日本核水都講了兩星期，只要日本依然排放核水，我都會間中出這話題的post，等大家仍繼續關注這件事~~~~
至於近來，香港都有好些新聞成為城中熱話，你又留意了多少呢?!!
強風暴雨...
最近都有人講過，現在只要大雨少少都已經驚驚，因為動輒動又水浸...俗語話：見過鬼都怕黑!!!的確遇上香港百年暴雨後，見到市面一片澤國的畫面，都總會仍有餘悸，
最記得的新聞畫面是港鐵站內的情景，行車如行船，扶手電梯如瀑布，聽起來都覺得不可思議~~香港會有這個情景?!!而事實就是這樣...
事後很多人都責怪香港的官員不作為，我完全不知這些人是基於什麼情況說不作為...連續兩個星期，十號颱風加世紀黑雨，都好難市面不受到重大影響，但政府方面已經加快人手處理，當然有些枝枝節節，但能搞妥上班已是最重要嘛!!!這些年來，雨天的日子並不多，沒有雨的時候就疏於防範，但碰上大雨及豪雨時，都不難不成澤國了...
搞活夜市...
很多人都認為政府推行夜經濟方案，是不切實際...而的確政府帶頭要搞乜搞物，最終都是"唔湯唔水"...經典事例：中藥港、數碼港、美食車、乜乜市集...(老人家冇記性，大家博友如記得仲有咩經典事例，都可以提提森伯伯)
己見：帶動夜經濟，有沒有具體的構思呢?!!完全唔知點搞好夜市，其實港人的消遣模式除了疫情過後改變外，或者都有很多其他原因，講到夜市最成功，即刻諗到台灣的夜市(據網上講共有27個夜市)，始終每個地方的人，都有不同的生活模式，絕不能把方法照抄...因為是長遠的策略，不是一時興起，所以要有仔細計劃才好出籠~~~~
虛擬騙局?!...
最新鮮滾熱辣的港事，都莫過於虛擬貨幣的交易平台原來未有牌照，這件事件都涉嫌幾多人，隨時所有買虛擬幣的錢，無法領回...今次內裡的因因由由不用森伯多講，很多資訊都可以從不同的渠道了解，最主要是森伯對這種虛擬貨幣的個人睇法...其實話明虛擬，根本就不實在的，所有東西前面加個虛擬，都已經不真實...不是森伯馬後炮，總是覺得這種虛擬幣遲早一日會出問題...
很多騙局都只因人有個"貪"念，憑著呢個"貪"字，真的用什麼形式，什麼招數也能行得通，尤其聲稱易搵錢，易發達就更容易上當，加上名人效應，名人、KOL、明星等來造宣傳...其實這些宣傳人士有冇參予呢種生意也好，或多或少都應該付上些責任，他們的工作等如一個局中"做媒"的角色~~
森伯可能長者，對什麼虛擬東西都有所保留，虛擬金錢更加虛無飄渺，就算投資也要實實在在的好!!
( 圖片來自網上加後期製作 )
搞活夜市...對我而言是無用，我向少出夜街，加上這四年天災人禍更龜縮。
回覆刪除我一定不會用真金白銀去買虛擬貨幣，哈哈！除非用虛擬貨幣買真金白銀啦！
日本依然排放核水，我不會再去旅遊，平日也不多吃日本貨品，現在免費也不吃啦！
就是因為過往的疫情關係，很多港人都如你般已少去夜街，見到如此，政府也要出手帶動晚上的經濟~~
刪除哈哈...個個人都想喇，寧願虛擬貨幣換真金白銀，騙徒就是利用人性的貪念，高息高回報來騙取你的真金白銀!!
暫時我都不會購買來自日本的海產食物，視乎日本將如何處理它的核水問題......
