近來都聽到很多社會事件，往往都與精神、情緒有關連，其實一向呢方面的問題也不能忽視，而事實上每個人都有機會遇到情緒問題，只視乎多與少而已...如我們日常生活裡，總有機會碰到大大小小壓力，心寬的人可能不當一回事，但對心胸窄的人，就容易耿耿於懷形成壓抑了...
正所謂冰封三尺非一日之寒，一遇有問題不理不理便把壓抑越積越大，所以初時懂得用方法去疏導自己情緒，也是很重要...
每人對疏導情緒的方法也有不同，視乎每個人...
第一：搵啱食物...
抗壓食物包括黑朱古力、香蕉、堅果仁等等...其實這點就是說你認為吃了就開心也可以吃，志在抗抑減壓!!
第二：搵機會做...
植物、運動、陽光都有助抗抑減壓的作用，尤其多曬陽光，可以降低焦慮!!
第三：搵街街去...
有時閉在斗室裡，反而令人想得更多，閒時便會亂想一通，找些機會讓自己外出逛逛也是好的...
第四：搵人傾傾...
我認為這個是最好處理情緒的方法，找人傾傾偈...哪個人不一定可以幫到忙，但抒發一下也對自己有幫助!!!
以上這些方法既簡單，又不難做到，當然喇，不同人有不同的應對方法，正所謂知己知彼，你有什麼疏導的方法，也可告訴森伯!!
多少不如意的事可能每日都會碰上，願每個人都能夠懂得處之...
你所推薦的方法都很好，其實個個人都有壓力，個個人都有不如意事，能夠凡事看開點，不計較，已經可以減少大部分不愉快情緒。
回覆刪除這些方法也是我看過的資訊得出的結論，問題都在於人的個性而言，看得開的與不易看開的分別...
刪除如果人人也懂得想得開不計較，就沒人得到情緒問題...可惜不是~~~
心態影響情緒、學習、人際關係、人生道路、成功。咁係咩態呢？咪係成長進步型心態。例如：唔係一下子讀少少就考取100分天才型，而係考60分，呢個分唔代表失敗、恥辱，亦唔係好蠢，只係有30分進步空間。點解唔係40分，唔做100分完美主義者，90分夠攞A級就得啦！觀察檢討錯誤、不足處，努力小小突破，下次有機會攞更高分數，他朝會成功。只要有門路成功，就無壞情緒。
回覆刪除養成精英20個習慣
1）睇錶次數比人多1.7倍
2）不介意喺人前顯露弱點
3）不斷揾人傾，活躍
4）改善係實際行為/行動改變，唔係得個諗字。
5）唔使一次到位，求不斷突破
6）挑戰係有失敗風險，但更近成功
7）有六成把握就行動
8）成功方法必須可複製
9）每兩週有一次檢討
10）簡化例行工作，善用小商品，電腦快鍵。
11）能力唔係最好，做事穩妥最令人放心
12）做咗兩成工作，就要檢討搵建議，唔多走歪路
13）喜歡寫低點子
14）畀人笑多1.4倍
15）會議中發言畀人多22%
16）唔怕做決定去孭飛
17）喜歡新事物
18）立即實踐剛學到嘅嘢
19）唔遲交功課，有問題即上報
20）六成以上精英常做筆記
情緒問題往往都可以從很多方面影響，包括個人、環境...等等
刪除照你所講都係對，你說考到60分都唔代表失敗，令我想起選美比賽，亞軍雖然次於冠軍，但往後發展仲好過冠軍~~~~
你講既20個習慣，好似心靈雞湯之類的文章...還是你自己親身試過這些方法?!!
一個人成功有很多方法或習慣，不是個個都有這些習慣的，成功與否除了看自己有冇把握機會之外，仲要睇睇自己的運氣!!!!
森哥講得啱，係綜合因素。就算做咗精英都有抑鬱症，啱啱個天后咪自溢，事業有成，廿億身家，可惜，千揀萬揀揀咗個渣鬼佬，自以為事業成功就好聰明，卻遇上婚姻失敗，佢咁西化又唔諗推倒重來，西方離婚好普通啫！情困走唔出嚟真慘。都係講易行難。
刪除60分畀機會人諗通人生大道理。好多初中優秀文科腦揀錯理科，有個同學初中全級考第三嘅，喺會考攞齊ABCDEF，A中文B英文，反差好大。會考唔係人生全部，揾啱線路走，設計、演戲、唱歌、木工、畫家、紮鐵…因人而異，好似森哥就畫出彩虹。上面雖然我係參考翻黎，再用我文字演釋，都好啱架。第17 點唔敢試新嘢有問題，如果森哥唔試畫畫，又點知呢樣最啱自己呢。
每個人都有成功的機會，但是不是每個人下的功夫都一樣，不過你講的20個習慣，只能說是參考，一個人唔需要爭取一百分，反而攞六七十分，仲有進步空間，人生才有繼續前行的目標，森伯畫畫自細鍾意，仲記得幼稚園，畫隻兔仔，啲同學仔都話靚，細細個已經畫……唔係一時興起，現在都繼續keep 住畫……
刪除你都好叻，樣樣都試過去做，可以豐富人生的經歷，起碼人生冇白過呢回事！！
有時一念之間，往往會影響人生很多決定，做人一帆風順唔一定係好事，人經歷過磨難，經歷過很多的折騰，鬥志變得更強，如果人生際遇事事順暢，一下子巨浪衝過來，就會不堪一擊，大壓力來到就抵擋不住，面對不到，就選擇逃避……
所以話人生際遇唔如意也是好的，畀自己磨練吓人生，抗壓能力也較強！！
天才兒童畫家，真係三歲定八十，作文「我的志願」係做瀟灑自僱插畫師，我係夠料塞五百字交功課嘅任何職業，文人真多大話。
刪除感受人生，經過盲摸摸階段，試出喜惡能力底線，深徹了解自己。我係出過兩篇blog，一篇講閱歷，另一篇講肥胖，1D趣味都無，覺得負慮咪搞我， 如果有人不斷叫我做啲唔鍾意嘅嘢，真係令我好忟憎。
窮鬼落地哭三聲已係人生谷底，低無可低，只有更好，有呢條保護線傍身，心理承受千噸力。
香蕉同堅果我都愛，黑朱古力冇牛奶朱古力咁好味，好似美沙酮頂癮都唔錯，醫生開啲咁嘅藥方就嘆C喇！所以，我係預醫唔係御醫，揀食咩、點樣煮、食幾多、幾時食，彷如醫生開預防藥方畀自己食，搞掂身壯力健，用香蕉果仁朱古力打爛醫生飯碗，醫術高明嘅我頓時高咗一節， 岳高個頭走。
有時天才同蠢才只是一線之隔，呢個「志願」希望有朝真的可以做到!!!塞五百字...你會唔會睇少了自己，我覺得你塞五千字都得~~~
刪除叫你一爺唔得，真係應該叫你大爺，出過兩篇博咁多多就話無味無趣...其實無論做什麼事都要用心經營，或者試過一段時間才能正式作結論，寫博好隨意，都係時下的人們想發表一吓己見，或對某些事有感而發都可以，並不是勉強交苦差...
