做西關大少實冇份，但做西瓜大少就可以...因為大熱天時，最好的消暑妙法都係食個西瓜，起碼都減少一些暑氣!!!
上篇就講果乾，今篇都回應上篇講講新鮮水果...近好些日子，森伯真係多了到超市買糧食，順道也會買些水果，尤其每到夏季，水果的種類很多，不過呢個時候，西瓜都係最消暑的食物~~
雖然西瓜可以配搭很多食材，但始終最好都係就咁食，不過近排氣溫很熱，一定要放雪櫃雪雪才好吃...
另外，多了的西瓜也會攪杯西瓜汁，也是消暑聖品，簡直涼透心...每年夏季都總有一篇講西瓜，証明西瓜真的屬於夏季，相信都無人異議!!!!
自己認為夏季越熱西瓜會越甜，所謂當造，所以攪好的西瓜汁都唔需要放糖也好喝!!
吃西瓜要一口一口的去咬，滿口西瓜肉和汁才覺爽快，而且保持到最好的營養。
回覆刪除女性要講求儀態，會改為用一個器皿來取出西瓜肉，一顆一顆的叉來吃。 如果榨果汁，遇著橙汁太酸的真是要放糖了。
西瓜是寒涼食物，寒底的人不能多吃。
對呀，西瓜要大啖食大啖食才夠爽，不過有很多人未免通地西瓜汁，一般都會切成細片拎來食...
刪除記得細個家中都有這個工具，刮起一粒粒西瓜球，基本上都好少用，很浪費西瓜肉...通常呢種工具刮雪糕球或整雜果賓治才用到...
幸好森伯燥底，否則就會起身踎低見頭暈~~~~~
西瓜是消暑妙果，以前我很喜歡新加坡的起沙西瓜，現在中國的西瓜甜度也很高。
回覆刪除有些人會選擇產地來源，但有些人亦會憑方法去選擇，森伯就純粹睇個瓜靚唔靚……
刪除西瓜好多人都鍾意食，特別係盛夏時節。
回覆刪除係呀，呢個時候最啱食！所以食之前都要放入雪櫃冰一冰！！
刪除冰凍的西瓜特別消暑﹗
回覆刪除冰過的西瓜，涼快啲，仲好食啲！
刪除我通常切好一粒粒放雪櫃
回覆刪除切成一粒粒方便篤來吃……
刪除網上說在雪櫃冰凍過的西瓜會更甜呢。
回覆刪除係呀，冰過的西瓜特別好食，今次唔係相機食先，係雪櫃食先……😁
刪除西瓜我愛。
回覆刪除相信很多人都喜歡……
刪除西瓜有茄紅素啱晒男人去預防前列腺癌，所以，每日最好食不同顏色食物才均衡健康。
回覆刪除盛夏中食一啖，咋一聲降温，消暑解渴。
遠古時去露營都帶個西瓜，放喺溪水中浸住，食果時都好清涼架。
有個快切法用刀鎅開一粒粒，食得斯文又乾淨。
有一項神奇定位功能，犀利過現代價值千億元高新科技嘅中國北斗定位導航，就係尋屍。有話西瓜發音近似屍瓜，我覺得唔啱，因為絲瓜咪仲正。應該係個『西』字個意思。打麻雀唔好一開始就四個人打『西』，否則，四人歸西。瓜老襯歸西嘅瓜揾海中屍係最佳勝手。等一爺聰明理科腦推斷吓，海中水流方向有規律，會把物體冲到某一處，屍體冲去邊，個瓜就會跟住冲去同一個地方，當屍體發脹浮上水面時，西瓜早已喺水面等著會合。
每種天然水果都有營養，看看你的選擇，近來水果的品種越來越多……
刪除現代人都冇溪水冷卻西瓜，大熱天時，水喉水都熱熱暖暖……
如果西瓜有呢項定位功能，也不錯，起碼幫家屬尋回親人條C……如果有日游游吓水，忽然飄個西瓜來，都幾驚……
咁一爺有冇試過打牌遇四人歸西？！平時好少打牌，反而驚人西口西面多啲……
舊時，夏天消暑除有冬瓜盅仲有西瓜盅，不過，酒樓淘汰咗。
刪除西瓜涼粉孖寶係燥底森哥寒冰神掌，一掌打散內熱，迫退發炎魔氣功。森哥係咪時時食涼嘢，保持無咁燥，可減少發炎架？
好多寶貴、更具營養嘅生果皮常常被人忽視。最近我會食埋毛神神奇異果皮，想像到掃把清除腸內垃圾。
塊皮抽取到瓜氨酸係保健藥，網上話好處多囉囉，篇幅有限只摘重點，可令血管擴張，增加血液流動，對男士充血時有助，
中醫會將西瓜皮入藥，其中最聞名係西瓜霜，幫咗好多痱滋友。
西瓜皮敷面同青瓜一樣可美容護膚，主持人陸號都有介紹。
姐夫話西瓜皮可洗面，不過，佢天生膚質好，唔係塊皮功效。
冬瓜盅基本要成枱客才會點，現在都少見，西瓜盅自己整都得，買罐頭雜果，涼粉就可以！
