很久也沒有介紹過一些健康食譜，其實要做些健康食譜唔難，當然重點是食材夠健康夠新鮮，基本上都冇得輸...有時外出吃東西或多或少會忌太多味精、鹽糖之類...而自己做又怕太多工序，太麻煩~~森伯自問都寧願簡簡單單就算，只要好送飯就已經收貨!!!而我間中都會整呢個餸，因為我比較喜歡豆腐，而豆腐比起一般的齋菜好味，唔會令到口淡淡...
一磚豆腐，加一隻雞蛋...另外你可以加上其他配料，可以是堅果碎、亦都可以是免治肉等...今次清淡一點，因為時節過後，吃多了，簡單得來又可以送飯~~將豆腐、雞蛋、腰果碎(包裝焗過也可以)...把三樣溝勻加少許油，撒上豉油或鹽，就可以，一般我會落些葱花!!!
蒸幾個字就可以食得!!對我來講覺得好味架!!豆腐又稱為「老少平安」過年擺上檯都意頭十足，而且豆腐係細路至老人家都適合食，既有營養又醒胃!!!
唔講咁多，豆腐要趁熱食，口感才滑漉漉......
一磚豆腐，加一隻雞蛋...另外可以加上其他配料，就成一味簡單易做的健康菜色，真是挺好的。
回覆刪除豆腐這種食物，自小就很喜歡。最常做的是~豆腐蒸鯇魚，豆腐釀肉碎，或是加雞蛋蒸鯪魚肉等等。
呢味餸食材簡單又易記，而且做法快捷~~有些健康菜式都唔需要太多功夫，最緊要係食得健康又易送飯嘛~~
刪除係呀，豆腐可以做多種菜式，你講起才醒起煎釀三寶中有一款係鯪魚肉釀豆腐，好好味，不過都係功夫餸，要些時間去做......
係呀，用到鯪魚肉就要花些功夫。買回來的鯪魚肉必須要以筷子，朝一個方向去攪匀，才會起膠，不會散。甚至有人建議下些少粟粉入內。
刪除秋葉煮餸有心得，相信都會煮到幾味拿手小菜……期待秋葉分享吓！
刪除本身對吃魚麻麻地，自己少買鯪魚肉，用肉碎反而比較多！
我都是懂得一些煮食的普通常識吧了，不敢多拿來分享。
刪除很多人都會害怕魚裡有骨，可是對於愛吃魚的人士來說，寧可小心一點，都要久不久吃上一頓魚餐。好像鯇魚只吃草，又稱為草魚，它很少細骨。大魚什麼都吃，可是大魚頭也很有益。
其實你謙而已，能湊大兒女，都總有些拿手菜式給家人讚賞……
刪除森伯大多數的餸都以蒸為主，蒸餸既簡單又健康，而且蒸餸可以吃到食物原味道……都唔錯！魚好少食，包括淡水魚，若兩者選擇，我較喜歡鹹水魚，海魚味較鮮……魚骨是不吃魚其一原因，腥味更為怕……
若魚類新鮮，都不會太腥。事實上海魚比河或塘魚腥一些，薑蔥是魚的好配搭。家鄉在佛山一帶，盛行魚塘和種桑，所以是吃慣母親蒸的鯇魚和鱅魚頭。
刪除香港的街市多海魚，我也愛吃海魚，如：紅衫、馬頭......等等。偶然也在超市買到歐洲野生的鱷魚塊。
所以自己都很少吃魚類，而且魚類也不適合我的身體狀況...以前時常會吃紅衫或馬頭，你所講這兩樣我也喜歡，尤其馬頭魚肉滑滑!!!
刪除偶爾在超市見到(鯰)魚塊都會買來吃，貪佢純魚肉沒有骨，而且也不太腥~~~鱷魚扒怎樣吃呢?!!以前記得只有乾製品...
