一向港人的壓力都唔少，的確在很多方面都可使心理上產生問題...我認為最好舒緩壓力的方法是向人傾訴，或者未必幫到實際的困難，但起碼可以打開鬱結的情緒...
另一個減壓方法，可以看一些令人心情放鬆的東西...
若近排有留意一些娛樂新聞，可能都會看到一名叫"亞視一姐"的阿儀，如果唔知這位是何許何人，還以為是靚女一名，講真靚唔靚女好見仁見智，冇準則...但若要森伯定性這位藝人，我會覺得係笑匠，最近因為佢有新歌出，所以都會在youtube睇到佢的MV，聽講有很多的點擊率，而且發覺幾多youtuber翻唱佢首歌~~~
永遠得一個表情的阿儀(圖片是截圖，經軟件整理...)
或者近排社會真的太多令人窒息的新聞，令人關注到精神與情緒的問題，就算平時講到香港幾好都好，但始終不能忽視香港的生活步伐快，所謂的競爭力使人透不過氣，港人的生活壓力都不少，電視有很多教人投資的節目，但偏偏沒有太多教人疏導情緒的方法...
但見近來阿儀這位人物的彈起，令我想到港人可能真的需要有這樣的人，來為大眾輕鬆娛樂一下，舒一舒緩心理壓力或負面情緒...
亞視做法受社會人士非議，我覺得"亞視一姐"的家人要好好保護她才是！
回覆刪除我冇太詳細留意呢位亞視一姐的詳細經過，唔知受到什麼非議，但現在她有歌派台而且又多人注視，都算唔錯...
刪除香港是一個小城市，卻是一個大都會，人們擠迫在這彈丸之地，面對各方各面的競爭，心理壓力是必然的。我有朋友移民到澳洲柏斯幾十年了，那裡地廣人稀，沒有競爭，因為沒有東西可以爭，他說生活清淡如水，並非每個人願意接受。其實心理壓力要視乎每個人對生活的要求吧，知足常樂，未必對每個人都適用，但起碼無慾無求，可以減少部分壓力。
回覆刪除peace兄你的回應寫得好好，那正是我這篇想講的...香港是個細細地方，但人口密度都很高，或多或少都造成人們的生活有種壓迫感...
刪除可能由細到大已經習慣了，所以每個人自己也要學會，用疏導的方法去緩解不好的情緒...
外國的生活比較悠閒，地方大減少壓迫感，而且外國人跟港人的工作態度也不大相同，搵夠就可以，同要搏命搵錢係兩回事~~~
你講得對，人會知足好重要...還要有顆包容、忍讓的心與人少些爭執磨擦，都可減低不快的情緒!!!!
奇葩！係女版劉以達，鈍鈍地引人發笑、放鬆。
回覆刪除亞姐有年選老女人，彈出咗個宮雪花，亞視創先河，力量同幻想會嚇你一跳。
娛樂圈真係無常，存在好多驚嚇嘅可能性。
中年好聲音咪打破一貫青春偶像選騷，巢皺老咁重口味，明星唔使花錢去拉面皮、打毒菌。
做唔到MIRROR(都唔算靚仔)，騎呢怪就做次貨ERROR，殺出一條血路。
王晶叫君如擤鼻屎會走紅。
古人早已心明大義，做大戲除咗小生花旦都必須要有醜生啦！
天生我材必有用，不過，要食正時勢。哈哈！係我呢類八両金嘅黃金年代，呢副面囗都有好高價值，異軍突起，重拾自信。
成件事好正面、好激勵人心，咁都可以做一姐，我都唔係好差啫。
加入娛樂圈都唔一定要靚仔靚女，因為角色有多種多樣，最緊要是找到自己的風格、路線...
