雖然已經過了立秋，但氣溫仍是相當之熱辣辣，畢竟現在還是八月份...
其實在香港地，一切以商業掛帥，感覺端午節也是過了不久，迎接中秋檔期又到了，所以網上、電視廣告、街上都紛紛見到月餅廣告，對港人來講，一年有三個大節，包括農曆新年、中秋、聖誕...所以屬於中秋大節的月餅也是發市時候，聽人講，一家店舖賣一個中秋的月餅，夠頂全年的營業開支!!唔知是真是假~~~
講開月餅市場，以前大都是一些傳統餅家會賣，但現在真的很多無呢啦間的店舖都會出月餅，雪糕商是其中之一，某間涼茶店又出，連快餐店都要搶閘出月餅...
講到月餅，森伯都會期待呢個中秋可以大吃月餅，之不過年事已高，不敢吃得太放肆，始終在中秋節前後吃，特別感到好味道，好氣氛...
中秋節係傳統節日，所以喜歡食傳統嘅月餅多D。
回覆刪除對呀!!!! 新款月餅也不少，但傳統的蛋黃蓮蓉是最好食的...
刪除中秋節是中國傳統節日，應節食月餅，近年出了好多新奇口味月餅，我還是喜歡傳統月餅﹗不過有一款奇X陳皮豆沙月餅就幾好食，月餅細細，食一個迷你裝要滿足﹗
回覆刪除新款月餅唔似正統月餅，又可能先入為主，很多人都係喜歡吃蛋黃蓮蓉月……
刪除陳皮豆沙月都唔錯，但未必陳皮味很重……有機會都試下奇X的陳皮月餅，相信一下子就賣晒……
中秋節自然會吃傳統的月餅，但不會多吃。因為小時吃得多，膩了。 後來市面衍生出其它餡料的所謂月餅，我就不大捧場。
回覆刪除乜原來秋葉細時咁拆得，食月餅食到滯晒……通常會吃月餅都會放杯熱茶，可以幫助消滯不用吃得肚滯滯，對呀，其他餡料都麻麻地，除蛋黃蓮蓉外，其他選擇會揀豆沙，栗子蓉！
刪除因為小時家窮，爸爸每月供月餅會，到了中秋節就可以拿到十盒月餅回家，但家裡人不大有興趣，只有我捧場，不知不覺就吃多了。
刪除過了幾年，家父見只有我捧場，也不再去供了。
其實红豆和栗子都很有益處，都是補益的食品。
刪除可以供月餅會都唔算好窮，以前很多家庭都會做月餅會，等到中秋就會有好幾盒月餅，我們家以前也會...不過都係同一家餅店，以前多數酒樓出月餅~~~
刪除一家人總有些人對月餅麻麻地，細個都唔會太過喜歡，人大了反而渴望在中秋節裡吃月餅應應節!!!
本身紅豆和栗子就好有益，但這些蓉通常都會加很多油和糖在炒香...所以有益變冇益~~~唔過份食都OK!!!
最正宗的是 “單黃蓮蓉”月餅，後來出的雙黃蓮蓉，也好，最省蓮蓉的是三黃蓮蓉月。鹹蛋黃佔的位置多，蓮蓉就省得多，這是廠家的慳成本大法。
回覆刪除秋葉姐講得對，其實鹹蛋黃價錢平過蓮蓉，蛋黃越多成本越低，但售價卻更貴，真是慳成本兼賺大錢的好方法。
刪除和平兄也明白哩 ! 商人卻以為買家都是傻的。最可惡的是：他們大都不肯製造單個蛋黃的蓮蓉月餅了，把雙黃的視為上品，三黃的就是超級好。甚至暗中把蓮蓉改為豆蓉，薯蓉......簡直是欺騙顧客。
刪除peace,
刪除所以月餅本身唔應該太貴，最貴該是蓮蓉吧！不過很多消費者認為做節一定要買月餅過節，就算貴了都冇所謂……
秋葉，
刪除其實最初月餅應該是單黃月餅，如果幻想蛋黃是月亮，深色的蓮蓉便是夜空，其後可能多蛋黃才受歡迎，才越加越多黃……
好耐前都有人講過餅家減省成本，用薯蓉代替蓮蓉，但其實味道都兩回事，又聽過食開的白蓮蓉係溝薯蓉……
不過現在很多月餅的蓮蓉都冇乜味！！
還以為去了衣的蓮子蓉就是白蓮蓉。加了糖的饀料，吃-起來好像差不多。如果聲明是什麼材料的話還好，只是根本就不說明，這就是欺騙顧客。
刪除據講就是用去了衣的湘蓮做白蓮蓉，但現在的蓮蓉都冇什麼香味，只是甜甜的...可能有名的餅家會沒有那麼搵笨!!!現在會揀黃蓮蓉較有味~~
刪除現在商家也不會太過老實，正所謂"商業秘密"嘛!!!!