醒目森哥識貨，我分開常食。
回覆刪除揀高鈣硬豆腐每周兩磚，撒少許鹽喺面，飯餸湯一煲過蒸熟嘅其中一員，有時會蘸醋糖油醬食。板豆腐浸水放雪櫃好快就壞，唔想行咁多次去買，我每次買6塊放冰格保存耐啲。食左係咪覺得我有腰骨、有骨氣呢！豆腐係聰明中國人發明，中國人係全世界唯一敢向美國霸主説不，任憑點打壓都唔屈服，有骨氣。
蛋就打落杞子燕麥加水叮2分鐘，係半生熟，日日食。每次買一排30隻，我為人好大量。
花生、核桃、腰果、南瓜籽叮到脆口好味日日食，食完把口啷過油，要加油才會口甜舌滑。腰果我貪平$59/2磅 買啲甩開兩邊唔靚仔但營養無損嘅。我喺百佳買成個南瓜$10，南瓜籽喺瓜入面，以前我係無用腦跟人咁掉左啲南瓜籽，後來，醒目左才食埋。
一爺夾硬將它們分開，圖謀將佢哋拆散...哈哈哈~~試下我呢道菜，可以吸收動物性蛋白外，又可吸收植物蛋白...配些新鮮的豆類，又有纖維，其實加乜都得...一碟餸有齊營養~~
刪除你咩豆腐?!!我的豆腐用不完，放些鹽水浸住再放雪櫃，好襟擺，可以擺幾日都冇壞~~~放冰格可以做蜂巢豆腐，仲好味!!!!
你什麼時候都要借啲意發表你的民族精神偉論!!!做人幾時都要有骨氣喇~~~
以前聽講杞子好易人工染色，所以都唔會食太多，但杞子好啱我食，補眼力...老人家睇得電腦、電子野太多眼矇矇~~~~><
呢類堅果大多數買現成的包裝產品~~話人無用腦掉左，你只係醒一半咋!!!!!而家有成包南瓜子仁賣，唔需要自己剥，唔需要再自己焗，無添加...我間中都會買，唔需要太多功夫搞~~~
三個喎！必須拆散。
刪除唔通 森哥喜好3P，左擁右抱，盡享齊人之福，風流森，唔怪得你話自己氣虛體弱啦！背後總有原因嘅。 我搖搖頭！
森話：『森伯平時都係食啲價錢大眾化的食材，清清淡淡又對身體零負擔的，講完中秋先再介紹，希望到時一爺睇完唔好嫌cheap……』三樣我都常食當然係平民價啦！仲好清淡，森哥係實話實講嘅老實人。
我日日都食雜豆糖水和雞蛋，而雞魚豬貝殼類輪流食，動植物蛋白質全食，只係煮法唔同。
快壞証明無防腐劑又富營養，好事。以前我個個星期都去買二次豆腐，好繁呀！不枉我精心鑽研食物貯存術後，拉長三個禮拜才去一次，幫助挺大。
你食飯都要日日啦！愛國心永存。
馴服G7西狗聽命於主人，合媒抹黑中國，十年後一帶一路有百卅幾國參加會議，高低立見，主人地位危坐，內心惶恐不安，我明白打壓中國常用安全問題，意思係唔能夠安全穩坐世界一哥之位。
我用水洗時啲水染成紅色，我以為係花青素係水溶性，溶解水中，甩色…森哥講到我飆冷汗。
葉黃素、玉米黃素、花青素都可補眼，所以，我話每日都要食五顔六色。
最初我好蠢架！係好花功夫逐粒剝走殻後才叮，後來，連殻叮後好脆身如同新年食瓜子一樣咁易剝。我係一整個南瓜買，裹面啲南瓜籽：食落肚？厨餘？2選1。買南瓜錢已包含南瓜籽，唔食即係視錢財如糞土。南瓜籽好多鋅，男人補品。反正我都要焗D生果仁(平過熟果仁好多)一併焗無做多嘢。
在一爺本字典內不是3P就係4P……
刪除驚你食慣好野，唔食慣平民口味！！係喎，有朝一日開食肆，命名為平民口味都唔錯！
人年紀越大越食得清淡，豆腐常食，仲有根莖類……
肉類每日總有餐吃，唔會缺！