刪除自從亞視的免費電視頻道終結了，已經好少再留意亞視的動向...一向亞姐競選都係畀人印象是傳統得來又帶點破格~~~
中年好聲音今次再搞第二屆可能仲多人去玩，見之前的參賽者有咁多關注，一爺識唱歌嗎??都可以試試玩下...唔得喎，一爺咁年輕應該參加全民造星，產生多個姜濤2.0~~~
森伯就等梗"老年好聲音"先考慮參唔參加~~~~XXXXXD
人生的旅途並非個個都一樣，前面太多未知的事情等著自己去體驗，所以未到最後一刻，也不知自己的路會是怎樣行!!你講得好啱，件事好正面，每個人時運一到都可以成為一顆星，你定啦，冇人覺得你差喎!!!!
複製無運行，咩2.0唔得架！要有個人特色，一首歌都可走天涯。
刪除發育變聲後唱唔到高音，少歌啱唱，唱K有人讚架！小圈子比賽薄有成績，小學班際比賽贏過亞軍，公司萬人厰贏過合唱組。上台唱歌好享受，可滿足開個人演唱會感覺。我都有報名新秀，但縮沙無去。哈哈！否則，改寫歷史，有五大天王。人唔使一定追夢，發白日夢都好開心。
前路…老人最易體驗病痛，老森先行一步，最熟啦！我閃避有法，病星時運未到，我好定，有老森墊底。
接觸各地人物文化，擴闊視野，多角度睇事，學識失敗，就唔會有大壓力。
對自己要有信心，做2.0都可以好成功，難道你又甘願做八兩金2.0咩？！創出你的風格……
刪除既然有人讚你，不要浪費你的歌喉，話唔定拍MV，開埋演唱會，咁一爺平時操咩曲多？！森伯唱嚟唱去都係鳳閣恩仇未了情……
老人森幾時都注重健康，人越大，變得好多野都唔敢食，多數淺嘗就算……
咪講到塾一爺底咁驚驚，忽然諗起塾一爺條C底……😆
要同『八』鮮明特質畫清界線，咁我先起個藝名，叫『狗両菜』啦！一個朗朗上口又常聽倒嘅名字。
刪除粵劇屬藝術歌，比流行曲更高深，森哥隨口嗡就話操呢首咁勁呀！原來係高手、能歌善畫，集2藝於一身，嚇我2跳，咁我操有隻雀仔跌落衰(水)、生日快樂。
睇翻丁文俊新秀時把聲清脆明亮好靚，現在低沉又帶些少沙啞，小恩子都一樣情況，本來我音域已窄，依家更多高音部份去唔到，成日唱『首首未完的歌』，同人生一樣，有限條件，好多事情呢一世都唔會完夢，無謂勉強，我要奉行順我者生、逆我者忘，盡力而為輕鬆樂活。
一爺條C，咒我C？係讚我似西方殭C咁靚仔，咁我要等森哥硬邦邦有生理反應時，病發殭硬才可墊我底。
淺嘗係帝王式奢侈生活，食評家試好多正菜都係咁樣，咁好生活仲想點呀！
改名梗係要型格名……如果叫出嚟似粗口，叫粉絲點嗌……
刪除森伯識唱一兩句鳳閣恩仇未了情，多一句都冇！！😀
講得啱既，人生在世夢想多多，但有幾多個夢想能夠實現呢，或者把夢想留待永遠追尋之列，等將來回憶起都會會心微笑，人都是現實些好，現在過得滿意都唔一定要圓夢……
慎重講句，你要搵人塾C底，唔好搵森伯，搵第二個，唔該！👎
森伯果類淺嚐，唔係有錢的象徵，只因個乞兒兜唔夠大，只能放少少，和細細件，逼住要淺嚐……
2個好處，可踢走懶音，又可借意鬧人助發洩去舒懷，增加粉絲。
刪除話 操曲 誤導我。
有咩C前未完清單？
雖識十多年，虛識非識，就算靠方東升「尋人」都揾唔到實體人，我又點拖倒你落水？
唔好負面咁覺得好慘，明明係帝皇級生活方式。
叫個偶像名都可以得益，踢走懶音又可發洩...咁犀利!!!!!
刪除咁你喜歡唱歌，總有一兩首飲歌得閒操下~~~
活到今時今刻，都唔敢講有咩清單未圓...總之每天充實就好了!!!