年輕時喜歡蛋黃蓮蓉，現在也喜歡五仁，原來年老了才懂得喜歡五仁。
回覆刪除現在買月餅，通常都散買比較划算，蛋黃蓮蓉會買，仲要加些伍仁月，較為健康好吃！
刪除我喜歡中秋節，這節日有的是歡樂、溫馨、團聚，不過我對月缾興趣不大，每年只是循例吃少量應節，多數只吃四份一個，現在兩老買一個月餅都要一人一半，變相吃多了。
回覆刪除係呀，傳統的節日較有氣氛，總畀人感覺喜慶團圓，不過到今時今日中秋節變成月餅節，處處賣月餅，食肆又趁機搞什麼應節飯席，又是在節日大做生意……
刪除吃月餅都是應應節，少吃反而不會壞肚皮！！
秋風起 月餅肥
回覆刪除小市民自制月餅成本價約$10，如果制造商入貨大批生產，應該只係1/3價錢，即係$3.3，加上包裝、人工、燃料、運輸、廣告、厰租…係$10，利潤太豐厚。香港7百萬人，商家送禮，每人食8個月餅，就有30億生意，一大塊肥肉，爭住分一杯羹啦！
森話：『不過年事已高，不敢吃得太放肆。』森哥好醒目呀！君子有所為，有所不為。
森哥去聽吓 do do 訪問賭王女，有警惕性，佢老公幾年前大病一場，醫生勸佢好翻後要戒菸戒酒同食齋…只係乖一陣又故態復萌，真係唔識死字點寫，上天要送多一劫，今次更勁，差啲講Bye，好翻都可能要孭屎尿袋。
不論貧富地位，進食都唔可以超過身體能負荷嘅，錢多唔係大晒，唔可以放縱荒唐。40歲尾係改變生活分界線，不癢不痛肥肚腩就係訊號，要有節制，否則，生病會損壞器官，殘軀廢殼時刻折磨住你。
愛惜現在擁有健康身體，為未來自己出力，智揀健康2.0模式（年青期係1.0），免得後悔莫及。
越肥越好食嘛……
刪除自己做月餅唔難，睇用咩做材料，如果你話要整個雙黃蓮蓉月或者什麼流心月餅等，真係買好過……好似你之前講過貧窮限制想像……家下就貧窮限制放縱……唔駛食咁多月餅，健康啲！
雖然話森伯年事已高，但忍唔忍到口，都係盡吓人事架咋，冇一爺的定力咁夠……
訪問賭王女，真係好有啟發性，一來食到盡，到年紀漸大，不良惡果終於浮現，另一點是身體搞壞了，有幾多錢都冇可能返轉頭，不過有錢都可以暫保性命，否則一早已經……
睇嚟一爺有深體會，養生不是長者專利，後生人一早要懂得，否則老來百病叢生，咁就大鑊……
完全認同，唔係個個都有個咁好同咁有米的另一半，否則病了，照顧又係自己，畀醫藥費又係自己……咁就更加大大鑊！
所以食得清淡都係好事，雖然唔一定冇病，但仍可減低嚴重程度！
換個角度諗，原來，多錢壞處係有好多誘惑，令人抵擋不住，容易行差踏錯，禍害終生。興幸我少錢，哈哈！「對我把口唔收」嘅窮鬼甜食癮君子都有好處。😩
刪除以前因要要照顧二老，體會到照顧者都要有健康強壯體泊。
近年有2個「回收/轉賣」好風氣，令資源得以充分利用。
Carousell 二手轉售平台 有好多月餅券。賣家唔使夾硬食傷身，或減少丢實體月餅咁浪費，又可易手套利🤑，買家平啲接貨，一家便宜两家著。
月餅盒回收重用又減廢。
講開硬食減廢，啱啱我試玩咗延長香蕉保質期。單獨一隻香蕉用保鮮膜緊貼整隻包實隔絶空氣，放入電櫃可保持至少2周，生嘅青香蕉可長達一個月，蕉皮黑晒，蕉肉依然正常。用密實袋浸水式或吸管抽真空都得。蕉底要用菱形發泡膠托住(我呢個老人去超市門口執垃圾發泡膠)，放2周砸死一邊會壓傷，否則，你要每日反轉另一面平均力度。
唔知時局變天，某黨仲有冇派月餅呢？年頭喺我區地鐵站外見某黨免費送大格仔掛曆，仲要係四、五日咁多存貨 。我用電腦記日程，無用無拎到。
宜媽傢俬都撈過界賣瑞典風味月餅同中秋盤菜，就知呢個「節日限定」好揾錢啦！
係呀！我懶唔想做運動時，都會打醒自己：『獨居老人病咗好慘』。保持健康比揾錢更重要，排第一位。
都唔需要太過認為金錢係萬惡，小心運用金錢也是一個學問...更何況一爺有大把錢財，真的要小心看管和運用...
