~~~~~
咁你要留翻咩嘢畀後人處理？
刪除我做過處理人，所以，減少物件最好。
森伯好灑脫，冇咩特別要畀人處理...可能到時自有安排呢!!!!
刪除年紀越大越發覺生活物資越簡潔越好~~~~
好寓意，祝願你在新的一年事事如意！
回覆刪除我都祝MAN MAN今年事事如意，順順利利~~
刪除似唔似都好啦，祝你在新的一年如意吉祥！一帆風順！
回覆刪除森誠則靈，感覺似就OK!!哈哈
刪除我都祝和平兄今年事事順利，身壯力健...
寓意... 祝你一帆風順！
回覆刪除謝謝stella!!我都祝你新年事事如意~~
刪除看到你這顆光亮渾圓的綠眼石，頂上方好像有隻飛馬在奔馳喔 !
回覆刪除祝你新年快樂，馬到功成 !
的確又有點似隻飛馬飛奔在上空中……
刪除所以話唔同人有唔同的意景，我睇到只是一舊天空上的雲…哈哈
祝新年快樂，身體健康，堅如磐石！
回覆刪除我都祝KM新曆快樂，事事稱心~~來的虎年更虎虎生威!!!
刪除