相信大家的消費券都用得七七八八...更有些人券一到手一兩日就駛晒，本身我冇咩特別需要買，所以慳慳地都用到好幾個月，呢陣子疫情又緊張起來，晚上已禁堂食，不知稍後會否有其他措施，所以現在就少出街，好在之前疫情大致緩和，就可以出街消費一下~~
因為之前我想雕個圖章，但現在雕圖章的地方不多，少人需要就少人賣...知道國貨公司有雕圖章服務，所以順便去逛逛，而且要買其他東西...
雖然見到些寶石雕件都想買，但見有些寶石一粒都已經超過成份消費券，而且對貧窮人家的森伯來講都算奢侈，而且仲要攞消費券糴米...哈哈哈哈
本來都想買一件半件工藝品在家中擺擺，可是實在太「高貴」了，森伯副身家實在高擧唔起~~以為豬仔擺設比較貼地，但都要成千元架!!!!
相信很多人都看不起國貨，認為古舊又老土，其實這裡的國貨很多都是手工藝品，呢份價值不是人人懂得欣賞...
文房四寶，紙、筆、墨、硯...每樣都是一種學問，相信用得著的人也越來越少...數百元一支毛筆，都總有它的價值!!!
後來雕了個圖章，等了兩三個字左右可以取，而雕圖章要逐個字計，個名三個字就要幾百蚊，相對雕一兩個字就會平D...而且仲要揀舊森水石!!我估最低消費要五、六舊水左右起!!我揀的是墨綠色壽山石，都唔敢要咩花款之類~~哈哈哈
查實都冇認真大購物，真正純粹貴精不貴多...哈哈
史前返大陸玩雕過圖章送畀家人做手信，畀個姐姐嚇親，佢拎本過百頁嘅字體畀我揀，仲要單面有60個唔同字樣，我當場呆咗，慨嘆中國文化深厚，揭咗一陣真係眼花撩亂，最終叫個姐姐推薦。視符石材約RMB10~80一個圖章，當然RMB100換HK$80。
回覆刪除我有四個個人圖章，幼稚園同小學印喺書、薄上。教會小學有個外國認養者，即係最近宣明會助養兒童呢單新聞，學校幫我去銀行開個戶口用圖章。第四個係我夠聰明，因為ISO9000管理系統要喺法定文件上簽署，我已經 潦隻 initials短簽名，文件多到我唔使做正經嘢，我咪叫人修改系統法規，加入圖章為法定簽名，然後，教識文員喺咩文件上蓋印，叫其他有需要大量簽名嘅都要跟我咁做，慳番好多時間。
以前啲人好興返大陸雕圖章，我都有一個擺到現在，記得小朋友開戶口怕個簽名時時變，所以小朋友開戶都會用圖章，始終圖章比較方便易用對小朋友來講...
刪除如果覺得揀字款花多眼亂，就勸你去國貨公司雕，一張紙仔睇晒，啱晒森伯呢類選擇困難症的人~~用圖章印書?!!都幾高級喎...通常小朋友印書用個印仔，類似給兔仔豬仔果類...我諗一爺兄細到大都係個乖小孩，額頭鑿住正氣兩個字，未必跟新聞中的青年一樣!!
如果要簽文件就唔會求其，真係會睇清楚!!!叫人跟你咁做?!!真係上樑不正下樑歪~~~~哈哈哈
ISO9000制造咗大量無用又要簽署嘅文件，佢會霸佔咗森哥一半工時，拖低生產力，呢個讓森哥專注翻插畫工作嘅辣手問題，當然係撥走無附加價值嘅文書工作畀文員做啦！係工程經理要做嘅管理工作。
刪除森伯份人太過(過份)負責任，總之係文件或者影印本要給印，我都會睇清楚，一唔為意好易被人屈隻C貓你食!!!!
刪除職級越高要背負的責任越重，否則都唔會有咁多錢的糧......
