一向都少吃果乾，最主要有很多果乾都是帶酸，就算新鮮水果，都揀幾樣甜的來食...至於葡萄乾，基本上都少吃!!
直至有次因為某些病況需要入院，因為這樣就弄至血壓離奇低，正常來講上壓應該三位數，但當時竟然是兩位數，連我自己都未見過...兼且醫生話紅血球低，不可出院，擔心也是必然，檢查過後醫生說要等紅血球回升...心諗，有什麼可以即時補血，要簡單直接就是葡萄乾，於是叫人帶來，第一口食己經感到甜甜地，起碼不是酸吧...之後情況得到改善!!自此之後...差不多每日都會食少許葡萄乾至現在，呢隻牌子的葡萄乾比其他品牌的算甜，看它盒面說沒有添加糖，不過吃少許都沒有相干!!!
同場都介紹這隻葡萄餅乾，這隻餅唔錯，食落很自然而且它沒有太多添加物，餅身厚都可以頂肚餓...都買過好幾次!!!
只要上網搜搜，原來葡萄乾有幾多好處...有需要的話可以自己上網睇睇!!!!
我都幾鍾意食果乾架，經常食的包括芒果乾、菠蘿乾、大樹菠蘿乾、蘋果乾，當然還有提子乾。提子乾有兩種：紅提及青提，紅提比較甜，青提冇咁甜，我兩種都喜歡。
回覆刪除相信果乾都算受歡迎的零食，相對甜的朱古力和糖果等，果乾算是有益...你講的大樹菠蘿乾早前才吃過，幾好食，都是偶爾見到才會買來吃的...
刪除紅提比較適合我，因為帶甜，青提乾感覺比較酸，但如果兩者都是詌，我會揀青提乾~~~
乾果好多都糖份高，要睇清楚營養標籤，我多數只食西莓乾，用來加落麥皮﹗
回覆刪除係呀，所以我都係吃少許就得，適量地食用就好了...
刪除西莓乾都正，加在其他食物上都幾好，據講西莓很多膳食纖維!!!
一粒普通提子乾背後都藏著一個人的苦難故事。阿媽傳統畀加應子解苦中藥，啱啱醒起西藥都苦，點解無得食架！依家要去問米才有答案喇！算係同病相憐嘅兄弟果乾。
回覆刪除提子乾入饌有提子車輪包做多士好好食。新年後，藍罐最快清係脆身唔甜提子嘅果種曲奇餅，一片片嘅提子勁甜嘅提子蛋糕。酒吧佐酒小食(提子乾/蝦條/花生/魷魚絲)多重口感鹹甜兩重天好鬼好食。中年好健康才曉食嘅榖物早餐muesli。
從小我就愛吃果乾。不知明x梅乾、飛機欖、華梅、甘草檸檬、澳門三千年結果……華梅勁難食，唔知點解仲會食佢咁鬼蠢。由其是小學旅行，我都無暈車浪，無得解啦！
藥材鋪嘅提子乾係綠色，除咗乾到好柴又唔甜，唔係咁好食。
扮高雅崇洋嘅鬼佬葡萄酒都有飲過。細路飲過節贈慶嘅葡萄汽酒。
如果能食控，佢係優秀零食。
係呀，森伯每樣食物背後都有段故，唔係都冇咁多野寫啦...加應子間中都見到些舊式零食舖有賣，國貨公司的超市肯定搵到，帶酸本人好少買來食...
刪除見到提子乾多數家長買畀小孩吃，有些迷你盒仔包裝，畀細路食幾好，唔過量...森伯有時都想買，細細盒袋落褲袋，想食就拎一兩粒仔出來食食~~~
我比較鍾意吃提子包，細個專登搣包上的提子乾食，食完才吃個包...
呢點唔認同，藍罐最難食的味道係提子果款，反而大多數人會揀旋風果款，所以每次一罐餅最後剩就係提子款~~~~~
以前的涼果好多款式，好少揀話梅或者檸檬乾，多數勁酸...你講起三千年結果的澳門名物，真係好耐冇食過，係涼果之中數一數二好食，見到必買來回味吓!!!!