刪除係呀，涼食物啱我，清熱野最好，燥熱就唔適合！！
西瓜皮洗臉好耐前試過，冇咩特別，現在食完瓜肉皮就唔要！你試過有冇神效呢？！
快餐店一人迷你盅都好迷人。
刪除唔夠甜品鋪爭。
森哥係楊過要古墓派小龍女張寒冰床吸出內毒，高科技發展到咁嘅躺平治療就造福人類。
機能正常就試唔到神效。哈哈！
都係森哥講開我才即席網上搜尋資料學嘢！
打風節快樂！
一人冬瓜盅唔會點，快餐飯越簡單越好！！
刪除大吉過你，瞓冰床！留返畀一爺瞓到夠……🤭有種玉石墊話可以助平衡身體頻率，不過太貴，又未必有效……
打風節？！你訂架！😀
你住半山區，好當風，小心呀！尤其一爺係沙灘型男，唔好呢個時候去衝浪呀……😁
窮苦人辛勤工作結束，翹埋雙手舒適地以廉價歎豪D，犒賞紓壓，回家冲個靚涼，睡飽飽，充飽電，又要捱騾仔，係我後生時寫照，表示我地來自兩個不同階層。嚴寒下點個一人火鍋暖吓一定無森哥。
刪除😩好貴呀？飛北歐、住冰屋、瞓冰床、用冰杯飲熱酒、睇極光，係大吉日。
玉石呢樣要寶石收藏家森哥指導。我知石英有振動頻率。我邊度發射頻率？有接收器？有機器量度？乜嘢係好嘅人體頻譜？熱力、磁場、輻射、心情、食物、朋友…會有影響？好有趣，寫翻篇！
喜歡陽光不愛動。
一般人出來打工都要挨騾仔，森伯初入行也要忍受低薪水，而且當時要等車返屋企要等到晚上，畀著第二個都一早劈炮唔做……
刪除據講身體有種脈衝的東西，接觸好的頻率個人就會好，若接觸壞頻率（例如什麼電磁波，不良幅射等）就會影響身體……
森伯唔係專家唔識寫！
喜歡陽光但不愛動……是否缺乏陽氣呀？😀
你寫到等幾個鐘頭車？香港最多只係等半粒鐘啫！
刪除無線充電就係脈衝，佢當人體係電芯，同水晶能夠畀人能量一樣係亂嗡。森哥都係唔好寫，因為我會有好多問題要問。
仲有咩方法吸多D陽氣？
係呀，真正要等幾個鐘...冇辦法，當時算係第一份正式工，又兼學野...
刪除都唔可以話係亂嗡廿四，可能有佢個理論，不過唔清楚的人認為亂嗡，以前買過一個調頻體來戴，就是話可以調理到人體的頻率喎!!!!
資料來自維基：人同日比喻，可見於黃帝內經。素問有寫，「陽氣者、若天與日、失其所、則折壽而不彰、故天運當以日光明、是故陽因而上、䘙外者也。」陽氣為人生存之本，因經年月累，寒氣所傷，到老而衰敗。
一句講晒，叫陽光型男的一爺除了晒陽光之餘仲多些郁動~~~~~
係機會呀！多留公司偷師，主動問上司搲撈，做得多錯得多學得多，快速成長，夠鐘才去車站搭車。
刪除正常商業決定都會上/下班時間加密班次？森哥工作區@夜店林。怪怪的！想不通！
我不相信。
有變頻雪櫃/冷氣因由交流馬達改用直流馬達，又會有變頻森哥，森哥變直咗。
男比日女比月，陰陽雌雄，唔通我太女人形。
我係為咗唔使錢嘅維他命D，揾著數，唔係陰陽怪氣失衡，欠陽氣。
冇呀，一放工其他人都走晒喇，邊有得偷師...半工學，有唔識便可以問問!!!!
刪除都唔怪，你想得太多...其實放咗工可以周圍去，而周圍去的時間都當等車~~~哈哈哈
你仲想咒森伯，話森伯兩腳一伸直晒!!!!
又冇見過一爺，太唔太女人形又唔知，不妨寫出來形容吓?!!...
晒多啲陽光都好，個人冇咁抑鬱，笑多少少，個人都陽光少少...
你講起唔同的瓜，就諗起細時常常食蜜瓜，正如其名，此瓜的汁真係甜如蜜，現在個名好似叫香瓜……現在比較少見！！
回覆刪除大熱天時食西瓜當然是消暑妙法，放入雪櫃讓其稍凍才吃，比在生果店剛買回熱辣辣好好多。上文和平兄說到「哈密瓜」，與「蜜瓜」不同，「哈密瓜」是新疆哈密地方的特產，並非「香瓜」。
回覆刪除對呀，夏季真係要放雪櫃雪雪才好食...可能夏天真的太過暑熱!!!
刪除哈蜜瓜同蜜瓜個名有相同，但其實兩個是不同品種，蜜瓜淺綠色果肉綿密，而哈蜜瓜淺橙色，果肉爽甜~~
謝謝牛兄的少少資料補充...兩者我也喜歡吃!!!!