既然上回都講到夏日涼伴，今回都可以講講什麼是夏日涼"胖"...
夏季除了多水果吃之外，仲有很多東西都會在大熱天時常吃，相信講到雪糕都無人反對，而且大多數人對雪糕都唔會有抗拒感...雖然唔抗拒，但也不能吃得多，否則變肥人，相信這個對森伯來講唔容易...
正所謂少吃多滋味，就是這隻雪糕已經太多年冇食，能否尋回兒時的味道呢?!!我懷疑自己都可能已經唔記得個味道了，以前覺得大支抵食，現在只覺得一般大小...其實大家知唔知，呢隻品牌"阿乜羅"是正宗港產貨，以前年代沒有太多外國品牌的雪糕食品，一般都係呢隻"阿乜羅"同"牛乜公司"...
可能真係太耐冇食過，除了感覺冇咁大支之外，雪糕的質地亦冇咁實...不過好處係唔太甜，可能港產出品，知道減糖最吸客卦!!!
為咗健康，我戒咗雪糕雪條有五、六年。依家甜食只有阿華田、生果同自煲雜豆糖水，及一年一度勁食1kg黑朱古力。
回覆刪除因為量大，延長存儲，會將香蕉、豆水放入冰箱。
冰蕉打蓉好似雪糕。豆水直頭係雪條啦！不過，我無後生時咁 hot ，想食凍嘢！無癮喎！
個雪糕羹都斷舍左。乾果都絶跡。我真係好有決心保持現狀，要畀個👍自己。
森哥會買冰皮月餅？
森哥斷食後瘦到凹咗，咁唔使怕呢位食“胖”啦！
飲食一向講求平衡，如非必要戒的，森伯都儘量食，正所謂一家唔知一家事，森伯伯由細都有些不明文的戒口食物，到人大了漸漸都唔想乜都話要戒口，無論包點類、肉類、乳製品、...都一路有食，取之均衡營養!!如我要煲豆粥，我只落一茶匙的糖就OK，所以淡淡的，不過已習慣唔甜~~黑朱古力間中食，冇限定一年食幾多...
刪除很多水果打出來都有creamy質感，香蕉，芒果，榴槤等...不過太凍好少整~~用來整果糊可以送麵包一齊吃，有利於全營吸收~~~
如果你想更加健康，可以實行生機飲食，我覺得唔需要日日食，一周兩餐試下...
森伯好少食含糯米粉的東西，買都買傳統雙黃...
就係瘦到凹咗，所以有quota食雪糕，一爺恨唔到咁多!!!!哈哈
打風最啱留言。
刪除我一碗糖水落1羹砂糖加 1/5片蔗糖都嫌唔夠甜。森哥真係少糖。
係喎！僵C怕糯米，食左變身。
擁百萬粉絲39歲俄女網紅因生機飲食而出名，亦因此而營養不良夾生餓C。“更健康”何價？何為“更健康”？我唔貪，普通健康已夠。
椰菜 洋葱 生菜 蕃薯葉 白菜 我係生食。甘筍熟食易吸收營養。熟蕃茄有更多茄紅素、生蕃茄有多啲維他命C，二選一，我要熟嘅。矮瓜生食有毒。部分生食係好，唔係全部，不以偏蓋全，放大好處，忽略壞處。
如果泥士、水、空氣、肥料受污染，有機方式種植都會含有有害物質。如果病馬/人糞會有抗生素藥，用黎做肥料，植物都會有抗生素。消委會都驗出有機蔬菜含毒。再者，最致命係貴左5至10倍，我食唔起。
個人感覺生機/素食都係偏食，易陷於缺乏營養。每日我都生機某啲蔬菜水果，素食材份量佔比例算高約八成幾，蛋白質來源從肉類、素材（豆 蛋 果仁 燕麥）都有。綜合營養知識，衍生獨有嘅均衡、多元、原形、多色、中温煮（100C）、斷食 食法。
幸好我無癮、唔忌妒森哥，只要眼睛吃冰淇淋。
都唔一定，有時會食糯米制食物，唔戒咁多……除非非落糖不可，否則淡淡我都可以接受，已經習慣！！
刪除做事最怕極端，吃生都係要講方法，有啲人食到病，食到死……但有啲人吃生又長壽又袪斑，呢位仁兄咪係周兆祥，佢話吃生可以治頑疾，而且身上沒有老人斑，而家話自己七十幾歲……佢話大自然動物中，只有人類食熟，唔係大自然規律，所以產生很多奇難雜症……
