如果真的太好，如錯看了都好，不想証實有沒有過傾慕...幾句歌詞唱出今篇的主題...
最後也能趕上“尾班車”，可以參觀這一個張國榮的紀念展(29 Mar-9 Oct)，其實朝早的車程中，都會經過文化博物館，通常都會有面超大型的橫額掛在館場外面，所以都知道今期有什麼展出~~看到一個名為“繼續寵愛─張國榮紀念展”的展覽，本來也以為會錯過的，後來也趕得及看看~~
展場的入口，已有很多張國榮的經典金曲的歌名，這個幕牆很大而又搶眼，個個遊人都爭著在這入口打卡，可說是人來人往，能夠影張冇人的相片很不容易...相信大部份的歌，大家也熟悉!!!
場內亦有哥哥的歌衫，與獎座，當然唔少得十大勁歌金曲獎，在那個年代，歌星的競爭很激烈，能取得一個奬也不簡單...
而亦有展出哥哥的紀念幣，這個紀念幣都很珍貴亦不會有太多人看過...
場內亦有播放哥哥的電影片段，而一樓亦有live band唱張國榮的經典金曲，當時是唱《有心人》，表演者雖然不是為人熟悉，但歌聲也不俗...
很多人也認為現今的演藝圈已沒有“星”，這個我也認同...一顆演藝圈的明星，不單要有被肯定的實力之外，還有一舉手一投足，也能散發著一股“星”味!!!
後記：這個紀念展的展品，沒有想像般多，所展出的東西，只集中在一兩個房間似的，因為宣傳大，變得這個展場人頭湧湧，人推人下沒有時間停下來慢慢欣賞...
我好怕人多行博物館，冇可能慢慢睇。
回覆刪除相信你那邊很少遇上這種人多的情況……
刪除看來是一個虛有其表的展覽。哥哥張國榮自言最喜歡的一首歌，是早期的《儂本多情》，展覽的歌單上，竟然排在中間。
回覆刪除哥哥如此結束了哀樂的一生，換得人們的唏噓和嘆息，太震撼 !
新的一位模仿者~余畯翰，被打造成一位充滿活力，快樂、跳脫、年青的張國榮，給人一種重生復活的感覺，再無憂愁。
又不可說是虛有其表，個人感覺只是個不全面的紀念展而已，反而旁邊的常設展館的李小龍紀念展比較多東西看！
刪除歌曲的排列大概以時期作推斷，前期歌一邊，後期歌又一邊……每個人的心水歌也不同！
謝謝秋葉，介紹了這位扮哥哥的藝人，余畯翰，看過他的視頻，一兩個角度很像，但再看耐點，就不太像，他缺了點哥哥的baby face嗰種神態，不知你認為是嗎？
可能我對於展覽比較苛求，對於照片的選取、顏色的要求較高。其實把歌曲排在中間也算好，不過，見到排列在左上方的歌曲大多都是最熱門的。
刪除“儂本多情” 是一首張國榮自言最喜歡的歌，多情也是哥哥一生的寫照。他太過自我，最後那場演唱會，他紥髻穿長裙故意作女性打扮，那麼犧牲也挽回不了什麼，憂鬱只有加深。
對於余畯翰這位仿傚者，聽說已在網上唱歌十多年，翻看他最初不過是一位喜歡張國榮的歌而仿傚之，只是坐在椅上靜靜地唱，並無特色。
刪除後來他加入一間公司，把他的外形、衣飾、動作一一改善，打造出一位很自信、活潑的張的化身，感動了很多人。前期的燈光很柔美，襯托得非常好 ! 可惜，近期的燈光太強而雜亂，我也不想看了。
看來秋葉不單要求高，對每一事，每一物都要力求完美……
刪除駛的入場費，也要值回觀賞票價，十分欣賞秋葉對場景設計的執著！！試問森伯就冇太高所求，當時參觀者眾多，而且空間有限，看完就想走了，都不能留得太耐……
不過你有些觀察也說得很對，就是場景顏色的要求，你也觀察到他用了紅色為主色調，又加上燈光，令人看起來很不舒服，而且不得體，反而用番黑色加射燈會高級些少吧！！
係呀，同場都有些展品是他女性化打扮的服飾，在華人社會，易裝打扮未必個個人都受落，記得當時也有爭議……
那位哥哥的模仿者，原來都唱了十幾年歌，聲底都有點相似，本身他的樣貌不是太神似，但經化粧後，又有九成似……之前未有看過這位表演者，不知是港人還是國內人呢？！
刪除若果事事追求完美，那是自討苦吃。我都是得過且過算了的。不過哥哥張國榮成就不凡，但去得也太過突然與悽慘 ! 對於他去世20年的展覽，不應這樣馬馬虎虎求求其其去展示。應要設計得聲影俱佳，展示出他美好的一面，才對得住廣大欣賞他的觀眾。
刪除順道一提，最近在網上回看他在千禧年最後的一場演唱會，無論衣飾、歌聲都不如理想，最令人印象深刻的，就是他滿臉的淚痕 !
