有日在車程中，看見有輛貨車，貨車是運送包裝糖水...看車身所示的包裝糖水，超市都可以買到，森諗：現在還有多少人會想飲糖水呢?!!外出飯宴後都會問問有冇糖水送，當然喇，有的話感覺都抵番，因為細細碗，相信大家都好歡迎!!
現在的家庭，飯後有糖水吃都比較少，皆因港人個個都營養過剩，又怕肥又怕糖尿...幾乎人人都聞"糖"色變...在我的角度看，自家制的糖水點都好過買包裝糖水，最怕係包裝食品是用什麼糖呢?!!自家製作就用真材實料，甜度可隨個人喜好，應該會好一點...
夏日炎炎，飲個經典的臭草綠豆，真正可以消暑解熱，呢個臭草綠豆糖水，真可列入森伯至愛糖水的三甲...
只因特別鍾情臭草的香味，臭草的香味是種屬於夏季的田園氣味!!!有些人卻愛綠豆+海帶來煲糖水~~
一碗靚靚的綠豆沙放在雪櫃裡雪雪，就能夠在這個悶熱的夏季裡，暑氣全消!!!!
唔知大家對港式糖水又有冇特別喜歡?!!若有可以留言分享下!!!
Beautiful recipe
回覆刪除Thanks !!!!
刪除Please read my post
回覆刪除Okay~~
刪除糖害死身體，所以，血糖一高，身體自動機能馬上召喚胰島素掃蕩，仲要用脂肪形態儲糖，但係，我依然食唔停，因為腦神經得到了主人賞賜獎勵，會發出訊號繼續要求甜頭，循環不息，造成糖癮君子，癮君子嘅我每日尾段需甜品了結。
回覆刪除我認爲傳統中式甜品從營養學上係有益過西方糕點，仲有更嚴重呀！甜度調爆標，班鬼佬舌尖甜味蕾好似失靈咁，死甜、甜死…我怕死。豆腐花、薑汁蕃薯糖水、豆沙、果仁糊、蓮子白合雪耳、桑寄生蓮子蛋茶、燉蛋、薑汁撞奶、雞蛋腐竹白果、涼粉…中式都選用有營養、原形食材整（加工食材、睇唔到原形係無益），每日均衡飲食要包含豆類同果仁，正餐唔啱拎黎整餸，巧妙用糖水方式補回呢個缺口，呢個係中國人累積落嚟養生智慧。我不要太崇洋，多發掘幾千年歷史留落黎嘅好 好 好。中西兩大不同文化合併，中美正拼到你死我活，世界百年難得一變，世界多極化令各式人種得以公平發展。玻利維亞總統：「金磚國家（代表第三世界）的存在，能讓我們無損尊嚴地進入國際市場」。即係，第一、二世界踐踏人哋人權和尊嚴。
仲有呀！以前，係唔知道每日需飲八杯水，糖水、湯水、茶喺不知不覺間就飲夠。
家陣好似人人聞糖色變，其實適量的糖都可以，長輩講：糖份可以令皮膚不會太乾...當然喇，吸收太多糖又會令皮膚容易衰老，好似一爺咁靚仔，因為食糖而停唔到，顯老左就唔抵~~~~~~XXD
刪除其實森伯唔係太喜歡食太甜的東西，外出吃東西唔會揀糖水舖，如果要食自己煲仲好，起碼落的材料自己可以控制...
睇你咁講，你都好鍾意食甜野，搞到失控咁誇張...
西式的甜點有雪糕，有蛋糕西餅，又有什麼布甸，朱古力慕絲...你講得對，相對中式甜品較為健康，很多都是原食物...你講的中式糖水，樣樣都喜歡，講到都有啲肚仔餓餓，搵日真係要食下涼粉，同雪糕，今個夏天都未掂過!!!
你提到的果仁，森伯有時都用來做餸，尤其現在夏季加些什麼腰果，松子，南瓜子在餸內，口感唔錯，森伯燥底，食乜Q都好易熱氣，尤其焗過的果仁類...