話雖如此，周博士雖然唔肥，但感覺佢氣虛，講野唔夠氣，可能食得寒涼過頭……
你話矮瓜生食有毒，某個東瀛的健康節目話矮瓜生食有營養。所以森伯盡量唔偏食，多吃不同的食物，吸收不同營養……
你眼睛吃冰琪琳，對眼咪好肥膩！！😀
燕麥我接受到唔加調味料。
刪除動物界無文字、無著衫、無錢、無居所、無返學、無時間、無交通工具、無電力、無電話、無耕種畜牧…通通都唔係大自然規律，咁要住野外、剝光豬、摘野生植物食…。博士/大學教授唔係講乜嘢都啱，只限窄小範圍係專家，人要謙卑學習正確知識。我哋相互辯駁，辯出真理，容許存異。
同樣，總統未必係勁叻人，可權行輕重，統領國家及人民，將輻射污水倒海染黑岸田，靠向大財團收黑金仲有好多其它地方！
森大師氣虛點睇？
佢咁瘦似營養不良，驗過才知。
網搜日本茄子生吃就有答案。我唔阻止森大師吸毒練仙，你有咩係生食？
肥到我快要眼睛馬上風。
食麥皮慣常落煉奶，不過都好耐前的事……
刪除叫一爺嘗試吃生，即刻又話要訓野外，剝光豬……真係只有一爺才諗到……其實吃生有佢套理論，而事實吃生有植物的天然養份，沒有因加熱而被破壞
一般人除了水果，其他甚少生吃，或者我日後都找多點食材可以生吃也好！
本來因近來熱話係排核幅水，我都想講下，不過要出左呢篇先！
氣虛好過腎虛，乜一爺有氣虛問題？！冇他法，做些帶氧運動練下氣，食多啲補中益氣的食材，周博士照現今營養學來講，屬於嚴重偏食，有營養不良都唔奇！
眼睛馬上風都好過白內障……
『大自然動物中，只有人類食熟，唔係大自然規律』邏輯全錯，即係大多數做法就係規律，小數要服從多數。唔可以用低等力物同高等人類比較。用佢邏輯我可以咁講：大多數人類都係熟食，只有博士一人生食，生食唔係人類界嘅規律。亦可以講：大多數國家美英日韓加話核水倒海無害，只有小數國家中俄話有害，中俄要跟大多數國家咁做，讚同核水倒海係安全無害嘅。
刪除森哥無生食，但推介我生食，你當我係你嘅實驗品。生氣。無生食經驗後生仔教導有經驗老人。唉！
生蔬入微波爐叮1”殺菌，我食得安心啲。
喜歡用椰菜/生菜包住飯肉蔬菇食，爽脆口感、清新菜味中和醬汁同肉嘅鹹膩，生食更滋味。
我都同你分享過我生食白蘿蔔反胃嘔黃膽水嘅瘀事。佢係可以生食，但唔係人人啱，我生應反理唔容許我。
森哥成日話我長氣。
白內障小病有得醫，做小手術晶體換塊鏡片，仲可矯正視力，手術後唔使留院。中風要睇下邊到爆血管，喺視網膜上叫黃斑點病就大Q鑊，影響視力有一塊面積睇唔到野。佢同青光眼一樣無得醫。我阿爸係白，阿媽係黃，係老人常見眼疾，呢樣我都有經歷，森哥又班門弄斧。
曾經看過一齣記錄片，說人類發現有火後，就開始有熟食的習慣，而熟食令人的大腦有所變化，使人變得聰明，有別於飛禽走獸...
刪除但亦都因為人類食了熟食後，病痛也多了，因為新鮮生的食物，都會有種活性的酵素，一聽到活性都知好野，但煮熟後就失去那種活性酵素~~
所以我冇反對吃生的道理，所有動物都應該生吃食物，但人類已習慣煮熟，尤其是肉類，菇菌類，根莖類食物...都唔煮唔食得~~~
因為咁就會試吃多點生食，當然唔會餐餐都吃生，尤其每天的水果餐，會加點生菜，生青瓜仔之類~~~
你講過食生白蘿蔔後反胃嘔黃膽水的事，好似聽你講過，但唔記得左!!!!早前在超市買了個紫蘿蔔，用來生食，食完都OK喎!!
