相信一上網就大把健康資訊任你睇，尤其飲食方面，相信大家或多或少都會留意下，聽到的多多少少你都會查證還是照單全收?!!
感到這些資訊有時似一陣風，都會帶風向......以前就話多菜少肉，當然有很多所謂的專家，營養師走出來話肉類的唔好處...之後陣風又吹到有機與冇機...再之後又吹到超級食物...再吹向碳水化合物糖和澱粉質身上...到現在陣風已經再吹到無麩質那處...遲下唔知又吹乜~~~~有時覺得如果真係信這些所謂專家，營養師講乜就信乜，就真係咩都唔可以食，最可笑就是呢類所謂學家專業人士就話咩都唔食得，但又冇一樣可以替代的食物，所以我咪話得個吹字0羅...
既然這些資訊都有帶方向的嫌疑，好可能背後同商業利益尤關，而我認為如果太驚就變得什麼也吃不得，好危險...睇完咁多資訊反而令我得出個結論，就係飲食適可而止就可以，大吃大喝就會壞肚皮，呢句就係真既!!!!!
南瓜雖然係澱粉醣類蔬果，但呢排吃多了，蒸熟的南瓜蓉，用處多多，撈飯送粥，甚至做個南瓜糊都一流...
香港有冇吹食昆蟲呢?
回覆刪除環保人士會講下，不過沒有熱論......
刪除網上的資訊五花八門，甚麼都有，有些是標題黨，志在吸引人流。得個知字就夠了。
回覆刪除當然睇一些資訊都想吸收到好處...但資訊內容太多，是否真正有得著真要篩選過才行!!!!
刪除看到一些文不對題的視頻，真是浪費時間。所以都是比較喜歡看有歷史檔案文件提供的人物和歷史故事。醫藥方面會看有病人親身上台自述的案例，並有醫生同場分析。
刪除看台灣的探討月球討論，主持人說話有如唸急口令，不間斷急急如律令，聽得人頭都痛 ! 多年前在台灣看過一個討論節目，情況就是這樣，今天仍然是這個情況，真是接受不了。
刪除哈哈，秋葉份人都係比較實際...歷史或者人物故事除非個主題好吸引，否則很少觀看這類節目~~~若果是醫藥方面的節目，我反而比較對食療，運動比較有興趣，可以學到一點知識對自己有幫助...
刪除係呀，台灣的主持說話的方式真似急口令，吱吱喳喳，聽多兩聽真係好煩~~反而慢慢講，說重點比較好!!!!她們的做節目風格，多年不變，可能對台灣人來講這種形式的做節目方法，他們較受落...
森少愛看食療，和運動的節目，才是比較實際。
刪除我愛看的人物故事，都已經歸西，今天可以從國家文物館找來他們的歷史紀錄，可以公諸於世，真是很難得，不過，對於一般不熟知他們名字的人，卻是多餘的，沒有什麼實際可言。
對呀，食療可能會對自己有幫助，最近多看日本那類講健康的節目，或多或少都有得益!!
刪除記得以前老師好喜歡叫學生看些名人傳記，或可以從中吸收到一些人生的正面道理，從而去感染自己的思維...所以看名人故事都可能有得著!!!
我看的不是什麼偉人如“孫中山先生”之類。是好奇看一些神秘特工，和江湖大佬的名人。都是新聞界副刊和叔父流傳已廣的人物。
刪除我仲以為秋葉睇什麼凱倫海勒，藍丁格爾嗰類名人傳記…我現在都少了看書，書多數會看些較有勵志性，這些書隔一排再睇也不覺厭…
刪除凱倫海勒、藍丁格爾的故事，在我小時候的兒童圖書上已經看過了。凱倫海勒有賴一位家庭教師的努力指導，才成為一位名家。“藍丁格爾”和近代的“德蘭修女”卻是有相似的背景和德行，她們放棄舒適的生活，為傷病或窮人服務，是令人敬仰的 !
刪除以上這幾位外國的偉人已經成過去，在近代的風雲變幻的年代，有更多影響著我們社會的神秘人物，是值得有心人去探討和了解。藉著國家歷史檔案的幫助，在國家資助的頻頻上，有時都邀請到他們的後人上台，一一為世人揭開神秘的傳說。在youtube的《檔案》上就可以見到。
更正：在...的“視頻”上。
刪除以前睇的名人傳記故事，都是以外國人居多，可能世界性，這些名人舉世知名，其實都應該有華人系列才對……
刪除謝謝你的介紹，試試在YT睇《檔案》視頻，知道更多有關名人們的事跡…
中學有一課文我唔記得邊一篇，只諗起個中文老師特別強調其中一詞，做人要『批判地』接受，即係唔好信晒人講，要查證真偽，隔咁多年我仲記得。
回覆刪除現代媒體充塞住好多流料，我會睇中、台、英語去辨別是非。
南瓜係我斷食日糧食，夠飽肚。
有時都會，老師不需要教得特別好，而教到有深刻印象就會永遠記得~~
刪除當然喇，很多專家都是人地講乜佢講乜，未必佢自己親身試驗過......
