相信呢排最熱的話題都離不開，日本傾倒核污水事件，都不用森伯詳細講述，相信每個人都看了，聽了不少來自各方的資訊，對此事件，真的是不同人有不同的觀感...
或者森伯都講講自己看法，整個地球資源基本上來自海洋，海洋跟人類或各種生物也是息息相關，一下子被核污染的水注入，無可估計的禍害是不能預知~~其實一向以來日本食品都甚少購買，尤其零食類，海產更加少，因為森伯對海產食物都甚少吃...
拍照當日該是日本傾倒核水前幾個星期，呢間日式超市賣海產的顧客不多，職員也空閒得行來行去~~當然這個時候不會賣日本海產，換了其他地方的海產，但也不吸引~~相信到今時今刻，買的人可能更少...
我初時都以為最多唔食日本海產及食品便可避開，但原來都有很多食材被牽連在內，至於森伯一向都好少跟人風去搶乜搶物，但今次都要去買鹽，附近的超市都仲有鹽，可是本地鹽的貨架被搶購一空，一包都冇，森伯只得購買些外國餐鹽，主要唔係什麼碘防幅射之類，是因鹽的用途很多，清潔食物、鹽水漱口、刷牙、而且有時喉嚨發炎、飛滋等都需要含鹽水...
正如各地的專家所言，如日本仍持續每天排核污水，可能到年多兩年就遍佈全海洋...所以呢刻除了買多樽鹽之外，仲有海蔘!!!將來所有海產是否有問題，就要放長眼去看，至於平時間中會吃的海蔘、海帶、紫菜、鮑魚仔、白飯魚...都可能成為回憶中的味道~~~
碘鹽都是第一次買，目的是補充返不能吃海產的碘元素...
我有環保回收習慣，將廢紙膠樽送去「綠在區區」，7月份用1500分換了10包共餐桌鹽，共4500g，我有排用啦！
回覆刪除10包餐桌鹽...那真的很多~~不過這個幅水事件都唔知搞到什麼時候，唯有之前入定些貨，為求安心，不過喜歡吃海鮮或會受影響~~~
刪除啲水一倒就起火，要添油搧風燒大佢。
回覆刪除中港禁日水產入口，佔佢4成，打到痛才會縮手。
核電廠係🇯🇵🇺🇲合資？係有能力操弄政治嘅大財團擁有，🇯🇵才有咁怪異決定，🇺🇲才咁怪異認何，🇰🇷🇹🇼政府才有咁怪異回應事件。
當有超市電子優惠券買滿$120減$18時，我會買幾罐沙甸魚 搭上 鹽 /蠔油 /黃貼生果 湊足額，平時都積存幾包鹽。我購物習慣係常用消耗品食材都趁某某優惠而囤積，好少食清才買，你都知我會用殺青/木乃伊包香蕉法延長存放時間，所以，遇着盲搶、打風都唔使臨急臨忙入貨。
一講到危害健康的東西，人人都擔心，始終海洋的一切都關乎每個人的事，正如我所講，就算唔吔海鮮，其他東西都離不開生活的需要...
刪除其實日本咁做都預左，可能佢認為損失4成都唔緊要，最緊要係做到想做的事...
🇯🇵...🇺🇲...🇰🇷🇹🇼...sorry~~呢啲代名詞是什麼?!!不能開名!!!
哦!!就係你呢啲顧客，又用電子消費券，又用電子優惠券~~~搞到森伯有排排隊畀$$~~~XXXD
係喎，你食沙甸魚罐頭，將來會否有影響呢?!!...諗諗吓仲有啲咩貨可以入定!!!!積存食物，好睇什麼食物，什麼時候...始終家中地方有限，再囤積食物就變了貨倉~~~暫時都係緊張水產食物!!!!