難得一爺咁愛中國人的飲食文化兼且知悉養生理論，西方甜點美食也會間中買的，例如雪糕，忌廉蛋糕等...
對呀，世界百年巨變，眾人都希望見到世界有個新景象，農曆新年都時時講新年新景象...
森伯應該冇你飲咁多水，我飲清水的多，什麼糖水、湯水、茶都唔係日日可以飲到!!!!
世衞話每日少過10粒方糖。西方科學勝古中方在明確清晰唔含糊。
刪除我啲皮膚已經自然衰老中，邊會有皺紋靚仔架！靚仔都係留畀後生森仔啦！
搞清楚，水潤皮膚唔係內服，係外敷助吸水。
有女仔一齊才去糖水鋪。我都係DIY，試過少甜豆水係唔好味。
我食冰香蕉用機打蓉代雪糕都唔錯。食冰癖可能係缺鐵。
中醫中心思想：『謹守陰陽，以平為期』，出處《素問• 至真要大論》，意思係𥄫實陰陽以達至平衡為期望。呢個雪凍綠頭沙夠寒辟熱毒，森哥太毒，平時都要食份寒涼嘢，果日食多咗燥熱烤果仁，就要食加倍寒涼份量，唔謹守陰陽咪闖禍。哈哈！我黃綠亂嚟。
懦家思想係『以和為貴』，獎門人時時都話打和最得人心。鬼唔懂，以為只防不攻係太弱，由18年貿易戰起，到23年才主動發第一炮，8月1日開始限制鍺、鎵出口係太慢，影響武器制造，影響國家幕後操控黑手「軍工複合體」。啲鬼要畀人打中要害，知痛，認為你有實力才唔敢惹你。
當年借口伊有大殺傷力武器，要派員去查，目的係出兵前確定有無核彈，要贏硬弱國才出兵，所以，朝鮮為護國再窮都要有核。
十粒方糖以下，都唔算好少，森伯一日應該冇吸取咁多……
刪除你可能係越老越有魅力都唔定！森伯係年老色衰嗰類！
內服才有用，搽乜搽物都只係外面，內在養生才是重點！
聽專業人士講，皮膚同肺有關，吃多些白色食物可補肺補皮膚！！
係呀，豆水唔甜係難食，需要落糖才會好吃！
而家電視上講野的中醫師，個個都好後生，感覺好似背書，佢哋行醫的經驗都唔慌多得去邊啦！都係信自己親身體驗過好些！！
出兵去視察有冇核武，冇先去打人？！！真係又衰又賤，以前的新聞全由西媒主導，受眾會以為可信就信，冇異議，直至今天，絕對唔會隨便相信！
係咪？我就過晒，無咩唔妥咪無理囉！😜
刪除隱形糖已經不知不覺潛入森中。
主食：白飯一碗150克=17粒，白饅頭100克=10粒，方包一片60克=9粒糖，燕麥100克=0.1粒，意粉100克=0.5粒
零食：提子乾50克=5粒，提子餅干100克=7粒
水果：香蕉1隻=3粒，芒果1個=9粒，雪梨1個=3粒，西瓜1塊=3粒
甜品：綠豆沙100克=2粒
高糖白飯饅頭都唔係好甜啫！乜咁高糖呀！森哥要展開調查平時食物到底攝取幾多糖，揀錯高糖主食引致發炎都唔知，呢個可能係發炎隱形真兇？
你過晒咩？！更年期？！……😁
刪除計方糖計得咁清楚，都好pro，你專幫人計方糖？！
森伯碗飯有五穀，也不是吃白方包，你列出的食物清單，我不是日日食，可能又要勞煩你再計過……
唔會喇，有得食已經好好，唔會深究佢有幾多粒方糖，自然界最多的供給，應該是醣份，因它是主要動力來源，適當吸收問題不大，做多點運動，可以消耗過多的能量！