也記得最初看他在麗的電視有份演出《浮生六劫》的配角，最後他拿槍替父報仇的一幕，太感人 ! 臉上和眼裡的憂鬱應是發自內心的， 覺得他是個悲劇的人物。
他唱的《儂本多情》，就是他的寫照了。
就是憑秋葉一句苛求，才感覺秋葉對事物追求完美……有時對生活有要求也不是壞事，森伯也是視情況而定，有些事可以追求更好的便去追求，如有些事情可以馬虎就馬虎，當然太嚴苛的要求，便會苦了自己！！
刪除不知你有否參觀過這展覽，你好像去過嗎？當參觀完後，也會有你的感覺，完全認同你所講！對港人來講，哥哥也是一代巨星，而且博物館還用這主題來吸引大家去參觀，但所顯示出來的並沒有預期般好看，有點可惜，而且展場太細，不過以一個參觀者角度看看，可以參觀當中展品，又可拍攝些相片 ，也可樂在其中！
我覺得張哥哥這樣淒慘地去世，真是無話好說。去看看他的遺物、獎座，又有甚麼意思 ? 如果他是珍惜這些東西，又怎會去尋死呢 ?
刪除他生前說過：最希望觀眾日後還記得他 ! 那麼 為什麼要這樣了結生命，留給歌影迷們一個這樣痛苦的記憶 ?
不是為了吝嗇區區門票的金錢，我只會順道看看他的視頻，欣賞一下他的音容聲影吧了。
我說的“順道”，是在家順道在手機上看。
刪除現在世代，社會開明了，出名的人死後，遺留下來的藏品也可吸引觀賞者參觀，又是一種價值……
刪除現在要回顧一些名人及其作品，都很好，可以在手機上搜一搜，又可以重看回他們的風采及作品！！
其實每個人都有參觀甚麼的自由，我的選擇並不代表別人也要這樣做。但我不是忌諱逝去者的遺物。
刪除以往我也曾在沙田這間博物館，參觀過粵劇名伶的戲服展覽，也試穿過准許的展品。
今次一連串留言，是為了不想求其敷衍了事，才說了那麼多吧。
初時仲以為秋葉對先人的遺物有所避忌……其實博物館所展覽的藏品，很多都是先人的物品，尤其畫作，大多數都是價值不菲，成為無價寶，因為作者的離逝，無可能再有此作品……
刪除不要緊，大概知秋葉是個性情中人，有東西想講才會講，本身留言的目的也是想博友與博主間有些互動而已！
喜歡研究和參觀古物古蹟的人士，根本就不會忌諱逝世者遺下的東西。我自小已經跟隨母親去參觀《李鄭屋古墓》，與跟她去《香港高等法院》排隊等候聽審大案。
刪除後來，我在北京參觀過《地下宮殿》; 在廣州參觀過《越王墓》，印象十分深刻 。
古時古人的作品，已經有很久遠的歷史，很有欣賞的價值，都不會說什麼忌諱...
