我相信在眾多水果中，蕉類都算頗受歡迎，有時逛超市都見頗多人都會買梳蕉...而事實香蕉易食又飽肚，相信很多人的屋企都會常備~~~
而食香蕉都有幾多好處，簡單講可以防腦退化、有益於心臟因為含有鉀質、亦防便秘...都有幾多好處，想知更多大家可以上網搜搜!!!不過今次我想講香蕉是種開心食物，因為香蕉含有多巴胺的營養物質，吃了可以緩解抑鬱，吃後會使人頓然感到快樂，其實逢甜食物都會使人快樂，就等同朱古力、雪糕等...以前常見一種小型的皇帝蕉，近兩三年都少見了，反而多見牛奶蕉，都係常做果糊的好食材，近來少吃易升糖的果糊，簡單食落肚更方便!!
據講蕉身出現斑點是好的，熟透香蕉有防癌功效，相對甜度都較高...但亦有人提到過甜食物，也會增加患癌機會，真係唔知信得邊個，不過適當地食都冇問題!!
這裡的蕉都頗多，怕會容易變壞，都迫住要天天吔蕉~~~~~~
鍾意食皇帝蕉，但唔食大蕉
回覆刪除皇帝蕉現在少見了，大蕉帶酸酸地，但我可接受！
刪除我最愛黑斑蕉，要特甜，抗癌唔知得唔得。衰在我又當咗佢係零食，癮起時飯後一口氣連食3、4隻都唔飽肚架！
回覆刪除營養師話一份香蕉係半隻，建議每日食2份水果，我食4隻咪係8份，哈哈！嚴重超標，唔鬼理佢。
可令人開心、通腸胃、治失眠又係誇大騙人嘅！哈哈！佢無講食幾多才有效，睇怕要食成擔咁多。
賣梳蕉回家後，我會搣開一隻隻存放，因微熟時搣其中一隻時，隔離幾隻輕輕碰下就甩開。後來，知道包住個頭，可放長啲時間，就算好大撻黑塊都唔會熟到爛，不過，要保留長椗，切短後無效。
所以，我唔介意散開1隻隻兼斑點嘅，碰啱超市用膠紙綑綁一札棄養孤兒仔嘅，我會收容架，仲賣平D添！
上两年，我又信報導話蕉皮營養係蕉肉嘅5倍，因此，我用匙羹刮埋蕉皮黎食，發覺食咗係去得順暢啲嘅。
蕉係有纖維嘅甜如南瓜蕃薯一樣咁有益，單獨糖份如砂糖、糖果就有害。
係呀，香蕉唔忍口都會食完又食，我通常都係食一隻都夠，又未去到太上癮，太快吔完又要去超市搬搬抬抬...
刪除營養師的意見都係參考，唔同人有唔同體質，基本上一餐一種水果，每日唔怕超標...
都唔可以話騙人，食香蕉時都會覺得輕鬆些，可以將煩惱放低，可能陣香味加上甜甜地，用蕉類搞果糊真係幾好，可以充當奶昔，昨日先食完牛油果加香蕉，豆奶，一個字形容很正!!!!
我又相反喎，鍾意成梳蕉擺放，一隻隻放好易熟...因為蕉唔難買，所以唔會諗住包個頭，放耐少少，通常一買蕉就好快食完，相片中的蕉係一次過有成十幾條，先有排吔~~~~~~
我通常買一梳梳，用膠紙紮在一起啲蕉已經熟熟地，拎到回家好快熟晒，冇得擺放太耐，唔想一次過吃太多~~~~
本身是原食物多數有益，起碼不太人工化，係產於自然，所以你講的蕃薯，南瓜，西瓜，香蕉都會常吃!!!
