如果近排有留意開新聞，都知一間陪伴不少港人生活的電視台，宣佈業績不理想需要裁減員工的消息，其實TVB是一間很有本地代表性的電視台，到目前為止我認為佢最煇煌的時期該是七、八十年代，踏入九十年代因為互聯網的開始，以睇電視作娛樂的人就開始少了...世事不斷在變，每樣事物也會一樣，可能隔一段時間，就需要作些改變......
有人認為TVB有太多外判工作，正式員工(幕後)唔願做，乜都求外判完成，本身一份糧，外判又一份量，唔蝕就出奇喇!!!!不知這是否真正的原因!!
其實到現時TVB仍是香港的大電視台，做任何節目都要保持一貫大台作風，所以感覺上有點保守，可能給後生觀眾認為老土，最主線的劇集，拍來拍去都係類似題材，了無新意...不過近來有個節目名為「有理說得清」播出的說話都幾明目張膽，不會就住就住，有些內容唔似能在TVB播出街的...算是突出!!
而最近呢幾年什麼都政治化，幸好TVB都盡量做到政治中立，可能不想流失任何一方的觀眾...
若果講到森伯的睇電視日子，應該係小朋友年代，反而人大了，電視劇都冇追好耐了~~現在大多數都只在晚飯前後才看TVB節目，勉強都可以說是以電視汁撈飯...哈哈哈
舊陣時我係電視汁撈飯，免費娛樂嘛！後來移情別戀網絡啦！因為內容更豐富，又唔使限時限刻，尺度更大。
回覆刪除森哥唔講我都唔知有呢個節目喎！ 近來有追 四十二章經、隱形戰隊 同 中年好聲音。
很多人有了網絡，基本上都少了電視這種娛樂，尤其現在手機上網年代，要睇什麼都可以，社交平台...就好似我們玩緊的BLOG，遊戲，時事評論等等...正如你講就算想睇一些即時新聞都可以，說話冇限制，不能像大台的TVB唔可以亂說話，始終都要顧及社會責任，也明白的!!!
刪除劇集真係冇睇冇追，中年好聲音都有睇，不過拖長來做.........
網絡神………通廣大，遇疑難、話我知，為我解決各式各樣問題，森哥都問唔少啦！電視媒介拍🐴難追，慘敗。
刪除電視係大眾廣播，怎樣也應該篩選過才能出街，都要顧及社會責任，但網絡上鍾意講乜就講乜，限制冇咁大...網絡最方便係搵資料!!!
刪除仲可以揾個三唔識七嘅人傾偈都得。
刪除啱啱喺網上睇到人哋短片，我覺得好啱聽。佢話：一直覺得自己唔夠學識，想睇好多、好多……書，睇唔夠令自己好焦慮，事實每年都推出好多書，不眠不休都睇唔晒，學海無涯，回頭是岸。喺莊子養生主中，：『吾生也有涯，而知也無涯，以有涯隨無涯，殆已！』用有限生命追求無限資訊就💩得啦！頓然令我釋懷，唔再焦慮。中庸之道，唔偏激，唔走極端，最好嘅養生舒適態度。古老東方智慧真係有佢嘅道理，中庸唔係平庸，偶有出色表現就過得自己個關啦！可以短短幾句寫成功之法係無可能，最重要知道人哋有咩錯誤，能不重轁覆轍，爆鑊💩得慘。
揾個三唔識七嘅人傾偈都得......你唔係想話嗰個三唔識七的人係森伯呀!!!!哈哈
刪除學習除了在書本之外，仲有很多途徑可以去學東西，其實每日生活都是一種學習，學做人，學做事，學知識...現在真係少之有少的人入書店買本書看了~~~
當然不會什麼都去學，對自己有用或有實際需要才去學習，不過認同你講法，如果一個人學習的事情比較多，真的冇咁易焦慮，有時焦慮的產生就是有太多的不定感，
和不安全感...如果識得多東西，都會減低焦慮心理!!!!
養生舒適就好睇你自己感覺，認為可以食得清淡，才能講養生吧!!森伯都唔敢講有冇咩出色表現，總之比預期中好少少都已經收貨!!!!包括對人對事和對自己~~~~
成功之道個個不同，冇得跟，冇得學...要自己慢慢探索出來!!!
每個初相識都係三唔識七架啦！(含森哥) 要有適量、唔要多嘅網絡社交生活。
刪除有啲追求上進、成功人士會硬性規定每月睇幾多本書架！ 我後生時睇書話係成功之一條件。
學咗無用就唔記得，好似大、中、小學忘記曬，上學浪費不少光陰。認同森哥話實用知識學習好重要。迎合AI兇兇來勢，要打破沿用好久課程框框，重新編輯過。
食係其中一樣，思想上都要養生呀！要識諗道理釋放心懷，包括同人互動嘅社交。
相信一爺是屬於大智若愚果類，通常形容三唔識七的意思是指閒雜人等...