都係講下笑，可能有日在偶然間遇到呢?!!唔該你形容一下你有咩個人特色之處嘞...唔好又話似百兩金?!!講開百兩金呢位藝人近來又冇咩佢消息，好經典的一位搞笑藝人~~
C啦，如果森伯果D生活叫帝皇級，咁一爺果D叫咩?!!叫神級?!!...神級享受~~~
最近森伯也要留意超市的特價貨品，畀錢時同收銀講明，是特價...驚佢計左正價貨~~~~~><
我呢D業餘嘅唔認真，隨心興起就唱，自娛為樂。粵劇有操曲，唔知流行曲係點練聲喎！
刪除我詞窮，唔識形容。普通大叔一個，吋頭、戴黑框眼鏡、中等身材、有眼袋、些微大細眼、頭右側、抬頭紋、毛孔粗大、國字面、些少白髮、薄唇大眼、鼻頭有肉、面上無癦、波鞋運動衫、重點係無肚腩廿九吋腰…係咁多。不如森哥你形容下自己。
普通人生活我都好享受。揾到著數，慳到$1都令我好似執到寶咁開心，一日一餐便利洗碗兼規律有便意，夏天將早上運動流大汗調撥去晚上洗澡前，用冷凍劑敷身唔開風扇慳電，雪櫃用時間制自動開關慳電、路由器用時間制自動熄機重啟去解決有時網絡不通、…動腦筋後生活上小改善都令我好開心。
最近買咗好用嘅夾喺近視眼鏡上嘅老花鏡，老花/近視鏡片重疊睇近嘢，老花鏡片可由垂直掀開至90度水平就淨翻近視眼鏡睇遠嘢。好過一體式上近視下老花同漸變式，睇嘢範圍只得一小部份。撞啱父親節，$12店雙重優惠賣$8。
大超市嘅分店經理/店員為業績而奸詐。舊時會特登問收銀呢幾樣係咪特價，無嘅就唔要，合價才買係消費者權益，唔係藥房斤兩價騙局喎！依家自助收銀機一目了然，手握話是權，唔使怕睇人面色，咁先進一定無森哥份。
國泰出事一個月後才話增聘普通話人員，嘩！慢咁多拍架，道歉時就要講啦！其實，內部早就要修改人力政策，六成利潤咁大客仔，正常應該每班國內線都要有一個識講，高層要先知先覺。
隨心唱最舒服，希望有日 "乜年好聲音" 見到你喇!!!!
刪除講個人特質你講咁多樣，你講的個個都有人中...應該講獨有一樣才是，憑森伯外表就係傻人一個，好易記認~~~
冇得慳唔慳，唯一近近地就係超市，街市冇咁就腳，有時街市都唔一定平啲抵啲...一日一餐真係慳唔少時間和功夫喎!!!冷凍劑敷身係咩呢?!!真係得?!!
雪櫃用時間制自動開關...咁慳法都有?!!...在這個天時暑熱時食物好易變壞~~~
老花鏡我諗森伯都要，現在只是用放大鏡代替，太細的字在暗處未必可以看得清楚，都有怪自己長時間睇電腦，是工作需要!!!!手機盡量不看那麼多，睡前要迫自己把手機關上...老花眼鏡要去配嗎?!!周圍買副戴會戴壞眼睛...
太先進的確冇森伯份，最好用現金找續返啲神砂畀森伯儲住在月餅鐵罐裡~~~~~
聽聞國泰入職空中服務員要考普通話，係唔肯講定唔識呢...睇呢班人常常係搞X棍，都係幫唔落!!!!!!
