很多人都認為今個中秋會比較熱鬧，人群外出消遣及消費都會比往年多，又加上國慶日，假期都有好幾天...而且從新聞報導中，感到香港也漸漸復常!!
中秋當晚我都見人一家大小擔著燈籠外出賞月，可能這樣，所以搭車都受到很大阻礙，差不多等成個鐘也沒有車，而去到目的地的食肆，就多種餸菜也沒有，早早已賣完了...所以都有點掃興，難怪很多人的做節飯也要提早吃!!不過，疫情措施放鬆後，外出做節也可以感受到節日那種好氣氛!!!
中秋不外乎吃吃吃，今年買來的月也不錯，本來想去某間連鎖店的餅舖買...之不過買得月餅來又要買其他餅食，不想吃太多，就改為去附近超市買~~
呢間老餅家最出名應該係佢的老婆餅，又稱為元朗老婆餅...至於佢出的月餅都唔錯，最主要唔會乾爭爭，算係油而不膩，我們吃過也認為不錯，之前也幫襯過佢黃蓉月餅，今次買的白蓉月餅也能保持水準，OK喎!!
每年中秋都一定要有月餅，細時對月餅只是一般般，人大了反而欣賞傳統的節日食品，若然家陣仲有月餅會呢回事，森伯起碼做一份，到出年又有幾盒月餅食~~~哈哈
呢個燈籠好古舊。
回覆刪除間食肆都好穩陣，中秋節會一家食團圓飯多啲生意都唔備多啲料，搞到森哥無得食想食嘅咁掃慶。
供月餅會一份有十盒送2隻豬仔餅，森哥交遊廣闊之少要十份啦！
「買得月餅來又要買其他餅食」 發現森哥購買控制力都弱喎！我係見到平嘢才失控多買，屋企有零食都失控好急食晒，如果我一心只想買月餅，我係唔會碰其他餅架。
森哥叫我送嘅八黃蓮蓉月餅，原來要隻大牛才可拖得郁，嚇我一跳，大牛慳慳哋夠我兩周買餸錢。富貴人家開襯都係金口唔惹少，你真係當我係富豪，其實我係一個普通市民，森哥要從我呢個小市民角度諗吓。
水墨藝博 到8號結束，森哥會去觀摩嘛？
香港大大小小的商場都係用呢種燈籠，應該係環保燈籠，年年用...
刪除係啦，席間都有人咁講，明知大時大節就應該入多些食材~~好過乜都話冇!!!
森伯交遊廣闊...你又何以見得呢?!!一份有十盒咁多，咁我做半份得唔得架?!!!豬仔餅要1隻!!!有機會見到豬籠仔餅要買一個，寓意豬籠入水...
唔好話買多個餅，仲有好多野自制能力都好弱...我講忍唔住...爆粗啫~~哈哈哈
其實有很多地方不會時時見到，難得撞到這些餅家，都會買多些餅，唔止得我食，還有其他人想食!!!
我都係講下笑啫!!!!你講得好啱，月餅好唔值得買，價錢貴得無厘頭，將錢買些實際野食仲好!!!!!
普通人生活唔太講究，有得食就應該感恩，過時過節月餅有人送，自己買少少就夠~~
水墨藝博到8號結束......咩嚟架?!!...一爺的作風，講啲唔講啲~~~~國畫很多地方都有展出!!!