政府入口禁令做得好叻，令我食得放心，仲可向日本表達強烈不满，施加經濟壓力，迫使佢快d停止，日本仔早日回頭是岸。另外，一個國家用自由民主選舉方式係揀唔出賢人，呢個制度存在巨大問題，不要再高呼自由民主。環觀各國統帥，個人認為能強力最強嘅係中、俄兩國，因為佢哋敢作敢為，好硬淨對抗他國唔合理嘅事情，為國民及至人類世界走一條艱難、正義、幸福、富足大道，唔會霸凌壓制他國向上發展。
回覆刪除颱風海葵令香港每小時降雨量158mm破咗1884年最高紀錄，呢個數字我確實認為係自然災害，有問題發生係必然嘅，我做產品都會在設計上預估最大可承擔負載，超負荷會燒機失靈，重點係善後工作係咪快速完成。
港府一貫做生意能力都好弱，要撥盆冷水，搞活夜生活我就無期望。
孫子兵法：虛則實之、實則虛之。前後者都係騙術，明顯地，今次係前者。後者最佳案例係中國韜光養晦，要隱藏實力，避開惡霸太早釘住，美國早十年就出手，現在，中國都依然係弱國。好在，佢自大，認為中國黃種人無美國白人嘅聰明才智走到高科技，無先例參考，完全係中國人創造。
中芯加華為(寫出EDA軟件)用咗短短4年突破7奈米晶片技術，華為最近可發行Mate60 5G #爭氣#愛國 手機，惡霸美國嘅商務部長好唔happy，要禁止中國人賣中國芯畀中國人，內部事咁都長臂管到，真係笑話。不過，美國無咩做唔出，生安白造個罪名捉你去美國坐監都得 。
美國禁止華為取得高級晶片技術及零件係國全問題，委內瑞拉總統話華為手機係最安全，因為無設後門畀美國竊聽，安全相對論。
都認同你所講，暫時都可以說的，日後大家不為意的時候，會否漸漸鬆懈呢?!!就不得而知!!!這些事情要長遠去看....
刪除相信大部份人都會認為以自由民主治國的理念最好，但事實又如何呢?!!堪稱自由民主大國的某國，每屆選出來的參選者，都未必係你心目中想要的，選出來的領導人太民粹主義並非好事，同時，話就話一人一票去選，其實又係一班大財閥去掌控~~~真係睇化晒!!!!
唔係呃你，現在逢親耳聽到有人講：自由民主係核心價值，真係想嘔~~~~因為現在的自由民主已變了質!!!!
那一晚在我的區分只覺得比較大雨，但一覺醒來，原來當晚的雨量咁犀利，從新聞片中見到到處有大水浸...香港本身雨水並不多，所有去水渠都可能淤塞了，已經失去退水的功能，一旦落豪雨，唔水浸就出奇...你哋產品設計師都要顧及在不同情況使用下會否安全，真的很周到...近呢十年八年，都好似大雨並不多，就算黑雨都只是幾個鐘而已，所以今次的暴雨很多人都始料不及~~
你話：政府搞活夜生活我就無期望...，因為你有大把夜生活嘛~~~~XXXXD
大把人都撥冷水，最主要都唔知點搞，派50蚊消費券，某些舖頭延長營業時間...都不切實際，短期就得，長期都係得個桔!!!!
世事往往就是如此，當你看不起別人，別人便會靜悄悄的爬起來，就像兒時聽過最經典的故事：龜兔賽跑，兔仔就是因為看不起烏龜，殊不知被烏龜漸漸趕上爬頭了...
雖然森伯唔係用緊Mate60 5G呢部最新機，都係用梗舊型號的華為平價機，森理上都有少少叨光感...
其實一般平民百姓他們對竊聽不會太在意，對他們來講價錢，外型，功能反而著重，對現今社會來講，乜都電子化到唔化，攝錄、竊聽、偷取個人資料都預左，講句無奈!!!!!!
禁止入口，鬆懈只有出國。
刪除平民得選舉一日才行使民主權利，其它日子係活在獨裁統治下。
美國明年又選總統，大機會係翻炒拜登鬥川普，點解無其它人選，証明係特權階級才有機會，正一假民主。
而且，两個都唔係賢能，從無解決根本治好國，只係一味反中，將隻鑊卸中。他倆及其內閣班子都係無底線 厚顏無恥，堆疊成座山咁高嘅大話，做事好虛，拍得住呢d虛擬貨幣，非實幹型，一樣係騙子。