我都話唱唔到高音囉！咁想聽…我唯有唱走音歌畀森哥聽，出醜都可娛樂森哥。
刪除我都話普通人一個，無咩特色。森哥係傻人，係撳低人怒插30刀，郁手前都係唔顯眼嘅普通人，早知就避開啦，邊係易認特徵呀！隱門。
咪似用凍飲樽貼埋熱情如火嘅身軀。你發燒時會冷敷額頭降溫呀！得架。
我屋苑定期隔五年會停電6小時維護，唔開雪櫃入面啲嘢完好無損。報紙話靚雪櫃密封做得好，唔開可保温10個鐘。我每月慳咗$1X，我運用理論加上經驗才敢創先河。開少D個雪櫃壽命都延長D。
你讀過物理科嘅光學末？兩塊鏡片對焦喺某距離就睇得清。睇書同枱面電腦嘅距離係唔同，應該用兩片不同焦距鏡片。驗眼都係問你清唔清，啱焦距咪清囉！幅近視眼鏡已有散光同防藍光，疊掛老花鏡片保留功能，唔係換另一副老花鏡睇，咩係壞眼？係長時間睇近嘢唔休息、黑暗環境睇、行車中震震吓睇…才壞眼。
個APP每個月都有二次電子優惠卷，買滿$120減$18或滿$100減$12，生日都有優惠，$200幾一年對森哥係濕濕碎啦！唔志在。
上下一心唔講，趕客、縮班、唔使飛咪裁員囉！
其實都有很多時代曲係低音，沉聲都可以唱！！
刪除我仲以為你話儍人森伯伯易畀人呃，你知喇，騙徒好鍾意搵森伯伯果類老人家落手，哈哈，你少啲出街，好易被人無差別斬人，少些外出得罪人，唔順超分分鐘動手兼動刀，據講佢哋係一種軟對抗，又係一班反社會人格！！
你真係好精打細算，森伯認為有實際需要才會買，除非貴得好離譜……現在想買一件東西，先睇睇淘佬有冇，其實基本上好多都有，運費平了些少，因為最近新設了交收站，去攞都好方便……最主要係慳得一毫得一毫，慳到一兩毫森伯已經很滿足很高興！！！🎉😆🎉
唔知點解佢叫亞視一姐，佢都唔係識唱歌之人，在讀歌詞咁，根本係俾人玩囉！😉
回覆刪除其實亞視一姐的典故，我都唔係太清楚，不過有助佢被觀眾易記！！
刪除而家的樂迷唔介意非傳統的音樂，好玩就得！！哈哈
只要不斷去衝，不怕當小丑，總有出路。能夠令人發笑，纾缓壓力，就是她的成功之道。
回覆刪除娛樂圈現實，總之不怕蝕底，畀人笑都冇所謂，目的是找到自己適合之路，最緊要搵到自己的定位，話唔定受歡迎！！
刪除原來秋葉都覺得好笑！
之前我從來不認識這名出位的阿儀，只是看了你這篇文章，才上網翻看一下。太造作的搞笑，好看嗎 ? 不想研究下去了。
刪除在眾多的藝人中，怎樣才能突圍而出呢?都要找出自己的生存空間...造作誇張都無可厚非，為的是搏觀眾一笑，搏觀眾有深刻印象~~~
刪除是否真正一姐，沒關係，最重要是當事人樂在其中，別人怎樣看，隨他！
回覆刪除對，要在娛樂圈生存都唔易，最緊要是能夠有鮮明的形像，一跑出就會多人認識，這樣好重要......
刪除大城市，尤其香港這個號稱「亞洲國際都會」的「盛事之都」，小市民生活艱難，當然倍感壓力。有時適當放鬆、搞下笑，也是好的。老牛已屆長者之齡，早已遠離職場，也奉行自幼長輩教落的「眾事莫理」的宗旨，不會有太多壓力。最重要的是「知足常樂」、「隨遇而安」，學會自我調適，也就能平淡過日子。
回覆刪除牛兄講得對，懂得自我調節好重要，所以減壓方法人人都有自己一套，睇吓笑片，聽吓快歌，都可以令人鬆一鬆……
刪除當然仲可以畫畫，尤其畫些有趣插畫，都有減壓作用……
最緊要好似牛兄，一向都有個豁達的心境，縱然遇有不順的時候，也能樂觀面對！