正所謂：一年容易又中秋，一年時間過得都幾快，尤記得上年中秋期間，就患了新冠，月餅都要延遲食……一霎眼又過了一年~~雖則話現在的節日氣氛越來越淡，其實都沒有相干，境由心造，來作個中秋小佈置，食下月餅，食食做節飯，又係一個開心的節日…
相信很多人都會提前買定月餅，可以提早食，而且早買又會有少少著數優惠等，其實今年的餅我覺得貴了很多，現在餅店的麵包也明顯貴了，更何況一年一度的月餅，尤其一些廣告越多的餅店，餅價就越貴…當然喇，一些街坊品牌以經濟為原則，推出一些月餅，價錢就比較相宜，用街坊價出售，自然都益了班街坊客…有間叫廣良興的餅店買的月餅都幾經濟實惠，雖然今年沒有買，明年也是考慮之列…
有日某博友仲話我多月餅，當時真係零月餅…點知講左之後短短幾日就成檯月餅……佢把口好靈，下次可唔可以講森伯伯大把$$，跟著又成檯都係$$...............XXXD~~~
中秋除了月餅之外，燈籠都係不可少的擺設，自己發覺燈籠的演變越來越hea，吹氣燈籠已經夠晒經典，這是今年的燈籠…某睇錯，呢啲真係今年的燈籠，完全買唔落手……
有人概嘆的說：時節的氣氛越來越淡靜，不知過了多少年後，中秋只是一個普通的公眾假期而已都唔定…
今年我都有一個黑芝麻核桃月餅，係捐血贈品，見佢喺雪櫃咁孤單冷清好可憐，噚日忍唔住已經用我身體暖化佢，我真係一個好有愛心嘅人。
回覆刪除証明森哥人見人愛，愈多月餅愈得人鍾意。
深水埗有條「燈籠街」，每檔都掛上燈籠任你揀，相對地，佢哋識揀入咩靚貨。
有下一代就會用心傳承古老傳統，小朋友至後生仔好鍾意儀式感。
作幾首中秋節歌會更有氣氛。
唔知啲人屋企仲有冇走馬燈呢？
食過月餅已經是應節……
刪除今年都收到兩個類似你講的芝麻合桃月餅，不過餡料好鬆散！
好吃的東西，越多越喜歡，不過森伯伯都年事己高，每日適量就算，攤開來吃……
以前有一車程都會經過一些傳統的香燭舖，一到中秋裡面都有很多傳統燈籠賣……
就算真的見到很多傳統竹紮燈籠都未必會買，因家裡未必有地方收藏！！
現在的人都懶理承傳問題，下一代的世界，下一代作主！
走馬燈，成了文物：好耐好耐冇見過
祝森快樂，不只中秋！
刪除月圓人圓花正好，事順業順萬家興。
森比月餅更甜，人人爭住愛。
今日中秋，你特別好口😁
刪除我都祝你中秋愉快，人月倆圓…
生活寫意，事事順意，感情滿意，財運得意，健康如意！！
森伯咁甜會唔會吔到人糖尿架！想拆森伯個題目……搞到人怕怕👎
佳寶係賣平平廣良興月餅，你唔使去咁遠買。
刪除見圖森哥收到14個，滿滿嘅愛，日日食半個咪要成過月都係過梗中秋節，濃情化不開最體貼。
森哥月餅會係餐後畫上完美句號嘅甜品，定係加杯解膩茶歎高貴 High Tea ？
一森五意，森哥好有主意，好叻叻，豎起大拇指。
邊個想食左咁可愛森哥呀！甜森唔食得，口甜樣甜，就算伸脷舔森哥都係唔會生病架！你估森哥係毒男咩！唔好破壞森哥喺我心目中嘅美好偶像型象喎。
月餅淺嚐都如題目係一齊吔，邊有拆台，森哥又特登扭曲晒…講到我好衰，這已經係森哥一大特色，又幾得意喎！感覺森哥有醋意，咁我心目中嘅森哥已經好出色，得到妒忌係我驕傲自豪，謝謝森哥！我好感動，唔係應該係無言感激，伸手抱一個。
所以，係無人怕，人人愛森哥。