刪除你話係甜食癮君子，森伯對甜東西又未必太愛好，聽人講有種，羅漢果糖和甜菊糖很好，加在食物上會令食物感到甜味，但又不會影響熱量和血糖...甜菊糖時時見到都冇買，因為近些年來都吃得清淡，又唔需要食太過甜~~~或者搵日有閒錢和閒情，就買來試下...
一爺對待一條蕉都咁講究，過程好似整木乃伊咁誇張...目的都係為左防腐!!!!通常買完蕉都會盡快食，因為香港地買野好方便，食完又再去買，新鮮食仲好~~雪櫃放些真正需要冷藏的食物為要，而且有些水果不能放入雪櫃...
可能在一些舊區，啲乜黨物黨仲會有派月餅活動，常常話人家"蛇齋餅粽"來揶揄一番，查實在節日裡收到的街坊都很開心......月曆都OK，不過為求簡化，座檯月曆就更好，始終看日子唔會睇手機~~~~
姨媽傢俬都學人出月餅，中秋盤菜......唔係化?!!遲下可能連白花油、保濟丸都出月餅~~~
有時坐慣了唔想郁，不過食飽飯點都郁郁幫助消化...一個人老左，運動同注意飲食真是每天的功課!!!!
森哥好識揀貴價糖，我呢啲籮底橙，只配買超市特價籮底生果甜食，以形補形。木乃伊令我日日都慳D食到1蚊蕉。
刪除四個數字掌管我條生命線，腰線/三低顯示現有飲食夠健康。
我會記低食用日期，夠期會減價傾銷，預計邊日再去執平嘢，好師奶數口。
日程隨身，買嘢問你送貨日，一秒望手機快速揀吉日。
回望以前我都好物質主義，好想屋企同公司兩邊擁有哂全部：掛月曆、座枱小月曆、掛日曆、枱面一頁頁記事日曆、有日子記事簿、枱面大格仔記事月曆、年曆咭。都好浪費，依家，智能手機幫忙無紙化，仲有秘書提醒我。
佢哋出保健藥膳月餅如人蔘、靈芝、蟲草、淮山、杞子、白果、川貝枇杷…下火、去濕、排毒、清熱…消炎降火月餅最啱森哥。
又話有運動多巴胺，令人產生做運動慾望，點解我大腦失靈無分泌架！內心團熱火永遠燒唔著。
果啲貴價糖對森伯來講都係得個"睇"字，佢標明是來自天然植物提取，只有甜的味道，但並沒有真正糖對身體的影響...平時食物都唔係太多要落糖，遲吓先買~~
刪除其實好多精明的顧客，都等佢特價先買，除非要送禮畀人，否則都冇咩所謂......假設有日要買生果去探一爺兄，都要買啲有個靚靚的包裝盒才買，啲貼黃色貼紙，又用原子筆寫價錢果種，梗係留返赤貧森伯肚餓時充饑啦~~~~~
森伯活在舊石器時代，睇月曆覺得比較適合啲，手機啲日期同時間要時時校...
唔需要咁多種月曆...一個座檯曆都已經足夠!!!