世途險惡、防人之心不可無，無論工作或生活，有啲重要文件係要驗屍咁，唔係就中咗奸人陰招。不過，我對不同部門都試下友好對待，會減少互相猜忌，合作總比鬥爭好，令工作順暢快速，碰到自私嘅咁要收起友善，作充分作戰防備、小心翼翼。
刪除我同治國方針類同，中國就係友好對待他國，唔似第一大國/西方喜愛攻打侵略制裁，以大欺小，佔人便宜，毫無道德。所以，今年首周就有中東6國包括敵對嘅什葉派、遜尼派黎訪問中國，佢哋都想區內和平共處，國家發展讓人民有好日子過，世上只有中國兩邊都有偈傾，想搞中東版嘅RCEP，同一帶一路。我睇好廿卅拾年內亞洲非洲大陸版塊會團結、和平、合作、繁榮、富裕、快樂。
又講錢，真係失感情喇！
人心難測，好難預計身邊那一個人會害你，除非森伯啫，因為森伯實在太好人...哈哈哈
刪除後來發覺用圖章都唔太方便，所以都係人手簽名較好，記得到很年長才轉簽名，可能遲下更年長又轉返用圖章都唔定，所以趁現在就要刻返個~~~~~
要治理一個國家唔係易事，以前的皇帝或朝中大臣(管理班子)仲要有更高超的智慧...想要身處的國家好，真係要大家同心一致，最主要不要讓人乘虛而入，可惜講就易，因為大多數人都有漢奸基因~~~~
講錢失感情!!!......乜一爺同愛侶曾經因錢而鬧翻嗎?!!森伯對錢的慨念都唔大，但可惜生活處處都與錢銀有關呢!!!!
依家銀行已經用人體特徵如指模、瞳孔 、手指血管紋、聲音辨偽，加上數字貨幣，未來應該唔使圖章。仲有啱啱香港上市又畀美國制裁高科技公司 叫 「商湯」 嘅人臉識別方法，有個鬼佬記者拍片試過從機場走出去，食個杯麵咁快7分鐘就揾到，所以，中國狂裝監視鏡頭 減低犯案率。圖章係唔識字嘅阿公阿婆恩物，唔通森哥去家計會快要做公公。
刪除無論我係有錢或窮人，唔講我好疊水呢個唔討好嘅話題都仲有好多對他嘢講架，崩口人忌崩口碗，衝住呢樣講好失感情，我知森哥係善解人意。
噚晚黑我用咗兩嚿水買起六呎高年青猛男嘅第一次，真係幹過痛快又興奮嘅交易。我首次用二手網上平台買個全新燜燒鍋，名牌要千幾蚊，淘寶雜牌未計運費都要五百，抵到爛，又幫助到𡃁仔斷舍離，一家便宜兩家著。
我用咗近拾年嘅舊燜燒鍋($139)因我老懵懂唔記得落水煮食，煲到個底變形凸起，同蓋椗斷開，用唔得電磁爐，只能用明火煤氣爐，立刻感受到前者優點 1)唔使睇火 2)滾瀉易清潔 3)煤氣貴過電力。
森伯邊會走到咁時代的尖啄…如果有打指模，都仲會用~~~用住圖章先啦!!!!唔敢太信科技，玩下手辨別唔到，咁就大吉……一爺今次唔得，有少少膚淺，圖章未必銀行用，畫國畫時都有用，在自己的作品加個小印章，咁先有型有格!!!!乜一爺成日要去家計會咩?!!你唔講好耐冇聽過呢個會!!!!
刪除做人要面對現實，認識自己才會接受自己，未來是怎樣不知道，努力面前吧!!!!
餐用具我唔會諗住執到平貨，因為煮食具的材質好重要，相信大公司出品和一分錢一分貨，因為食落肚又唔可以嘔返出來，所以用餐食具或煮食器皿都買貴少少，食得安森~~~恕森伯老土兼膚淺，未用過悶燒鍋，平時蒸野食居多，好少又要燜又要焗，食野都以新鮮即煮為主，未必時時做到燜一大煲，分好幾餐食!!!!