刪除不知是什麼原因，自己很少去看什麼歷史古蹟，但若然順路去看看，也會喜歡參觀~~~
抑鬱真可怕，快去價真棧買$16磅提子乾進行甜食療法。
回覆刪除喜歡佢快歌夾熱舞，令我腳䟴䟴。
我膚淺都係揀星爺，笑餐飽紓壓，佢嘅藝術片留畀知音者，我腦力在工作中透支。
揾咁多錢得46歲咁短命，享受唔到。同樣係歌演俱佳嘅芳姐，早d決定摘除子宮，無仔生唔重要過條命，一失換來一得，時機錯失，無得留低。
藝人明星們要面對觀眾，記者，傳媒……遇到壓力之巨大是我們難以想像……抑鬱症跟壓力大的關係也有可能……
刪除咩叫甜食療法？！第一次聽有咁筍的療法！
星爺跟哥哥又唔同，星爺間中有一兩齣戲幾好笑……
藝人的私底下生活，我們做觀眾的實際了解不多，很難判斷些什麼！
人言可畏，明星係出賣私生活，響噹噹安心偷食案，但賺多多錢，選港姐、老餅歌手多人爭奪。
刪除我個年代，編劇會寫女仔失戀就大桶雪糕食到飽。Dodo金融風暴損失大，質問基金佬，乜都無講，先懟盒朱古力佢食。我趁頂爛市價，一年一度買大堆提子乾或黑朱古力，拆除禁食令，以慰藉心靈，同森哥解禁食大餐一樣道理。濕平執平嘢、甜食兩樣都令人期待、滿足、回味。
唔講明星，咁講美國總統，現身以色列，挺佢攻擊加沙醫院，講大話：唔係以炸係另有他人，美偷聽情報係世一，應該指名道姓。原來，貴為列強總統都係猷太人走狗，無恥偏幫。巴人已喺呢度住咗800年，曾被迫害以人有復國權，巴人都有生存權，支持二國和解啦！
相信有句說話，年紀輕輕的一爺應該聽過，食得鹹魚，就要抵得渴……這不單是俗話，更是事實……他們一心想加入演藝圈，都想紅，但人紅就成為大眾的焦點，一舉一動都預左有人講，冇人講就代表人唔紅，毫無新聞價值，所以不得埋怨……
刪除食嘢幾好，開心又食，唔開心又係食，所以揀生意做都要同食有關……我對朱古力一般，冇咩可能會大量入手，可能森伯易養，簡單一舊半舊忌廉蛋糕已OK……而且唔係咁多機會食到大餐！要夾啱人同時間和身體狀況……
炸醫院都做得出，令人髮指，呢場戰爭只看新聞，不敢作評論，而這戰火比俄烏激烈，今次戰局好複雜，冇刻意留意，未必可以跟大家答嘴，等了解多些才可以講，一唔係等一爺幫森伯補個速成班，了解清楚先！！我只知邊場戰爭，都有某國的影子！！
文字上，未老森哥比老人更喜歡倚老買老，想從上而下壓倒得到信服，我未係長者喜歡用乜乜爛鬼專家話證明啱嘅，兩套不同，有趣。
刪除年頭改食一日一餐後，近來喜歡睇台灣大胃王和港人食自助餐嘅短片，用視覺填補我空虛嘅肚仔，不過，我只齋睇，無心去食。但有個别網紅串通老細，片中美食係實際食唔到，中伏啲人留言鬧佢。
唔使夾一個人自由自在走去食自助大餐或放題，可以專心一意享用好多美食。有d抵食半自助餐有沙律 冷盤 蛋糕 甜品 水果 餐湯 飲料 雪糕 任食都唔錯。
咁我無言地等啦！因為猶太人揀呢度復國係依據聖經2000年前記載佢哋曾經住過，要講2000年咁長歷史，會講到我口水乾晒。
森目中嘅星味有咩特質？為何近期無？同香港電影和樂壇末落有關？還是，我哋只狹窄地認識我果代嘅明星，我父母講佢果代嘅明星我又唔覺得有星味，只存在喺黑白粵語殘片中，你唔睇過又點會識呢！
一日一餐，你食午餐定晚餐？！現在我一日仍保持三餐，不過在每日六個鐘內食埋，如果得一餐好肚餓，來梗天時冷，怕寒寒凍凍……
刪除其實現在都冇所謂，一人去食自助餐，一人飲茶也可以好好享受，可是現在不能食太多，易食滯，可能人老了＞＜……
近來戰火連連，生在香港太平之地都好應該感恩……
星味每人感覺不同，沒有準則！通常生於那個年代，就認為那個年代的藝人明星最光最亮！！
幾時方便幾時食，例如：下午捐血前要食嘢。
刪除我二月開始都無飢寒交迫。我係混合式斷食，最初由5:2斷食開始 (因為當時唔知有168斷食)，每周有2日食600卡咁少嘢都無嘢，8年時間漸變讓身體習慣左。
