隨著時代的變遷，有很多舊事舊物都成了過去...早前聽講有內地遊客，專程去些賣舊物的檔攤，尋尋一些舊款相機，相信是我們俗稱的傻瓜機...話拍出來的照片，很有一種獨特感覺!!!!其實這些相機只不過是舊款，並不是什麼久遠的文物，可想而知科技這東西可以變化得很快...
今次我主要講的回憶物就是傳真機，每次見到傳真機都會令我想起一些往事，記得剛剛開始畫插圖的時候(年紀尚小)，會將自己的畫作寄去一些出版社期望得到回音...當時的年代，兒童刊物並不多，能找到一間就要好好把握，每次寄出的畫稿都會用心整理，那時沒有電腦上色，所有畫稿都是徒手畫，徒手上色...等了好一些時間，突然收到出版社寄來的回音，當然滿心歡喜走去見見，當時出版社見過我其他的畫作，話可以給我試試，但問我有沒有傳真機?!!那時的我當然沒有，而傳真機的作用在於改稿方面，若有錯漏都可以知道怎樣修改!!!可能就因為沒有傳真機，這次機會就錯失了...
後來有另一份兒童刊物給我機會，很好有個屬於自己的專欄，雖然我仍然沒有傳真機，但可以在街外的店舖傳真給出版社，還記得當時傳真一次就要收取5元費用，而這間出版社亦相當遷就我，看過一次，修改一次就OK...以這形式都畫了兩、三年...
直到現在，森伯都沒有過屬於自己的傳真機，因為時代改變，小型的掃描器加電郵已經可以代替傳真機...若然去到今時今日，手機影相加whatsapp已經辦到，沒有過去就沒有現在，過去一切就成了現在的回憶...
相片：是公司的舊器材，傳真機已經不需用了~~
電子科技真係一日千里！
回覆刪除現在的科技，隔幾年都有可能唔同晒！！
刪除這就証明森哥比我年青多了，我初入行當文職的時候，第一件事就是要學懂用Telex，兩年後公司才轉用Fax機，據說當時我公司是全港首批引入Fax機的公司，部機有一部洗衣機咁大，但真的很方便。
回覆刪除都唔一定，可能森伯遲出來做事……至於你講的Telex也不知是什麼！而傳真機的最雛形有部洗衣機咁大……那就很誇張，想也想不到如此大部！！不過時代不斷進步，很多東西都不同了！
刪除Telex是最早期的文字通訊工具，由於通訊費用昂貴，所以是打入代號的，以字數計費，內容會製作出一條打孔的資料紙帶上，也許博物館仍有得睇。
刪除入公司早期找文件，有見過Telex，上面的英文大多是簡寫，唔講都唔記得了
刪除peace兄：
刪除Telex這個真的不認識，使用時要打入代碼？！相信我見到也不懂用——
反而打字機還見到，到我出來工作已是個人電腦年代，現在打得流暢的倉頡輸入法，也是由初入行時學的，謝謝peace的資料補充……
發兄：
刪除印象中未見過Telex，現在可以在網絡上找找……
小小年紀就完成夢想，朝目標發展個人喜愛嘅事業，做小老闆，年青有為，森哥一定有好多做生意嘅寶貴經驗，同大家分享吓。我就食唔少小老闆炸紫菜，想以名補名都做唔到小老闆，拍馬難追，相形見絀。
回覆刪除寫字樓必須打字機、傳真機、影印機才可將文件內外互通，寫字樓枱有 IN-OUT Tray，文員負責每天收發傳真影印派送文件嘅繁重工作，用紙量勁多。好快就有公司內部聯網用電郵互相通訊。然後有互聯網絡更便捷。
唔知未有傳真機前嘅古舊年代，靠寄信/打電報有幾漏氣呢？同固網電話/無線電話一樣，慨歎每進一步都大大影響人類生活習慣，唔知高智慧外星人嘅通訊會係咩形式呢？
我都有部電腦打印機、影印機、傳真機3合一。
人腦植入晶片，諗吓就得，唔驚偷/跌手機，不過，被人hack入人腦後果都好大鑊。
