在社會上，你去稱呼男士就相當簡單，一句先生就可以，不論多少年紀...相對女士就可能要考究一下，現在大家都醒目，不論個女士什麼年齡層都一律叫乜乜小姐，森諗：唔係呀!!!都幾廿歲仲已經結了婚都可以稱呼為小姐，若然正確而論，所稱的小姐是指未婚女士，都有一定年齡界定，若果是後生女生，當然會稱呼為小姐，但如果是中年女性，我會認為叫女士就最好，因為不會分她的年齡層!!而且聽起來也沒有太大問題...
而另一稱呼上，就有年齡層劃分，例如男性由細到大的稱呼就有：先是弟弟>跟住哥哥>阿生>阿叔>阿伯~~女性就有：先是妹妹>姐姐>阿姐>阿姨>阿婆~~
這些都是港式稱呼!!不知外國人有沒有那麼多年齡階段的稱呼!!
我好隨和，你想點就點啦！最緊要佢開心。好似森哥年齡係細過我，我都好開心叫你阿哥啦！
回覆刪除一般口頭叫英文名，書信用先生/女士。
都係架，有時明明見佢一把年紀都會叫後生佢，畀人感覺好啲！
刪除叫阿哥，現在都有很多人咁叫，都冇所謂……我自己都稱為阿伯啦～～
叫「亞哥」最穩陣。至於女性，除非真係老態龍鍾，否則都是叫「亞姐組」。
刪除哈哈，香港連稱呼都真係一個百花齊放的地方。
回覆刪除簡單的稱呼都可以有好多種叫法...幾有趣!!!!
刪除小販對人的稱呼是看心情的，都在乎客人買與不買之間。
回覆刪除也有身份投射，年青男女多稱呼別人是：先生、小姐。(或阿姨)
對呀，看看他是怎樣心情，我覺得佢都係睇吓個客人什麼年紀才敢稱呼...
刪除一般都係前面加個靚字，搏個客人聽到都開心啲即刻來幫襯!!!!
以前行過女人街，見到有女檔主因為個客人睇完唔買，等那個女客人行咗去不久，立刻細聲罵道：「八婆」 !
刪除後來，有一個女檔主見兩個女客人看完拿下，無聲走了不遠，那個女檔主大大聲呼叫道：「阿婆，你哋來混吉呀 ? 」
我見嗰兩個女人不過係40多歲吧了，已經升格做阿婆啦。
更正：「看完 “放” 下。」
刪除什麼稱呼也好，無須介懷。認真就輸了。香港不同大陸，一直是跟從西方法律，小姐是尊稱未婚女性，及已離婚、或單身的女性。不論未婚已婚，都可以稱為女士。
國內的大都會，「小姐」只是舞小姐的代名詞，其他的職業女性，都叫「小王」「小張」...吧。
哈哈，八公八婆都係稱呼，檔主冇品，有時未必個個檔主都賣口乖……很多人唔順佢意的時候，叫阿婆已經好，有啲連問候娘親的說話也會講！
刪除你講得啱，幾時心態都要放下，怎樣稱呼其實都唔需要太過介懷！！
原來小姐在國內的稱呼又是另一種意思……唔同地方對人的稱呼都要注意！
刪除發覺國內無論是男或是女，一般都喜歡稱小乜小物，例如小黃，小陳……減少很多在稱呼上的麻煩！！
已有孫子孫女，我就是一個典型的阿婆啦。
回覆刪除好多時都係在乎心態上的年紀，就算有孫仔孫女，都可以畀人感覺很年輕...
刪除花花世界真好看。多年前在輕鐵車廂上，有班男女學生在互相取笑，女學生叫班男生做「公公」；男生紛紛叫幾個女生做「慈禧太后」、「阿婆」。 哈哈 ! 真精彩。
刪除有時看人家鬥咀都幾好笑，尤其是學生哥們，兒時無忌……
刪除當人漸漸成熟，講話也會小心謹慎得多，尤其在公眾場合！
哈，現在老嫩多數叫靚女！😅
回覆刪除費事厚此薄彼，一律叫靚女，只是一聲又唔會有咩損失......
刪除我留意到而家好少人叫女性為"小姐"，因為會引起某些人不滿，"小姐"有舞小姐的含意。而家如果係普羅階層，多數叫靚女，高檔啲或者斯文啲會叫Miss
回覆刪除有時對些不太熟而且又要有禮貌都會稱女士為乜小姐，現在多了，無論什麼年紀...
刪除叫靚女多數是不太熟，比較草根的稱呼方法...再睇睇果位女士係唔係靚女呢，有時都未必~~~哈哈哈
Super blog
回覆刪除Please read my post
回覆刪除我最討厭係亂叫人「靚仔」、「靚女」！
回覆刪除通常講的人以為個個都鍾意聽，而且稱呼一句對佢又冇咩損失...哈哈
刪除