我無食滯感，反而日日都食慾旺盛，因為有2日食600卡，只有飽足幸福感。
睇明星展唔係我杯茶。不過，一生人試過一次，因工赴美，周六、日無所事事，難得千里嚟到貓王故鄉，佢個女用故居做博物館，大宅唔單只有泳池，仲有馬廄和農場畀愛駒走動， 內有2個人(唔記得係邊個)嘅墓地，私人車展，幾架私人飛機，歌衫/鞋，海報，百隻金唱片牆，展品豐富，要睇2個幾鐘頭，映到我部數碼相機無電。
職員會派個無線耳筒畀你，行到邊處就播果處介紹，自由行唔使導遊。
我係坐免費車去佢無公共交通到達嘅故居。貓王首張大碟喺 Sun Studio 錄製，呢個觀光點唔係貓王嘅就好慘門亭冷清，所以，老闆安排免費車穿梭喺市中心 等四地去拉客，佢果度停耐D想你哋參觀埋，我無花錢去，早知道走一個街囗就有軌 trolley 公共交通回酒店。
傾開我點打發假期，鬼佬同事住喺度多年都無去睇。
實行斷食時，揀個適合自己時間就最好，我唔食早餐已有大半年時間，暫時都OK，可能已慢慢適應，集中在8小時內食……有時變相仲飽了！
刪除本身對名人展一般，之前同場還有李小龍展，因為之前睇過所以今次冇預計再睇，不過李小龍展值得睇，內裡展品，介紹內容比較多，而且放展品地方較寬敞……
貓王紀念展去到外國都睇吓，影吓相，在場買些紀念品都唔錯！
每個人心目中杯茶都唔同，你當時位鬼佬同事就算住在附近，唔鍾意睇就冇睇啦，好實際！
有d嘢回頭睇翻得啖笑。唔食早餐會短命、三高、心血管病、失智、無精打采、無氣力、判斷力差，早餐一日之中最重要嘅，營養吸收最好時機。又話出名倫敦大學、哈佛大學學術研究結果公布喺乜乜業界期刊，畀三唔識七嚇餐死，係營養學呢科教授都唔聰明，定係太醒目收左早餐穀物公司贊助金，扭曲真相，愚弄大衆。都係高唱：『信自己』，健康係自己，得唔得益都係自己，咁用自己身體做白老鼠，冒險家試下新嘅、非主流、反傳統，才開啟一道曙光，發現新大陸，有意外收獲，唔試新嘢會原地踏步，不進則退。【註：新嘢可能已存在久遠，係自己未做過】
刪除我好早就唔買紀念品，回憶同相片就夠，放喺屋企無實際用途阻地方。
有時，近在咫尺、垂手可得 ，隨時都去到 就置之不理，反而，無雷公咁遠，難得撞啱機會才去。香港蚊型迪士尼樂園我未去過，日本果邊大D就玩過。海洋公園哈囉餵鬼節我都未去過，大陸遊客去得多過我都唔出奇，係一種心理現象。
當你看多了這類健康資訊，就會發覺這些專家們是今天的我打倒昨日的我……憑自己感覺去食就最好，早餐對我來講，冇話一定要食，睡醒後胃口一般，腸胃都未開工，等到下午胃口開始回復，才先吃東西！
刪除森伯知自己住的空間有限，唔會買太大件的紀念品，通常都以匙扣為主，佔的空間有限，有時拿來看看，又是一種樂趣。
我暫時都未去過香港的廸廸尼，本身唔太鍾意，就算去到外地都唔會參觀……每個人喜歡逛的地方都有不同，各其所好！
專業員教 帝皇早餐 平民午餐 乞丐晚餐 根本行唔通。早上胃口未開，到開時已係辦公時間，食早餐實被炒啦！到時餐餐乞食。現代人趕快返工，邊夠時間嘴嚼豐盛早餐，專業員傻架！話你無跟佢講嘅咁做咪無效果囉！完美卸膞！佢哋係廢柴，揀信部分啱嘅。
刪除好似普丁話敗登、穿普係臨時工，大話西遊完又換屆，制度只許短線操作，唔似中國長線計劃，唔會換人後推倒從來，翻來覆去，計劃行唔到邊有成果，中國發展比人快就係共產制度好，紮實基礎，人才輩出。
共享幫人建設發展，創造雙贏局面共榮，唔係西方殖民主義， 激發兩族人打鬥互相制衡減慢發展， 打壓老二，自己優先。
世界兩極化，屬火嘅戰火，比對屬水嘅貿易水，缺水窮家玩火自焚，靠水才得存活吖！
我小時對早餐時段都唔會太大胃口，反而下午茶時段最好胃口，呢個情況細到大都無變過...如果個樣都係咁就好~~哈哈哈
刪除若我要每日食一餐都很難揀那個時段，而且有其他副食會想食，例如麵包、餅食、甚至有些小食，也要揀個時段去食...所以每日得一餐斷食唔適合我，除非有必要...