邊算夢想，比夢想還有一段距離……做小老闆都冇可能，除非日後有機會做自顧人士，乜都一腳踢做晒！咪咁誇，森伯只係小小老人家，要分享只得咁多！！
刪除你講得好啱，這互聯網年代真係慳返好多紙張，早前都有人來運送紙來工作地方，現在都少了，電子傳送唔需要浪費太多紙……
想想未有傳真機時，應該用郵遞方式，或派人遞交等等
之前好興三合一的打印機，都想買一部，但在家裡很少用到若留到現在，可能得個擺字！！
晶片植入贈袋，邊個肯咁做？！以森伯有生之年都應該唔會！！
森哥比當小老闆嘅更遠大夢想係咩？
刪除眼見傳真機將近煙消雲散，電話變走我腕上手錶，科技為人類帶來巨大轉變，其中，AI發展也來勢洶洶，還是兇兇呢！好處可幫輕人腦工作，壞處搶走我哋職位。
去年，科羅拉多州博覽會的藝術競賽項目上，參賽者艾倫(Jason Allen)使用Midjourney 創作的「太空歌劇院」贏得了數位藝術組別的冠軍，引起軒然大波。一時，AI生成畫作能不能算作藝術、使用AI生成畫作對陣藝術家原創作品是否算是作弊等的問題，引起議論紛紛。
捉緊最先進科技，森哥可以省力火速 『一腳踢做晒』，當插畫師搭上AI咪等同一間幾個人嘅公司，呢個可能係插畫界未來新形式。醫生都用AI睇片去篩查癌症。要採用咩態度？抗拒/接納？情況如同某國壓制中國發展，還是像發展中國家如中東、東盟擁抱中國大腿共同賺錢。
喺44項高科技領域中，中國已取得37項(85%)領先優勢，美國只剩7項領先，日本1項都無。事實係壓不住聰明加勤勞嘅中國人，只會傷到自己。
夢想梗係憑慳得一毫得一毫，儲夠錢退休，安享晚年喇！😀
刪除人類期盼自己擁有越高的科技越好，但相對人力減少，將來好多工種都可以被AI 取代，早前有話國內已試行無人駕駛的士，若然成功，將來的司機就會漸漸被取代，今年國內的畢業生畢業後，他們最希望就係……搵到一份工……十分矛盾！！
藝術無分人創作或AI生成，有人欣賞就係好作品，不過，有可能將來真人的真跡會有價值，皆因人人憑AI都可以成為藝術家！！
森哥退休後點打發時間？會因興趣繼續畫？咁退唔退都係一樣？有工作有賺錢有意義充實人生唔空虚更快樂。退休未必安享！
刪除大多數國家出生率低過1，AI 和機械人係國家重點發展大策略。唔會鬧人荒都無外勞可輸入。
無藥駕、酒駕、病駕、長時間工作攰駕、老人駕、魯莽駕交通意外，又慳翻大筆司機工資，仲可壓低汽車保險費，係咪車費可降低？ 另外，唔會有太大通脹壓力要時時加車費。畢業生都唔想做司機咁單調刻板，要有得用腦嘅工作。
盲選作品無種族歧視包括AI。
低層工種有機器電腦取諦，國家同人類都要全力朝向高新技術發展，令人類世界發展加速邁進。
個報告話中國領先咁多新科技領域，這説明中國行啱條路，反而，惡霸只會打壓他國，阻慢世界向前發展，係注定失敗，反映霸主衰落中，也説明民主產生兩黨激鬥，治國焦點唔係搞好國家與世界，唔係世上最好政治制度。
中國治理概念係大家齊齊發展富足有飯食，大家和平融合安居樂業唔打扙，同惡霸完全相反，當然無法合作，各小國唔選邊站就係牆頭草。
暫時未諗，做好當前先喇！
刪除科技比人類進步得更快，若然將來取代人類的工作，問題就大……不過應該這幾年內都未會發生……
都想知一爺小時在什麼家庭環境長大？！發覺時下的家庭十居其七都係反中思想，只是唔同程度而已……子女本來是白紙，每天都受著家長的「洗腦」，唔駛問大個變成點都可想而知！！
各小國做牆邊草，想繼續困在經濟的不景氣中，就繼續做牆邊草，每個國家，包括中國大陸都要尋求多些經濟出路，想走出低迷的景況，真係要互惠互利，大家合作才是！！
反中……