會揀原食物，平時吔得清淡，偶爾吃餐勁都可以……
去有信心店舖買，搏唔會買到人為添加物，你家中有壓力煲又有焗爐，整豆粥，南瓜子容易，我呢兩樣都冇，買來吃更方便，南瓜子不是塑膠，掉了都不會污染環境，畀佢回歸大地仲好啦！！
要打壓，咩藉口都得，近幾年都聽慣！！
Production Preparation Process 叫 3P，公司Kaizen 組會搞 events 去減浪費、增產能。另外， 新產品投產前必須進行4P (pre-3P)去暢順生産、減成本。趕梗死期嘅新產品開發已經忙到踢晒腳，我仲要掉低手頭工作，擠1周去做改善工作，雪上加霜，陰魂不散。
刪除好嘢？平民嘢？我唔識分，例如呢？
店名有鬼用咩，平民只關注大件夾抵食，所以，$20兩餸飯成功俘虜港人，期待咩驚喜餸和遇上份量超級慷慨嘅「夾餸師」。
森哥食開咩根？咩莖？
除左根莖，我天天必食青緑色蔬菜和十字花科菜各一份。
體内似住左另一半，佢不受你操緃，反而係佢全自動控制你身體。探測到你長期好清淡，半邊魂會自動進入清淡模式，降低新陳代謝率，只消耗低能量。佢感覺到你嘅欺騙大餐，就唔轉低，擦餐勁才正確。
食南瓜子吸取好營養唔係比掉左更好咩！原來森哥喜歡用錢買嘢返嚟掉落垃圾桶，我唔理解嘅另類放生療法。
明年4月加重垃圾費，森哥有冇安排？我啱啱換掉瞓左廿年未壞嘅床褥，仲有斷捨雜物。
哈哈哈，你真係當森伯伯三歲細路哥，3P，4P都唔緊要啦...森伯好open!!有工作永遠都好黐身，等到退下來的時候，就真正享受無拘無束的心情...一有固定工作就會添加很多壓力，相信不久，森伯也將工作放下來，過一些比較放鬆的生活!!
刪除如果真係有間叫平民口味的食肆，斷估都唔會諗有鮑魚，花膠，魚翅，松露，鼠班等等食啦...大眾化食材，大眾化價錢~~
講開又講，一爺有冇買過兩餸飯呢?!!呢個兩餸飯現在算是逆市奇葩，無論國內或世界也聞名...我就未買過!!假若有日碰到又唔需要大排長龍的話也會買買...都唔定!!!!
根莖類你做下搜查就大把資料，我常常有吃蕃薯，薯仔，淮山，胡蘿蔔，蓮藕等等...
南瓜子有益，不過新鮮的南瓜子冇公具處理，我買仲方便，有機會介紹下......唔需要太執著，每個人對自己的生活都有不同的做法，適合自己便對了!!!
瞓左廿年...而且將未壞嘅床褥，掉了~~~~第一你咩牌子的床褥，第二你在床上搞咩?!!搞到要掉~~~~森伯用海馬牌床褥幾襟，或者對有些人來講比較硬淨都也訓了好一段長時間~~
早幾年開始森伯將要掉的垃圾，整到細細才掉，可以慳番個垃圾桶的位置~~第日都可以講下!!!
果真森斜。
刪除以前街市間燒臘味舖都有兩餸飯，不過，老媽喜歡燒味雙拼，我會多口叫老闆送個雞屎忽孝敬老媽。
無牌子，係買傢俬時推薦我。間唔中有棕櫚絲走出嚟拮我。我係換左平民價海馬牌。再瞓多廿年……呢張應該係我人生最後一張床褥。升斗市民嘅小孩係無床/床褥，我係瞓地下。
聽落係碎屍案，出得街嘛？
個個都咁諗啦...
刪除你會畀雞屎忽孝敬老媽?!!...好唔得喎!!!孝敬老媽都畀隻雞脾佢啦...
記得細時訓海綿床褥，訓好幾年就要換，海綿好易被壓扁!!!!海馬都OK架，如唔嫌硬少少都冇問題~~畢竟童年都係回憶吧!!!