森之果糊有益材料。
刪除香蕉優點多，免洗易剝皮最啱懶人，食完對手都好乾淨唔使去洗手，又啱無牙力老人，早幾年香蕉仲係最平生果添。
多年前超市買蕉遇上衰格自私婆婆搶蕉案。揀選中，我手上拎住一梳后選佳麗，突然有個阿婆走埋嚟話我手上個梳係佢揀咗先，其實枱上仲有好多好多好蕉，咁我唔想晒氣嗌交就讓咗畀佢，極速幾秒後揀咗另一梳，搣走一隻唔好嘅，抬頭昂然闊步帶住勝利姿態走，斜眼射望婆婆表情好不滿又妒忌，佢係果種蕉係人哋手上好，喜歡搶人嘢，佢好想再話我手上呢梳都係佢揀咗先，但我行動太快，老人家趕唔切反應。
我都遇過善良婆婆，佢揀咗好多靚橙，叫我唔使花力揀拎佢手上有多果啲，仲教我揀靚橙秘訣。
人生總會經好壞，唔好執著諗埋一邊，點解沉迷於我只遇上衰嘢，走進抑鬱，亦唔好只諗好嘅單純看世界，世途險惡要防避。
果糊都算生機飲食，不過唔啱懶人整！直接食，比較慳水慳力。
刪除香蕉算是幾方便食的水果，容易吸收能量，補充體力幾好。就算到現在香蕉的價格都唔算貴！而且冇季節性易買……
既然個婆婆堅持要攞你梳蕉，君子不立危牆下，就讓畀佢好過！因為有時出街都唔知會遇上咩人，忍一時風平浪靜好過！
你邊間超市嚟？可以爭嚟爭去，啲蕉可以搣嚟搣去，好free，我果間好多執貨姐姐望住！
出到街，總遇到有好人爛人，看看當日的運氣，如果有日在街上遇到一爺，希望當日都算行緊好運，唔需要大家一齊爭生果……
洗好放入機打爛都好簡單，破壁更易吸收營養，到我耄耋時牙力弱、消化力弱會啱用，夾timing。台灣叫精力湯含蔬菜 水果 茹菌 果仁 種子 香料 藥材 豆…可抗癌同抗衰老，有個醫生靠佢擊敗兩次癌症而出書，啱晒想留住青春嘅老人森。不過，森哥擁有30歲身材 40歲面孔 70歲腦袋(思想)，好難搞。
刪除我咁順攤當然有原因啦！候選即係有瑕疵，我仲喺度揀梗梳更好嘅，儍婆仲以為自己好醒！ 係多年前故仔，乜森哥未試過咁自由咩？今年貴庚呀？依家超市絕招係綑綁式消售。
森哥同我成日唔咬弦，睇怕碰面會大打出手，好彩，已經無咩需要走到你果邊，你定啲黎。
細個時無水食香蕉船，長大後自力更生才能滿足兒時欲望，無想像中咁正。
生機飲食有呢個好處，用破壁機打精力湯台灣人好興，我打的果糊，材料都係兩三樣，食材的東西越簡單越好！
刪除你講的歲數掉轉來睇就正確，最怕係思想只得幾歲，乜一爺靠部破壁機留住青春？！
唔會喇，逛超市最多揀來揀去，揀包自己滿意，好少搣人家的貨品……
想像中多數希望見到班博友，大家可以友善喇，大打出手就應該唔會，眼睥睥可能有…😀
你講到咁驚驚，咩走到你嗰邊，你住邊鼠？！一爺的確大富人家，住半山又真係好少落天橋底附近的貧民窟買東西……🤣
講開又講，森伯真係冇諗過食香蕉船，所以沒有這個願望！香蕉船自己整都得！！
均衡營養要多種多色，雖然買存洗切備料耗時，我都貪多不怕繁，只簡化煮法一煲過，不同森哥飲食概念。
刪除森哥仲有青春可留，我嘅已逝，係減慢老化進程。
係消費者權益，不會畀足錢買爛蕉，商店要提供合適品質嘅貨品。
我樣衰，森哥望多半眼都唔願，我確定不會眼啤啤。
小甜甜叫下屬走多兩條街去買平$2飯盒，有錢人更孤寒，一定去平民區掃平貨。社區規劃完善，唔使跨區買日需品。
你果區以前有4仔DVD賣，好多麻甩佬去。仲有咩特色非去不可？