我昨日黃昏喺屋企鄰近街市買完餸，一行出門口喺街邊就遇到一個女騙子，首先佢用國語扮問路，點搭車去尖沙咀，我點完佢後，佢無編好故仔好焦急騙我錢就講：『佢係遊客，佢朋友今晚從廣州到港，問我可否幫佢買嘢』。奇怪！我區係純住宅唔啱旅客，又無合理原因自己唔買。唔好浪費我寶貴時間，我#操流利國語：『不行』華麗轉身就走。條女咀角用1/10秒笑咗一下，咁快畀我#聰慧識穿，事情敗露。森哥會否個樣都好#善良，有騙子埋身。#位係讚我自己，要常讚求開心。哈哈！
舊金山將辦APEC高峯會，州政府花5千萬港元掃蕩滿街遊民及吸毒者，公關粉飾。要頭腦清醒打破舊觀念，以實例説明民主制度好壞。
我嘅夜生活係#躺平#瞓覺#發夢。天生捱夜唔得。
手機牌子顯示森哥愛國。中國反應好慢，近日才禁止政府官員工帶 蘋果 手機 回辦公室使用，美國早就唔準非美制手機啦！有後門開咗手機/電腦/電視鏡頭同咪高峯竊聽。
現在實在太多騙子，做個城市人都要醒目……
刪除可能人容易淡忘，當一有另外的新聞大事件，日本核水事件又放在一邊，冇去關注，自己都係，雖然冇玩虛擬貨幣，但都關注了這單事件，咁今次一爺有冇做苦主？
某國大選冇理，邊個勝出都好，似倒模，個個差不多，點解咁多騙子，因為人太易被人呃，只要認為活在民主的地方內，心理就好自由，純可能係心理作用，事實又係另一回事……
再睇一次，個女遊客想騙你什麼？身處呢個世代，幾時都要打醒十二分精神，一唔為意就踩中騙徒的圈套，森伯個樣好薯，都驚畀人呃，所以深居簡出，不會去太多人的地方……
咁你的夜生活都幾他條，唔係躺就係訓……
愛唔愛國不等同用咩手機，只係用國產機一份少少的支持，如果好用都會介紹其他人，真實認識的人，有個小米迷，見親佢都叫人用小米機，到現在佢直情用部國內買的小米機（國內版），香港用有網絡問題，用whatsapp接收不到，哈哈，好唔明佢點解唔買部香港版的小米機，現在不能whatsapp或遲收，都麻煩！
手提電腦我就買HP實際又好用！
估佢將會…騙我是日身家（全數得幾百蚊）幫佢買嘢，即係我叫森哥會幫我出住錢先買鑽石，我遲d過翻數畀你。仲有騙我個善良、樂於助人嘅心。
刪除話我他條，乜森哥夜生活好燦爛？晚晚通頂去威。
我部小米啱啱過左保養期就壞喇叭！激死我。質素太差，唔買。
森哥朋友工作長駐大陸？鍾意北上去食玩夠平，用陸版方便。唔係川粉攻入白宮就得啦！電視見到個女人畀守衛槍殺死。
如果嗰位仁兄幫佢買少少野都OK, 例如半斤白菜，幾棵蒽……
刪除就算走左數，都可以帶返屋企食……鑽石一定唔會，覺得條友係咪傻或有精神問題……
通常夜晚都幾攰吓，瞓覺前聽聽視頻有乜講，有啲都幾好笑……
我又冇諗過佢返國內用，不過佢又好少上大陸食買玩，唔係太明白……係喎，你都用小米機，原來就係部小米機插頭都可以插壞……你用原廠機定水貨機？！
講真，個國家幾自由民主都好，有些事也不能越過佢的底線，係嗰班川粉魯莽衝動！！
森哥對我乜都反，對騙子都咁順攤，我一定高一級係你個仇人。無仇不成父子，前幾世森哥係我爸爸。爸爸森買黑朱古力畀個仔我補身，哈哈！
刪除小小會買…原來你係『東郭森』，愚笨善良，聽騙子話會助長氣焰，等於鼓勵佢，跟住佢一定想辦法騙走你手上東西。必須立即識破拒絕，一次都嫌多，每次都撞板唔成功，讓佢覺得自己無騙人能力， 知難而退 ，救咗騙子、下個受騙者同社會。
森哥夜晚都好他條喎！
正貨都壞兩樣嘢！劣質 唔買。
『粉』同教徒一樣會盲目，失去獨立思想。日本前首相晉三都間接畀教徒媽媽個仔因無得承繼豐厚遺產而槍殺。
我乜都反?!!只係講事實，講道理~~~咁又冇去到仇人的地步，純係你自己諗多左!!!頂多係你鍾意包拗頸果類...果陣的年代都未必咁易買到黑朱古力畀個衰仔食啦!!乜黑朱古力可以補身咩?!!
刪除『東郭森』係乜水?!!我都話森伯好薯，易被人呃呃騙騙，邊及一爺醒目又聰穎，人又超級俊朗...
騙徒出得嚟打滾，邊有咁易收手，你不上當，他們會找其他人(如森伯伯嗰類)蠢人落手...
((((森哥夜晚都好他條...))))都夜晚啦，要點樣激烈呢?!!~~~邊有一爺果啲後生仔咁好活力~~~XXD
如果正貨都咁易壞，咁就真係有啲問題...認識果位仁兄，講到小米好好架!!!!
