本來都唔想用增肥餐呢個詞，聽落有點誇張，但近排可以食多點，雖然話自己實行斷食，但仍保持一日三餐，而在一日八小時內，可盡情地吃呢三餐...
但坊間有關斷食的資料都係講斷食有助減磅，但想增肥又好似互相矛盾，不過森伯的斷食最主要畀腸胃有得休息，減少炎症同延緩衰老(你哋知喇，森伯伯年事已高，梗係唔想太過老樣喇...)
以前好少食意粉，自從一次買來自己動手整又幾方便，用幾分鐘灼熟意粉就可以，到煮的時候加個意粉醬就搞掂，前後都係廿分鐘，如果想花巧少少，加些餸菜都可以，煮意粉最主要係個醬汁...
呢個白汁磨菇醬幾方便，而且食慣呢種味道，撈埋一齊食幾惹味，胃口都好啲!!!食用意粉相對較好，而且襟飽，當然森伯不是當正餐，只是一小碟，唔需要太飽...若然想當正餐豐富些可以加些鮮磨菇及雞肉，就應該幾夾!!!
可能大家聽到又粉又醬，心裡都會講句：肥C呀!!!但對森伯來講都未必肥得到~~~哈哈哈
未必肥得到😠曬命呀！
回覆刪除有好多營養師提供嘅飲食方案要靠好高個人意志力去維持，根本係 mission impossible，好多時都失敗。我覺得斷食好易執行到。
斷食真係好嘢黎架，我諗我會斷足一世，依家一餐過食晒三餐嘢食，唔使分開三次洗碗真係好爽。
我會先浸意粉幾個鐘，吸飽水後快手煲3分鐘就食得，慳番啲燃料費。
我開罐茄汁沙丁魚食都好夾。
乜肥唔到，等如晒命？！森伯間中有炎症痛症，痛一痛就消耗晒，訓唔到落晒型……唔係咁都叫晒命！！
刪除我都認同斷食靠自制力較易執行，我就視情況而定，係好的跟住都會繼續的！一餐過唔需要洗咁多碗？！咁懶，我食完即刻洗！
意粉本身都煮得快，唔需要呢個方法，不過下次整會試吓，快啲有得食！！
對於我呢種大衆體質，你呢種小衆就係晒命，你真係唔好大大聲講，唱通街會有人眼紅，人哋唔知你淒涼背景，咁你出入小心啲啦！
刪除有冇半年呀？我都想知抗炎係咪真係得嘅！等我推介畀人時都有實例依據，造福人群。
停？咁森哥唔要延緩衰老哪？即係森哥仲有大把青春！😱
通粉食得更乾淨，我好遴迍架，意粉好易將啲汁揈到周圍都係，失晒儀態，整汙糟件衫，老人真係好易畀人嫌棄。
通常小眾比大眾恰！好坎坷😔
刪除出入小心啲，又想講乜？！係人出入都要小心架啦……
冇半年，都係差唔多，我斷食最主要畀腸胃休吓息，唔需要時時食太多，讓身體有時間去修復……
森伯仲有大把青春……我都想
森伯雖然年事已高，但手口都協調，暫時仲不會吃到污污糟糟，咁大個人食野好小心……
全部好嘢都聚集喺高富帥森哥竟然話自己好坎坷，令我安慰開心，心理終於平衡翻好多。
刪除半年無病發？睇落斷食好似可以減低發炎喎！唔怪得回教硬性規定信徒每年要齋戒一個月啦！我自己都覺得好少病，強壯咗。
啲醫護專家話唔食早餐七大害一糖尿病/發炎/心血管病/降新陳代謝/冇記性/抑制免疫系統/頭痛，假嘅，真係嚇人唔使本。 早餐 breakfast 就係break fast 意思，係叫人要fasting (斷食)，才有打破斷食嘅第一餐。三餐唔定時話冇益又傷胃，以為我乖乖聽話唔餓都定時用餐，都呃得我透喇！ 幸好我醒覺得未太遲，原來，餓透後食到十分飽才係最健康方式，真理或讒言都要試吓才下定論，我唔打倒昨天嘅我，打破曾經認為係啱嘅，我就唔會有今日嘅進步、更健康。
你用來形容森伯的詞彙掉轉來講就差唔多...一個老人家都總有坎坷的時候，唔似一爺後生人經歷少，就似溫室小花無風無浪，當然冇咩坎坷的時候!!!
刪除其實斷食後都有唔舒服，唔會講到斷食咁神奇，一斷食就無病無痛，有時期望越大就失望也越大，所以抱持著一種睇情況的心態最好!!!!
早餐都係因人而異，有些人過了一晚後特別肚餓，好開胃就唔好誡早餐，或者有些公公婆婆有飲早茶的習慣，點都要上茶樓嘆下一盅兩件的話，倒不如唔食晏晝餐...既然斷食可以揀八個鐘內食，點食都得，隨自己個飲食時間表...
