雖然中秋已過，但仍有些後話想講吓……
聽講今年月餅的銷情麻麻，很多大牌子的月餅禮盒都滯銷，過往超市總放一個部份賣各款月餅，今年只見在收銀處放幾盒，相當冷清……當然喇，每樣事情的出現，都會有因由，以我認為有幾點的可能性 :
*月餅的市埸飽和，乜店都出月餅，客人未食都已經感到滯.……
*月餅的售價實在貴，原材料唔貴，成餅後卻買到六、七十蚊個，買的人就成了水魚……
*宣傳及包裝，餅家往往將這兩項成本轉嫁畀消費者，今時唔同往日，現在將月餅作送禮用，已經少了，買個靚靚禮盒包裝已經沒有這個需要……除非公司派員工或生意伙伴～～
*多吃月餅不健康，現代人著重健康，高油高糖大家都擰晒頭，要買都可能買幾個便算了……
我相信未來的月餅市場都需要有個轉變，否則有可能持續萎縮！！主打簡約包裝，㪚裝，減散成本有個親民價……還有低糖低油或果仁果脯的健康月餅將會成為銷路新方向……
正所謂一年容易又中秋，每年一到呢個時候，天氣也漸漸微涼，感到少許夏去秋來的涼意，而且中秋將到，大家有沒有做些準備去應節呢……
現今，社會的氛圍都把節日跟飲飲食食連在一起，第一時間就諗到月餅，商䆥為搶佔月餅市場，乜店都出月餅，而口味更是千奇百怪，森伯食番原味道就可以了……話時話，今年的月餅貴咗幾多，聽講話糖的成本漲價，乜唔係現今興低糖或無糖？！反而今年我㑹買些散裝月餅，唔想買一盒盒的老餅家品牌，正如森伯既生活座右銘「慳得一亳得一毫」……
如果想在節日裡，有些少中秋氣氛，佈置都原用舊燈籠等裝飾……
至於中秋做節飯，暫定外出食，始終外面的應節氣氛較好，不過都要看看家人的身體狀況，在哪裡吃也沒所謂，最重要係大家平平安安就好了！！
一向以來，香港的醫療體制都是以西醫為主導，中醫一向給人印象是非主流，偏方等……
但從中醫地位高了，很多人都相信中藥的調理，養生，食療而受關注，最主要是有政府大力推廣，終於有所中醫醫院，嚴格來講，它並非全中醫，有些情況都要與西醫配合，當然對普羅大眾來講，最關心都是費用，聽起來都不平宜，同樓下藥房的中醫師的診金差得遠，當然對於井底蛙的森伯伯來講，而家仲有冇這類申醫師長駐藥房呢？！……
不過到今時今日的醫療費用都已經唔平，公家醫療今年開始，急症室看診，病房住宿，覆診藥費，統統都加幾多，而最近親人在公院、私院兩邊都住過，而私院(跑馬地嗰間)費用之高昂更使我們嚇窒，待有機會再同大家講吓……
記得家人有句話講得好啱，保重身體，孝順荷包，當人漸大(老)，就會覺得非常之對！
總之，香港多了間中醫院都好，算是給病者多個治療選擇！！
一年又很快到年尾，今年大家又過得如何?!!
若然森伯要講吓2025年，我會認為今年對森伯來講都算是多事之年...當然喇，講得多事之年，多數都係麻煩事多過順心事~~~有時都要安慰一下自己，否極就會泰來，正如自己的人生，經過一番折騰後又再復原...問自己仲可以積極幾多次，始終都相信柳暗花明又一村...
將來的路，也要自己慢慢行，不過新一年將到，都希望一切有個新景象，一切都來得順意~~~
我諗森博也要跟大家暫別一段時間，當然森伯唔係神隱，如果大家想留言，森伯也會覆大家或拜訪大家...因為這段時間真的要讓自己沉澱一下，再重整生活方向!!