佢無敲我門，年事已高森哥講吓你嘅更年期經驗…之後男人味更濃！反而，我有產後抑鬱，件產品出世後無接到新產品驚炒魷！😱
刪除計吓森哥有幾荒唐我仲叻！講多啲森事。我成日爆美國唔想失去霸主地位，而向中國揑造咗好多荒唐嘢！
避開精製澱粉如飯、饅、包…，仲有其它低醣選擇如通粉、意粉、燕麥…，咁森哥無糖尿又唔使太慎食。我無食「空氣」包好多年，有食糙米飯 意粉 燕麥，因為窮人要夠平又易飽肚嘛！
我唔太信中醫同營養師，信靚仔兼後生森哥仲穩陣。
我剝住花生 睇 誠實大話傳媒自編自導齣大戲，笑片嚟。
其鄰國墨西哥總統話：「離天堂太遠，離魔鬼太近。」他最恨佢，時時打橫嚟！激到爆血管C。
你平時有注意健康飲食，佢冇咁易敲你門，而且你仲有排先到喇...森伯年年都有更年期，每年生日都變更為大一歲~~~~~
刪除你話森伯的更年期變得男人味更濃，唔婆媽左都偷笑~~~~XXD
乜你份工係研發新產品?!!有咩得意佳作可以分享吓呢??有冇一啲日常見到的產品，你都有份參予?!!
你踩左陷阱，避開飯、饅、包，反而選擇通粉、意粉、燕麥...又係西方霸權，飯係中國人的主糧，饅係北方人的日常食品，反而深信通粉、意粉、燕麥......就等如西醫永遠是權威，中醫藥等同偏方，西方的宗教是人們的精神食糧，中國人的宗教是拜神迷信...我反而覺得每套養生理論都有可取的地方，都冇盲目去相信，我們都要吃飯，因為才有能量讓身體燃燒...
身為一個地方的領導者，佢知道或清楚的事情比我們或記者多得多，若然講得呢番說話，一定有所含意......
森哥喺更年期 期間玩刀切、滴蠟、搽油？折磨自己獲得快樂，呢個都係西式陷阱。
刪除愈黎愈婆娘！！咁森哥要戒齋-大豆及其副產物有異黃酮如同打雌激素針，森哥雄風不再。
『小』家電厨具類、美容類、空氣類…我就一啲唔得意，產品主分摩打類同發熱類兩種，各產品係由呢兩型組合而成，開發路中我就不斷補鑊，揾問題、解決問題。係公司得意，有次要有陶瓷鍋，個採購阿頭（老闆女）係留意買陶瓷厰仔，如果訂單長穩嘅話。公司電鍍部就係買起成間厰咁造成。
我哋自造摩打成本加利潤約US$2.1，但我哋間墨西廠喺大陸外購要US$8.0，一年訂單廿萬，嘩！一年咪賺一百廿萬美金，即港紙九百幾萬。咁我喺老闆面前隨口話零件利錢咁高，我寧願搞零件唔做產品囉！個老闆跟住開間新公司賣自己制造零件，仲喺展覽會擺攤兜生意。你話係咪好得意，我係貧窮限制想象。
一個病，阿媽帶我睇中醫唔得，都係西醫靈Ken啲，身體最誠實。呢個西方 Debt Trap難避，不過，斷食後近8、9年都無需填債，袋袋平安，買啲平價健康食材補身，DIY@一爺厨房。
聽你所講，爭在未倒吊，同電鋸...呢啲係一爺尋找快樂的方法?!!森伯果類一把年紀怕唔受得咁激烈的玩法~~~~~
刪除飲食均衡就OK，除非要戒口，可以食到都會盡量去食...乜一爺要戒食雌激素的食物?!!...現在的肉類你都不要食太多，肉類的生長雌激素都唔少架!!!
家品的市場都好大，人人都需要，不過一件好的家品都可以用很久，既然你做得家品，家居的小型電器就好在行，唔會畀人搵笨!!!