刪除有時去書局都想買些書回來看，但未看過唔知有否得著，買錯了又要阻地方，張圖書証都好少再借書...現在都好少有真正的閒情拿起本書來看，做東做西又一日!!!
可能一爺仲有種文青feel，拿起本書嘆一杯午後咖啡，悠悠閒閒過一個下午!!!
算啦，大勢所趨...人工智能是避不過的，不過森伯有幸工作了一段長時間，遲下可能要提早退休，反而將來的新一代，也不知可以找什麼工作，樣樣職位都可以被AI取代...
道理釋放心懷，包括同人互動嘅社交......我仲以為一爺心如止水兼不吃人間煙火!!!!!
國歌有錯唔肯改正嘅谷哥講：係互不相識咁解，太妄自菲薄，就係妄想欺負症。
刪除感謝大忙人森哥撥冗賜覆，所以，我好用心留言。
我冇書緣，9成5刨書動機都係應付學業，呢個文青畫面只有喺理想中出現，恒常捐血人生唔飲啡茶，阻礙吸鐵。
我吃人…架！仲激到OMAD
播錯國歌事件不會單單是搜尋器公司出了什麼問題，背後可能有更大的力量操作……
刪除覆個留言唔需要太多時間，博友簡單的留言就易覆，好似一爺的留言，分分鐘成篇博士論文咁長，的確要花些精神同時間去覆，人家用心留言都唔想草草回答，在森博留言的博友，說話內容都有意思，都會用心睇！
個個讀書都係望將來有份好工，為捐血唔飲啡茶……你真係有無私奉獻的精神，對我來講兩樣都係間中飲……
森伯都會吃人……杏仁個仁！！😀
覺得Tvb的劇集新不如舊，新的一味打到落花流水，睇到眼都花，也太暴力。入夜之後越播越精彩，現在重播黃子華與佘詩曼的「絕代商驕」真是令人嘻哈絕倒，而劇情都在合情合理的情況下，出其制勝。有myTV Super, 不受時間限制，大把好戲看。剛在子夜播完10集的《Loving You 我愛你》，是鄧萃雯、吳啟華...等合演的好戲，在youtube 也可看到。
回覆刪除出奇制勝。原來在youtube只可看到《Loving You 我愛你》的劇情片斷介紹。
刪除很多人都有你所講的感覺，都聽過不少...可能到遲多一兩年後就會認為現在的劇集好看，現在深宵也是個黃金時段，因為頗多人晚上未必早睡!!!不過我就冇睇深宵劇...
刪除你有myTV Super就最好，聽講有很多舊劇可以看回，啱晒喜歡看舊劇的觀眾群...
《Loving You 我愛你》呢齣都算幾經典的愛情劇單元，以前都幾好收視...很多人認為一套劇，演員都相當重要，老戲骨除了為人所熟悉，而且可以欣賞他們的演技...現在很多時都用太多新演員，唔認識就會對套劇打晒折扣!!!
youtube睇劇集冇咩癮，通常都係片斷唔得完整......
刪除上youtube通常都是以聽取各家言論為主。
刪除其實我說「新不如舊」是比較籠統的意思，並不全面的。只是說某件事情的大比數，而不是全部。
舊劇不是全部都好看，新劇偶然也有好看的。 真是要看個別演員的演戲修為。《Loving You 我愛你》除了好戲的鄭萃雯，還有導演張同祖，戲劇大師鍾景輝的合演和指導，其他的演員不愁演不好。這套劇是生活和人性的探討。
「絕代商驕」是黃子華和佘詩曼合演，也是tvb為黃子華系列打造出來的劇本。
係啦，因為聽人評論最多東西可以接收到，不過內容是真還是吹水，就要自己再細心分析一下!!
刪除現在的電視內容可能唔係太新鮮，睇來睇去差不多，尤其一些近代劇集，動輒就拿起機關槍打打打，十分唔真實，自己本身寧願看一些較為寫實的劇情!!
現時睇電視主要都係新聞，同處境劇，或者旅遊飲食節目，純粹娛樂一下就可以了!!!!
