森活日事...

每次寫森活日事通常都是沒什麼好寫，才把瑣碎的記事簡短的寫出來，畢竟這就是我的生活吧~~

打風...

今年第一個八號風球，真的來也快，去也快，最緊要就是沒有造成太大的破壞性，打工仔又多一天的風假休息，其實颱風一到，大家最擔心是兩餐點算，一掛風球處處食肆、街市也關門，不過只要平時買些乾糧應該冇問題，現今有很多包裝食品都可以存放一段長時間，所以有什麼風吹草動不能購買食物時，都可以煮來吃吃...

消費券...

過去的周日是發放第二期的消費券，但據報導講有一百萬人這期消費券是拿不到...相信森伯是其中之一，我並沒有去拍卡，因為短訊已一早通知我，而且還有些合資格的消費未用完，森伯都唔知有邊啲消費是未合資格...所以大家唔好以為拍到卡，過到錢就等同合資格的消費，真係畀佢吹脹...致電問過，要用晒才能再拍，現在唯有傷吓腦筋，諗吓點駛埋啲消費券先......

買盒飯...

一向森伯都係食自家飯為主，若然要自己煮就會相當簡單，目的清淡一點，都已經習慣了...但有次外出後，回家再整卻沒有時間準備，所以順道買盒飯回家吃，可能平時太少機會買飯，所以真的食飯唔知飯貴...只是叫一個菠蘿雞粒炒飯，好老實講：菠蘿同雞粒都唔多，驟看下好似盒素炒飯!!但飯就炒得好好吃...有時也慨嘆，少點錢也不能過活，閒來吃個飯也不平，動輒也要六、七十元，唔怪得早前聽人講，叫個茶記飯，最低消費也要五、六十元...不過世界各地都通脹加劇，剛剛更講糧價急升，有誰可獨善其身呢?!! 

幸好，自己識整飯，算係慳番少少咁啦...