上篇網誌有提到零食，都知零食這個市場以香港來講，都十分龐大，只要一出街，處處都有零食、小食等在左近...
雖然人大了，特登去買一包二包零食回家已經很少，但每次經過某間日式超市，也會被佢當中的食品所吸引想買來試!!!森伯買零食並非一時三刻的衝動，都已經見過多次，於是買來試下，原來少買都可以"中伏"...
相片是當中兩款食品，而中伏的食品是左手邊那支抹醬，初時諗住用來搽麵包也不錯，應該也不會太甜，結果也不是甜的，但那些微鹹的油脂超怪，只要塗些少已經感到油淋淋...更何況用來搽整片麵包...只要手沾到些少，整隻手都感到油油立立的...只能形容為"好得人驚"!!好難食晒成支，古怪東西少食為妙，唯有丟掉!!(未試過一買食品回來就掉!!)
而另一穀物棒就冇問題，算唔錯!!始終東瀛食品，未必個個受落，好睇個人口味~~森伯都唔會用自己作準則，可能有人認為唔錯會接受，但我應該唔會再買!!!!
原來在生活中，有很多東西--真實比想像是兩回事!!!!哈哈
昅吓有人買就走埋搭訕兩句才買，我好多失敗嘅第一次經驗(用品/食物)，得唔得靠撞彩啫！有時係要交學費架。
回覆刪除我都係用油/奶/鹽打到濃稠膏狀，當沙律醬/醬汁加入我蒸熟嘅飯菜瓜食架，鹹鹹地、油淋淋又有奶香味，都幾似你支嘢喎！
唔會啦，買支嘢要等人埋嚟問人...就算有人去睇都未必係買，又未必食過~~~~好食就留番招紙或影低再買，唔好食就算...
刪除我諗呢支嘢可能啱你，似你形容的味道...不過佢齋食都好難哽，因為實在太油淋，有啲似機油嗰種油法，早知畀你試下唔好嘥!!
好多年前大鄉里出城，上餐無牛油提供，我醒目扮淡定唔喐手先，參考個土生台山佬同事點行動，原來，餐枱上放咗 橄欖油/黑胡椒/鹽畀你自己混合蘸麵包食，當時仲係崇美覺得正過牛油，依家真心話係牛油香啲。好在，早在初出茅廬時學咗英式餐桌禮儀係用手搣夠一口咁細塊嘅麵包，無揸住成個包咬咁失禮。
刪除畀著森伯呢類粗魯人一定成個包咬，動物油脂易產生太多膽固醇，食橄欖油，胡椒等都唔錯，你有冇間中整來食？但黑胡椒好少用來搽麵包！
刪除又有新見解，草飼牛油係健康。
刪除人體理想奧米加3(抗發炎)/奧米加6(導致發炎)油脂比例係1:1.3，而草飼牛油係1:1.5，穀飼牛油係1:7.9。草飼牛放牧有運動同食草(蔬菜類)，榖飼困養同食粟米(高澱粉質類)、大豆(高蛋白質類)…等榖物，(無機)榖物種植含有殺虫劑同除草劑，工業化榖飼快大多奶更高生產力，人殺人，天然飼養低產能高質營養牛肉/牛奶/牛油品質。據測試報告，草飼牛油係優質油，減低壞蛋固醇，可防治心血管病，唔會塞血管。
奧米加3/奧米加6油比例
花生油係0:36% (無奧米加3油)
芝麻油係1:40
阿麻籽油係3.3:1
芥花籽油係1:2.2
所以，花生/芝麻會引致發炎、上火。可食亞麻籽(3.5:1)、奇亞籽(3:1)平衡吓。
最初有咁食。我無食麵包幾年。
啲商家話咩就係金句，啲消費者就深信不疑，其實我每日餐食的油不多，平時食開粟米油，暫時都OK，反而覺得食橄欖油麻麻地！所以油對森伯來講唔會講究……多謝你的資料補充！
刪除反而想知你冇食麵包幾年係乜原因，近排我想增肥，反而食多咗麵粉類……
森伯唔食得奧米加3呢種營養素……所以食物有幾豐富的奧米加3都冇用……
我有堅實原因：
刪除1)精緻澱粉係甜蜜陷阱
2)奉行健康原形食材，取締(致癌)加工食品
3)傷(商)人一定美味行先，咪有三大隱藏危機：高脂(仲有反式脂肪) 高鈉 高糖
4)食咗一陣風，唔飽肚呃我食多啲，搶錢呀！