生活有邊個毫無壓力，都總有些事情令人感到千噸重，唯有知道自己適用的減壓方法就是了~~
樣樣食吓啦...唔需要太過執著食幾多，幾時食，一日幾多次...等等，你真係當食藥丸咩?!!
森伯戴定頭盔先，由頭到尾冇話可以當藥，只係可以緩和一下唔好的情緒，情緒病是非一日之寒，只要初起時可以得到舒緩也有幫助...
你唔駛用醫術高明來形容自己，直情用「華陀」都得...哈哈哈
黑朱古力、香蕉、堅果仁是我的至愛。
回覆刪除我現在運動的確少咗。
搵街街去...一定唔少得啦！
搵人傾傾...我每星期都搵人一次茶聚...
所以我冇焦慮、抑鬱！
但每個人抗焦慮、抑鬱能力不同，不幸遇上了祇管盡早治理！
基本上，黑朱古力，香蕉，果仁唔難食，仲幾好食，若然有好處的話，都不妨多吃！
刪除你唔駛擔心，你成日遊遊逛逛，運動量都已經足夠……
懂得為自己疏導情緒好緊要，始終不要把自己太過收埋，適當時候也要找人去傾傾：有句話常講，打開心窗好重要！
社會萬象似個萬花筒，只要肯關心研究，並有書可讀，時間只覺不夠用，又何愁寂寞呢 ? 散步是一種溫和的運動，居家又可以耍耍《八段錦》。
回覆刪除關鍵是能否安之於室，能安於獨處，一個慣於獨處的人，是不會產生抑鬱感的。
秋葉也寫了好幾個情緒疏導的方法，睇書我漏了講，揀一本有正面內容的書也有莫大的幫助，我亦看過《我變快樂了》以及《秘密》等書，內容講人的念力可以改變人生很多方面的事情，靠念力也可以減低焦慮，減低煩惱麻煩等情況發生在自己身上，是些不錯的書！！
刪除有時讓自己獨處，可以有個沉靜的空間，好讓自己冷靜解決難題……
生活上有時總會有難解的結，要努力解結，找對門路即可。
回覆刪除以前看到有些人說：男人不外乎錢銀、 女人。現代人更懂得看重健康。無倫男女，其實健康最重要 ! 情在其次，如果這兩樣都失去了，便容易引起抑鬱症。
有句說話講，解鈴還需繫鈴人，每個問題都總有解決的方法，正如你所講，有沒有找對問題的癥結所在……
刪除其實一個人的問題都可以從多方面，但要有個信心，問題總有解決的方法，不讓自己太過擔心，太過焦慮！
森伯提出的四個方法都是簡單易做的好辦法。有情緒困擾、精神健康出問題，其實任何人都有可能，也不一定人人都清醒認識自己及找到化解之法，有不愉快時找朋友吐下苦水是好的。
回覆刪除簡單的會有人試下，講到太複雜連自己都唔想試啦...牛兄所說我也認同，現今世代人們生活壓力大，對物慾、比較心又著重，形成大壓力也不奇，所以找些適合自己的減壓方法是有需要，就好似我們畫吓畫，都係一種減壓方法，而且幾有效，尤其是畫了一個滿意的畫作，都有種「沾沾自喜」的感覺...
刪除最佳方法都盡量找個人傾傾~~
我覺得做運動，例如行山，目標跑步，食朱古力都有效，而且做起來不難。
回覆刪除至於和人傾訴當然最有效，但知己難尋，有時貧賤夫妻，雙方可能都難於出口。
同意，一遇有問題便要及早疏導不快的情緒！
做運動可以乘機宣洩一下負面情緒，能在郊外或公園仔走走也是好的，目的都係吸收陽光同新鮮空氣...食蕉或食朱古力都可以試下~~
刪除你講得對，傾偈也要有對象，有些人可能與人說話都少，更遑論與人傾偈...所以溝通好重要，打開自己心中的死胡同嘛!!
正所謂病向淺中醫，情緒問題也一樣~~~