相信大家都怕家中有物件壞或需要維修，壞了的如果是小型物件，都可以選擇回收或丟掉換過新的，但如果是大形物件都幾麻煩，如果是需要修葺或維修，這個可能仲大工程，有時睇到新聞有什麼大廈的設施或者外牆需要大執，每個住戶都需要負擔修葺費用，那筆費用可能先最大劑~~
所以除了人之外，家裡的一切東西，都最好平平安安，無穿無爛...
近好幾個月以來，洗手間的水箱渠管看似不停漏水，可能初期都只是滲水，後來都一滴滴的漏水，若然不用兜子承載著，可能滿地都水濕濕，情況更差可能會滲到樓下那層也不奇，都已經忍了好幾個月，都要去睇睇怎樣整理，一個人長時間覺得唔妥，都係時候要去睇下醫生...有時不是說笑，搵維修師傅等同搵醫生，搵正個黃綠手勢又唔好，錢又收了，都幾勞氣...
這個時候，剛剛附近有間新開的維修店舖，希望搵佢幫幫手...
以前小時很少會在意每件東西耐用不耐用，但當人大了，就發覺每樣東西都會看重耐用不耐用、質料好不好，否則要整要維修，都會幾頭痕......
同意，我的熱水爐出現滴水，請師傅上門檢查費要收$800，零件另計。但現今電器都沒有耐用這回事了！
回覆刪除係呀，唔理能否修理得好，一上門的檢查費就要幾舊水，反而電器的維修有保養期，若然大公司出品，過了保養期維修都有保障~~~
刪除組織家庭後，從此就過著幸福美滿生活……童話故事結尾都係呃細路嘅！現實有好多頭痛嘢！
回覆刪除我都受過呢種苦😭。
大裝修商同小維修戶都有好多唔專業，貪婪搶錢嘅。啱啱有單裝修靚靚後樓價大跌兼畀銀行釘契，因為重力牆鑿開個窿裝門。業主信錯個設計師，大聲慘叫、全力扑頭…後悔莫及。
我講我自己，由細到大都冇信過童話故事的幸福美滿結局...童話是童話，現實是現實，又難怪唔通將成年人的世界，頭痛事搬到童畫裡講?!!
刪除總之望家裡所有東西都好好地，唔需要成日維修...若然是大問題仲棘手~~~~
你講果單工程就真係大大劑，上新聞咁誇張...佢地畀政府執完手尾，仲要面臨起訴~~~這個故事教訓我地搵師傅裝修或設計都要搵個專業啲，搵個黃綠就主力牆都幫你拆埋!!!!
知森啦！ 早熟早失處……………………理童真嘅歡樂時光。腦齡跑得快過實齡。
刪除父親節、端午節黎梗，祝大家間屋都無病痛唔使維修。
政府仲要翻舊賬，摷埋設計公司舊JOB出黎鞭屍，呢個設計師喜好搶大錢幫人拆牆改間格，佢班大客有得震冇得瞓。人怕出名，做人唔好認叻攞威，冇拍片放上網，低調咪好囉！
只係普通回應，使唔使講到失處咁誇張...哈哈哈，索性講失去童真仲簡單啦~~~~同節日冇關，幾時壞了都要整，間屋有乜維修都好頭痕兼麻煩!!!
刪除呢單拆主力牆的新聞都上晒報，仲敢拍片放上網?!!近排大單的新聞多，呢單漸漸都靜下來~~
謝謝一爺再補充資料，我都冇詳細留意呢位設計師原來想搶大錢，亂咁幫人拆牆...咁搞法累埋個業主~~~~~~
早前家中個馬桶有問題，搵人來睇，佢話要換過個新馬桶，乘機想鑿一筆，知道佢的手工麻麻，當然唔畀佢拆啦...你講講下呢單野，覺得好彩冇畀佢拆!!!!!
識講NO嘅森哥好鬼精明，我就間唔中懵盛盛。有次我去買通渠水，個『好心』五交電(諧音)女店員好緊張提醒我：有個客用呢隻水乸穿條喉，攪到杰撻撻，推薦我用另一隻貴啲嘅，我真係畀佢嚇到。回家試用啦！呢隻太弱都通唔到，我冷靜落嚟諗吓，我隻水都係用硬膠樽裝住，腐蝕性強都唔會乸穿屋企條硬膠喉啦！最終我都係買翻自己果隻才可通到渠，畀佢揾到我呢條硬膠水魚清走D劣質滯貨，拾元捌塊當買個教訓，佢損失我呢個客仔重傷過我啦！少錢一時放下戒心，多錢我會停一停，諗一諗下才決定。
刪除如果唔適合自己真係要識講個NO字...乜一爺唔識say NO咩?!!
