其實自日本福島發生地震事故以來，都已經傳出有幅射的危機，日本食物可免則免，尤其是水產，因為最主要是來自當地水域問題!!
講真日本的貴價海產很少買到，至於很多港人愛吃的日本壽司、魚生等，更加少食，因為不喜歡吃生的肉類...
但傳了很久的日本將傾倒幅射水，今年就開始，不知大家對此有何反應，我當然覺得離譜啦，海洋絕對是人類的共同資源，全球很多地方的人都是，以海洋供給的食物賴以為生...最離奇就是平時乜都關佢事的某國，今次日本傾倒幅射水的事件竟然默不作聲，媒體上完全聽不見有關此事對日本譴責...更不覺有本港的環保人士走出來抗議...
只有本港的官員或部份議員促請政府做好把關，但有關的商戶竟然還罵政府要禁日本魚產影響她們的生意...
香港人好在不吃這些，還有其他選擇，打後基本上不會再買來自日本的海產食品，直至認為安全為止...
據聞她們要傾倒三十年，這樣對森伯來講，可能呢世再唔駛買日本海產食品來吃~~
之前買落的帶子，應該沒問題?!!~~
不過專賣日本食品的商舖或超市應該都幾頭痕!!!!
日本為了自身利益，以最簡單的方法將核污水傾倒大海，是完全不負責任的行為，應該受到譴責，如果如她所說這些核污水是安全的話，為什麼不注入自己水塘又或者用作灌溉？我可以肯定的說我今後都會避免吃日本海產及農產品及相關產品。
回覆刪除對呀，傾倒落海的成本最平，兼且又唔會受到同一陣線的某國所譴責，況且鄰國的人不會即時見危險，分分鐘十年八年後，危害才陸續出現……
刪除如果當地用所謂已™淨化™的水儲在自己國土上，一來可能會累及自己人民，二來冇旅客夠膽返佢哋個™鄉下™，大家唔掂好過得自己唔掂……
專賣日本食品的商舖或超市應該都不會頭痕，香港大把日本控嘛！我上月遊日本都冇食刺生，以後日本海產都不會吃了！
回覆刪除你又講得啱呀，果班日本控係盲目崇拜，好與壞都照單全收……
刪除去當地旅遊，都好難避免要飲食，唯有處處當心，最緊要是水產食物！！
喺我心目中嘅形象係對自己有好高要求，好為別人著想，傳統唔會滋擾到周圍嘅人架，佢咁做都令我打咗個突。
回覆刪除當然兩國有私下傾過，唔係佢點會咁大膽呀！我見過某國係有發新聞稿同意佢咁做架，因為佢心諗隔十萬九千里都影響唔到，係咪好自私呢？都係一貫雙重標準作風，自己條狗隨處小便叫福水，鄰國就係福頭一定要聽命於獨裁者老點啦！所以，我成日講某國嘅不是，唔係我入咗保皇黨，而係某國道德淪亡。
香港環保組織已被某國間諜控制，唔係真心架！
佢嘅世仇泡菜國，自從總統做埋某國條狗後，都埋沒良心無嚴厲反對，只有民間弱勢聲音。對岸都睇主人面色自動滅聲。世界完全扭曲晒！唉！
食水資源咁寶貴，如果稀釋後安全，咁佢應該留低自用，又話自己好環保，都係口不對口，唔好信咁多。
啱啱報導犀利日本櫻桃有自己個名架，大名鼎鼎叫『朱諾之心』，每粒港元$1,830，咁乸貴我唔捨得買囉！不過，喜歡日本食品就要趁早享用喇！
商人面對不同困難，依家有預告，有時間諗定招數應付咪好囉！突然而來嘅事件仲慘啦！
端午節快樂！
端午節快樂！
刪除做人對自己有要求都係好事……
從佢的角度來看倒落海洋係最簡單的做法，其實既然出了問題，為何不關閉這堆核能廠呢，都有人以陰謀論看呢件事架！！
其實社會有很多事，看似簡單，其實背後有很多暗底裡的事情是我們見不到的……
早排泡菜國班漁民都有強力抗議，結果都係不了了之，最弊香港連少少的弱小聲音都冇！
呢件事都有人講過，淨化後的水叫班當地的官員飲，佢哋都唔敢，感覺佢地派的定心丸只是做戲給大眾睇……
昂貴的水果，有幾多人會買來食！但係水產魚類貝類就是平民百姓的日常食物 ，這樣對他們影響最大……
消費者最直接，知道會有問題，梗係唔會幫襯，商家做得生意，風險一定要預左，唯有商家各下自理……
無知惡晒可以打橫行。不過，就算解釋畀佢哋聽都唔明，萌塞囉！好似森林大火要救好多日都唔熄，佢哋都話人無能囉！
刪除『其實社會有很多事，看似簡單，其實背後有很多暗底裡的事情是我們見不到的……』 我唔會睇少插畫師……我都畫唔出嚟。我問新入職下屬份工點呀！佢覆我話好簡單啫，三個月後我再問，佢話真係好難，趁機讚吓森哥又讚吓自己。😜