講到提子飲品，好記得好耐之前都有隻叫利賓納的飲品，而家都好似仲有...佢話係濃縮的提子汁，又話有維他命加上去，所以每逢去探病都會買畀病人，若然現在對食物的知識豐富了，當然唔會買給病人飲啦!!!
自從果次的病痛經歷，都感到提子乾幾好...
換個角度睇，我哋屋企文化唔同，得佢多幾粒梗係好D啦！提子包都貴過齋包啦！永遠作反嘅我倆，呢次食曲奇餅各取所好、互補長短 反而好夾喎！神奇！
刪除尾句換句話講：經一事長一智，有經歷嘅熟男森哥魅力惹人愛。我都算開放接受唔同嘢，有時撞板，限低銀碼當交學費，有時都撞到意外驚喜，唔試又點會有得益呢！跌跌碰碰才是人生。
我諗頂甜癮食佢有營養過糖啦！年檢後發現某年年食量由10kg暴增到20kg，因『棧』賤賣到期貨$16/½kg，失控後改食蕃薯糖水。街市平D買幾斤，可惜易發芽，買少D又蝕底咗，而且，太多泥沙好驚塞渠。最後，轉食雜豆糖水都好喎！每周餐單只得豆腐，加豆量後種類比例更均衡，飽肚、放得耐、多纖、多營…好處多籮籮。治療零食癮、甜癮、肥胖症最緊要飽暖。通常各豆買4斤(夠我食4個月)唔使行多轉，阿嬋問我係咪開糖水鋪，蠢咗無反問佢係咪鋪頭價收順D。人生不停轉變，換上最貼心嘅，就穩定下來，食出人生道理。
咁你地家中的文化又幾特別，多幾粒提子乾就矜貴啲……而家齋包都唔平，買回來你自己可以加提子上去！！
刪除食塊餅都講夾唔夾，冇所謂只是各有所好！
生活在於嘗試，唔啱就試到啱……森伯家中都常備蕃薯，烚來吃或整蕃薯飯都好好！！而家買的蕃薯一般都乾淨咗，表面有泥沙都少見，豆粥間中整，不過豆加五穀類，整個粗糧粥，用來送食物簡直一流，
個個人都係，搵到適合就安定下來……
我食更健康、更廉宜嘅燕麥，一餐食一杯都係$1，有益過精製澱粉方包啦！燕麥加乾果、果仁、芝士、新鮮水果、奇異籽…乜都得啦！
刪除多啲嘢夾就少啲衝突。
呢隻提子餅黐牙嗎？
有啲無腳雀仔係定唔落黎架！有啲人貪新忘舊都唔停變架！
講起燕麥食品，令我想起一隻名牌燕麥公司出的燕麥曲奇間中會買……你係燕麥支持者，食過未？！
刪除基本上很多市售的餅大都黐牙，你可以試試以上所講的燕麥曲奇，唔黐，比較鞋烚烚！
每個人都有自己個性，冇得勉強……
食過大牌子麥片，品質惡劣！食用限期仲好遠，未食晒已長麥皮蟲，浪費好肉赤。後來食各無名氣雜牌軍如百佳牌、xx棧、優x數字就算過期小小反而無一次出事，信心盡失，仲要貴過人哋，靠揼錢賣廣告嘅劣質名牌我唔揀架，佢周邊出品唔荒好啦！
刪除消委會都有報某大牌有除草劑。
舊年尾喺優x入梗皮貨，同個阿婆搭訕，佢都話大牌子有生蟲，有多一個三唔識七嘅助例已夠力證，佢想買又唔識英文唔敢買，因有分即食同要煮嘅，我食過OK就推薦，仲提醒買孖數才特價。
再者，原形飲食才健康，加工食物無益，用健康食材加工後餅乾未必健康。我斷食後瘦到28吋腰，咁就放縱狂食麥味消化餅，結果肥到30吋，停食後只能保持29吋，再也回不到最理想纖瘦身形。反而，我狂食72%黑朱古力又無問題喎！身體反應最真實，每個人有個人經歷、有自己選擇。