現今很多廚具或煮食工具，都設計得美輪美奐，外表就好靚，但長期燒火加熱，都恐怕釋出化學毒素，所以用普通的不鏽鋼，普通的陶瓷煲就OK...
正所謂病從口入，長期咁食都要小心選擇，尤其易潔塗層的易潔鑊，就一定唔會買...
做老闆感覺好過癮，但要搞的事都好多，為免少煩惱，打工算啦!!有生意就要做，冇生意就要煩，好大壓力~~
中醫係用作調理身體，當身體好了病就可以除，西醫就直接，針對你的病處，想快啲好通常都會揀睇西醫，食西藥...
一爺厨房有咩補身精選食譜，可以介紹畀氣虛體弱的老人家呢?!!
我寫係生日蛋糕：忌廉係cream，係油份好高，進食咪搽腸內壁囉！
刪除均衡飲食不缺任何營養素就係最佳補品，要多種類，多顏色，食原形，蒸烚煮法。日日食十幾種唔同食材，每周食齊海陸空肉類加蛋豆腐，豆沙都要4種豆，果仁2、3種…氣虛體弱要做運動、灑太陽、斷食同均衡飲食。
你講起忌廉搽腸壁...即時會諗起以前食的忌廉蛋糕，可能一爺太細個唔知，以前的忌廉好油膩，質感似全脂奶油...相對現在的蛋糕忌廉是用雞蛋白發起，好味得多，而且唔會食到成口油膩膩!!!
刪除你的答案等同交寒貨!!!!我仲以為你有咩十全大補酒介紹吓~~~~哈哈哈
以前屋企有客到，阿爸一定買打花餅(西餅/散水餅)招呼，D唧花咪係肥膩嘅牛油忌廉，牛油(含脂肪100%)加糖霜打成，餅店用嚟整生日蛋糕，真正係用whipping cream淡忌廉(含脂肪35%)加砂糖打成，睇脂肪含量就夠「肥」啦！
刪除饍全都有齊晒，仲要補乜鬼。有D營養素過量反而有害。我係行貨，行家用實力輾壓對手。
平民能有足夠嘢食已經萬幸，普通食材全都係補品，白蘿蔔係「平民人蔘」，森哥一副貴格，預咗你唔認同又看低出身寒微嘅羣衆智慧。😡
係呀，以前好興...不知現在的家庭會否買這些叫花餅的西餅招呼客人，以前的人吃的東西並沒有留意是否健康，有得食已經好開心...
刪除現在搵有這些奶油蛋糕買都不容易，不過食開一款奶油椰絲包，都應該仲係呢隻奶油忌廉...相對現在的蛋白忌廉較易入口~~~
森伯好少食呢類維他命補充劑，印象中未食過，就好似鈣片，啲人講係唔適合食的，不如用蛋殼粉仲好...
你呢種態度唔得，交左寒貨又話這樣，又話那樣!!!
驟眼睇，以為你話森伯賤格添!!!XXD
講開白蘿蔔，真係好少吃...反而胡蘿蔔就差唔多日日都有食!!!!
現在食肆的中式糖水，大部份都配合香港人要求，甜度很低微，我昨晚出街食飯後的綠豆沙都是，清香的臭草已經很吸引，綿綿密密的綠豆沙，免費奉送小小的一碗糖水，已經心滿意足！
回覆刪除我也有發覺，就因為現在人不想吃太甜，有些店舖都有減糖控制，附近的包店買的餡包，都不會太甜，整個包點都比較清淡，對我來講都OK!!!
刪除你講得好啱，若然外出吃一枱飯，個個都有碗糖水送，感覺呢餐飯是可以劃個完美句號...當然食客也感到滿足!!!