刪除咁森哥要歧視我，因為我阿爸喺廣州走日本仔隻身黎到香港，係大陸仔。我阿媽係一腳牛屎未讀過書嘅新界鄉下妹。我係徙置區長大嘅窮等人。
歧視千百種：大陸仔、舊時新移民、鄉下妹、文盲、窮人、出身低賤、醜樣、矮仔、英文差(面對鬼佬)…都同我扯上關係。哈哈！咁森哥背境？溝通咁耐都未知，不過，森哥都係一貫隱匿避開，其實我又無咩好奇心想知，知道咗又無得益。
我係半個大陸仔，反中即係反阿爸，同反自己上半身(生)，自己睇低自己，咁咪痴線囉！…
又唔係畀共產黨抄家嘅有錢家族咁成仇人。又唔係打敗扙走佬去台灣嘅國民黨。
你都知我工作上會同各國交手，如果背後祖國強大，好似D人會仰望美國人、日本人咁仰望好叻嘅中國人，知我厲害唔敢亂黎，浪費我時間去反攻，落佢哋面後才乖乖正常。所以，我嘅出身、經歷都令我希望中國富強，畀人有高人一等型象， GDP世界第一，軍力世界第一，高科技世界第一，體育運動世界第一…中國好有利華人，無必要損害自己利益。
你諗多咗，冇人有歧視，只不過覺得你不是反中，而是反美，想想你的家庭背景有冇左右到你的思想和諗法……
刪除相信身邊有百分之七十的人都係仇中仇共，但自過去幾年很多人都夢醒，要改變人想法不易，根深蒂固，很多人都由細到大都係受家庭因素對國家的睇法！！當然每個人都可以有自己睇法，不會受人影響！！
幸好，在這裡寫博又遇到的博友也不是仇中人士！
我都同你講過以前係崇美，係近年惡霸都唔再扮君子，欺凌中國及他國到咁明顯才轉態。
刪除係近呢幾年某國越做越出，扮都費事扮，明玩針對你又奈我乜何呢!!!!真係想講句：不知所謂!!!!
刪除
刪除作孽太多畀天收。
美日創新力弱化，人才好似走晒去中國，走下坡中。
哈哈，你又知人哋作孽太多……
刪除家陣的經濟大環境，個個都走下坡，冇個國家能獨善其身……
以前公司， Fax 機一定會有！ （∩▽∩）
回覆刪除早前傳真機真的是辦公室常有的設備，但家庭就未必要……
刪除是的，八十年代傳真機是最常見的辦公室用機器。到九十年代中期開始個人電腦普及、後來更出現「電子郵箱」、可以用「電郵」之後，傳真機就真的被淘汰了。
回覆刪除對呀，時代不同，很多的舊物都被新東西取代，個人電腦的出現，真的革命性取代了多樣的舊有模式，相信牛兄現在畫稿也電子化了，我通常畫完線稿就在軟件上色……
刪除不過老牛還是守舊，仍然是用油性筆在紙上畫，沒有「電子化」，因為是老習慣、不想改（其實是怕接受新事物）。
刪除每個插圖師都有自己風格，所用的畫畫工具都有不同，都是看自己的畫畫習慣，因為我本身的畫大都要填色，用電腦軟件上色比較鮮明……
刪除以前公司有BINDING MACHINE, 記得打窿竟然打錯了另一邊，左右對調，真糟糕。
回覆刪除如果一些設備要人手操作，難免會有錯漏的地方，所以有時科技進步，也可以減低出錯風險！
刪除我到而家都仲係會keep住每晚攞Discman聽歌，風雨不改。
回覆刪除講開又講，我部discman仲聽得，幾襟用，反而CD機聽幾年就壞……
刪除現在，我多了用手機聽歌……
記得姐姐以前的公司有一座蘭克斯諾影印機，是蘭克斯諾公司送給各大公司長期免費試用的。姐姐叫我拿些東西去給她影，我就湊趣拿些手抄的歌詞去給她玩玩。
回覆刪除現在的手機比電腦更方便，傳送影音瞬間即達，科技一日千里，所以大東電報局一早就摺埋了。
以前的影印機，或傳真機真的是大公司才有，普通的家庭又很少有這些文儀設備，現在就多了人居家工作，所以這些文儀設備都趨向輕巧化，現在智能手機都越出越多功能，所以也幫輕很多文書傳遞的工作...現今科技的進步，舊有很多東西也要退役!!!!
刪除