森哥可以買黐牙餅封印是非小人，令我諗起中國過農曆年嘅傳統習俗，年尾謝灶必要有一罌麥牙糖，黐著灶君把口，希望封口唔會向玉皇大帝打小報告，就算佢把炮講到嘢都仲有一兜白色形固豬油，等佢把口" 朗"過油。古時連神仙都要賄賂，咁人間賄賂風氣不知幾盛行，社會腐敗不堪都唔奇，廉潔政府才得人民信賴愛戴，國家才富強。
居企果罌整角仔用剩就畀我哋偷偷當糖食，高呼新年萬歲。
你講呢隻品質惡劣的大牌子，記得係由細食到大，不過直到現在對麥皮有所忌口，唔係太食得煮麥皮，否則早餐可以多個選擇...其實生蟲以為是不好的，想想其實它們可能沒有太多的農藥，就等如買菜都要揀有冇菜蟲咬過的洞，
刪除一個個的蟲洞代表沒有太多農藥，但現在的菜很多都係乾乾淨淨，葉片相當完整...自己唔食麥片，所以都唔知邊隻牌子最平最實惠...見燕麥曲奇唔會太多麥片，所以就買來吃吧~~~
阿一爺又幾受班姐姐級、太太級...的人士歡迎，常常都會跟人搭訕，傾幾句又搵到著數東西買......你講起麥味消化餅，真係好難忍口，每次只能吃一塊就算，現在除了下午茶嗰餐可較放任食，其他時間都定量...
幸好鹹蟲森除了對鹹味朱古力有興趣之外，其他朱古力又冇太雀躍是常買來吃，一爺你有冇邊隻黑朱古力介紹下，等老人家下次搵搵來買~~~不過朱古力都少吃，老人家牙齒都很重要~~~
黐牙餅封印是非小人...唔知你講乜?!!...你估森伯有咁多閒錢買黐牙餅畀小人食咩?!!買返來都寧願益自己把口好過.............
每逢過年、中秋、聖誕都大把野食，尤其現在復常，外出逛逛食吓野都係一種過節的樂趣!!!!
畀森哥講到咁好，我心動要連虫食，因爲麥皮虫高蛋白低脂有益！深刻記得我只食咗一半就有虫呀！喜作對嘅豪邁森哥讚同食一半就掉落垃圾桶咁闊佬！仲乜喺度幸災樂禍！
刪除森哥特有消化系統成日食餅干當正餐及零食都唔肥，令我佩服又羨慕，畀着我呢D加工精制澱粉質早就肥4、5吋腰。
森哥喺超市、街市買嘢都唔會主動或被動同人搭訕？你好cool。咁平日森哥會回答我真係三生有幸。
我唔係美食家邊敢推薦呀！挑食原則係健康、可口、抵食。黑朱古力無牛奶朱古力咁好食，咁仲都有朱古力味去滿足我。成份表可可約72%，食過幾隻牌子，全部味道都係一樣架啦！所以，正價唔買，等打折才大手入貨，用呢個策略控制我一年只狂食一次。等我下次食時加粒鹽試下好似西瓜咁食係咪正D。
每個人身邊都有小人，我只想有咩方法去治D小人啫！
擦餐飽都好治癒，又舒壓。
又冇必要連蟲蟲食，洗乾淨都唔怕既!!食得一半就生蟲，你會否唔知買了些準備過期的食品?!!照你講你日日都有食麥片，何解會搞到罐麥皮半年就吽晒蟲?!!咁情況畀森伯都未必會即刻掉，可能放些防潮珠在罐內~~~
刪除餅乾當正餐冇咩可能，除非當日冇飯開又肚餓，香港地想食隨時都搵到野食!!!!
點解要無端端同人搭訕?!!森伯真係好少好少，買完野就撇...
就係唔係美食家推介的食物才是最中肯，最貼地...係呀，隻隻牌子的黑朱古力都係差唔多味道，有時都想買90%但怕唔啱口味，朱古力好少優惠價，鹹蟲森記得有次鹽味黑古力買一送一，即刻拎兩排!!!唔好老點森伯，下次就試下買72%~~~~
每個人身邊總有些小人，很多都係在你人生旅途中擦身而過...冇咩必要為他們而動怒!!!!有這個想法慢慢就會看開了~~~~
擦餐飽都好治癒...所以有時都好想自己一條友去食自助餐!!!!!
