很多人都認為現今是個巨嬰年代，盡管體格、年紀都已經成年或熟年，但思想行為都仿似一個小嬰孩...
社會幼稚化...
*有日見到一個小巴廣告，有半輛小巴都是漫畫卡通，可能你會認為以漫畫做為廣告有什麼出奇...再睇真些，原來是一個徵聘警察的廣告，何解徵聘警務人員會用卡通，感覺非常唔莊重，好小朋友...初時以為與什麼學生補習有關，甚騎呢!!!
*另外有個政府廣告也是常常在電視睇到，口號角色都有---「防塵減塵我有計，健康第一沙塵仔！」...個主角沙塵仔是用來哄細路?!!而且授眾是班建築工作人員並非細路仔，
所帶出的訊息也是同生命安全有關，正經成熟少少就合理，超唔配合!!!
*仲有大家有冇發覺，時下無論便利店、超市等店舖換取的物品，或用品也十分幼稚化，驟看之下又是感覺哄BB仔玩意，我指是有卡通頭像的玩具或用品...很少看見較成熟，較實用的換領品!!
思想幼稚化...
過去的週日，就是今年新一輪的電子消費券派發的時間，不知大家怎樣看?!!有些人認為好過冇、也有人認為OK、看新聞也有不少人嫌少...真的十分唔明白嫌少的人是些什麼人，每次派發消費券，政府庫房都以億億聲埋單，相信此舉亦不是現時個個國家做到，在今時今日的境況，仲有人會有這個諗法和講法，真係完完全全印證了什麼是思想幼稚化的表現...
森少評論社會現象真是眼光獨到 ! 這應是做過童工的上一代家長所造成吧 ? 他/她自小家窮要出外當童工，失去了愉快的童年，當有了下一代，很多會在子女的身上填補自已的遺憾，把子女呵護備至，放任縱容 ! 目光裡只有自己。
回覆刪除往日常常看到大學生在行畢業禮的當日，除了拿著一束花與親友拍照之外，大多數都總是拿著一個毛毛玩具在手，才覺安心 !
一個兒童由幼稚園讀至小學、中學，甚至讀完大學，應該日漸成熟。可是竟然仍以玩具為中心，可見得學生們讀書不是求學問，不是學做人，沒有國家觀念，不講求仁義道德；讀書只是求分數，求財就是唯一的理想。百多年來的殖民地就是這樣，洋人要我們跟在他們尾巴走，能不做漢奸的，已經屬於萬幸。
謝謝秋葉的讚賞，只是一些生活事再觀察多少少而已...新一代的子女被家長呵護備至，所以產生幾歲小孩不懂綁鞋帶的佳話...輕則思想小孩化，重則抗壓能力低...說得對，他們眼裡自己為上，他們認為做任何壞事都可以得到世界的包容，饒恕...所以從不顧及後果~~~
刪除亦有聽過有人講，現今社會低智化，當然講的人多多少少也跟政治問題扯上關係，就好似19年事件，一班所謂年青人出來衝衝衝，若然思想成熟少少，也不會有此輕舉妄動的行為發生...
不要講大學畢業生要拎公仔影畢業相，結婚也踏入人生的另一階段，也要車頭擺著得意熊啤啤啦~~~~
歷史以來，能做到漢奸的層次會是高一點，被人煽動的那一群人卻只是低一點的爛頭卒~~~
這十多年來看見大學生畢業禮，大部份都捧住毛公仔影相，哈哈。
回覆刪除試問，新一代人生沒有大風浪，難使他們心智上有成長，就算大學畢業都仍似小孩...
刪除我覺得我有童真又天真，算係幼稚架！
回覆刪除我識個插畫師，佢一落筆就卡通化咗個人像，算唔算個腦值入咗巨嬰式呢？
你定啦...森伯完全唔覺你又童真又天真，你用天真無邪來形容森伯就啱!!!!XXD
刪除果位插畫師係夠專業啫，唔關巨嬰化問題事!
精明如小甜甜喺振聰面前都變得天真稚氣。
刪除所以，我覺得人係多面體，每個人喺安全區內會 拋開一切 釋放自己，展露幼稚呢一面，跟平常機關算盡、爭權奪利、爾虞我詐，鬥到你死我活嘅生活 係 截然不同，可能係被現實社會壓迫到心身疲憊，找個出口放鬆自己。
幼年窮困，無錢買玩具，長大成人賺到錢就收集玩具，填補兒時缺失呢一塊拼圖。
俱成人味卡通片如IQ博士 蠟筆小新我都睇架！雄赳赳警察卡通片廣告我接受到喎！
天真稚氣換來是什麼呢？！正所謂：害人之心不可有，但防人之心不可無！！扮天真，扮稚氣對自己冇咩著數……
刪除自己匿埋做幼稚嘢唔緊要，但對其他人可能有影響就唔太好！
每個人在成長階段都總有些遺憾事，大個能補償就補償，只要對人冇影響，相信都冇人理……
招聘加入警隊用漫畫賣廣告，森伯勉強都接受到，不過整個構思好似怪怪地啫！！
公事公辦 、公私分明，工作時工作、遊戲時遊戲。工作時要認真、成熟、嚴謹，私人時咪可天真。
刪除森哥話：『你用天真無邪來形容森伯就啱』又話：『扮天真，扮稚氣對自己冇咩著數』係我要學吓森哥揾人哋著數時就收埋天真，其中包括工作時。咁森哥為何扮天真？何時扮天真會有著數呢？老司機森哥教吓我等我收放自如唔使蝕底又可以放鬆一下。謝謝！哈哈！
今篇我想講的巨嬰心態，唔係指嚴肅時嚴肅，天真時天真……
刪除森伯講嘅天真無邪你又信？！巨嬰心態係指，大人的思想及處事似個BB……
Sorry喎，扮天真冇野分享，私下森伯好正經架！！
我相信森哥咁講，我都話自己天真(笨)啦！
刪除咁就嘔血。
舊時啲人早緍，有家庭重擔兼窮困，迫住早熟。
巨嬰點形成？養不教、父之過？一掉低奶樽就要安排讀書事宜，咁長遠計劃都有錯？過份照顧保護？溺愛？有痛苦經歷才能成長。富翁都用窮養法，畀限量錢去留學，靠自己過活。
你咁後生，唔可以太天真，好易被人呃去賣落"火坑"!!!哈哈哈
刪除嘔血咁嘥，你有定期捐血嗎??你要食鐵丸，會否唔夠血呀?!!