今年我去附近超市買月餅（下回講講），廣良興好多地方都買到，今年唔駛自己買廣良興但也可以食到，品質都唔錯……
刪除你真係好浮誇，十多個餅就話滿滿的愛，有自己買，有人家送來，今年公司也有派給我們，個個有份無人落空，反而爭一爺的十黃蓮蓉月餅仲未收到…🤭
如果在家時，月餅用來下午食……
一諗到要祝一爺，就諗到以意字結尾，你覺得啱聽就好喇！
你啲浮誇症又出現，大家博友平起平坐，無偶像之分……
講真，真係好妒忌一爺，可以自由自在，無拘無束生活，今日可以掃吓平貨，聽日又可以嘆吓法蘭西大餐……好鬼羨慕！！😎
超市買餅有奇緣？好期待
刪除乜你放下身段問我攞嘢食？你我平起平坐。
你咁高傲，乞求禮餅唔似你為人喎！
平時，唔開聲，公司同事自動送嘢食畀你，但高尚森不屑一望，直接掉入櫃桶底打入冷宮。
你有14個，而我得1個，相形見絀，咁多個要食成個月啦！仲伸手問我咁鬼貪心架！感覺富有人家喺乞衣兜攞餅食。
節後邊度仲有月餅賣？難題
我呢啲窮人，窮則變、變則通。剩餘年糕都化身做糖水，不如我放8隻鹹蛋黃落我啲綠豆沙畀你，知森哥平時食開綠豆唔係紅豆去降火減炎，由月餅進化嘅 中秋「沙」 係健康創新混合傑作，貼森打造，我好體貼。
花巧做作、份量少、唔夠飽嘅法蘭西昂貴大餐係富豪森常餐，唔好以甜森之心度一爺口福，佢邊及一爺大餐咁正，世上只此一家，特別訂造唔講得小，營養均衡兼價廉物美。
西人食西餐有咁多肥人簡直係漫性毒藥，我嘅增強健康免疫力，愈食心血管愈年青，呢樣已贏晒啦！要迎上百年難得一變，東昇西降，森哥唔好再崇洋，西餐唔靠譜。
你真係煲得劇太多……超市奇緣你估拍戲咩？！
刪除既然一爺係傳聞中的隱形富豪，森伯果類草根蟻民都想乞求施捨……＞＜森伯在赤貧的生活中搏乞得一個得一個餅吃幾餐，一爺啲富貴人家唔知啲基層人士的生活……😀
冇同事派月餅，公司派啲健康月餅畀員工應節，好平常啫，月餅唔出名，當然食味就過得去喇！！問人攞餅，我覺得有時唔一定代表貪心，就好似有些人山長水遠去攞派的平安包一樣，希望吃了取其寓意，平平安安，難道拘拘幾個包，很多人都能買，之不過當中包含了一種祝福……
高傲森不屑一看打落冷宮………簡直同某國的行徑一樣，志在抹黑對手，砌詞狡辯令人覺得森伯係「非洲和尚」🤣👎……
真係唔知邊度仲有平月餅賣，森伯啲餅都有排食喇！！
森伯平時都係食啲價錢大眾化的食材，清清淡淡又對身體零負擔的，講完中秋先再介紹，希望到時一爺睇完唔好嫌cheap……
你崇洋定我崇洋，我間中行吓國貨公司，用華x手機，閒來參觀吓國畫水墨畫架！！😁😁
森哥赤貧定義係…人哋嘅中產級數。
刪除報復式食無益月餅自殘就一啲都唔平安，係咪好耐無發炎就身痕，把口唔收，等月餅出馬！ 馬騮精嘅金剛箍。
飲清水、吸空氣會要個身體做事，之後要排翻另一樣嘢出黎，都唔係零負擔啦！森哥學埋廣告咁浮誇。
記得我買超市黃貼紙嘢……最怕富貴森唔夠 cheap 咋！
你真係好富貴...人家的中產等如你的赤貧~~~~
刪除哈哈哈...你幾時講野都咁好笑!!!把口唔收似你多過我~~~~
有時不能太過計較，現在食乜都唔平安，飲水都話飲氯氣...食平安包又話白麵令血糖升，有時候趁佳節到來都可以品嚐下無相干~~~
邊得似一爺的飲食等如煉仙，不吃人間煙火......
我都買黃貼紙的食品，有啲仲好新淨!!!