哈哈！要噴完殺虫水後生食嘗鮮，好正呀！
刪除仲有好耐未到期至激氣。家庭裝每包5磅，有封口再放入膠盒，每周食2磅，早餐和下午茶餐(代零食)，好短時間咋。森哥唔使幫口，我已釘牌。另外，我証實麥皮可減肥係騙人嘅。
森哥又講自己人見人愛、車見車載？應該有人主動搭訕。
兩排咁孤寒架！特價我會豪買，計食量喺食用期前盡買。我有買過成盒正常大細嘅三角朱古力有20條，係$200劈到$60。好狠呢！
我睇唔開，小人似癌細胞要共存，煩C。
我感覺斷食嘅每日一餐全空全滿都好治癒，我易滿足、易過活，真好。
好耐未到期?!!你屋企真係旺丁又旺財...旺財睇見一爺身光頸靚就知喇，至於旺丁...未到期啲蟲蟲就好好生養，生埋一竇又一竇...哈哈哈
刪除咁你而家仲有冇實行斷食，見你又早餐又下午茶餐...麥皮唔可以減肥，有很多資料都有講到，聽講話要食就原片麥皮較好，即食麥皮落了鹽和糖?!!
森伯幾時話自己人見人愛，車見車載?!!...你自己幻聽咋~~~你想借森伯過橋...倒轉來講自己人見人愛，車見車載呀...唔怪得一爺咁受太太們，姐姐們的愛戴，經過都要同你講返兩句...
一排朱古力對森伯來講都有排食，買兩排可以同人分享下...你講起三角朱古力，食過覺得好甜，所以無論幾平都應該唔會再買~~
小人呢個話題真係好多人都想講，因為每個人生活都總會遇到嘛~~
暫時對我來講唔食早餐都OK，反而期待到下午可以食番夠本，又會幾充實(個肚仔...)
水為財，有水維修就頭痕。黃綠森法師唔好施咒語，好彩唔靈驗啫！森大師好準，光棍佬係身無分文光禿禿，形容人得條頸靚係無嘢讚得落口啦！無錢無樣無身材，明捧暗踩。哈哈！
刪除未識斷食前嘅失敗麥片減肥法。森哥健康知識好高，係碾平要煮原味更健康兼較低升糖值。
我走平易近人路線因為醜樣要放下身段。高傲cool型格路線係森哥有高條件。
我大食過森哥，好想更加大食，可以做職業大胃王靠食賺取短片流量嘅高額廣告費。
正常朱古力甜度咋！我唔覺過甜呀！
森哥又要講下小人？一定有共嗚，寫出嚟發洩情緒又舒壓。
斷食真好正，所以我成日掛喺嘴邊，可解決夏天悶熱無胃口，或細食導致缺乏某啲營養，森哥咪話自己斷食後瘦得楚楚可憐要添食。
身光頸靚，代表一身光鮮的服裝，森伯著的穿窿衫，又殘又舊，不能與光鮮相比較！！你話冇錢冇樣冇身材，你想有咩身材先？！
刪除森伯係普通人，冇咩質素可言……
我常講食的份量不過量，都唔驚咩卡路里，咩升糖值等！
問十個人，相信十個裡面有九個半都會遇到小人，有咩出奇！
我斷食的目的係畀腸胃休息吓咋！！
我做過吊扇，有款喺木板風葉加工啄窿，話營造蟲蛀殘舊感，襯托翻古董家居氣派，殘殘舊舊森哥都係貴尚。比完整牛仔褲貴多倍嘅穿窿嘅咪一樣道理。
刪除身材係應凸就凸，應凹就凹，有小小曲線我就收貨。
你好似乜都做過，做吊扇算唔算古老行業...不過一些東南亞的食肆好鍾意有木製吊扇，森伯穿窿衫褲就大把，冇一條係牛仔褲~~~
刪除你對身材的要求都幾高，若果是普通人就唔需要太計較，除非靠樣搵食的演藝明星!!
有造過馬達，咁就無造馬喇！
刪除展開救亡行動：自補。
你問我「你想 」，我回你「理想 」。人矮要志氣高。
你都做過幾多東西...