會同塑膠一樣輻射入咗人類食物鏈，有調查指出，喺人體內已揾到塑膠微粒。
刪除佢以為有勁人喺背後撐腰，連世仇泡菜國都被馴服咗，無人敢放肆，傳媒都企埋佢果邊收口啦！你都見全球無邊國動口又動手，係估唔到大國會有咁大反響。
揈旗仔認國名，睇森哥咁大年紀有冇認知障碍。
我呢啲勤力賤客係用自助機快手搞掂，得你呢啲咁懶惰貴客仲要揾人服務，係你阻住晒，呢條長老關愛隊唔係畀你排嘅。跟唔上社會步伐，咪落後人哋慢吞吞囉！仲想罵我係罪人，其實係你阻住地球轉快啲。
幾拾年流流長，希望大國重擊痛到佢收手，一係食物有輻射檢定，暫時呢一兩年照食。我要睇多啲輻射知識，電視台同政府應該制作節目教吓大衆點應付啦！
微塑膠粒已經聽好耐，因為生活離不開塑膠產品，平時聽的塑化劑都混有食物內，一爺果類年青人，一出街就拎杯珍珠奶茶，據講裡面含有塑化劑……
刪除現在核水單野，兩地的人民都覺得唔妥，都紛紛走出來抗議，好影響他們的生計！
在電腦睇唔知係乜！電話睇就好清楚係國旗仔，以為一爺咁勁用波斯密碼覆留言……哈哈
買少少野一兩樣就話去電子付款，多野買就去排收銀隊！地球要轉唔會畀任何人可以阻住，一爺啲年青人思維真係好天真好傻…………🤭
等自己睇得嚟都天光，暫時唯有唔食海產……
我奶茶上癮，控制我仲得了，堅戒飲。
刪除呢十年我變多用電話，少用電腦喇！
超市貴，少嘢抵買，我係數量大品項少。阿媽在生時，趁湯丸喺幾個時節降價大買，啱牙力弱老人做下午茶點 ，曾經$4包好抵。
森哥硬塞關愛蟻躝隊就唔好賴落我身上。
風大有颱風機制，昨日雨大都好高危，森哥感受到大雨威力？交通癱咗返唔到工，水浸車頂、洪水冲人、路陷藏車、 山塌堵路…保障生命要放假，喺黑雨上加個水災級别，以雨量達400mm做界。
日本海鮮就唔食，尤其是貝殼類。我食開嘅（非日産）淡菜頭一年仲係好安全，因核水流到它國都要一年，跟住唔食喇！轉嫁别人承擔自己核災惡果好鬼衰，仲打亂我健食步伐。細型沙甸魚我會繼續食。
反應好快，深水埗平價電子廣場有測輻射儀賣，得嘅就買翻個測海産，防癌都抵。
奶茶咖啡我都唔會上癮，可能以前多要戒口的關係，唔容易咩都上癮食……
刪除我畫野仲要用電腦，有時覆各位友好的留言，都方便啲，電話用來睇視頻會較好……
唔吔得糯米制食品，好少留意湯丸，你有咩市場格價，優惠特惠，過來通知吓森伯，等森伯都可以入吓平貨！4蚊包真係好抵！
唔想賴落你身上，不過排隊畀錢遇著個又畀優惠券，又要畀信用卡攞積分，跟住又話補多兩件野先夠數，又等佢攞……不免森中想講句一個單字的粗口……😁
呢兩個周末都大風大雨，暫時對我都冇乜大影響，不過昨日的暴兩造成的威力仲大過十號風球那日，你有冇影響？！！
其實時間越長，核水的影響越大，有很多事情都造成很大的麻煩，唔係唔食海鮮咁簡單。
買個幅射探則欚都好，自己check吓，不過初時新屎坑就用用，日子久了就好似新冠時買的電子測溫計，變成文物，都冇再用過……
奇怪！咖啡無上癮頭痛。奶茶剋我。幸災樂禍，森哥剋星比我多，我好安慰。
刪除通漲啦！無$4咁平。 中秋、冬至、年三十晚、元宵節食團圓飯前1~2周會降價，上超市網昅。
所以自助快趣囉！唔怕麻煩友，仲可對價唔驚收多。
托賴！豪雨無事。政府仲嚴陣以待十號波，點知幾日後，隔離颱風飄來災雨才大件事，世事難料。石澳災民估唔到無路走，慘。
當買藥看門口，過期掉咪仲嘥錢。探熱計啱多病小童同老人，用唔到係森哥叻，健康好事！唔要可以用carousell賣畀人，雙方有利，有人搶住要森哥。
食海鮮前度下，賤民升呢做常被暗殺皇帝用銀針測毒，個頭岳高左。
每個人都總有些食物不喜歡，或者需要戒口，在香港地，不吃這些就吃那些吧~~~都唔需要稱為災禍...這証明一爺的生活十分幸福!!!!