政治圈相當複雜，外界人真係井裡蛙~~~
明朝作家馬中錫所書的《中山狼傳》中，有一名墨者東郭先生。
刪除故事說趙簡子在中山打獵，一隻狼求救於墨者東郭先生。東郭先生把狼裝到自己的書袋裏，躲過了追捕。但是狼脫身後，竟然要吃東郭先生。東郭先生說要先問三個老者，先問老樹、老牛，他們都認為人類不顧念自己的恩德，所以狼也不用顧念人的恩德。最後問老人，老人假裝不信狼真能鑽進東郭先生的書袋，狼於是又鑽了進去，老人便用鋤頭將狼打死，救了東郭先生一命。
此故事的東郭先生，被比喻為養虎為患的濫好人。
中山狼傳？！一爺真係博學，我完全未聽過呢個故事……
刪除唔會啦，憑一個故事就唔做好人？！每日遇到咁多人，咁多事，好難預計得誰人是狼！
反而我睇到呢個故事的含意，好人有好報，最終唔駛C……哈哈
記憶中係中學課文，學文言文。
刪除福島遭核污染嘅廢鐵畀人拎去賣 ，日本人都好亂嚟，唔好相信佢哋食物包括海産。
中國唔交國際原子能組織嘅6500萬歐元會費，以懲罰不公正委員，用不恰當方法驗測挺日本安全，又唔組織一個由多國組成監察團要求日本開放畀人抽樣檢查，有心包庇日本排核污水。
原來，美國都欠交好多國際組會費，包括呢個都欠交7500萬歐元。俄、伊都話會跟中國唔交會費喇！明年起無經費出糧畀班貪財又唔公正嘅壞鬼委員，成個組織要停擺。
佢秘書收左日本100萬元公關費…。
俄都考慮支持中港一樣禁日海產入口。
幫壞人有好報? 你咁曲解一定係壞孩子令老師們嘔血！
吓，中學課文...唔怪得喇~~森伯讀到小學六年級咋~~~~哈哈哈
刪除日本人可能想用另類方法，讓其他國家的人感受番當年的原子幅射災害...
中國同俄羅斯企硬，唔想受西方帶領的一套遊戲規則，樣樣事都要自己解決，想來好似有難處，但中國也逐步逐步做到...
某國係阿頭，唔交會費冇人嘈，一切的遊戲規則由佢定...否則都唔會出現某國的霸權行為...
身為中國人都更加要團結，現在就好似以前的八國聯軍...本來都唔想在網誌講太多所謂政治野，但憑每人發少少聲，都能感染到其他人~~~~
唔好話日本的海產，現在自己都正在減少食海產的東西，暫時幸好，香港的食品入口關卡都check得緊~~~
一爺又想拗頸，咁你幫人前唔知佢係好人定壞人，何況力量有限，幫的只是小意思而已，有句說話講：勿以善小而不為；勿以惡小而為之...也是人生的道理!!!
明知是虛擬貨幣的交易平台，為何都會一頭樁落去參予 ?
回覆刪除原來是經不起騙徒的花言功語，和甜言蜜語 ! 以為大財即將到手，有鴻鵠之將至。
俗語說：光棍佬教仔~ 便宜莫貪。邊有咁大隻蛤乸隨街跳呢 ?
當你參加了什麼什麼抽獎的同時，必須填寫姓名地址或電話，這些資料就已經落入網中，供應給不同的黑箱作業。發出的小小獎項不過是魚餌吧。
更正第二行錯字：花言〝巧”語。
刪除秋葉就醒目，明知貪字得個貧的道理，雖然不關自己的事，但都同樣感受到苦主他們這刻的無助感，正正是見財化水，都唔知自己投資的錢能否取回……
刪除明知自己冇咩抽獎運，要填什麼個人資料都不會，細個會多參加一些抽獎活動，現在人大了都盡量唔畀太多資料別處……
每天收到的廣告電話，也不知他們怎得我的聯絡資料，一收到便cut線……
林作都算是一個任何界別、任何政治立場看見他被捕都會同聲拍掌的公眾人物，這很難得，是一項另類的成就。
回覆刪除只怪他平時行為出位，什麼新聞都要抽水搏見報，行為令人反感的多，今次他出了事，仲唔乘機踩多佢兩野……
刪除今次事件，我反而唔係好憎佢……😄
老牛是長者，自知比較保守，不太相信什麼「虛擬世界」，更不會去投資。這次有知名人士和藝人因為替虛擬投資平台做宣傳而被請去調查，也明白藝人的「代言」其實真不容易，好容易惹事。
回覆刪除對呀，人年長的投資策略...都是以穩陣實際最緊要，尤其聽到什麼虛擬的東西，都遲早有問題，到時血汗錢也蝕去~~~
刪除其實做藝人都要事事關注，因為他們的影響力也很大，接Job前都要查過清楚才可!!!