係電視荼毒，拍到好似依家食 high tea 咁高級，你個年代已經變成普通貨色，唔會寫入劇本中啦！
簡單的就可以……少少野比著森伯都有排搞！如果搞杯十萬種材料的營養品，可能搞足戎日，包括買和洗洗切切……
刪除人生有不同階段，活好每個階段便是了……
又係嘅，超市貨品價錢貴，唔揀番夠本都唔得！！
咁又唔會半眼都唔望，睇下一爺點醜法都好，見識下嘛！
誇唔誇區都冇所謂，香港買野實在都算方便，基本上好多屋苑屋邨都總會有個商場仔……買日用品，去食肆都唔難……以前住青衣買野就唔太方便，多年來變化不大，不過比舊時好好多。起碼到現在有青衣城……
連我自己都唔知，乜我果區好多四仔買？！
我懷疑家陣仲有冇香蕉船呢款經典甜品食？！
好多人搜森哥畫插圖，發展個人事業要緊，邊會晒時間去洗洗切切吖！
刪除森哥太焦急，無跟程序走，腦筋一早已係老人階段，比我『先行一步』，走在我前面，你都無活好每個階段。
舊日象人…等醜怪都要收入場費睇一眼，我好值錢架！要收森哥錢，靠臉口揾食真好。
集中喺力生廣場，不過，當森哥成人時，DVD已沒落，早就摺埋啦！
甜品店百花齊放，款式繁多，應該無人點而淘汰咗。
係揾，唔係搜，手誤。
刪除好多人搵森伯畫插圖?!...連我自己都唔知~~哈哈，你都講得啱，趁老冇遺憾，做好目前好重要!!
刪除早前都時時有攪果糊，之後都冇咩細蕉買，就索性攪少一點...你有冇咩好介紹的營養攪品?!!
做人要活好自己每個人生階段，一錯過了就不能返轉頭，只要想得通好多事都不在乎~~
你講開象人，他們很可憐，有時外出都要避忌眾人目光，相對現在人的程度高了，都不會太過用奇異眼光去睇人!!!!
力生廣場好熟，是否荃灣區?!!我下晝車程都好似經過...乜內裡很多4仔賣架?!!我本身住西九區架!!!!
香蕉船屋企都整到，可能少人買...等如"蘿蔔神"啫喱，大家自己整都得，駛乜出面買!!!!
手快快打錯，森伯都明你講乜...
寄望大家今生無憾！
刪除買唔到 - 正合不時不食。
5:2斷食果兩日會烚蛋加南瓜打爛黎食，冇大堆頭經驗，唔敢亂點森哥，好易翻車。
油麻地同觀塘都有，不過，依家都喺網上啦！
西九我只係坐車閃過，八百萬人中碰面機會微。
森哥醒目，知我心意。
有冇咁嚴重，講到今生無憾...
刪除5：2斷食法?!5日唔食2日食，呢種方法真係好好?!!
南瓜都要打爛來食?平時蒸南瓜都成碟水...南瓜蓉很好用，撈飯整南瓜豆粥都好容易!!!
呢類地點你都好熟吓喎!!!!現在上網咩都有得睇，影碟生意都大受影響...大型的商場內都好少見影音CD舖!!
就算撞到都唔知喇，唔通一爺額頭鑿住個"爺"字咩!!
你唔好讚壞森伯，有時都係估估吓你講乜........
2日600卡，其他5日正常。
刪除食太少嘢感覺好慘，要整色整水驅走負面雜念，搞到最美味、最易食、形象上覺得最健康嘅才能安慰好自己，蛋南瓜鹽糊打爛係最美味
我放蒸架上蒸瓜同蛋唔會成碟水，烚蛋因接觸煲底熱源太高温成日爆殻，用蒸餸架最理想。
森哥唔係已經係壞男人咩！男人夠壞才有人愛。唔讚到壞咗！
刪除咁既斷食法唔怕餓親...其實現今都市人食野真的太多，幾乎每日都可以暴飲暴食，一食就要十足飽，一出街就有很多美食吸引著!!!