刪除有時係人都會精明一世；蠢鈍一時~~~可能森伯目光堅定，又好少有人同森伯講，買另一種牌子或東西!!!其實我買東西前已經盤旋很多好壞處，畀得錢買，多數係最適合自己的...當然都有買錯野，記得早前買過包孖裝膠水，指示話要兩支溝埋一齊用，諗住會強力好多，殊不知連漿糊都不如，直情搵笨~~之後都冇再用過黐野...
太弱的通渠水都算，頂多唔見啲錢，但如果介紹畀你太強的通渠水，乸爛條喉仲有排煩，要更高的價錢維修!!!你又講得啱呀，少少錢戒心冇咁重，但若然貴價野，真係會考慮清楚，冇咁易畀人昆~~~~~~~
我最怕係壞電腦，維修相當麻煩，而且好貴，更有可能裡面的資料從此消失，買過部卻要重新做設定，一些舊版軟體可能用唔到，買過啲新版又破費，相當肉痛。
回覆刪除我2月說試過，硬碟壞了，沒了4個月的數據。
刪除我習慣是每6個月備份一次。現時我常用數據，都改放雲上。
peace兄：
刪除維修部電腦都係睇電腦壞的情況，檢查要收費，換零件都要收零件費...好多時電腦公司都話呢隻零件舊型號冇零件，通常都想你買過部...
好怪，我用親DEXX牌子的家用電腦覺得佢麻麻地，反而用HX電腦較好用，之後再買電腦都會選HX冇咁易有問題...
現在的軟件公司通常都係購買下載程式，反而少了買軟件回來裝，大路的軟件一般都唔平~~~
阿發：
刪除係呀，壞親電腦都好麻煩，尤其所有檔案都"死晒"，救也救不來~~
我仲係用hard disk或USB儲存舊檔案，我最主要較大的檔案是個人的圖畫檔!!!
我以前都用DEXX，用過三四部，都係三四年左右就壞機，又冇諗過佢特別易壞，只是心想電腦就是幾年壽命，不過去年換機時就換了HX，主要是價錢，機型，及功能的考慮，經你一提，要留意是否耐用啲。
刪除現時我有兩部notebook電腦，部DEXX買來不久，個畫面就出現很多閃爍的白光圈，可能是輕觸式出現問題，當部機閃爍時部電腦完全做不到什麼，初時以為用落就不會，點知都閃到現在，總之時得時唔得~~~最蠢就係未過保養期就應要去原廠整，但過了起碼六、七年都冇得整...都忍受夠了，所以將來買的一定唔係呢隻牌子~~
刪除你又試試看HX是否會好用點...我部HX筆記簿型電腦用了十多年到今天仍可用，雖然鋰電池已報銷不能再充電，但仍可用濕電供電，所以我覺得佢好襟用!!!!
我都好怕「維修」，俾左錢，做唔好，最激氣！
回覆刪除住的屋苑，呢個月開始大維修，每戶要集資六位數字，希望順順利利！
係呀，冇辦法，好的師傅唔易搵，有時都係要碰碰運氣...
刪除就係最怕呢種的大維修，每戶都要夾一大筆，當然最好就係做得快而好，冇咩手尾跟住.............
最怕漏水，家中其他維修都可以自己搞，唯獨有關水的就不行
回覆刪除小問題的漏水都算可應付，但漏水的情況嚴重都幾驚，分分鐘要維修埋下一層~~~~~~~~~~~
刪除舊樓當然會不時出現要維修的事項，幸好老牛住的舊區街頭巷尾有各種各樣、各行各業的師傅，通渠、水電維修乃至電腦、手機都有，十分方便。有時聽聽鄰居意見，留意哪位師傅取價公道、信譽好，有需要時就幫趁。
回覆刪除對呀，通常人們住了一段較長的時間，附近總多維修水電的店舖，舊的住所維修都會特別多，你們的舊區要找維修師傅也十分方便，而且可以格價看誰的手工比較好...
刪除通常我們的管理處有些維修師傅介紹，但又不知他們是否公道，所以都係碰碰運氣在街外找尋...