現在絕大多數的零食店都只會售買日本零食，還有韓國零食這類...這類零食讓人感覺都比較潮食，好味!!至於港產零食，或東南亞出的就多數出現在比較低檔少少的零食店...
家住附近也有一間，買的是懷舊的港產零食，很多以前細個見到的都原來仲有出產，例如眼鏡朱古力豆、綿花糖、山楂餅和傳統涼果等等，不過人大了現在我都少買了，客人都有大人跟小學生，總算有些生意!!
但眾多零食中，好似很少會提到台灣零食，在印象中台灣零食就只有太陽餅和鳳梨酥，但一般超市賣的都是本地生產...有時去國貨公司的超市，也有真正的台灣零食!!
但今次去到荃灣這個大型商場就見到有台灣的食品賣...都要讚讚場內的佈置設計，把台灣食品的攤檔設計得很有文青feel，甚有台灣味!!!!
可能閒日兼且入夜時份，買的人不多...我也只是看看而已!!因為很多食品款式外邊也有，也更經濟!!
記得細時也有台灣百貨公司，雖然規模不大，但很多台灣貨，包括用品和食品，現時就沒有了!!!到現在大家都是比較多逛日式百貨，多買日式零食和用品等...至於較有地方特色的百貨公司，真是賣少見少~~~~
你講又有啲印象台灣物產公司。
回覆刪除對呀，記得以前都係跟大人去，正確位置全無印象......
刪除台灣物產公司，記得太子即維景酒店舊址有一間叫台灣民生物產有限公司。有興趣可在油管尋找「上海街頭集體回憶的店舖-台灣民生物產/大世界戲院」的影片看看。
刪除先謝謝asdf001997的到訪……
刪除台灣公司的正確地點，都冇咩印象，謝謝你資料補充和提供網址睇睇……那個年代很少日式百貨，西式百貨比較高檔，一般人多數去國貨公司或這類台灣貨品，夠晒實惠！
我一向買嘢講實際，講求包裝的日本食品, 折去包裝後所餘無幾，又貴又少又唔啱我口味，一 向少食。
回覆刪除我年輕時曾在「大大」買咗一磅日本軟糖，都很貴，點知甜到漏，成家人都唔食，最終都係棄置，以後都冇買日本零食。
刪除peace：
刪除哈哈，就是因為日本食品重包裝，所以都會從食品外表吸引人去買佢，係呀，貴得來又未必好食，所以去日式超市，買佢咖哩穩陣啲!!!!
Stella：
太甜又真係好難食...你講起日本食品，諗起之前都中伏過，結果都係棄置...看看能否找到相片，跟住講下零食中伏事~~~~哈哈
以前大大公司好似有部糖果機，是有輸送帶的，糖果盤是橫向流動的，好似係咁，似現今回轉壽司，唔知有否記錯。
刪除大大公司都唔知有冇去過，記得有間去過松板屋，類似日式公司，類似現在的Aeon百貨！
刪除逢過年，買糖果的舖滿成個櫃面……
零食對我而言是不可缺乏，但現在為了健康，要大大的減少了！
回覆刪除應該的，Stella有捐血的習慣，當然要顧好自己身體，繼續可以捐血助人!!!!
刪除寶珠姐黎嗽:『 青春、 真可愛青春…』🎼🎶年少亂咁食零食都唔會肥，美好光陰飛逝，要遠離零食。
回覆刪除零食都分時髦同老土，台式太土唔食，流行日韓風。
一爺又突然寶珠姐上身...哈哈~~~基本上青唔青春都唔可以食太多零食，現在買的零食，多數買以乾果和堅果仁類...起碼自然少少!!
刪除係呀，傳統的港產零食認為老土，變了懷舊東西，賣的舖頭也不多......