現在的健康資訊實在太多，有人話這個好食，有些又話那個有營養，跟著又有人唱反調，有時無所適從，都唔知信那個說話才對，所以憑自己幾廿歲之人生歷練去選擇適合自己食物最好，有些人話飲綠茶好，但我唔work，不會有本通書，你我都適合!!!
如果你睇正周兆祥更加乜都唔駛食，試過睇佢話自己水都唔飲...完全唔敢認同，好似苦行憎的修練法~~~
其實每個政黨都有好處有不好處，我不敢莽下評論，我不是政評人!!但現在某國的情況卻有眼你睇...在這裡都不容我多講!!!
乜森哥同我嘅共通點係令人反胃？森哥有，『食力』，非偶像派，人人愛。
刪除我無心插柳，食完首餐唔夠喉，猛咁偷食明日份果仁，咪啟發我食埋尾餐，才發現一餐比两餐更適合我。不同意七分飽，質疑其原理？正如話少食多餐好都係錯，十足飽停止食欲才正確。從前，我覺得一日一餐太偏激，擔心腸臟一次過吸收唔足營養，未諗過。實行咗八個月又無唔妥喎！
綠茶唔得係撞唔啱引致發炎成因。我幾拾年暗瘡困擾，簡單廉宜凡士林一招了，靠科技能上網得知護膚知識。森哥用 ChatGPT 人工智能問疹，或者會得！總之，唔氣餒，敢嘗試，自古成功在嘗試。
佢走火入魔。生機飲食優點係生食保留最多營養，水果全都係生食，蔬菜揀適合嘅就生食或灼一分鐘殺虫/菌。食齋優點係食到大量不同種類嘅菜瓜箘。智取各優點，因為得部分正確，衍生出有肉好油生機大量齋小澱粉混合式才最佳。
記得馬達條軸同軸承轉動時摩擦，兩樣都係硬鐵就會硬磨硬，燒軸而縮短壽命，一樣用軟D銅無燒軸，硬磨軟就快磨蝕同樣短命，試驗最好係85%鐵15%銅，唔太硬又唔太軟就長命。知原理，揾方向，耐心試出最好組合，方法放到飲食健康都一同，取得最啱自己比例好緊要。
水、火都可幫人亦可殺人，睇個揸fit人點落手。
除了反胃之外，仲反埋白眼~~~哈哈哈，多謝你讚森伯實力派!!!!
刪除唔食早餐有時都感到肚仔餓餓地...一日兩餐都未必適合我，我的目的要增肥嘛!!不過始終唔想咩狗屎垃圾都塞落肚，所以都會(盡量)揀些較為健康來食~~~
其實一日一餐，腸胃反而容易吸收營養，你食得多，腸胃的吸收或消化唔切就要趕住排走，但你一餐而少少食物就會用盡營份去維持身體所需，人的求生本能，在極地之下都可保持著身體~~
阿一爺真係走在時代的尖端端...凡士林因人而異，若然我用來搽面，會有反效果，天然油我都用唔到，一些平價，又大眾化的潤膏液，反而啱我~~生活上都是不斷嘗試，不斷碰釘就會搵到啱自己的東西來用，同情情愛愛都係差唔多咋，搵到合適的人之前，都係要碰下釘!!!!
對呀，佢真係有點走火入魔，若然佢想做生機飲食，兼且食素好處，都要保持個人外表有好的狀態，要精神奕奕，舉止有力量，所謂的代言人好重要~~~否則，很多人都未必會跟佢做~~~~
你想講：水能載舟，亦能覆舟...等如金錢，都有好與壞的一面，看你怎樣去運用!!!!
很好的紀念館，仲有張國榮紀念送，很窩心。
回覆刪除如果喜歡的，可以去看看，不過展期有期限，錯過了就沒得看，你咁近……冇去參觀？
刪除最愛張國榮那套「英雄本色」。懷念
回覆刪除對呀，除了張國榮的歌曲外，還有多部他的電影作品也受到歡迎！
刪除Great blog
回覆刪除Thanks ……
刪除Please read my post
回覆刪除Okay……
刪除這展覽的規模確實小了點。
回覆刪除如有親身到過的人，應該會同意呢一點!!!!
刪除