頭像圖...

早前收到一個來電，來電顯示的號碼都有點似曾相識，智能機就有個好處，是可以click入幅icon相睇一睇，幸好這位來電者是用真人頭像相，才知是那一位...

現今世代一個人都有好幾個不同網站的帳號，很多時一些無關痛癢的帳號，都會求其搵張圖做代表，至於比較個人少少的如：電話、whatsapp...就可選擇是否用真實個人照，其實圍內的親朋友好，用真人照我認為冇乜問題，起碼可以以之識別，但有些人賣廣告或街外人，要否用真人照就有所保留...

但經過今次的生疏來電，忽然令我想到是否要換真人照，當然係認人好過認圖，有時唔打個名出來，真係唔知來訊息係乜水!!!

至於現在森伯的手機，whatsapp icon相都係用個人的卡通圖，係好早前有個幫人整"個人卡通圖"的應用程式做，上載本身相片，就有多張個人卡通圖，而且不收分文~~~

至於卡通圖有個好處，畀人感覺有趣啲、易認啲、放心啲...不過就好細路呢!!!!

米氣...

中國人就係一個食米的民族，唔敢話百分百的人都係，都相信佔絕大多數，反而北方人會以麵食為主，其實所謂的唐餐，吃飯之餘仲要弄一、兩碟餸菜才是正式的唐餐，不過港人主食選擇多，都唔一定以米行先...

森伯曾經有諗過，點解要食米呢，有時還要配個餸，整一餐都會幾費功夫...但主食一定要夠能量，所以食米都係好的選擇!!!基本上森伯都會以食糙米為主，糙米的外皮有益，而且食慣了又有口感，但不會全糙米飯，通常會加白米，這樣才會容易入口!!現在的人講求健康，基本上買糙米都唔難，而且仲有很多不同牌子可選擇，之前食開呢隻糙米，感覺唔錯，不過它的米糠味很重...而且現在的糙米都不需要浸泡太耐已經可以煮，相對較方便!!仲有貪佢細細包，如果想突然轉其他牌子，都唔需要食太耐，而且方便儲存...

不過現今有很多人提起米就好似有害，可能與媒體資訊有關，常常講白米屬高醣食物，嚇到個個都唔敢食，我認為只要唔過量就冇大問題，如果誡了米飯後果仲大劑，所以不要被洗腦，做個精明食米人...可能有間老牌子的米商有見及此，推出一隻低GI白米，這隻白米都有營養師推介過，(可以對比吓：燕麥片GI指數55、紅米55、低醣白米54、糙米50...)有機會都會試吓!!

其實對森伯來講，一碗飯的白米佔很少，其他多以糙米及五穀類(有薏米、洋薏米、扁豆等)，可以多變化，吃起來有不同口感!!!

追夢...

都好耐冇試過有一個電視節目，能夠成為大家茶餘飯後的討論，尤其是一個歌唱比賽節目!!

先是，現在的歌與曲都很難令人有深印象，而且歌星的歌藝屬一般，驟耳聽好似個個把聲都差唔多，唔見有突出的作品，所以很多電視台的音樂節目，都留到有咁夜得咁夜播，而且播放時間都縮減了~~

而最近呢個"中年好聲音"的歌唱比賽節目，她的參賽者主打係中年人士，所以都大條道理可以唱返為人熟悉的"老"歌，這個也是賣點，若年青人唱的新歌，都未必有多人去睇~~自問所有的什麼"星夢"或什麼"全民造星"一集都冇睇過，可能已經唔啱自己channel，所以無乜興趣...

而今次電視台出的gimmick，原本理念講出來就好好聽，中年都可以尋夢...但若果有睇的朋友，節目有冇帶出呢份訊息呢?!!我覺得娛樂成份多於一切...

對今時今日的社會，無論中年人士或老年人士，都可以追夢，夢想能否成真，相信不是年紀問題，而是講自己仍有沒有這團火去追尋自己的夢!!

朝朝吔蕉，朝朝好...

我相信在眾多水果中，蕉類都算頗受歡迎，有時逛超市都見頗多人都會買梳蕉...而事實香蕉易食又飽肚，相信很多人的屋企都會常備~~~

而食香蕉都有幾多好處，簡單講可以防腦退化、有益於心臟因為含有鉀質、亦防便秘...都有幾多好處，想知更多大家可以上網搜搜!!!不過今次我想講香蕉是種開心食物，因為香蕉含有多巴胺的營養物質，吃了可以緩解抑鬱，吃後會使人頓然感到快樂，其實逢甜食物都會使人快樂，就等同朱古力、雪糕等...以前常見一種小型的皇帝蕉，近兩三年都少見了，反而多見牛奶蕉，都係常做果糊的好食材，近來少吃易升糖的果糊，簡單食落肚更方便!!