都呃得我透喇！...驟眼睇，仲以為一爺畀人呃感情，所以話唔駛太信專家，就返自己的實際情況，好似現在的資訊講，這樣又唔好食，那樣又唔食得，真係冇咩可以食，有時食物都可以令情緒心情開心啲，都不妨食食也不需計較太多!!!
餓完之後食到十分飽，其實都合乎大自然規律，獅子老虎都係餓完又食到最飽，不過都視乎每個人的腸胃，餓完又即飽森伯就唔得!!!
很多人都正正追求更健康，你做到了，也替你高興!!!!
從森哥親身感受斷食嘅威力，知道我話用斷食將腰圍勁減8吋係無呃森哥啦！我係揾啱方法擊退肥胖病。無錯，斷食係一種養生，能踢走百病源頭嘅有害脂肪，係最佳預防方法，維持高健康水平。發炎病因千百種，就算揾唔啱去對症下藥，有冇希望能減輕森哥發炎嚴重程度？
刪除會唔會168係入門，力度太輕呢？森哥炎症嚴重過人哋，梗係要畀多啲時間維修大隊啦！因為16小時得尾段時間才觸動修復身體機制。適應咗168斷食後可以試吓下一步嘅每月一次36~48小時長斷食(Prolonged fasting)，或是每周一日一餐。可能森哥唔使日日168，只要每月2次on call 36小時長斷食，答案因人而異，動機係搣脂同去炎都唔一樣。
計算例子：16小時斷食得最後2個小時修復，每月累計60小時維修。20小時斷食得尾段6小時修復，每月累計180小時維修，多4小時有3倍功效。
我都係衝破舊時被誤嘅健康知識，認低威，才能更上一層樓。睇來，森哥未來可以有好多不同計劃去玩弄身體，祝戒炎指日可待，日日無痛好開心。
人大了，反而唔需要食得更飽，盞令自己腸胃負擔更重...你咪幾好，個肚腩仔清減了，人都型番晒!!!!!哈哈
刪除邊有咁快見效，斷食不是定一段時間做的舉動，是要長期做的，才會見效!!!發炎問題有很多原因，不過對森伯來講不要吃太多熱氣東西，一燥熱就好易發炎，所以平時要多點食些清涼食物，對我來講幾有用架!!!
唔會喇，如168斷食法正常的話都會持之以恆，增長斷食時間又唔需要，你冇聽書咩?!!森伯要增肥!!!有冇必要再增多點斷食時間呢?!!看看有否迫切的需要啦...
一爺都幾有恆心斷食，越食越長(個斷食時間啫...)遲啲煉仙都得，一個月唔食、半年唔食，慳番啲用餐錢，又唔需要買餸煮食，慳返好多時間~~~~
乜一爺的身體要咁多時間修復?!!(每個月都要180小時維修...)咁又係一爺平時夜生活太多，的確要多啲時間去修復既...XXXD
我又同森哥相反。上文咪話我唔餓三餐都定時食，工作中好多時有嘢塞落肚唔飽都得，生存無感覺似行屍，零食魔咒例外。斷食餓透，食欲令我渴求爆食，呢種有餓有飽足感覺才是有血有肉，原來細路同入老才真實活著。
刪除減肥後只得心理良好，一貫不佳外型漸老更壞，不礙眼已算安慰。
唔熱得要食寒涼嘢，咁苦瓜乾森哥係冷血才冇事。黑超森哥cool爆。
細胞自噬要18個鐘才開始，咁我有目的地由16跳到19~20，有限時間只能分2餐。年頭因為首餐後依然有食欲，不停偷食果仁，才決定食埋晚餐盒飯，在生理需要下無預謀自然開展一日一餐。有成功案例係一個月唔食去醫治癌病，餓死癌細胞同歸於盡，壞森咒我有病要長斷。
信中醫嘅森哥，夜生活頻繁要補腰腎，唔係修復，無講斷食有呢種好處。我有食腰果。
樣樣講習慣，可能餓得一段長時間，就會適應了空肚感覺從而減少吃東西，對我來講，冇咩必要長時間唔食野，現在早餐唔食，到晏晝都會感覺飢餓感！
刪除偏涼的食物較適合森伯，如果食多了熱氣食物，就要飲番劑清涼茶，森伯喜歡晝伏夜出，其實好少帶墨鏡出街……
你現在一日一餐……？！我最多一日兩餐已算最高境界，如有人得了頑疾都可以試試長時間斷食，希望得到轉機！！
夜生活頻繁，好多方面都要補吓，看來一爺很有心得！
邊敢咒一爺，隨時畀你回咒番……😔
森伯為何要「增肥」，又為何要「斷食」？
回覆刪除增肥同斷食，兩樣嘢感覺好矛盾，可以食的時候食多點點都無所謂！！
刪除斷食的確可以減磅，但我會用營養奶粉代早餐或午餐。
回覆刪除現在都好多人會飲營養奶粉，但正餐飲會襟飽咩？！
刪除呢啲方便吖。
回覆刪除乜都校好晒，而且仲搵到有磨菇，方便過自己做！
刪除我不會斷食，也不須增肥，對我來說，順其自然便好，尤其是我喜歡自己整嘢食，喜歡便煮，冇理咁多，唯一禁忌是不能太多。
回覆刪除斷食始終講個人的意志力，又不是個個人都需要斷食，好視乎有冇這個需要！
刪除我也是，少外出食都是自己煮的多……最好是煮的份量可由自己控制！
我就漸漸養成只食到七成飽，好似話咁樣健康啲。
回覆刪除其實不吃太飽已對身體來講有好處的，只要自制能力高就可以！！但森伯似金魚唔知飽，所以索性揀斷食比較合適😀
刪除Beautiful blog
回覆刪除thanks!!