刪除嚟梗中秋，幾時買月餅先最平...你唔好話過完節後買呀!!!哈哈哈~~~有你格價專員幫手，真係可以慳番一毫子得一毫子!!!!
如果買得少都OK，但買得多逐一逐一嘟，嘟唔到又要搵人幫...而且森伯有時要唱錢(散紙)，畀錢時排隊用現金博找贖比較啱森伯啲老人家!!!!
係啦，以為十號波都唔野少，殊不知下個星期的暴兩仲大劑......係喎一爺家住半山，水浸極都冇影響，而且是富豪級地段，山泥傾瀉都少啲!!!!
個溫度計唔會賣出去，留來用都可以，因為感冒傷風時時都有，尤其是將轉季，都總會感冒，所以買定沖劑包冇衰~~~
有機會去搵下幅射深測器，深水埗間電子城有冇得賣?!!!話時話，如果check到啲鮑魚仔高幅射，唔通成包揼左去?!如果在超市check check吓，盞畀人趕出去~~~~唉!!!
鑽個好嘅諗嘢角度，唔係鑽牛角尖向壞方向，唔使花錢(係無錢花)都令我等窮人都覺過得幸福，無奈都令自己開心。
刪除節前呢口價硬過鐵漢 ，用鐵筆都撬唔開。
富豪愛僭建女星，穩健變成豆腐渣，先天半山傾波危上加危，堅拒開門畀人入屋檢查，森哥唔露底。
森粉無得爭住搶，森哥又吊高嚟賣。
昨日我去呢度買賤民$20藍芽耳機，扶助我隻啱啱過保養就變壞蛋嘅啞巴小米弱機，教弱米學識千里傳音。見到有得賣，但我呢個無知老年，唔知呢個輻射範圍就係 果個要測嘅輻射範圍。日本只測氚含量高低，我唔係測呢範才正確喎！
明知 鮑仔 有輻射，森哥都唔捨得呢條仔。
趕走…唔會啦！你話食物安全會上網話人聽。
通常啲老土對白，都係窮人幸福啲~~~但若有日病左就可能唔係咁講法!!!!
刪除節前有啲都平，但一定不是常見的大牌子月餅...月餅唔係什麼特別矜貴的食材，如買得太貴真係唔值得~~尤其現時外在環境都未必太過好，買月餅都唔需要買太過貴，中秋節有些月餅應吓節就算!!
有錢人以為有錢就乜都做得，鍾意建幾多就幾多，殊不知天眼恢恢，一場暴風暴雨都露餡了......一爺都係富豪，有冇乜野係唔見得光，因住天眼恢恢~~~~~哈哈哈
森粉?!!...咁爺粉又點先?!!!
$20蚊雞真係好好好平，唔知你所講的耳機是否指headphone!!!...我仲用緊有條線果種!!!
呢類幅射檢測器，相信是最簡單那種，檢測範圍都有限制...又好少見人用，尤其在買食物的地方~~咁一爺有冇真係攞住部幅射檢測機，周圍check吓有冇幅射呀?!!!