5)早上糖分最吸收，因為早上人體會分泌皮質醇和腎上腺素比其他時段高。
6)澱粉激發胰島素，立刻將血糖轉為脂肪儲存，致肥，血糖降低咗，一陣間個腦就發訊號 更渴望食碳水化合物，惡性循環，形成毒癮。你知我對零食忍耐力有幾高啦！
7)多種不知名添加劑(毒品)
8)無標籤睇成份，唔知食咗咩落肚。
9)有燕麥(原形)加蛋替代食物，低廉 高纖又有營，醒目選擇。
反省 覺悟 改觀 修正。
唔打針得唔得，唔食麵包得唔得！
我相信麵包不是這個年代才有，你可以說以前的麵包跟現在不一樣，亦可說得通...所以現在選擇麵包都以簡單為主，太多味道或配料的包很少選擇，我現在自己做蒸包(因為冇焗爐...)等同蒸饅頭，不過加了很多什麼芝麻粉，甚至首烏粉，南瓜、蕃薯，當作養生饅頭來吃，自己整實的的，唔會一陣風...
刪除自選擇168斷食法後，好一陣子冇吃早餐，改為下午茶吃，同樣是一日三餐，因為對森伯來講食下午茶較好~~
你聽得太多，將澱粉變成洪水猛獸，只要乜都適量食，就唔會缺乏某些營養素~~
唔食麵包太難避免只有吃少些吧!!亦冇咩必要禁絕不吃...記得之前老年發育期，下午一餐可以吃半磅麥方包...個人都肥啲，精神啲~~現在都減少很多，改為吔個蕃薯或烚熟薯仔...
草飼/有機/放牧改變食物營養，舊日造麵包材料唔同，舊時過節才勁食，多數好清淡，飲食習慣唔同， 工作多勞動力，又無交通工具要行路，擔挑搬運好出力架，大運動量就乜到消耗晒， 係人都瘦蜢蜢啦！多多(平價)碳水化合物都補唔夠。
刪除我後生都食極唔肥，中年化見腰圍爆表，誓死改革，人漸老、乜都變，才能活得舒適。只要森哥條腰仲喺度，証明依家飲食/運動組合係好正確啦！
白蘿蔔生食保留最多營養，我聽阿媽講話阿公會喺田中拔出生食，我咪照做囉！當藥咁難食都照啃，點知隔一陣就反胃，連黃膽水都嘔埋出黎！哈哈哈！呢次教訓咩好都假，最緊要享受食物。森哥享受自制饅頭，令自己開心都好重要架。
斷食都要食翻咁多嘢，唔係會營養不良。以前唔餓都三餐定時食，依家餓透才勁食大餐，飽到上心口更滿足、更開心。仲可減去下午茶/零食/宵夜呢啲多餘餐。
所有呢類草飼，穀飼，走地牧養，可能是商家利用消費者的想健康心態來營造出來的生意來源……當人被潛移默化，簡稱洗腦，就會深信不移，結果成就了班商家們，貨真價實都還好，最怕是存心呃人錢的，就好似話係來自天然的高山泉水，原來係後巷的水喉水，一爺仲以為自己已經飲得好健康，貴一貴都捨得買來飲！
刪除咁森伯條……腰，又冇成日度，個人多嘢諗，所以唔生肉，人哋斷食最主要係想減肥，但我只想減低炎症的出現！
你講起白蘿蔔，就諗起早前買到一個紫蘿蔔，唔識煮，都係生食，味道有趣，爽爽甜甜，忽然又感到少許辣，下次都要諗清楚才買！！
我試斷食前，都搜過幾多資訊，佢話16個鐘唔食任何嘢，每日有8個鐘食乜都可以，咁未照番一日三餐，不過濃縮在8小時內……
我唔信架！普遍食材已令我健康，我呢啲平民唔花無謂錢！
刪除商業機構會收買研究員，份報告唔啱聽就掉咗佢，或摘錄有利部份公開，斷章取意，花言巧語，玩弄數字誇大好處…
你講嘅斷食法完全正確。行168/204首年會度腰磅重吓睇成效。宜媽紙尺好啱用。依家心血來潮就度下，監控住健康，出軌要修理。
祝森哥愈斷愈健康。
我仲以為一爺平時就食開穀飼牛、羊、豬...大鄉里的森伯見都未見過邊度有得賣~~~
刪除唔會喇，以前都話乜都信，就好似呢排周兆祥都有出視頻片，話飯後果唔好食，又話平時唔飲水靠飲蔬菜汁...聽都唔可靠，所謂的專家憑己見說話...