贊成重用。
刪除自由人插畫師應該識好多人。同事送嘢食畀你，顯示森哥人緣好、交際手段了得。森話「買餅畀人食」，朋友都唔少，我只諗自己咋。我咁難頂你都頂到，真係好隨和，自然多朋友。
無半份，要自己揾人夾。
祝大水庫森哥入好多水。
乜森哥常常爆粗？我覺得唔係囉！
有錢嘅就濕濕碎啦！窮人都係喺佳寶買$50/2個應節，一樣咁開心。
喺香港會議及展覽中心辦架，好多參展商，入場費要$168，詳情去佢網頁睇啦。
市面上很多節日佈置的用品，多是重用，慳返開支……
刪除我不是自由人插畫師，更加不是交遊廣闊……而家咩年代，如果不是親戚往來，很少送月餅給其他人！！
可能只是在網上傾談，又唔覺得你好難頂，難頂的人在性格上改些態度，可能會有改變！
以前見屋企人做月餅會，唔會有十盒咁多，頂多六盒……太細，印象有點模糊！
做月餅本身不是什麼貴價材料，買得貴好搵笨，50元兩個就合理，認為啱食就得嘞！！
國畫展很多地方都可以睇到，尤其你唔記得森伯住西九區，M＋博物館唔算遠，反而會展還要遠……
何解中秋節傳統食品如 楊桃、林柿、菱角唔見有得賣？
刪除森哥仲係咪都有食中秋碌柚？
我細個玩咩紙燈籠全都一次性，實會喺中秋時燒毀。
森哥喺博內展示吓你嘅國畫風佳作。
密質質香港係住得好局促，但就五臟俱全乜都有，1小時生活圈真係好方便，假如，地大物博要睇國畫可能要遠遊。
點解香港學唔到類同星加坡有咁闊落嘅公屋？
不過，因為懶得打掃，我喜歡日本高樓底納米樓布局，入門玄關，一邊厨一邊廁上面係睡房，個廳整面大窗採光通風夠，同露台可晾衫。
今年都有食林杮，不過相片沒有放在博內，仲有食芋頭仔，至於碌柚就冇食，拎唔到太多東西……
刪除想當年，細時玩的燈籠就可以一次性，過了節就丟去，但現在丟了，就唔知明年能否再能買到，所以環保今年擺完明年又再拿出來擺，當佢如珠如寶，最特別是淘寶都未必買得到……
如果主題需要畫就會畫，都要用些時間，今年有大部份的whatsapp圖都係自己配合軟件畫的，都得意，好唔好都算自己傑作……
就是香港細細，生活所需也相當方便，食買玩基本上都唔駛山長水遠，尤其現在住西九區都總比以前住的青衣區方便……
一邊厨一邊廁上面係睡房……唔係呀，好似監倉，森伯都唔需要太大面積，但細極都起碼一廳一房一廁……
「拎唔到太多嘢」？分開兩次買囉！
刪除我出街袋會常備環保購物袋s，包括宜媽經典藍黃尼龍袋1細1中， 隨時變身碼頭咕哩，上膊頭閑閑地拎20kg都無有怕。
滿載童年回憶，森意古董燈籠別具韻味。
森之創作耳目一新，令人讚不絕口。
實用面積110呎，但樓高13呎，巧妙布局慳位，廁所/厨房上嘅LOFT就係複式睡房，而入門走廊係厨房走動空間，大廳超高樓底同大面積窗戶感覺光猛闊落。香港樓價一萬蚊呎，百幾萬上車盤好多年青人爭住監倉啦！差餉 、管理費、冷氣電費全部按面積倍數咁減低，瞓監倉都笑醒。
日本上班族迫成粒鐘車，車費又貴，市中心有啲蚊型樓買或租畀人只行20分鐘返工係好受歡迎。森哥咪話要等成粒鐘才有車搭，唔使等喎！你話幾幸福呀！
拎兩次……唔會喇！碌柚又不是太喜歡，拎食的糧餉已經足夠！！
刪除你果類係高消費群就話帶幾個購物袋在身，森伯老人家買太多嘢都好重，你哋啲做開「咕哩」的後生仔，唔該順便過來幫吓老人家拎……
森伯冇古董燈籠，只係有些風琴型的紙燈籠！
家居太細會影響一個人的心智，如果稍為濶些也有好處……
果日要等車，事關大時大節人截車的多，所以要等好耐！
前言：『拎唔到』 不對 後語：『不喜歡』 ，一時一樣，森哥對我都好自由奔放。
刪除係孤寒窮鬼連5毫子膠袋都唔捨得才啱！森哥學晒西媒反轉啲嘢嚟講中國：『年增長1%西方話年增長5%中方嘅經濟會崩潰。』
超市可租車，夠$500免費送貨，網購叁樣我都試過。
身體係森哥自己嘅，唔可以懶，必須自己拎去鍛鍊，才有好日子過。
森哥真識貨，風琴式係絕佳紙燈籠，美觀有味道，易收藏又超便宜。
蝸居叫 QUQURI，不礙心智發展，其 compact 優點夾到我需要。東京10m²蝸居被學生搶著租 去片
https://youtu.be/sti6eDQEWiQ?t=117
你真真正正演繹了什麼是斷章取義...一來拎唔到太多，二來不是太喜歡~~~所以就冇買!!!你有時間去抽稱森伯的說話，不如幫下老人家手拎野仲好~~~哈哈哈
刪除你真係好似某國的行徑，屈得就屈~~~我冇話你崩潰，只係話你高消費群...森伯大致上一周買一次糧餉，通常都會大大袋，可以遲些買就留待下一次!!!