森哥好大吸引力，令我不自覺地寫好多。同樣，零食都好好好味，令我失控。
刪除乾果有好幾年都係我嘅優質選擇，可是，一磅提子乾五日清掉，因為挑起條胃食筋就停不了，要禁，過量就太多糖份，依家，剩低果仁同雜豆糖水頂癮。
以前有益水果一日食5個，後來諗計限制3個內，靠一日一餐飽到上心口去控制，減少水果可改善夜尿/果糖。
反而我買零食不多，森伯可能生大食癪，通常買麵包餅乾多，貪佢飽肚……
刪除有很多零食一食就冇停口，所以定力要夠！！葡萄乾每日都會吃少量，健康需要！！
堅果同豆粥幾好，夠營養！
森伯一日最多食兩個生果，冇五個咁多，除非就爛，要快快食……
煮豆粥我會加埋蕃薯粒，增加味道和營養！！
食餅仲衰多十斤重，諗住食2小包梳打餅，結果係一大包200g梳打餅(含10小包)清曬都仲要食埋其他果仁乾果……，邊個壞人話正餐食七分飽架，要五馬分屍，呢種所謂健康飲食法無考慮到忍食心理學，實際係行唔通，反而令我在空檔時摷衆位零食剋星。後來發現要一正餐勁食到十二分飽去撐足成日，咁就再無燃點起零食慾火。
刪除自古成功在嘗試，方法因人而異，唔好一本通書睇到老，唔好人哋亂嗡你就當秘笈。
我最初係食蕃薯糖水增加纖維量，但洗完好多泥沙驚塞渠，放幾日又發芽，都係豆類易處理，一次買好多儲存好耐。
餅乾通常可以忍口，反而提子乾唔覺唔覺會不停食……
刪除聽你咁講你唔似食零食，似食正餐！你自己把口忍唔住，都唔駛將人家五馬分屍，其實發覺斷食有好處，一來可以畀腸胃休息，仲可以學識忍口，你唔係實行斷食咩！我現在都正式實行斷食168，是適應階段……
成年人可以忍口，食少少過口癮就算！
每個人都有個腦，懂得思考，懂得分析，唔會人家亂講就當人秘笈……
蕃薯好好，以前麻麻地蕃薯，多吃了變了喜歡食，你可以把剛買來的蕃薯用支刷，乾刷它表皮上的沙泥，然後才批皮，洗乾淨才煮，這樣可減少機會塞渠！除非你想連皮煮，山藥我都係咁處理……豆類煮佢要長時間，不過現在學了新法，算叫縮短煮豆時間！
類似同人傾偈咁，一傾就幾個鐘才夠喉，㷫起收唔到口嘛！撩起慾火，食色性也……零食令人亂性好正常啫，森哥無慾係超人。
刪除所以我要鬧鬼啲無能黃綠，佢哋忽略人性弱點，諗埋啲理論得但實際長遠唔得嘅方法，自己唔掂仲衰到要怪罪病人無忍耐力，豈有此理。
斷食減肥好掂我親身享用到，希望森哥嘗到好犀利嘅抗發炎甜頭。
我8碗水/4杯豆用真空煲先煮十分鐘，保温(焗)4小時，再煮六分鐘，保温(焗)隔夜12小時，共開火(電)16分鐘，唔急慢煮，啱晒我有計劃兼慳錢。森哥開火幾耐？
你同你啲小情侶傾電話煲粥，梗係傾下唔覺唔覺就幾粒鐘，森伯果類長者講完重點就收線，呢個比喻唔得……
刪除好多人都鍾意賴人，卻沒有正視自己問題 ，乜一爺都係咁既人？！
我發覺自己有需要斷食，人老了都唔可以食太多，set段時間進食會較好！暫時冇咁快知可唔可以減少炎症的發生！你靠斷食可以減縮個肚腩仔已好好，有成績！！
你計埋浸豆，隔夜又煲豆，又焗豆，都幾大工程……我冇真空煲，所以做唔到呢個方法煮豆，我將豆浸飽水後，再冰佢，再先用少量水煲，豆開花後再加要的水份量，快很多……
森哥畫興大發時唔會欲罷不能？如果世上無一樣嘢會㷫起，咁生存係為乜呢？
刪除醫生唔係實得，要完全相信佢？咁你嘅關節炎都係醫唔好。係減肥失敗才抵賴，而我睇完英國電視台個醫生節目去斷食，成功減肥，指出唔得方法。
唔使浸豆，保温期間唔使理佢，我呢個轉手新煲$200，我每周煲一次豆水，慳咗嘅燃料費估計3個月可回本，仲有慳咗時間做其他嘢充實生活。係我最愛厨具。
你當森老伯係你嗰類後生人，唔會乜都講㷫起，畫完就抖下休息下……😀
刪除森伯冇奢望關節痛要醫好，只想得到緩和，樣樣方法都試下！不過如果想透過斷食減肥，呢招係得，唔食咁多，人自然都清減D……
二百元一個真空煲又幾抵！廚具唔想買太多，家中廚房地方有限，買多一個迷你煮食鍋都要諗過度過！