我今年喺荷蘭網店網購香港美X月餅。雙黃蓮蓉月要40歐一盒（未計運費）。
回覆刪除嘩，真係幾貴
刪除美心月蛢，今個中秋都要賣三百多元，買來應節都唔會太計較……只計較味道！！
中秋節快樂！
回覆刪除我有同學送傳統及冰皮月餅，不用買。
追月夜快樂……
刪除現在很多人，都只是一兩盒月餅便可以了，不想吃太多了！
今年中秋的節日氣氛比往年都濃厚了，說得不錯，今年月餅好似多過去年。
回覆刪除今年該是疫情措施解除後的中秋，出外的出外，留港的留港……昨日也見多了一家大細出外賞月遊樂……
刪除消費多了，自然買月餅應節也多了！
祝：中秋節快樂！人月兩團圓！
回覆刪除多謝Man Man ，我都祝你有個開心又愉快的節日假期！！
刪除森森大少你好！看來你過了一個很愉快的中秋節。
回覆刪除前幾天舍間的電腦出現了些問題，想寫番一篇應節的博文也不行。惟有吃和和追舊劇。
月餅和生果，都是這幾天的主角。今年吃的是：中國柚子、雪梨、栗子和澳洲甜柑。
往年愛吃榴槤，一吃就是一整個；香芒和榴槤也曾經蒸來送飯吃。哈哈～～除了吃肉，這個很不錯。
同秋葉咁熟，叫番森伯伯就得……
刪除今個中秋有些時候都有點兒掃興，不過把焦點放到開心事上，也可以愉快……
今個中秋也忙些事，未有逐一去到各位博裡，講句祝願說話！
現今世代，壞了電腦，壞了手機，就真的什麼也辦不到……
那就可惜，電腦壞了就唯有做其他，不過佳節到，也想睇睇各位博友怎樣過節……
十分認同，如果真的拿芒果蒸來送飯吃，原來好好食，很有東南亞餐飲的風味，不過榴槤未試過……
森少，大家咁熟，就唔想叫老你啦。
刪除有時我都好傳統，三家姐的兩個寶貝兒子，大伯的三兒子，見到面我都稱他們為乜少、物少，以示尊重 ! 都是因人而異，不能一概而論。其餘老實不客氣，直呼其名就得了。
好多年前，有一天雪櫃無乜餸，就以芒果、榴槤蒸來送飯，真是開胃醒神。後來看旅遊節目，原來東南亞也有這樣的吃法，真是無獨有偶。
電腦已搞掂，先上一文，遲些再補些中秋照吧。
唔緊要，本身都老人家都唔怕被人叫老~~~~
刪除直呼全名都要好看是什麼人，什麼地方，如果真的叫人全名，我都覺得不太禮貌~~通常叫人乜生，乜小姐，乜女士...熟人會叫名的兩個名字就算!!!
自己在外邊反而喜歡人家叫我名的兩個字，因為比較親切...
係呀!!!唔知有冇其他博友試過，真係幾好送飯，又香糯，通常芒果會加雞肉蒸來吃~~
我寫的是“直呼其名”，並不是~直呼全名。
刪除直呼全名只適合叫喚同學，或者學生。
純是自己認為直呼全名真的冇禮貌~~現在少會叫人全名...
刪除早前進修上堂，導師多數叫英文名字，或名的兩個字，感覺他們比較親切些吧~~~
你說的是新一派老師的作風。我初期讀書的時候，和後來義務指導學生功課的時候，都是連名帶姓去呼喚學生的。
刪除也知道從前的教會學校，是指定以英文名字去叫喚學生。還有一間夜校，全班學生是同一家族的貧窮子弟，老師點名省去姓氏，習慣只是讀出名的兩個字吧了。
更正：那年我義務指導的是小學生。在義教的興趣班上，對成年人都是以兩字作稱呼，拉近距離以示親切。他/她們也很可愛，下課後見到我總是大呼老師，使我十分尷尬 ! 後來總算習慣了叫我的名字了。
刪除其實一般老師都會叫學生全名，但很多老師卻要記著多位學生的姓與名不容易，所以現在老師叫英文名或姓後兩個字就易記得多......相信秋葉是個稱職的好老師!!!
刪除Great blog
回覆刪除thanks~~
刪除Please read my post
回覆刪除Okay~~
刪除