商人要靈活變通不斷揾新商機才能屹立不倒。做人都係要創新或迫住接受新嘢啦！
咁日本經濟咪會繼續下沉，地震海嘯核洩……呢個係國運，同時，領導人走錯就更慘。
中國都跌落谷底，啱啱爬翻起，國運仲會愈戰愈勇，某國都感受到 『勇不可擋』，乜招打壓都無用。生於斯，生於咩年代，國運都影響人生，落地喊三聲，好醜命生成。
所以做人幾時都要諗多一層，想一想有冇詭計在當中！！
刪除跟住一爺的下屬，梗係由簡單變難，特別多多要求！！
只要有手畫，每個人都畫到插畫，兼有自己風格，受唔受大眾歡迎都無所謂，畀自己欣賞便可！！
好認同你講法 ，日本係國運問題，掉轉來講當一個人運氣麻麻的時候，反而應該做多點善事，盼會改運，但不做善行之餘，仲要危害大家，這分明想攬炒……不是更差嗎！！
現在多國都冇晒符，夏季來臨，核廢水會傾入大海，到時唔吔海產之餘，閣下都要自求多福……
森話：『呢世唔買日本海產。』你個迷你倉塞爆海味就得啫！我實食到符水，平民真慘。
刪除哈哈，你都識講迷你倉，食得幾耐？！但係一爺有成個大貨倉食幾世都得！！👍
刪除未能控夢呢！嘗吓當海味舖老闆都好喎！唔知安記、盞記、樓上、…老細生活係點呢？餐餐鮑蔘翅肚，瑤柱當零食。還是，日日擔心保安唔掂有人偷貨，想搞好身要好似劉德華就算揾大把錢都只係食素。唉！素食咪即係有森哥咁過活囉！有錢仔喎！有錢佬都係食雞蛋豆腐青菜呢啲平價嘢咋！推理開來，原來食得窮才是大道理，健康生活唔使好多錢，唔好為揾錢而壓力太大、傷害身體，勞碌一生結果都係袋入醫生口袋，仲要係痛苦中過活，幾咁唔抵呢！夠用就唔使咁博。
刪除日本邪惡大法師落大降頭害人不淺必反噬、 遭天險。前首相咪被槍殺囉！
正所謂做果行，厭果行都唔奇，日對夜對啲蔘茸海味都厭，可能平時佢地食得好清淡，一爺可以諗下搞生意，嘗嘗做老闆的滋味，劉華是否全素者我唔知，據講多食素的人比較冇咁易老，食太多快餐，肉類都知唔掂，唔健康係一件事，令到加速衰老才是至關重要……
刪除所以又要講返斷食，給予一個時間讓腸胃得到休息，都冇咁易老化……都係跟資料所講，自己的斷食時間不長，未有咁快有果效！！
咁一爺平時要不要常常睇醫生？！幾時都係注重下身體重要，有錢都未必用到，進貢晒醫生！！
難得一爺小小年紀，都能夠參透人生哲理，危害人家的事不應作，天理循環嘛！
有冇尋根究底為何轉食素後會留住青春呢？ 因為唔食肉後，你會食咗幾種果仁和幾種豆類去補充蛋白質，同時又覺得唔飽肚，又食多咗幾種蔬果，記住係『各式』唔係『單一』喎！令人攝取到各式抗氧化素、各式維生素 、各式礦物質，飲食更均衡無缺乏某種原素，令身體有齊原料運作，抗衰老化學作用嘅操作要有幾種不同原料才能完成。
刪除長期暴露在陽光下，你會增加好多自由基，令你身體氧化，造成老化。植物唔會郁去避曬，咁佢就進化到產生不同抗氧化素去保護自己免受到長時間日照嘅傷害，食佢哋落肚，班士兵就轉會保護你，攻打自由基，產生化學反應去消滅你體內嘅，呢筆錢咪係你嘅保護費囉！但都要作出聰明選擇，唔可偏食太單一、太單調。
15年感冒病過一次要去睇醫生，因為不設防而今年五月中咗新冠，無食藥下病一周就自然好。呢八年期間都有初起喉嚨痕或流鼻水，但瞓一晚就好，應該係受到感染，自身強大免疫力打低班入侵者，病箘無發展落去。
補充吓國際新聞無乜消息，因為英文話語權完全掌控某國黑手中，兩國私聊後就叫手下派錢做嘢！將風向吹去媒體/環保團體去滅聲。認為呢個世界無黑幕真係好naive。
據我所理解，因為肉類要太多酵素去消化，所以令人會快點老化，其實只要不是吃太多肉類，就冇問題，因為有啲人自稱為食肉獸...
刪除食東西能飽肚不是肉類是碳水化合物，即是澱粉類...始終我認為一個人食得清淡，應該冇咁易老化，兼且不要曬太多太陽，你知一爺屬於陽光男孩，都唔可以過份曬，聽講快皺皮!!!!呢點你都知喇~~
一爺太多不設防，一唔為意就中招?!!下次小心啲!!!聽過有人成個月都未好，測到兩條線，唔知佢買咩檢測包?!!可能長新冠都唔定...我都要在家吽十日先至成為一線!!!
