一晃眼已經幾年了，對於現時的復常情況，大家又點睇?!!口罩令就是防疫最後的一項措施，都由上星期開始取消了，可以講是大致上取消，很多地方都沒有限制戴了...有些人可能覺得鬆綁了，見到街上都多了人不戴口罩，相信會漸漸多起來。我都係視乎情況而定...
這幾年在疫情間，每日都要聽新聞，留意幾多人感染、早期還要所謂的在家工作、每日都要用視訊溝通...至於自己就耐唔耐睇下防疫用品夠唔夠，將近冇的話又要去補貨，大多數係口罩同搓手液，反而檢測包暫時都未買過...工作枱旁都有樽搓手液，可能成了習慣，若果臨時冇水洗手，都可以用佢頂住先，可能呢個以後都會繼續用!!
至於講到口罩，相信都有人囤積不少...自己都一定要預留一些，記得在疫情初期，所謂一罩難求的苦況，仍歷歷在目，因為唔知幾時再需要......目測街上不戴口罩的人群，感覺上男士女士都差不多，初時會認為男士居多，但仍有很多女士們會不戴...不過從此後，男士出門前都要刮淨鬍鬚(需要的話)，而據講女士都要化番粧，因為冇左塊遮醜布，原來個口罩都有另一功用...哈哈還有在疫情期間認識的人，一直都以口罩示人，如今終於現真身(樣)，俗語有話："醜婦終需見家翁"!!真的相當貼切~~~~XXXD
始終世事難料，突然要戴返都唔奇，現存的口罩每個都有獨立包裝，擺些防潮劑都可以擺得好好，話唔定趁低吸納再買多包~~~~
過去朋友也做了多款布口罩，現在病毒不太猖獗的時候也大派用場。
回覆刪除好多人通常話唔駛戴口罩，就戴都唔會戴，就算布口罩也是...即使唔係新冠，患上傷風感冒都可以繼續戴!!!
刪除口罩令解除，目測仍然有八成人戴口罩，家裡存了口罩存貨以作將來有天突然又要用﹗
回覆刪除差唔多喇，可能港人一般都較蛇龜，如果要徹徹底底唔戴口罩，都起碼一兩個月之後...
刪除相信你講的八成人，森伯是其中一個，外出暫時都會戴......
口罩造就咗個流星豬肉威，難能可貴嘅經驗。證明遮掩更靚，產生錯覺，唔怪得係某國女子傳統服飾。
回覆刪除大陸最先進5G+AI 自動化碼頭，貨櫃操員唔使再擒上好高機頭，長時間留喺上面…解決、食飯……，舒適地安坐寫字樓好似打機咁做嘢，高效率一人控制幾台機，科技提供優質工作環境去吸納年青人，呢類都可居家工作架。
未來，居家工作係大趨勢。無咗上落班大塞車/迫車，減少道路使用同廢氣排放，慳咗搭車時間同交通費，自己煮健康餐，便服上班又慳一筆，仲可照顧子女/長者，距離公司十萬八千里都得，咁可以揀平樓住…真係好多優點。森哥對一嘗『回到未來』有咩滋味？
豬肉威威畀人感覺都係成也口罩，敗也口罩...相信真的喜歡一個人，並不會在於一個口罩...証明迷他的師奶粉絲們實在太膚淺~~~~~~~~~
刪除其實你有冇諗過，未來的高科技要的是一些高科技的專業人員來負責操控，將來半桶水的人就業可能就被AI取替，也就是代表將來的人冇對的職位，更難找實體工作......街上冇人，服務性行業就減少，頂多最好生意是做網上買賣，因為在家的時間多了，網上購物就可能更多!!!
服裝費對森伯來講幾時都慳番一大筆，買一件合意的衫，起碼都著好幾年啦!!!!
森哥對一嘗『回到未來』有咩滋味？........咩叫回到未來滋味?!!...你講時光穿梭旅程?!!