即時拎走好過要等佢送貨，況且我不需要被限制買滿500元~~我住的地方只是過對面買就可以，連落雨都唔需要擔遮，很方便，買完可以返屋企~~
最弊森伯氣虛體弱，遲下都可能要校個平安鐘...邊有一爺咁陽光咁小鮮肉~~~哈哈哈
風琴型的紙燈籠越來越少見，仲要細細個就番個小小蝸居!!!前一篇網誌就是這款燈籠，還有一兩個咋...收藏得好，明年再掛過!!!
睇過你的視頻...呢種蝸居唔係香港有，很多人都沒得揀，只能住劏房，有些細到不能校冷氣，屋內熱到爆燈~~~
森哥把口好叻，難得食到森哥嚿叉燒(抽稱) 令我開心。『 排球術語：食叉燒 （chance）。』
刪除我都係行過對面就係居屋袖珍商場，有街市同超市，不過，要淋雨。城市稠密 嘅好處！
只要樓底高多3呎，二人家庭住100呎比港式2百呎更舒適，多雜物可以租工廈迷你倉放嘢。政府屋一層24間100呎13呎樓底屋，三層樓共72間屋。體積等於四層12間200呎10呎樓底屋，共48間屋。同一幅地多咗24戶，港樓一般40層高，等同日式30層樓高多出240戶。另外，100呎戶比200呎戶租金或銀行供款減半，生活費負擔少咗，咪更舒適，一舉兩得。100呎部冷氣機匹數比200呎嘅又減半，電費又慳一半。啲官員要見識多啲，頭腦創新啲，公屋輪侯時間唔會愈來愈長啦！年青人唔會叫苦憐天。
懶唔拎嘢：擔心森肌森骨森心森肺，大機會罹患肌少症兼骨質疏鬆症，心肺功能弱化。愈唔郁身體愈差，惡性循環。氣虛體弱咪畀人話東亞病夫，播郭富城『動起來』，依家校鬧鐘早起十分鐘運動，唔使老來平安鐘。
覆一爺的回應，抽稱呢兩個字要成日用...講起叉燒忽然想起，一爺最近有冇食過「大渣樂」叉燒鹹旦飯呢?!!
刪除香港地地方細細都有個好處，生活所需一應供全，好易買到想要的東西，新式樓宇基本上左近都有些店舖商場...
雜物點都唔會放迷你倉，所以平時開始要做下斷捨離，家中少些雜物可以看落舒服點，現在丟一樣舊物才換一樣新物!!
你做過房屋署，這些資料好清楚...香港算是特別的城市，人多地少，在sky100的觀景台一望落就密密集集的高樓大廈，心裡都有一股震撼感~~
樓價賣到錢，發展商用最少的地方，要起更多的樓宇，賺取大家的金錢......
森伯有做運動，運動同拎嘢唔同...唯一講得通係兩樣都要消耗卡路里!!一爺都係唔明太多!!!老來平安鐘雖然每個人都唔想，但卻有實際需要嘛!!!
看來森兄介紹的這款老牌月餅很不錯，有機會都要買來吃吃。
回覆刪除一向聽聞元朗老婆餅很出名，不知道森兄可有買回家中孝敬一下老婆呢 ? 小時候，家父也曾經在某大酒樓供過多年的月餅會，可是兩位姊姊都不愛吃甜膩的東西，當時又沒有雪櫃，放壞了結果不再供了。
搞到後來全屋沒一個月餅。有一年有人送我一盒名牌月餅，家中又覺得很珍貴喎，人的心理就是這樣，多時不稀罕，冇時才珍貴。
元朗老婆餅好出名，好似原於這間恆X餅舖，你未吃過嗎?!!係喎，秋葉多數午茶時間享受法式high tea，甚少吃土產老婆餅...