依森講：知道健康方法又有恒心肯持續做保持健康，獨居自由老窮鬼咪係世上最幸福嘅神仙族群囉！
刪除應節意義重大，慳森哥要花少少錢買。因此，胃O堂養陰丸都出月餅搶森錢，食左好似太陽咁温暖。
任何人都有暗面，森哥想睇人光禿禿，真壞。
如果森哥係爺粉，咁係世上唯一。
Headphone係聽筒單聽，Headset係耳機多個米高峰可講話。手機音响插口壞埋要無線。
兩年前同一處買雜嘜牌有線嘅都要$19，今次呢個掛頸式，仲要係名牌 Lenovo都係多一蚊。
買左12樣嘢都係$160，真係賤物鬥窮人。
幾步路仲有間類似嘅 淘多多，貨品唔同，果日行咗四個鐘我都唔夠喉，西狗仔咁近有冇行吓？
我仲買咗個$25藍芽喇叭同$19兩囗USB充電器。
喇叭唔使長時間塞耳仔影響聽力，仲未撞聾阿爺要小心保護。
舊華為手機原裝火牛充唔到電，因老化電池電阻變大，原裝充電流唔夠高。係我用捐血贈品旅行充電器又充到才發現。加埋新血，咁我間納米屋企要2個充電站好方便。喜歡佢夠細，外觀係個三腳插蘇頭。
係我首次用藍芽產品，證明我唔追潮流科技，係實需。面世咁耐係成熟產品，乜bugs全清除，價廉，功能更貼用家想要同更user friendly。
我唔知輻射機係乜，無買。
每個人對幸福的定義都唔同，最緊要...最緊要...就是自己覺得幸福，別人不能感覺到~~
刪除以為咁講，一爺有好介紹，仲以為你會送贈月餅給老人家森伯伯~~~哈哈哈!!!有些不是大牌子的月餅，買的也相當經濟實惠，它最主要成本不會花在廣告上，因為絕多數廣告費也可轉嫁給消費者嘛!!!睇過市面月餅價錢，奇X係最貴，賣廣告都特別多~~
做爺粉最搵笨，第一冇出BLOG...都唔知靠咩去收粉絲，好，冇文章都靠個外表，連相都冇...實質都唔知你邊飯最掂喎?!!!相信連唯一爺粉的森伯都要摒棄你~~~~
你都好叻叻啫，插口都可以整壞...生活上太過依賴科技都唔係太過好，有人話藍芽釋出的電池波較多，睡覺的身邊要關閉藍芽最好，否則對身體有大影響!!!
你真係搵到很多好野買，耳機最易壞，一般耳機聽不夠一段長時間，總會壞一邊...冇了立體聲又要走去買過~~~
不論話淘多多，或電子城...主要貨源都係淘佬，不如直接去淘佬買，計運費可能貴啲，但買到的貨品起碼合森水...西狗仔都唔一定要蒲西九區...哈哈哈~~你都話圈養，行附近的商場都好多野買!!!
最近都冇乜聽歌，所以家中的鐳射唱機壞了再沒有添置~~
你捐血真係好心有好報，又可以用到來充電...是否萬能充電器!!!!現在新機加舊機的一大咋連接線，一大咋插頭...亂七八糟，每次叉電求其搵個叉到就算，完全冇理電壓問題~~~~
輻射機...顧名思義用來測幅射，有可疑的食材，用部機掃一掃，睇睇佢讀數有幾多...