你提到youtube都係聽取言論，不知秋葉睇開邊個youtuber評論呢?!!可能都有些會相同...哈哈
無線劇集以往收視好的，食開條水，以後就有差不多的橋段出現，由新進演員來做一次。例如發哥做過一齣追求仇人的女兒，成為女婿來作報復，以後就有幾個新進演員來做過。所以很多人都看厭了tvb的劇集。
刪除後來知道那些舊橋用濫了，編劇人都會另找門路。走去摷到各行各業的真實故事，加以整理，修改，就很適合我這些好奇的觀眾去看。
他們為了迎合喜歡武打劇的觀眾，又會編些拳打腳踢。開槍博火的戲。這個太刺激，我都不想看了。
網上言論各家各派，都有他們自己的立場，要找些言論中肯的，才可以多聽。譬如主持人時常罵大陸，但那人根本沒有多去接觸和研究大陸的人群，和社會現狀，就知道他有偏見了。
刪除那些在大陸和尾閣都有來往，甚至在尾閣住過一段長時間，他們的閱歷豐富，評論就會中肯。
森兄那麼英明，不愁找不到中肯的言論來聽吧。
那些喜歡掀起罵戰的主持人，罵人要罵得有道理，若是一味爆粗，就可知是江郎才盡，正是道理不通講陰騭(質)。
刪除所謂「兼聽則明」，所以樣樣都要去聽吓。
我去年都有聽屈穎妍在youtube上的言論，她說話義正詞嚴，言之有物。
刪除其實電視台天天都要播放劇集，一班編劇們都總有江郎才盡的時候，所以都會翻拍又翻拍，只是演員不同兼且改少少劇情又可以當一齣新劇播影...
刪除一有警匪片就槍林彈雨，極之不真實，真正的社會開一兩槍已經好得人驚，肯定新聞大賣，更何況幾百槍，仲要個個訓晒在地~~~真是只有拍戲才有!!!!
所以現在真的很少煲劇集，不論是港劇或是其他地方出的劇...
睇網台都視乎他們的說話係"堅"定"流"，有些人什麼都鬧一餐冇內容，不過網台更加現實，好聽就繼續聽，不想聽都已經冇再聽...
刪除當然會睇他們起的標題是什麼，有些標題起得很好，見標題便點入去聽，是否好聽都未必，總之就可計一個點擊率......
相信自一九年後，有很多位youtuber都因此而為人所熟悉，屈穎妍是其中一個得益者~~~她不會太多無謂說話，比較簡單直接，她的話題好似說不完，時時都有得講!!!
在19年風頭火勢，屈未曾出道。當時敢站出來開講的人，有些都說：出街怕會受到襲擊 ! 他們這點勇氣真不簡單。
刪除至於屈穎妍開講應不是為名為利，確是有一種使命感。因為關係到她的家人。
人長大了，都未必喜歡看婆婆媽媽的劇集，這個我理解。
舍下長開電視不過是找點聲音相伴，若是留心去看時，一不喜歡的就會轉台。
19年後真的造就了很多評論政治議題的youtuber，有政黨背景當然出來講，甚至有些不是搞政治工作的也出來講!!!未有一九年，屈穎妍本身也寫了很多關於中國的書，相信都做定很多資料搜集，又碰著一九年事件，順理成章就做些網台節目，之後就為人熟悉...相信有了知名度後，才會有個大台的節目講下時事!!
刪除可能個人唔想花太多時間來追劇，除非這齣劇很特別...的確有很多人喜歡長開電視機，志在有些"聲氣"，不過如果生活壓力大我寧願靜靜地......
一個人其實很自由，喜歡怎麼樣生活都可以。不過開門七件事，家務瑣碎而繁忙。
刪除有句說話講，隨遇而安，無論生活遇到什麼情況，都可以搵到一份寫意自在的心境已算不錯……
刪除對！家務事雖冇約束性，但要做起來都幾繁多！
電視台的黃金歲月已經一去不復返了，這不單只香港，全世界如是。現在我極少看劇集及娛樂節目，主要是看新聞及資訊性節目，例如你所提及的"有理說得清"，不過電視的資訊非常有限，要擴闊視野，接收更多資訊，還是靠上網。
回覆刪除因為互聯網絡的興起，相信也是全世界的普遍現狀，除非一些較落後的地方，所以現在電視台也要參予很多與電子網絡有關的事項，務求與時並進，找多一個生存空間...
刪除無論新聞或資訊，電視都只是蜻蜓點水式，帶過就算...想深入聽得更多，都係靠網上資訊，真係絕對同意~~
我喺香港時都已經少睇佢。
回覆刪除現在的人少了看電視也是普遍現狀~~~~
刪除最近我睇「下流上車族」很滿意，每集無冷場。其實我多年來都很少睇TVB劇集，因為「下流上車族」有口碑。
回覆刪除哈哈，你提到呢套劇我半集也未睇過...人大了對追劇真的少了興趣，自己會看的節目，通常都是娛樂性較多的~~~
刪除懷念以前睇電視的時光。
回覆刪除生活上的確有很多事情是值得懷念的......
刪除遇到喜歡的節目，我是會追看的。
回覆刪除對我來講，真的要看套劇的內容是什麼才會看...
刪除