我又冇你咁有探求心，有興趣就會去睇一睇，唔應該什麼健康訊息都當真，自己用常埋去分析下!!
可能森伯仲處於老年發育期喇，食完南瓜好快肚仔餓~~~~哈哈哈
係呀！有啲醫生話斷食有害，我係活體實驗，咁多年連傷風感冒都冇，抵抗力更強大，都唔知幾好呀！
刪除又有醫生講食早餐好重要，168斷食得8小時食嘢，就係會大多數斷食者唔食早餐，有更甚者，拉長空腹時間，一天只食一餐，完全顛覆舊理論。回教齋戒月都係太陽下山才可食嘢，等同斷食，又唔見教徒滅絕，講乜權威人仕都係死嘅，做人要生，我只相信實際數據。我呢啲才叫科學精神，在未知中摸著石頭過河，敢於創新，探索人類新方向。
有話中國運用大數據高科技去驗證大計劃，所以，成功率高咗！
疫情中睇到中西方政府及其人民嘅應對方法完全不同，清零和病毒共存，戴口罩有冇用，人民合作，捐贈疫苗，高效能組織力才可火速調動國家資源興建方舟應付爆發醫療需求，真假封城，不同方法由染病與香咗人數反影，邊個正確，我只信數據。
西方經濟專家又吹風中國崩潰論，結果2021中國GPD已達美國GPD 77%，去年只有70%，我相信超美呢日只係時間。美式民主自由、欺壓他國發展唔係世界最好制度，獨有中國式民主更適合中國。森哥和我嘅飲食不同，因人而異，係各自發展一套更適合自身條件嘅方式。
因為頁岩油新技術，美國已由石油輸入國轉為輸出國，控制中東地區已無價值，求x其退出阿富汗和依拉克。過去，邪惡美國策略制造宗教衝突和戰爭，去分離中東各國，才易於控制，弱小中東以前冇得選擇，現在棄(棋)子有得揀，可投向中國，未來綠能更要發展其他經濟，因石油遲早沒落，我預計中東唔會有戰亂 ，趨向和平，因為美國已轉軚，目標係搞亂中俄及其周邊國家。香港、新疆、 哈薩克、烏克蘭、台灣…………中俄要背靠背緊密合作擊敗世界大惡魔。
專家講的一些資訊，能親身查證就最好，我都知間中做下斷食都幾好，最基本畀腸胃得到休息，到再食東西時吸收都比較好，個人都冇咁易老!!!
刪除一日之始都明白早餐點解話比較重要，一日能量的開始，但一晚休息過後醒了又未必好好胃口喎!!我又聽過全日最豐富的一餐最好放在下午時間，即是午飯...反而晚餐應該食最少，呢個我都明白，都唔想太飽太脹入睡~~~~
西方國家今次的疫情搞到一團糟，森伯自己都未必顧掂自己，都唔理得佢地(外國)的疫情，做好自己身處的地方便是了...外國對媒體的玩法實在太在行，常常借此去為所欲為...但事實勝於雄辯，見到真實情況又是另一回事，早前聽新聞，外國人常常用人權來作話題，以香港，新疆，作為抨擊中國的話題...但身處的港人都覺得唔係西方口中所講打擊人權，因為住在香港的人知道真正發生什麼事，後來西方媒體越來越少再提到香港的問題，留意到只話涉疆問題~~~~~~
恕森伯自私啲，身處的地方好，自己才會好嘛!!!!!!
世界大惡魔?!!相信依家都可能五癆七傷啦~~~~~~
網絡資訊爆炸，反而令我們無所適從，經常有專家吹噓呢樣唔好，嗰樣唔好，如果將這些"專家"話唔好的東西列一張清單，相信剩下來"好"的東西就好有限，當然我不會完全否定，但在接受資訊的同時必須帶有批判性思維﹝Critical Thinking﹞，要用腦諗一諗，不能全盤接受。
回覆刪除對呀，現在網上的資訊實在太多，專家們的睇法，都會左右我們的想法，不能栽個頭下去便相信，一定要自己好好分析...十樣食物來講，畀專家講到得一兩樣食得...哈哈哈!真係好得人驚...所以講到最尾，好睇自己有冇分析能力，不是人話好就盲目跟隨去相信~~~~
刪除網絡資訊背後都可能會有利益衝突，要自己小心應對。
回覆刪除所以有時在網上看些資料，都會分析一下當中所講是可信還是不可信.......
刪除無論每種療法或飲食習慣都要選對適合自己才最重要。
回覆刪除這個當然喇!!!同一個食療或療法方裡，都有人夾有人唔夾~~~
刪除