刪除小問題就自補，太爛的唯有丟掉~~
做人有「理想 」好重要...起碼知自己人生路點行!!!
吃葡萄乾都很方便，最好都是吃新鮮水果。
回覆刪除都方便，不過提子乾同鮮提子的功效是兩回事，變乾後比較有益，龍眼乾也都是比新鮮有藥效!!!!
刪除小時候就多食葡萄乾，大過左就好少食囉。
回覆刪除係呀，提子乾多數係小孩鍾意的零食之一，大人零食可揀其他！！
刪除
刪除謝謝分享。提子乾也帶來兒時記憶，那時提子乾包裝是個紅色紙盒，像火柴盒，上面印上一個小女孩。
不用客氣...
刪除哈哈，兒時吃過什麼牌子的提子乾已經忘記了，包裝怎樣更冇咩印象...
你講紅色盒子和小女孩現在都有得買喎，不過對我來講這隻的提子乾較酸!!!!
我老牛鍾意食新鮮水果，甚少食果乾，提子乾是例外，經常食。有一次在政府日間治療中心等見醫生時，無意間看牆壁上的健康資訊，有一段說到，提子乾是兩正餐之間的健康小食，即使血糖高者也可以食（當然只是如超市買的那種的一小盒，不宜太多）。飲中藥苦茶，中醫師常給「嘉應子」，或者「山楂餅」，而非葡萄乾。
回覆刪除其實對我來講，很多果乾都是帶酸味，一般來講食新鮮的多，因為新鮮水果比較多樣化，而且新鮮水果又會比較健康，對呀!!!通常果乾都會列為健康小食，只要不過量就冇咩太大問題...
刪除我都有聽過一些關於健康的視頻講，萄葡乾有助穩定血糖...聽起來也不知是否真確，不過本著唔過量，每日食少許都可以的.........
中醫執藥好少畀葡萄乾，通常一兩包嘉應子或山楂餅送口，而葡萄乾多數自己買來送口!!!!
入院弄到血壓離奇低，紅血球不足，是否在醫院的營養不夠 ?
回覆刪除懂得弄些葡萄乾來吃，正是立竿見影，真是聰明喔 !
很久之前已經聽說葡萄乾是有益的食物，所以有時都會買些提子麥包來吃的。原來還有葡萄餅乾，還是現在才知道。
整個星期也不見秋葉的到訪~~
刪除唔關醫院事，是自己的問題，但當時自己也擔心(不是假話)，也要聽醫生吩咐......
謝謝你讚賞聰明，當時真的是情急智生，也不知能否行得通，儘管試試~~
有時冇咩選擇都會買個提子麥包食，提子餅買過了好幾次，覺得不錯!!!
因為暑假臨近，小孫女的下課時間提早了， 之前又要為她預備午餐，又要送她去中心，忙得不可開交。有空閒都攤在床上休息了，沒精神坐對電腦，人老了就是這樣。
刪除每一個人或多或少都有些健康上的問題，我們都要面對現實。
孫女有秋葉無微不至的照顧，一定有個親情洋溢的校園生活...係呀，個人越多事忙，就會越感覺時間好快便過去了~~
刪除哈哈，若可閒下來就要好好休息，對呀，在家中要開電腦都懶了，通常用手機做些簡單的就算...
這又說得對，健康問題個個人都總會遇上，視乎是大問題還是小問題而已~~
森少說得不錯，我對小孫女真是無微不至。一年級時照顧她下課的不是我，她的脾氣很驕傲。
刪除經過我一年的教誨，她在校的人緣好了。但仍很孩子氣。
但想不到今個暑假和我告別之前，她竟然懂得說：「有什麼事就打電話給我；你要多休息呀 ! 」難得她越來越懂事。
不好意思秋葉，每則留言，我是沒有電郵通知，要我看回網誌才看到，所以遲了...
刪除做長輩的當然會對孫仔孫女照顧得妥妥貼貼，愛護有加，教孩子不能急進，要慢慢來!!!
看來你的孫女也十分關心你!!!
我懷念細過時食嗰隻黐𣲷𣲷嘅提子乾。
回覆刪除有時，細個吃過的東西，都好難忘，而且覺得特別好味！😁
刪除