藥膳月餅成本都唔平，唔知搵邊個買...況且消費者的心態，係越唔健康的食品，就個個都想買，一話健康有益的食品，可能冇咁吸引，寧願買番傳統月餅~~~~
森哥呢一世都未墮落到赤貧地步，應該未買過黃標嘢食。覺得自己係正貨，以前係嫌棄呢啲次貨，係有次同阿媽行超市，係佢叫我買後才發覺我睇低咗佢嘅剩餘價值。
刪除靚包裝：禮盒裝又貴又少餡，明知畀人呃錢都照買，啲錢花去無價值嘅包裝同落入商人口袋，我不讚同，錢要洗得值，我喜歡 raw。
舊石器時代無曆法，沒時限拘束真輕鬆，座枱曆都無用之地。
當你設定咗香港時間，smartphone 夠 smart 會自己上綱校正時間，唔使主人操心。森哥一定日理萬機嘅，成日坐私人飛機跨越不同時區，校得日子嘅係遠到地球另一邊。
我會設定手機晚上幾點關機，早上幾點開機，開機後係我手機鬧鐘響叫醒我，佢都無甩轆有誤時，邊使校時間架，咪當我係三歲細路哥，另一個可能係森哥哥胡亂砌字求其覆我。
森哥靚包裝都買，應該係唔貴唔買畀人，用錢衡量誠意，森哥呢班貴客實買保健月餅送禮無失禮。
你唔好咁講，得罪好多人，包括森伯伯...買黃標等同墮落到赤貧地步，冇咁誇，森伯伯仲要走去貨架睇睇有冇啱食的平價食品，咁伯有又幾用心良苦，知道你平時眼角高睇唔起啲廉價食物，所以叫你去買這些超市特價食品，等你學會習慣買些平價東西...查實又平幾多?!超市貼得黃標只不過是過了保鮮期，棄之又可惜，就不如益下街坊平少少咋...
刪除最弊森伯伯思想石器時代，所處的環境係2023年啫，有個座檯曆都好足夠，或者一張年曆卡有齊晒十二個月果類都OK...
真係畀一爺激到森伯伯嘔雪，真係一家唔知一家事，森伯除了智能手機，仲有部長者機，兩部輪流用，而智能手錶冇戴一排又要從新connect返個準確時間...睇日子喜歡實體月曆，可能一爺用開貴價貨，冇呢種煩惱~~~其實森伯伯份人唔係太苛求樣樣都要貪方便，總之新舊都並用，我都仲會聽下收音機，睇電視，用水彩筆畫畫，買野都會畀現金，唔係樣樣都靠部智能手機，可以平衡一下~~~
你又估錯，睇餸食飯，貴平都會買，家下保健月餅唔盛行，頂多五仁月餅類已經當保健月餅...哈哈
香蕉每隻$1，其它半價。
刪除你買到咁多平野，好嘢！
刪除平時你去開邊鼠買嘢？！
蔬菜：黃昏街市特價促銷，生果：超市，凍肉：佳寶，燕麥：優真棧/優品，果仁：大棧，豆類：藥房，阿華田：大生，白米：大昌，糙米/意粉：阿信屋。捐窿捐罅慳雞粹碎咁多錢，邊及森哥事業繁忙，用時間揾大錢仲好過啦！買嘢時間少，用錢買時間。
刪除嘩，簡直是本入貨攻略……等森伯抄低先……
刪除森伯的附近冇你咁多店舖，否則要專程搭車出去買，有時買一樣食物食幾餐，變相都叫做慳返錢，見你套攻略裡白米同糙米要分開地方買，畀我通常同一地方買埋較方便……
有時買嘢都係種生活樂趣，都冇話是否用很多時間，少外出食，都要買食材來煮！
是的，商業社會，商家的廣告催促着人們生活，剛吃過粽子，又見到鋪天蓋地的月餅廣告了。老牛喜歡傳統的雙黃蓮蓉，當然只是應節，不敢放肆多吃。現代人營養太好，再吃高脂肪就吃不消了。
回覆刪除商業主導的社會，就是這樣，市民又富裕了，一有什麼節慶都是一個生意機會，商家捉住消費者愛新口味，貪新鮮，就會大肆宣傳...
刪除好可能先入為主，十居其七都喜歡雙黃蓮蓉，始終月餅是高脂高糖食物，淺嚐便算~~~~
好少食月餅🥮
回覆刪除但如果可以選嘅話，我鍾意食潮式月餅！
口味人人不同……
刪除潮式月餅不似一般月餅，是另一種風味！