講開又講，棕櫚絲走出嚟...好似人哋拍古裝片?!!乜現在仲有床褥走出棕櫚絲?!!!
最喜愛食雞邊部位因人而異，唔好以小人之森，無時無刻抹黑我。
刪除新材料開發一日千里，依家係另一種新海綿，優點勝過彈弓和橡膠。
古裝片？唔明你講乜。類似一啲唔好嘅羽絨衫會有羽絨甩出黎。係穿越廿年前，2002年買嘅古董床褥，「乜現在……」，富豪森搭梗飛機時差問題好嚴重，我又唔明你講乜，面對森哥真係傷腦筋。
講事實都話抹黑，老人家真係無辜辜……
刪除雞尾存油脂腺，含毒素，常吃對身體不好，將佢孝敬老人家，真係搵老人家笨……
現在流行什麼記憶綿，冇咁易扁及變形，最多用在床上用品……
你抗壓能力太弱，乜都話傷腦筋……👎
假扮老人，入世未深，又真係唔明白老人心事。
刪除人生唔同階段，40 50 60 70 80 90 活法確不同。
疾病、衰老會嚴重摧殘身體，天天拖住殘軀 ：跛咗 眼盲 痛楚 無牙 失眠 撞聾……如何在終點前，從病老苦痛中能渡過歡樂時光，要營造樂趣，食嘢係樂趣泉源之一，牙力唔夠亦縮窄咗泉眼，呢一刻，生命不在乎長久，只在乎曾經擁有(開心)，能食到自己喜愛嘢食，暫時忘卻殘軀痛苦，比多活一分鐘更重要，況且又無實際醫學數據証明雞尾令人短命幾多秒吖？都係假設，問森 人只在乎？……唔係考試有固定答案，批閱權仲交畀人，自己掌控啦！
萬寧：星期三氹氹你。呢樣氹到佢開心，萬試萬寧(靈)
中國外交金句：『「美國沒有資格居高臨下同中國說話，中國人不吃這一套！」』 楊先生係我偶像。
記憶綿：『冇咁易扁及變形……你抗壓能力太弱，』 首歌我就無認真聽過全首，佢唔易扁及變形特質，對我和楊先生講嘅中國人 不謀而合，在美國打壓下，中國抗壓力好強架！中國人(我)就係記憶綿，像華為無晶片，壓完三年後恢復原狀，重新再出手機。
我傷透腦筋嘗試理解假老人思想言行，代溝裂縫好大同壓力無關！同森哥chat係開心地卸壓。
心態年齡好重要，相由心生嘛……
刪除你講的就真正是每個長者都可能要面對的心身問題，或者預早一步計劃定，可能會免去部份的境況！！
雖然冇詳盡的醫學報告，雞尾是聚積毒素地方，等同動物的肥油，雞皮，肥豬腩肉，多食都會出事……小孩，老人家都寧願食得清清地就是這個原因，
唔緊要，有咩事可以同森伯傾吓講吓，減吓壓……
雞蛋蒸豆腐健康呀﹗
回覆刪除都市人比較忙碌，餸菜最緊要係健康又好味~~~
刪除雞蛋和豆腐烹調方式很多，而且健康，價錢又大衆化。
回覆刪除對呀，豆腐可以整多種菜式，而且豆腐用來煎煮都得，不過蒸來吃也不錯!!!
刪除豆腐加魚肉撈埋去蒸，都係老少咸宜嘅餸。
回覆刪除其實煮餸可以很多變化，隨個人喜歡配搭，就自己方便就得！！
刪除老牛都好喜歡食豆類製品，豆腐很常食，不過甚少自己動手。
回覆刪除豆類製品相信都有幾多人喜歡，只睇用豆腐做的菜式，都有很多種！
刪除有時自己下廚，也是樂趣…
看上去應該很可口，加鹽做餸，加糖為甜品，妙極。
回覆刪除呢個餸我多數整鹹食，如果加糖好似有少許怪！這道菜很簡單易做，喜歡的不妨試試……
刪除