一句說話講：你返去大灣區啦!!!相信大家近呢幾年都聽過唔少...哈哈哈
每每講到這句說話時，大家有否深思，究竟大灣區是包括那些地方呢?!! 敢講!!分分鐘可能連講這句說話的人都不知!!!對於這些人，森伯只能用無知來形容他們...可能有更多貼切的形容詞，當然呢度唔方便講啦~~~~XXXD
有時人家所講的潮語唔明，你都會尋根究底問過明白...更何況時時聽到的地方!!!
當然懶蟲森伯也沒有考查答案，腦海裡都認為是包括國內某幾個地方，例如：廣州、深圳等，有人講過香港也是在大灣區內..都是模糊不清!!
但有次經過某商場，見到這海報，就有好詳細的地方名，因為這個比賽，就正正與大灣區有關，資料肯定冇誤啦!!!原來大灣區包括：香港、澳門、廣州、深圳、珠海、佛山、惠州、東莞、中山、江門、肇慶等地......哈哈，清楚晒!!!👍
這個活動是攝影比賽，目的可以透過呢個比賽令大家對大灣區有更深認識和了解...
呢個活動仲未截止，對影相有興趣的人士都可以參加，森伯自己甚少拿部相機出街東影影，西影影...所以點影得好睇，都冇咩把握，而最大問題係冇咩專業拍攝設備?!!最好就是大灣區內有咁多好地方，去邊度影都得!!!
如果森伯要影都會揀番土生土長的香港，因為知什麼是最有特色!!!
大灣區，大灣風景好，區區有美食。
回覆刪除哪區風景好，哪區美食味道好...就要靠Stella幫我哋介紹吓!!!!
刪除大灣區咪係珠江三角洲囉！沿用舊名易明咪仲好，改到無人識。
回覆刪除廣州人叫廣州仔，香港人叫香港仔，咁樣我哋咪係大灣仔，多重身份。
如果你係美國人，讀大學、工作都唔會只局限喺出生地咁細範圍啦！時時搭飛機穿梭各省都係正常工作需要啫。所以，唔好只縮喺狹窄嘅香港發展，放眼大灣區，放眼中國，放眼世界。
以前，對於國內人，深圳工作機會好多，由北方南下打工仔揾工都揀深圳。我有次轉工去咗中山，招工有困難，咪撬番深圳做嘢時舊下屬，有D都有疑慮另一半喺中山只有低薪工作機會，點知去到後佢個小職員老婆好快揾咗份筍工，因為呢區好難揾到咁有經驗嘅人材，高薪啲都肯畀，做經理喺公司打骰，佢哋立即買樓，仲接埋分隔異地嘅老母同個仔一齊住，唔係我改變佢舊思想就唔會有咁好景，仲請我食飯多謝我有咁好帶挈。時勢不斷變，適時踢走舊觀念。
現在閱歷多咗，思考體會多咗才能寫咁多字，後生時膚淺、無腦又無料，最怕即堂交作文，嘔個字都好難，判若兩人。
新時代改番個新term，可能想畀人簡單易記...珠江三角洲似係地理堂的名詞!!!
刪除仲有九龍仔定新界仔，不過我通常稱自己為「西狗仔」!!
係呀，美國地方大，返工都可能要穿州過省，冇可能似香港地方細，車程都唔需要太長!!其實現在香港有很多方面，都已經北上去發展，早好多年前都已經有...正所謂人望高處，若然仲後生，有好路數梗係去闖下啦!!!
咁你真係人家的苦海明燈，點條好路畀佢行，生活上有時都需要作出多方的改變，可能有些人眷戀現在的舒適圈，但有機會都最好試吓，可能有另一番新景象，有意想不到的收穫，當然事情兩面睇，有好有唔好，唯有靠自己去決擇!!!
由細到大我都好鍾意中文寫作，每次交完的作文，老師都有句評語給學生，總見我的文章評為，行文流暢...有時文章寫得順暢，自己去讀也覺得舒服...
長三角區經濟圈都係直接咁叫，珠三角區都唔錯吖！事情唔係改個名就得，背後仲要有人推動、拆牆鬆綁、修例協調，解決問題，掃除障礙，搬走大石頭。邊個聽你支笛？大灣區協會？例會？數碼港目標變質淪為地產項目就係推動人乏力。隧道易通行係良策，不過，感應未達100%良率，假車牌問題未處理好…
刪除「西狗仔」個名好可愛…好似有乾嗲圈養咁。
機緣巧合！萬一無運，老公畀老婆日哦夜哦，由擔憂化為讚賞決定正確，徘徊地獄與天堂，喜出望外。
中學仲要寫週記畀班主任，我都覺得無題材，同作文一樣咁吃力嘅。反而，數理科就好易掌握，操數學題好開心架。記得中三教數老師兼班主任係文科讀經濟出身，佢同我哋講佢有啲數學章節係連自己都唔明，但佢覺得我哋又好似好明白喎！考試又答對咗！好神奇。老師…老師…
有個新專有名詞都係好，易記……
刪除西狗仔你都覺得意，點解要畀乾爹圈養，用來圈養咁咪仲可愛！只有你先諗得到，森伯當自己住西九區，順理成章叫西九佬……
森伯喜歡寫作，不一定中文，記得以前讀書，英文作文都會用上很多生詞，平時用本簿抄低生字，到有英文作文就搬入去，森伯未必係理科人才，數學唔合格的多……
最後一句很有意思，香港人到底有冇時間好好看清楚香港有什麼好地方（包括我）？
回覆刪除港人一有假期，或己經復常，第一時間就諗外出旅遊，可能香港都有些好去處是不錯的……
刪除這樣就要靠你多多發掘十八區，有邊度係好食好玩的去處！！
早幾年都有去山頂睇睇，都發現好多古董幾好睇。
刪除當你用心發掘所住的香港，都有很多值得去睇，去參觀的地方……
刪除大灣區是簡稱，全名「粵港澳大灣區」。美國有「紐約灣區」、「三藩市灣區」，日本有「東京灣區」，是世界上的四大灣區。香港地方細，已發展到樽頸位，國家有見及此，在港澳回歸後，同廣東另外九個城市成立這個經濟聯盟，互展所長，互補不足，大家一同進步，這是香港的發展方向，沒有大灣區計劃，香港的發展就很局限。
回覆刪除謝謝你的資料補充……
刪除常常提起美國的灣區，就聽得多，其他國家的就少聽，每個地方都會劃出幾個區分以作經濟發展區，將經濟重點放到這裡！
就係都有不少人，仲覺得香港是另一個地方，所以他們所諗到的大灣區內的城市，冇香港份！