又係你講眼睛馬上風，完全唔知係乜病，只有你自己先知眼睛馬上風的感受，白內障都危險，可以令人視覺矇糊，而家都冇辦法，不能脫離電子產品，怕眼睛出事...
老人家講的經驗之談又話森伯班門弄斧，後生小子係唔聽老人家的說話~~自擺自為反叛期!!!! 哈哈
從少最鍾意食燶黑邊叉燒，幾拾年後才知致癌。
刪除BBQ最愛聽到啲肉油脂溶咗滴落碳上啫啫聲，啲煙有毒。
高温燒烤唔健康，水燙/蒸中温最好，低温驚殺唔死寄生虫同病菌。
芒果布甸係用生雞蛋整，有個女同事同大家分享，點知有多人指發黑中毒入院，原來，雞蛋有沙門氏菌，100⁰煮過殺菌係安全啲。
西方都有發生沙律菜有菌事件，生食有風險。
叉燒的燶黑邊，細細個已經聽親戚講話會致癌，所以唔會拿來吃，平時普通煎東西吃都甚少食過燶，寧願淡淡口清蒸算了~~~
刪除所以話生吃有好處，令到身體可以得到足夠酵素，據講酵素的好處是增加腸道益菌...有錯請指正~~~
唔好彩吃錯食物入醫院都唔奇，就因一兩個案例就話這樣食法唔好、有壞處，太過草率~~食麵包，食雞蛋，甚至食飯都有可能哽死，唔通唔食?!!
吃生的時候會把蔬菜浸耐少少，洗得乾淨就可以減低細菌感染的風險~~~聲明：唔係叫你每餐轉為吃生，只係可以吃生的話就盡量吃吧~~~~
咁你果位女同事咪好內疚?!!搞到全公司的人入廠...
刪除你當時有冇食?!!我諗：以一爺的性格，必定會將布甸放入微波爐叮一叮才安心食用...逃過入廠的厄運!!!!
燶邊知識係後來才有，即係，我老過你啦！
刪除工作重心慢慢轉移大陸廠，最初即日來回，然後瞓一晚，最終…。初時覺得困一晚感覺好苦，
呢位老臣子媽媽級會整下嘢食慰勞自己及同事，出事日我喺香港工作，避開一劫，舊時有摘吉日，宜工作、宜出門。
依家我每餐都食生蔬，但會短叮殺虫、菌又保留多多營養。
唔好人哋話乜乜飲食健康就盲中中全套跟進，要消化、過濾、吸取有用部份。曾經由日本傳來，起床飲第一督尿能醫百病、長命百歲…當時真係有人跟住做，咁蠢嘅人都有，現在又由日本傳來，係安全核輻射海水。
所以，我融會貫通，集八家精粹，咩法都係死嘅，重點係我現在身體夠健康，方法正確，暫時唔使調整。
初時以為森伯老你好多，但自從你講過讀過天台小學就不同了，因為我讀小學時代己經沒有天台小學了……有時啱傾啱講就OK，唔駛理什麼年代……
刪除你係有啲好彩運，個個中招你都可以脫險，今次新冠你有冇中過？！我中過都驚驚，到現在人多時都要戴口罩……
你擇吉日返工？！工吉唔吉日都要返……
每套養生理論都未必適合每個人，所以森伯冇信晒！
如果冇其他節目好睇，都會睇下日本製作的講健康節目，佢內容好睇過港產的健康節目，你健康就好喇，講到健康人人都想争住要……
我很喜歡雪糕，但勁致肥，所以要忍口，好慘！
回覆刪除雪糕多人喜歡，就是個個人都話怕甜怕肥...
刪除不要緊，食量不大都OK!!!
我並不抗拒雪糕，但並不喜好，一年食唔到一次，冇乜所謂。
回覆刪除當然喇，每樣食物都各有喜好，雪糕現在都少食了很多，我都已經成年冇吃過了...
刪除天氣實在太熱，今年我都食多左雪糕同凍飲品。
回覆刪除對呀，近排都多了把水果先放到雪櫃冰一冰才吃，清涼一點~~~~~
刪除