刪除我冇你咁好廚藝，為餸菜整色整水...森伯好清淡，清蒸較多，因為慳水慳力，發覺現在食東西，等同冇咗味覺差唔多!!!XD
森得：
南瓜用鑊煮較好，生熟度可以較易控制!!!
先將雞蛋從雪櫃拿出來，攤暖少少隨水煲或煮好少爆殼......
森伯簡直壞到透，不過社交網站都要保持純情，鄰家阿伯的感覺嘛!!!!XXXXXD
老人家多愛一大蕉，冇咁寒涼囉！我覺得牛奶蕉好味的。
回覆刪除現在除了香蕉，第二常見就係奶蕉，呢種蕉好好食...
刪除往時阿媽話：大蕉好寒涼，所以一向我都係買帝汶蕉，覺得好啱口味。後來見到細細隻d牛奶蕉仲好食，又改買細蕉，可以一次唔使食咁多。可是，近來唔見咗d細蕉上市，就改吃龍眼。
回覆刪除龍眼好甜，有糖尿病的人，香蕉和龍眼都不要吃啦。
係呀，以前長輩們都會認為香蕉寒涼，不能吃太多...反而到今日很多人認為香蕉醣份好高，唔可以食得太多...只要唔係過份吃，都有它的益處吧!!
刪除帝汶芒就好似聽過，什麼是帝汶蕉?!!跟平常見開的香蕉有冇咩分別?!!好讓森伯見識吓!!!
龍眼已經有?!!我有時都會買來吃，酸味的水果我不能吃太多，所以大多數都會吃較甜的那些水果!!
帝汶島Timor Island分為東西帝汶，另有一別名稱為「地問」，因此我誤會了「地捫」蕉是帝汶出產。
刪除查知「地捫蕉」其實是菲律賓的出產，通常蕉上貼有「Del Monte」地捫的標貼。我覺得比大蕉好吃。
4月中都有中國和泰國出產的「龍眼」上市，我買的是整盒泰國出產的，中國的要磅稱。我都喜歡吃甜的水果。
謝謝秋葉的詳細資料補充，讓大家明白地捫蕉的來源！！現在這個品牌除了有香蕉，仲出產很多其他食品，這牌子都陪伴了不少港人成長，現時見很多蕉都係地捫出品 ，而所買的香港大多數係佢，以前都有些新界居民自家種的本地蕉來賣，不過現在少見了……
刪除今年我仲未見龍眼有賣，若見到也會買些！
哈哈，天天哋蕉夠方便又飽肚，但我最怕食有梅花點既蕉，果陣味好驚！😉
回覆刪除梅花點蕉唔驚陣味，反而驚會爛，食起來好甜！！不過能夠飽肚又幾好……
刪除我每日都係食萍果橙雪梨，真係好少食蕉，其實都唔係唔鍾意，唔知點解好少去買。不過，以前跑馬拉松，次次跑完都有蕉送，相信都係好嘢嚟嘅。
回覆刪除我吃水果都唔會固定食一兩種，時時不同，畀自己多些口味或者有不同營養！
刪除好多運動員都吃蕉來補充體力……
也愛食蕉，因為乾手净腳。食橙要剝皮，一手溼。哈哈
回覆刪除相信在眾多水果中，蕉和蘋果易食，蘋果洗淨後就可以大啖咬！！
刪除謝謝森伯伯到訪牛博並給予鼓勵。曾經有中醫師建議我少食香蕉，不過香蕉香甜，甚好食，也實在很方便，所以仍然隔日一隻。
回覆刪除不用客氣，大家也喜歡畫畫，多多賜教就真喇！！
刪除就算怎誡口都好，水果不應該少吃或不吃，都市人已經充分熟食，唯有水果仍是生機飲食，對人有益……
Please read my post
回覆刪除Okay!!!
刪除thanks~~
回覆刪除覺得「地捫」蕉好食D
回覆刪除"地捫"---這個品牌，相信佔香蕉市場都很大...
刪除