刪除我仲以為秋葉話回家孝敬家中老父老媽...反而老婆，若有日要孝敬老婆，我諗會買梳打餅、水泡餅算喇...現在呢間餅家的老婆餅都唔平架!!!!哈哈哈
月餅都能夠放壞了，相信都要有一定的時間，聽講以前的人會抹去霉菌再放雪櫃就可以擺放很久~~~
香港天氣潮濕又熱侷，很多食物都容易變質，名貴食物都是早些食用較好!!!!
原來森兄會當老婆是baby, honey, 就會買梳打餅、水泡餅來給她吃 !
刪除也知道老婆餅是用冬瓜茸做的，太貴實在不合理。
我是基層的小市民，從沒想過享受什麼法式high tea 喎。 想起以前有個朋友，問我：「你會不會要我帶你去“半島酒店” 吃東西呀 ?」哈哈~ 真有趣 ! 其實我內心有點像男仔頭，喜歡看李小龍的“唐山大兄”、看甄子丹的“葉問”。
老老實實，分手再見亦是朋友。正是白頭宮女話當年。
有梳打餅，水泡餅食都己經好好，可以飽肚，做人要知足……🤭
刪除其實很多中式餅，用的材料也十分普通，不過上舖，人工，燈油火蠟……就將佢變貴了，老婆餅好多地方都有得賣，認為價錢買得過就買，有些消費者醒目，但亦有些人不計金錢只要好吃便買……不過老實講，都係恆x最好吃！
人的性格生成，男仔頭都有好處，不會太過婆婆媽媽！
每個人都有自己經歷，也喜歡聽人講吓想當年……
對呀 ! 我也喜歡聽聽森兄講吓想當年，作個參考也好，作出參詳也好，可能會使你有所領悟與得著。
刪除秋葉姨見笑嘞，估唔到森伯的想當年令你有所參考價值，每個人的經歷都不相同，不過也可以從人家的故事中，領悟點點……
刪除我孫都有喇，嗰頭都近喇。聽了都係為閣下参詳，畀閣下參考嘅啫。
刪除不要這樣說，感覺秋葉還很年青，時代不同了，身邊也有很多人有孫孫，但從她們的外表也看不出……
刪除給予森伯參詳，參考的建議，直接講給森伯知就可以，也很喜歡聽秋葉的理智思維與分析！！
但願如此。謝謝 !
刪除多點信心吧!!!
刪除好多人越大就越鍾意傳統節日同食物，想懷舊一番。我都係，嘻....
回覆刪除或者人大了才會懂得欣賞傳統的節日美食，當中包含回憶和回味!!!
刪除完全同意
刪除謝謝man man認同……
刪除我細個已經鍾意食月餅㗎喇。
回覆刪除以前的月餅好香，跟現在不同！我細時都鍾意架……
刪除如今成了長者，乖乖地聽醫生話，少食油膩野，所以即以年輕時喜歡月餅如今也淺嘗輒止。老牛也陪外孫玩燈籠，是傳統用蠟燭點的那種，才算真的有中秋味。
回覆刪除係呀，身體健康好重要，俗語都有講，少食多滋味！！
刪除除了月餅，細時鍾意玩燈籠，用蠟燭，真真正正有得玩，現
在人大了，燈籠變了節日裝飾了……
小學時候自己在香燭店買材料結紮燈籠，造了個蝴蝶燈籠，那是小學勞作堂的功課，以前見到有街童以煉奶嘜作燈籠身，加汽水蓋作車輪，以繩拉著走，煉奶嘜被汽水蓋滾動磨擦，會水平式旋轉，始终不明其巧妙設計，至今仍不解，當然再也不見有此設許矣。
回覆刪除亞發還是愛吃傳統黃蓮蓉，白蓮蓉月，提不起興趣了😊
很多人都認為以前的小孩創意力比現在小孩為高……物質，玩具沒有現今豐富的年代，就憑自己創作令大家都可以一齊玩，回想小時，每年的中秋都有機會玩火，當然啦，現在大家都知玩火好危險，不過相比起來，以前的小孩過節係高興得多……
刪除上年有黃蓉月餅賣，今次沒有，便要買白蓉……