你呢個觀點都啱，以前的人家庭重擔大，人都比較成熟，要在社會謀生嘛...照你的理論推敲，社會"巨嬰"越多，代表個地方越富貴，人就越矜貴......
對呀，子女太過嬌生慣養，人生又無太大經歷，不知不覺他們都仲當自己係小孩子~~當然並不是個個也是如此，好睇個人的品格，或成長經歷!!!!!!!
要樣無樣，要身材無身材，老到巢皮，我呢類貨色塞唔落『火坑』，我好放心，入火爐化灰近啲。
刪除舊年尾衰過一次，係連續幾次隔75日捐血太密，生唔切血，血色素係一次低過一次，後來，隔開啲就過關。森哥斷食後瘦咗？都去免費驗吓，睇下得8hr食嘢有冇下降到吸收力？
出嚟做嘢畀人鬧下鬧下就醒 架喇！畀人話廢柴會反省，除非家底厚唔憂做。森哥仲有咩良方？
你唔好諗到太過灰，人生路漫長，無人能估計前面的路會遇見什麼...咁快就諗火爐化灰!!!
刪除其實都唔知成年人能隔多少日才可再捐血，不過你自己身體要緊，紅豆粥，葡萄乾，據講仲有青口(青口有鐵質，但我唔敢包係咪重金屬或水銀之類...哈哈哈)，都係幾好的補血食療!!!早前在佳佳超市有青口肉賣，質素唔錯兼價錢OK，但現在又好少見~~~~~
既然每日我可8小時內吃東西，就食多啲增肥食物!!!
話明家底雄厚，都費事出來打工受人氣!!!
漫長？年，世事難料？(健康/夠銀)老人盼長，不要頭未灰身先灰。
刪除森哥識條(調)鐵喎！叻呀！我有補都測驗肥佬，驚有暗病如腸癌失血，直至過骨才鬆口氣，捐血可定期知道健康狀況救人助己兩得益。
有人變瘦後就醫好膝關節炎，某磅數下係佢嘅健康平衡點，肥翻又病發。可能，森哥體脂率偏低才無發炎，平衡點比人低。有啲電子磅可量體脂率，唔使盲估估，揾到你嘅健康法門。
本來我好多事想再叫森哥唔好食翻肥，不過，都係阿賓叫狗愈叫愈走，因為森哥覺得我在擺佈你，我慳啲好喇！哈哈！
唔緊要啦，一爺一定夠銀兩過豪華生活...反觀赤貧的森伯才要擔心~~~~
刪除腸癌檢查政府都有支助，其實現在做什麼疾病化驗所應該好好搵，多人疾病意識強了，又怕有事，都會自費先去檢驗...我幾年前都是搵地方去check血糖，地點要就腳，但感覺有點求其，不過當時冇事就算...間中都有些驗身套餐，check晒咁多就要幾錢幾錢，但有醫生講過唔係樣樣都要check，除非幾高危...腸癌成日食肥膩食物，又煙又酒，加上常常便秘，咁就要去check check~~
唔係架，如果博友講得有意思都會聽從，不過對森伯來講，肥少少都大隻少少啦，太過瘦就好似營養不良!!!!
現今社會就係傾向思想幼稚化，有些人似乎不會用腦去想一想在我們身邊發生的事，最悲哀的是他們並不覺得自己的不足，反而覺得甚麼事都不懂、不管、不關心就是灑脫，好像生活在童年的"童真"。
回覆刪除的確身邊有很多這樣的人，每天發生的事就只會看表面，沒有用心去深究箇中因由，或是不聞不問，都懶得去想得更深入，漸漸人的思維也易變得幼稚化...
刪除不過，活在童真的人也有好處，煩惱都比較少些~~~
同意兩位的說法，不過成年人都有社會責任，對事物太過幼稚就會令到社會難以進步或缺乏動力。
刪除我都好同意你所講，你能講出這樣情況到最後，對社會的影響……但對現在人們都唔會諗得太多，正所謂：事不關己，己不勞心，幼稚化都沒什麼大問題！
刪除害怕跟「巨嬰」一起工作！
回覆刪除幸好，一同工作的人思想都比較成熟！
刪除哈哈，有童真有時都幾好丫！ (^▽^)
回覆刪除對呀，間唔中有童真係幾好，但時時都有童真feel，就大吉……😀
刪除現今社會真係多左好多「巨嬰」呀！
回覆刪除可能是社會風氣造成，成人外表，嬰孩思想...哈哈
刪除