我年輕時都認為古舊又老土，但現在很喜歡欣賞國貨的手工藝品，在國貨公司購物當然貴喇！我多數在國貨的超市消費...
回覆刪除如果有森水工藝品又合價錢都會買的...其實很多工藝品淘佬都可能搵到，就算計了運費都會平宜過國貨公司......
刪除超市我會行行，因為要買藕粉!!!!
國貨公司手工藝品有中國特式，送給外國朋友是首選，多年前還未興淘寶，買件優質雪褲雪鞋動不動要過千以上，國貨公司就有一些平靚正的選擇，質料都鄛吾錯﹗
回覆刪除雖然話國貨公司，但衣服方面很多都係外國牌子，感覺上價錢貴就估計質量都唔差，始終國貨予人印象是比較實用實際~~
刪除反而有唐裝買，不過唐裝比便服貴好幾倍......
我以前買手信畀外籍朋友們都會去國貨公司。
回覆刪除聽你地咁講，知道送給外籍同事送什麼了，發覺佢哋好鍾意傳統工藝野~~~
刪除講到圖章，又令我來起陳年往事，年青時到華東旅遊，在杭州以五元外匯卷雕了一個圖章，仲包埋個織錦的盒同印泥，現在還放在柜桶，間中拿出來懷舊一番。
回覆刪除國內的圖章師傅，可能工多藝熟，幾下手就雕好一個圖章...以前有很多人返國內都會整個圖章，因為點都平過香港做，而且師傅又夠專業，我都有一個仍放在櫃裡，記得當時話用牛角做的...
刪除在深圳的民俗文化村前，給人招攬雕圖章，我說旅遊車快走了，恐怕等不及。
回覆刪除他們的手藝真是好神速，很快就挑好兩枚，是玉石的。仲包埋兩個織錦的盒同印泥，很有紀念性。
中國工藝真是很吸引人，看看不買都是一大享受。
很快就雕好兩枚。
刪除在國內雕圖章經濟又實惠，相信好多人都會順便去雕個圖章，不貴而且又有自己名字留為紀念也好，但在香港的國貨公司雕的圖章就比較貴，相信要雕的顧客也不會太多...
刪除對呀，不論工藝品或畫作，都有很多可以賞賞，最好就是看對就可以買回家...
對專業的師傅來講駕輕就熟!!!
很記得當時的民俗文化村前，在一家大酒樓的門外右側，有一列架起帳篷的攤檔，全部都是玉石和雕刻的檔口，有一女子向遊客推薦雕圖章，她知我趕時間，竟然一口答應，收到我寫的兩個名字之後，她招手叫了一個年青師傅來，不多久就把玉刻圖章送到。真是個工多藝熟的高手!!!
刪除那女子是不是有佣收呢?!!好落力推銷生意喎~~圖章基本上一個都夠，除非有國畫的畫家可能要好幾個圖章打印...
刪除相信國內有很多圖章雕刻師傅，我諗主要做遊客生意...當一份工作日日都要重覆的雕，相信不久後都能熟能生巧!!!記得有句說話：他們就算閉上眼睛亦能雕個圖章...証明有多熟練!!!!
那位女子在做著招攬生意的工作，當然是有收入的，至於是分佣呢，還是月薪 ? 就不得而知了。
刪除基本上每一個人，都是雕刻一個圖章，也可以雕刻多個圖章。隷書和箓書就已經不同了。「熟能生巧」~我想起一課「賣油翁」。
工作流程需要蓋章，所以都有一個名字的圖章。
回覆刪除通常用於工作或上學的蓋章，一般都是簡單那種，但以前的人雕刻的圖章，多數用來處理銀行財務事宜!!!!
刪除