據講蕉身出現斑點是好的，熟透香蕉有防癌功效，相對甜度都較高...但亦有人提到過甜食物，也會增加患癌機會，真係唔知信得邊個，不過適當地食都冇問題!!

這裡的蕉都頗多，怕會容易變壞，都迫住要天天吔蕉~~~~~~

巨嬰年代...

很多人都認為現今是個巨嬰年代，盡管體格、年紀都已經成年或熟年，但思想行為都仿似一個小嬰孩...

社會幼稚化...

*有日見到一個小巴廣告，有半輛小巴都是漫畫卡通，可能你會認為以漫畫做為廣告有什麼出奇...再睇真些，原來是一個徵聘警察的廣告，何解徵聘警務人員會用卡通，感覺非常唔莊重，好小朋友...初時以為與什麼學生補習有關，甚騎呢!!!

*另外有個政府廣告也是常常在電視睇到，口號角色都有---「防塵減塵我有計，健康第一沙塵仔！」...個主角沙塵仔是用來哄細路?!!而且授眾是班建築工作人員並非細路仔，

所帶出的訊息也是同生命安全有關，正經成熟少少就合理，超唔配合!!!

*仲有大家有冇發覺，時下無論便利店、超市等店舖換取的物品，或用品也十分幼稚化，驟看之下又是感覺哄BB仔玩意，我指是有卡通頭像的玩具或用品...很少看見較成熟，較實用的換領品!!

思想幼稚化...

過去的週日，就是今年新一輪的電子消費券派發的時間，不知大家怎樣看?!!有些人認為好過冇、也有人認為OK、看新聞也有不少人嫌少...真的十分唔明白嫌少的人是些什麼人，每次派發消費券，政府庫房都以億億聲埋單，相信此舉亦不是現時個個國家做到，在今時今日的境況，仲有人會有這個諗法和講法，真係完完全全印證了什麼是思想幼稚化的表現...

"中伏"食品~~~

上篇網誌有提到零食，都知零食這個市場以香港來講，都十分龐大，只要一出街，處處都有零食、小食等在左近...

雖然人大了，特登去買一包二包零食回家已經很少，但每次經過某間日式超市，也會被佢當中的食品所吸引想買來試!!!森伯買零食並非一時三刻的衝動，都已經見過多次，於是買來試下，原來少買都可以"中伏"...

相片是當中兩款食品，而中伏的食品是左手邊那支抹醬，初時諗住用來搽麵包也不錯，應該也不會太甜，結果也不是甜的，但那些微鹹的油脂超怪，只要塗些少已經感到油淋淋...更何況用來搽整片麵包...只要手沾到些少，整隻手都感到油油立立的...只能形容為"好得人驚"!!好難食晒成支，古怪東西少食為妙，唯有丟掉!!(未試過一買食品回來就掉!!)

而另一穀物棒就冇問題，算唔錯!!始終東瀛食品，未必個個受落，好睇個人口味~~森伯都唔會用自己作準則，可能有人認為唔錯會接受，但我應該唔會再買!!!!

原來在生活中，有很多東西--真實比想像是兩回事!!!!哈哈

寶島食品...

現在絕大多數的零食店都只會售買日本零食，還有韓國零食這類...這類零食讓人感覺都比較潮食，好味!!至於港產零食，或東南亞出的就多數出現在比較低檔少少的零食店...

家住附近也有一間，買的是懷舊的港產零食，很多以前細個見到的都原來仲有出產，例如眼鏡朱古力豆、綿花糖、山楂餅和傳統涼果等等，不過人大了現在我都少買了，客人都有大人跟小學生，總算有些生意!!

但眾多零食中，好似很少會提到台灣零食，在印象中台灣零食就只有太陽餅和鳳梨酥，但一般超市賣的都是本地生產...有時去國貨公司的超市，也有真正的台灣零食!!

但今次去到荃灣這個大型商場就見到有台灣的食品賣...都要讚讚場內的佈置設計，把台灣食品的攤檔設計得很有文青feel，甚有台灣味!!!!

可能閒日兼且入夜時份，買的人不多...我也只是看看而已!!因為很多食品款式外邊也有，也更經濟!!

記得細時也有台灣百貨公司，雖然規模不大，但很多台灣貨，包括用品和食品，現時就沒有了!!!到現在大家都是比較多逛日式百貨，多買日式零食和用品等...至於較有地方特色的百貨公司，真是賣少見少~~~~