我用我方法煲豆粥都OK，用新法後也不斷嘗試汲取經驗，近排也吃多了紅豆粥 ，綠豆粥！
㷫 係形容心情狀態， 内心早已激流暗湧，洶湧澎湃，熱血沸騰，一旦有了念想，就不由自主，正在激情，唔好思想狹窄諗埋一邊，呢個字唔係專屬一種愛做事情，做愛做嘅花藝、 吟詩作畫、唱曲彈奏、運動、食零食……森哥帶咗有色眼鏡睇個㷫字好唔公平。
刪除1983~87年由林佐翰主持嘅3分鐘節目 「每日一字」，後生啲嘅森哥都未睇過。我好似做呢個節目咁。
芝麻綠豆小事爭辯，我哋煲豆殊途同歸、堅持己見、互不相讓，放大至各國高科技競賽都一樣。所以，別妄想用高科技、金融裁制去迫令他國歸順，自以為係高等智慧民族，睇低他國無法另覓新路，必反噬自傷，信譽盡失，各地交易開始用本幣，正攪信用卡新系統。我係分享，唔會迫人跟我同一套，選邊站，咁霸道。
森伯冇你咁多理論，老人家邊有咁好精力，畫得攰就想覺覺豬，㷫烚烚夏季都時有發生……
刪除戴有色眼鏡多數形容睇人！
一爺精通中英文，每個中文字都可以講一段故，森伯自問甘拜下風，我中文字只識一到十，英文只識A至Z咋……😋
每個人都有自己一套的生活小方法，適合自己就可以，冇話邊個係最佳做法，要睇環境，實際情況而定！！
最弊呢個世界仲有好多人寧願跟技安走去蝦蝦霸霸，增長人家氣焰！！
我都唔完美，亦唔想，保持謙卑，時常覺察學習，不停進步成長，唔畀口才了得森哥讚到飄飄然迷失咗。
刪除為自私利益同痛腳，咪樂意做跟班。時勢係經濟不景，投向和平、賺錢果邊會多啲。
人邊有十全十美，心善則美，內心的美好重要!!!!森伯好少讚人，我都係講事實!!!
刪除今時某歐洲大國的總統去訪中，就是不甘做跟班，只想在這刻搞好本身既經濟，都畀人說三道四，那些人真係不知世途的險惡~~~~
都要多謝一爺常來同森伯傾閒偈!!!!
小時吃過一種像是一片橙肉似的糖，印象很深刻。一向都沒有吃零食的習慣。終於為了應付肚餓，才買了芝麻餅、腰果...等回來，先吃這些，才慢慢煮食。
回覆刪除好似是包裝成半個橙的樣子，上面有條紅絲帶，糖面有砂糖。
刪除秋葉，
刪除相信呢種橙糖是很多人的兒時回憶，反而我記得有種軟糖是成個桔仔，折開包裝紙是一瓣瓣，仲有另一版本係條金魚，包裝紙係金魚，裡面也是軟糖！
芝麻餅都好味！
asdf001997
刪除半個橙的樣子？！我又未見過！記得那些軟糖也有鋪上砂糖！
asdf001997：當然更不是半個橙那麼多 ! 居然還有條紅絲帶，真係好高級噃。
刪除那橙片糖果，應是一格(瓣)橙的樣子，我說是“片”似乎不大恰當。
森少：那瓣橙幾好味，至於上面有沒有鋪上砂糖 ? 我也不記得了。
刪除現在我吃的芝麻餅甘而不甜，想吃甜的時候，只會吃麥X他消化餅吧了。連同堅果，這些就是我的零食了。
零食只會偶一為之，不會天天狂食。
刪除以上我哋講的橙糖有可能係同一樣，亦有可能係三種不同的糖，始終冇圖所以冇真相！
刪除以前有很多圓形鐵盒的水果味糖，其中有一款橙味的糖很有趣，每粒細糖都是一瓣小橙，現在已經看不到有賣了……
芝麻餅有甘而不甜？！邊隻牌子呢？時下的餅食一般都是甜和鹹，如果有不甜的話也想買來試試……
人大了，零食都係適可而止便算了！
我們買的橙糖可能並不一樣，因為我買的一瓣(格)橙糖，有5厘米長，全瓣豐厚橙色，像真度很高。都放在一個大玻璃瓶裡，以每粒出售計算。每一瓶糖都不同樣子。
刪除要買多少，就以鐵夾夾進紙袋裡。現在過年在店舖買糖果，是以磅計算。
一瓣橙的外形……真係未見過，是來佬糖果？！我記得一張糖紙包著成個桔仔大小，是一瓣瓣的，軟糖上有砂糖，食落有添加橙味，相信這種糖已列為回憶中的味道，已絕跡多時了，沒有再見到了！
刪除要講零食，相信都可以講足幾日！哈哈
零食興趣不大，所以好少買。
回覆刪除係呀，人漸大對零食的需求，都漸漸少了！
刪除