相信我只會實行168斷食法...204絕對唔會，自己都已經瘦很多，係人哋見到講的...要食肥番!!!!
宜媽紙尺...咁好!!第日去搵搵先，不過現在的軟尺都好方便，我用輕巧伸縮果款!!
講到越吔越健康，大家咁話!!!!!
佢係文科人，對理科理解 邏輯 完全唔掂，諗錯好多嘢，我唔信佢。
刪除肉眼主觀形容不可靠，腰圍/體重實質數字才可信。
脂肪會釋放發炎物質，呢個係 唔發炎 嘅其中一個關鍵因素，係你想要嘅，難得搣甩咗， 千祈千祈千祈唔好食翻肥呀！
同樣重量，脂肪 體積 係肌肉嘅3倍，你係肌肉多咗，脂肪少咗，睇落瘦咗。
如果無乜唔妥，保持一年，睇吓有冇改善發炎才打算食肥啦！到時BMI依然<18.5才食肥啦！
點解要食肥？瘦咗唔靚仔？靚仔重要過健康？
我最瘦係28吋腰，乜都無變，後來身體自動調節慢慢又升到29吋，我想減回28吋都唔得。唔好驚，睇定啲啦！
咁你都算唔係講乜都信，有時的確要思考一下...例如佢話多吃生，我都會信，因為生的食物有酵素，對人體好些，近排多去超市，買得多左水果吃，基本上現今食物只有水果會生吃~~~
刪除肌肉多咗，脂肪少咗，睇落瘦咗......邊有咁神幻!!!人越老肌肉量會自然減少，對森伯來講食瘦咗唔等如靚仔咗，塊面凹左會醜樣咗!!!由細到大都未畀人話肥仔過~~
你一食就肥，可能有兩個原因，第一代謝出了問題、第二腸胃吸收能力強，現今很多較胖的人，好多原因都係代謝問題，體內的脂肪積存在身體排不走!!!
哈哈！如你的情況我都試過，現在新時代食品，我都少買，怕自己口味接不上。
回覆刪除係呀，零食市場大，時時都有新食品，當然未必人人都認為好食啱食，唔需要時時試新嘢......
刪除我比較保守，不太願意買不認識的食物，好處是穩陣，唔好處係少機會品嚐新口味。
回覆刪除有時保守有保守的好處，我平時都係購買食開的食物好少試新，始終零食唔係樣樣都健康好味~~~~~
刪除我好少買零食，尤其是零食的醬料。基本上搽醬料都是以花生醬、沙律醬、番茄醬為主。假如吃了新購入不合口味的醬料，實在很掃興 !
回覆刪除純粹想試新東西，通常想像中的美味，結果大多數有落差！
刪除本身都喜歡花生醬，好好味……可惜多吃幾次就易上火！
現在自己整抹醬，份量自己調配，好味又不影響健康！
多謝分享，右手邊的穀物棒我也有食過，同牌子有另一種草莓味，十分好吃，糖份稍低。
回覆刪除係呀，這種穀物棒有多種口味，很難買晒來試，只買了兩種...原來草莓味很好吃，有機會再買來試試!!
刪除