總之呢件事怪怪地，環保團體唔出聲，本地市民冇人領頭當冇事發生...可能香港班"鄉"民唔想講自己"鄉下"的不是~~~~~~
咁飲酵素咪可抗老化囉！
刪除我碳水份量唔多，騰空畀各種蔬、瓜、果、豆、菇、堅果。唔係多情種，係鍾情多種類，各種營養元素一個都不想少，也不能過度。
我係陽光宅男，所以，一出街就特登走去陽光底下。喺屋企就企近窗邊曬20"，享受冬季陽光穿透全身暖笠笠，凍凍都會剝光，夏天太刺熱只曬小面積腳背。我接受老人必定有巢皮、老人斑，怕太多生皮膚癌同太少缺乏維他命D，唔曬患抑鬱。
年青力壯時免疫力仲差過老年期，我好搞笑，進步咗係因為後生時無理會營養，又缺乏定期運動。
對呀，所謂的酵素就是針對腸胃問題，幫助消化，飲開的活乳酸菌乜力多同樣能增加腸道好菌，只要消化好又可暢便，唔駛講都知會年青啲...
刪除我現在每餐都以素類為主，但一日裡有餐都少量肉...每個人的體質唔同，全素都未必個個適合~~
哈哈，都會似你這樣，有時見家中窗台有好好陽光，都會坐在窗台乘機曬曬太陽!!!每日曬個令字都夠，有時天陰陰未會有得曬...港人的生活習慣應該少得皮膚癌，不過聽講化學太陽油才是皮膚癌的罪魁，怕曬傷用椰子油較好，勸呀陽光宅男改用天然油做防曬!!!
只要現在開始關注保健，幾時都唔遲!!!
呢一得舒服對某D老人都會有障礙，心想做一個正常老人已是托福！老化生事故，慘慘！
刪除年頭血色素低標，捐唔到血，我要更改每周固定餐單。咩嘢事件令森哥添肉？
曬唔長唔傷，我無用太陽油架！太陽油會阻擋令你産生維他命嘅那段光譜，白曬。
『幾時都唔遲』中年好聲音咪係咁囉！我係『學到老』，唔會畀『老』框死，邊等死、邊做嘢。
做好保健，延緩老化都好，生命和生活都是自己，盡力管控好最重要...
刪除你是否常常都血色素偏低?!!可能選些對應的食材加入餐單內...現在我每天都會食少量葡萄乾，據講可以補血...中醫藥指的補血即是對血有益的~~~如果記得，再下周可在網誌講吓葡萄乾!!!
咩事要添肉?!太多素菜營養會唔均衡，一定要加添些肉類營養~~~你話：邊等死、邊做嘢...你真係勤力人生，等死都要做嘢!!!!既然要等死，就唔會諗做嘢........
人生有部份係不受控制，可控部份因懶懶而少做，最氣係勤力做晒都會出事。
刪除暫時得一次。我由豬扒轉食豬脷搞掂左。萄葡乾係甜零食，你知係我不受控狂食嘅一部份。講吓畀大家聽都好。我唔覺貧血架，要用機拮手指驗一滴血才知。
無病徵就食肉補身？有先見。
我唔好運，好少不勞而獲。
無所謂，自己盡力做得幾多得幾多……
刪除你識整豬脷？！好叻！當然唔係，在一次「入廠」時發現葡萄乾有功效，也知葡萄乾甜，所以有限制自己唔會過量！
危害他人的行為，實在要不得！
回覆刪除未必個個人都有阿摩的善心！
刪除Beautiful blog
回覆刪除Thanks！！
刪除如今日本決定把福島洩漏的核污水排出大海，嚴重影響了海洋生態的環境。海產的營養價值很高，是人們喜愛的食品。如果不喜歡吃海產和魚類，當作別論。
回覆刪除聽說人們吃了核污染的海產，遲早玩完。 寄望於江河湖泊吧，我們還有塘魚可吃。
附近的鄰國怨氣最大，不過日本都仍然準備傾倒污水入大海……到時真係要靠港府把關，聽聞每日都會抽查外地來的海產食物，而且仲話每日通報給市民知，這樣做也好，可以讓市民安心些……
刪除說的對，最慘係吃了之後，不知幾時出事，因為香港人很喜歡吃海鮮……不過照你講唔吃海鮮，仲有河鮮可以揀！
Okay ！
回覆刪除自私自利的國家，連自己國民都反對都一意孤行，真係令人好激氣。
回覆刪除一個國家一定由她自己的益處優先考慮，把核廢水傾倒入海洋是個最簡單最經濟的做法！
刪除我老牛甚少食日本食品，當然也關心政治如何為市民健康「把關」。老牛有老同學說︰「日本嘢貴，我冇錢，食唔起。」
回覆刪除係呀，日本食物未必個個喜歡，本身都少吃海產，尤其魚，魚生，但有大把港人喜歡吃這些，影響就夠大！！
刪除