平民價食物已經可以擁有健康嘅身體，幸福可以唾手可得，一切來得好易。
刪除你有好多月餅仲問我攞，咁貪心架！噚日見到保皇黨派月餅畀老人，森哥嫌少就去勻18區排啦！
聰明森都知內情仲問爺粉，明知故問令人氣憤。喜愛無束縛，當然無爺粉啦！
電磁波果真有禍害？
插口壞係品質差。有聲我就滿意喇！
有兩個好處，摸到實物更易作出正確判斷。佢有用過、篩選過，好嘅才入貨。上網太虛易中伏。
㗎仔度氚含量，呢部度幾種輻射射線，唔同喎！
咁森伯又冇話貴野一定好，你又好似某國咁抹黑森伯，將森伯塑做成一個唔貴唔食又奄尖既老人家……
刪除揀食物都要睇你識揀唔識揀！
森伯有好多月餅？！邊個講架？遲少少先去買……見到保皇黨派月餅，又唔幫森伯排兩個！唔得醒喎……你果區都有人派吓月餅，森伯果區人影都冇隻派餅……
想收爺粉，你就要加把勁……
電池波可能平時冇察覺，到有事己經太遲……
你用來插咩，插頭咁化學？！網上買嘢都方便，有商譽的網店較好，如果有埋實體店就有些信心！！
測幅機我未買過，完全唔在行！
森哥常常一出口就鮑蔘翅肚，仲脅迫我送呢d貴禮或請你食，真係嚇到我剩翻半條人命。
刪除人哋揸住飛仔，老人中心會員，個黨收嘅𡃁。我未夠秤，森哥夠老去攞。
我唔想有粉咁麻煩，本來無一物，何處惹塵埃。
顯露森哥做事好小心。
咁森哥冇開箱文，順便介绍好網店，唔使新鮮人撞板，我未淘過。
一出口就鮈蔘翅肚……都唔等如有得食……你呢啲名符其實嘅斷章取義！！雖然私底下唔識一爺，但都知一爺為人慳家，邊敢買叫你買……😒
刪除我暫時又未攞過社區派的月餅，唔知咁多規矩……
遲下搵吓相，再寫篇blog，講講網購！！
我離日本遠，感受唔到啲人嘅恐慌。
回覆刪除一般西方國家的市民，都唔覺核水對佢哋有很大的影響……
刪除核污水的影響不會即時浮現，氚的半衰期是12年，而污染物是會累積的，當海洋的污染物累積到一定程度會有甚麼後果呢？沒有人能答得到這個問題，何必要倒落海為禍後代呢？
回覆刪除講的對，現在仲有人認為核水冇乜大問題，還覺得擔心的人只是杞人憂天……
刪除因為始終個後患冇咁快見到，當見到有事時，已經遲了……
根本有很多問題，日本都畀唔到確定答案，總之要倒就倒……
最不滿的是本來有多個方案可解決核污水問題，但日本就是選擇一個最省錢、最簡單，但卻為禍最深的方案，太自私了！
刪除就是有些方案可以供她選擇，她也一意孤行選擇排放在海裡~~都令人有所懷疑...據聽聞，有些較折衷的方案比她用來補鑊的費用更省錢......
刪除日本執意要把核污水分30年傾倒出大海，揚言在過濾之後便沒有問題。可是海水被核污染了，我們不敢吃海產，日久連水也不敢泅了啦。海水蒸發上了天空，變成雲，雲重墜而下雨，農田承受的是帶有幅射的雨水。唉 ! 真是一個隱患。
回覆刪除秋葉提到這一點，很少人留意，大家只顧眼前有冇海鮮食，有冇魚生刺身食...所以話她一旦把核水排到海洋裡，造成的危害好深遠，而且不只是海鮮有問題，牽連到很多生活上的事宜，或者食物鏈~~~
刪除所以有些地方都禁止日本的水產及農產品輸入!!!!
人人都只顧著吃這方面，可不知他們這樣一意孤行把核污水傾倒出大海，日久海水的幅射量增加，禍害的牽連甚廣 !!!
刪除所有這類的問題發生，往往都要待一段相當長的時間才見到禍害，的確將來的事無人知，但為穩陣起見，暫時一段長時間都唔敢食日本野~~~
刪除平時都係有需要先買，唔會盲搶。
回覆刪除咁man man今次覺得有冇實質需要？！
刪除自媒體有個好處是繞過大媒體揭露真相，但壞處是容易被利用傳播謠言。一陣搶鹽風，把剛好用完鹽的家庭害苦了。幸好我老牛在搶購風潮前剛好用完就買了一包一斤裝的，有排用了。
回覆刪除你講得對，森伯話盲搶，其實冇搶過，只不過買定多少少，絕不能買定一生份量的鹽，真的要看看呢件事最終點收科……
刪除可能鹽對森伯來講都有很多其他用途，所以買多一兩包是有需要的……
真係要放長雙眼，睇下個天點收拾日本呢次污染全地球。
回覆刪除其實唔需要等很久，有好幾個地方已經唔要她們的海產，中國和香港佔的比率都很重！絕對有影響！
刪除