刪除Please read my post
回覆刪除Okay!!
刪除所知的斷食法，有個茶樓老闆，每達星期日就不吃東西。
回覆刪除我吃正餐也吃八分飽，閒時餓了不想煮，就吃幾件麥餅算數。
若果身有炎症，就要看醫生吃些消炎藥。或多吃幫助消炎的蔬果，如洋蔥之類，不能讓痛症得逞。
更正：每逢，不是達。
刪除只要網上搜查斷食法，就會發現有很多種不同的斷食時間，有些人一天數個鐘，有些人一週有一天，有些人可能會一個月才幾日...都可以說是隨自己選擇，斷食最大的目的是讓自己有時間給予腸胃休息，令到斷食時增強抗病細胞...其實斷食就是可以靠自身的修復能力去改善不適的地方，就是不想吃太多西藥，(當中包括消炎藥，和止痛藥等等)
刪除以個人的方法，盡量依時進食之外，在渴睡時就不會吃，想吃才吃，隨心所欲。
刪除人體當然有自我的修復能力，但在必要時，是需要藥物或按摩來幫助，才可以撃退痛楚 ! 否則是自討苦吃。
止痛藥不長期服用是沒有問題的，而且早已經推出一種安全長效的止痛劑。我沒有吃過長效的止痛藥，是有人吃過告訴我的。
當人的年紀漸大，在飲食上有所節制會比較好，可以給予消化系統休息，而且也不怕削弱抵抗能力...
刪除其實止痛西藥的原理是減低痛位周圍的神經，達至感覺不到痛楚，但當藥力過後，又會再痛起來，雖不是長期食，也很易造成依賴，一痛就即刻諗到要食止痛藥丸~~
當有發炎的地方，會感到痛位麻麻腫腫，而且發熱...這時候喝些清涼的東西，身體清涼後再緩緩減低痛楚...可能也是習慣了!!
每年我都有吃一兩次 退燒藥/止痛藥，原因都是因感冒引起的頭痛難受，才拿出醫生開出的備用藥片服用。
刪除若果因撞傷的痛楚難以消失，建議看西醫吃幾天的消炎藥，才光顧中式跌打醫師擦跌打藥，按壓患處，每次敷以熱的跌打藥，直至痛楚漸減。處理得好，永遠不會再痛。
如果跌倒或者扭傷，不及早調理，淤血深藏肌肉裡，形成舊患，它就永遠纏人。
退燒 /止痛藥，是一種可以兼治兩種不適的藥片。通常是醫生開出的備用藥。每年我都會吃一兩次。
刪除如無必要，自己好少吃西藥，所以每次食都認為是需要的，而且吃的藥大概是醫生開，不敢亂買西成藥，因為不知它的成份對我有否影響...就算中藥，食之前都會上網搜搜資料，最主要看它的屬性能否適合自己體質!!
刪除對呀，曾聽很多人講，跌打損傷都要好小心處理，否則很容易造成舊患，每逢翻風落雨都會痛...
我講自己，如果發燒頭痛我最主要飲多些水，飲"熱"的沖劑，就是熱的才令自己出身汗，一定要休息，這樣才會快康復~~~~
一般常識都說：感冒傷風時，多休息多喝水，它就會慢慢痊癒。也有一款民間煮 “三白湯”來喝，以促成緩解。記得好像是“蔥白、蘿蔔、白菜” 三樣蔬菜煮的湯。
刪除可是若無人幫手，我會沖一包“檸檬熱飲” ，收了鼻水至為重要。可惜，後來這種熱飲竟然只推出加強劑，沒有傷風初起的一款。
我曾經跌撞或扭傷的舊患，根本不用翻風落雨也會痛。當耐心去醫治調理之後，痛楚就永遠消失了，不說起也忘記了。對症下藥很重要。
我都好似聽過三白湯，記得以前的人有什麼頭暈身熱都會整番包盒仔茶，是中草藥，現在人都懶得煲，唔清楚仲有冇呢種草藥包，不過有咩傷風感冒沖來飲，非常之方便~~
刪除可惜現在很多中草藥的沖包都不多，甚至唔見有賣，甚至一些大藥廠都換了沖劑，有人話這些沖劑的效力不及以前的草藥沖包，因為沖包裡面真的見有草藥，飲完侷侷汗又會很快復原...
身體的病患很多康復後就冇事，很少情況會舊患復發或隱隱作痛，除非當時損傷得很厲害!!!
這個太方便，易滿足啦！😜
回覆刪除可以慳番時間整個汁醬，算方便~~~
刪除