糖水鍾意食喳咋、綠豆糖水，其實好多品種嘅糖水都好食，但唔會食好多。
回覆刪除看來man man 較為喜歡豆類糖水，通常甜食品大家都喜歡，唔抗拒……不過正如你話，唔食得多！
刪除我並不抗拒食糖水，但也不特別喜好，以前BBQ都會煲吓腐竹雞蛋糖水，除此之外就是每年兩度的湯丸，其他糖水就懶得去煲了。
回覆刪除現在的人們也是這樣，糖水不會吃得太多，可能食半碗至一碗都已經足夠……
刪除腐竹雞蛋糖水都係好正！我認為呢款糖水算清淡正氣！！
佢哋係最佳拍檔啊！（∩▽∩）
回覆刪除係呀，臭草除了綠豆外，都冇其他野同佢一齊煲……
刪除是的。現代社會人人怕肥、怕血糖高、怕心臟和血管有事，所以談「糖」避之。但老牛住處附近仍有糖水鋪，有自家研製的各款甜品，也不乏捧場客。正是「有人辭官歸故里，有人漏夜趕科場」。
回覆刪除牛兄所言，相當認同，現在無論肥人或瘦人都同樣怕糖，驚糖尿，其實患糖尿係很多其他因素，肥肉食得多，又加上人工甜味劑，如汽水，部分包裝甜小食，西式餅食……等都是其他因素……
刪除若然我去到糖水舖，我諗都係叫碗豆腐花就算！
我嗜甜，最喜歡西式糕點。
回覆刪除中式甜品，蛋白杏仁茶最得我心。
甜的東西，很多人都喜歡...西式糕點，忌廉蛋糕我最喜歡~~
刪除杏仁茶或叫杏仁糊間中會整，不算難...
在人生五味中，大概是 “甜和辣” 較受歡迎吧 ?
回覆刪除個人的口味也不是時時都一樣。 記得有一段時期，我很喜歡吃雞蛋腐竹糖水，久不久就要買材料回家煮來吃。
還有番薯糖水，要加片薑來煮，就像煮綠豆沙要加臭草配搭，才覺好吃，這是多年的民間智慧累積的經驗。
多年來，所見到的綠豆粥已經沒有下米煮，現代吃的綠豆沙是「冇米粥」。聽過長輩教訓道：「煲埋晒啲冇米粥 ! 」即係唔夠料，做事不周到。
對，其實各款味道都有捧場客，有些人喜歡甜食，有些人喜歡鹹食等等...
刪除我相信雞蛋腐竹糖水算是很經典的家常糖口，而且很多人都唔會抗拒，只要適量的糖調味，其實呢種糖水很健康!!
係呀，中式糖水多講配搭，煲蕃薯糖水加幾片薑，用片糖又會有特別風味，紅豆沙加片果片，令到平凡的紅豆沙多一份特有的味道，講糖水配搭都有排講...
我完全未聽過煲綠豆沙要加米?!!...秋葉家鄉興?!!
哈哈哈...以前常常聽人講煲啲冇米粥，諗落都幾有道理，冇米的粥等同煲水，即是現在的俗語講"冇料到"...
森少，原來你也聽過：「煲埋晒啲冇米粥 ! 」這句話。
刪除廣州諺語很多都很精彩。 閣下是粵北人士嗎 ? 我是廣府佛山區的人。
不是凡是 “粥” 都要加米的嗎 ? 中間的米字，可作明證。
應是後來有些人都節省了，或者懶了，就不加米了。
森少那麼年青，都懂得多種煮粥的配搭，這個心得要po出來，拿來共享啦。
身為港人很多的廣州諺語或俗語都聽過...
刪除我冇深究自己是那個鄉下，總之一定唔係日本啦!!!!哈哈哈
不過現在的中文字詞彙用途廣泛，只是糊狀或漿狀都可以稱為"粥"，例如燕麥粥，藜麥粥等
可能秋葉在佛山是大戶人家，煲糖水也要用米煲...但時至今日，很少聽糖水要用白米，頂多都是麥米粥...
秋葉真係幽默，森伯已一把年紀，現在自己已很少煲米粥，因為坊間話白米粥易升高血糖，而且煲粥要時間~~~