有次閑談，個內地高傲女同事踩國內男星靠個樣揾食好膚淺，我窒佢呢個係迎合市場需求，因有更加多嘅膚淺女粉絲追男星，計男/女數目多少，係女人更膚淺呢！
刪除森哥帶出一個迫切重要題目，需大力研究人類喺AI下角色會係點？我覺得AI共存下 共產計劃經濟或酋長國方式 比西方民主自由更可取。現代啲人唔願生仔造成老人國問題，AI加機械正好填補呢個缺口，人口紅利會係拖累，AI新社會唔需要太多人類。到時，人類兩極化，一係好有錢有頭腦，一係好窮低下層。有超福利社會畀下層人活得好啲。衍生修改基因嘅優生學。上層人類活到1000歲。……
唔知近期流行嘅AI叫ChatGPT有咩答案呢？
居家工作=『回到未來』。
若然可以靠樣搵食，相信很多人都唔介意，唔好話國內，本港都有好多靠樣搵食的藝人，隨口都數到很多！憑靚樣去話喜歡一個人，十分唔理智，樣時時變，除左個口罩就變唔喜歡，比化學堂仲更加化學……
刪除世事不斷改變，今日不知明天事，活好當下就算！
AI智能好神奇，不過最後也要靠人執一執，隨機應變也是人類的本能，也是優勝之處……
靠樣咁點都唔及做二世祖 靠父蔭，不過，要識投胎。
刪除復常要派錢谷消費，森哥四月又可揮霍扶經濟，齊齊開心。
森伯又唔係靠樣(係冇得靠樣!!!)，又唔識靠父蔭...但窮困得來充實而知足~~~
刪除揮霍兩個字只有在一爺的字典中出現，森伯只能用消費券幫補生計，每餐都可以買多些少豆腐、雞蛋...頂多買多個菠蘿包充饑~~~~><
唔識靠父蔭意思：即係有家底，但森哥有骨氣唔靠。叻仔森哥靠自己實力揾到錢都馨香啲，洗錢有自主權更開心，講起嘢黎都大聲啲。
刪除疫後復常邊及中國復興之路咁艱辛漫長，都係靠同森哥一樣講求實力嘅千千萬萬中國人才 ，滴水成河，如黃河之水千軍萬馬向前衝，某蠢國搬大石擋路都能繞過而行。
扮天使愛拉一派打一派，挑起國家民族宗教仇恨戰亂，從中獲利。反其地而行嘅，被黑成邪惡嘅，充當沙伊和平使者，好嘢會複製，並擴張世界每個角落，唔怪得構成某國安全隱患，心中無哂獲利嘅安全感，再無立足之地。
我學到聰明森哥用喺十大健康廉價食品(豆腐/ 雞蛋)上。一次買6嚿放冰格可長時間保存，蛋都一排排30隻咁買，我好揮霍。麵包無食幾年。
一爺真係識抬舉，森伯窮等人家，用個錢都要度住度住，慳住慳住，就住就住...咁都叫有家底!!!!!!真係唔知一爺攞咩準則...
刪除一爺如果肯到中國發展，相信也是國家的一分力量...
家陣政局影響時局，我們只是小小蟻民，每日食完就訓，訓完就食，過到生活就算!!!國家大事不能理，捧著一種隨遇而安的森態去看待~
近來某國間銀行出現問題，一爺有冇大量存款在內呢?!!通常啲富豪，身家存放在世界任何一個地方，要注意下!!!
真係好揮霍喎!!!一次買六舊放冰格...又買三十隻蛋...畀著森伯啲窮鬼咁做，肯定畀人話"豪花"兩字形容~~~~~~~~~
點解唔食麵包呢?!我總覺得現今的營養專家帶一種風向，就是食麵粉，米飯統統都係邪惡，搞到好多人唔敢食...
麵包，米飯我都仍有食，不過唔過量，今早才聽個專家教人用舉水樽的方法去燃燒身體醣份~~~~
某國幕後操手係軍工複合體，懼怕和平無得賣武器，而一帶一路愈和平愈賺錢，世界好大都容不下兩個對立國。有說：沙伊協議標誌住某國衰落。
刪除拉闊幾千年，大多數時間中國領先全世界，復興回首位，都算係 復常。
強國叫佢唔好暴力印銀紙、發癲加關稅、不道德升息抗通漲，累己害人，會攪冧人哋經濟，依家自作孽，寃旺咗間好穩健銀行，只買低息安全美債，各國爭相賣美債避險，佢賣唔出去周轉就擠提。民選一堆傻瓜領導，不懂治國亂搞一通。
今次佢啱喎！碳水化合物係會召喚胰島素，將血中醣份化成脂肪貯存體內。
麵包食咗得陣風要多食，換算翻貴咗，加工食物唔知執邊劑，營養成份唔高，有咩優點？
我唔係生酮飲食，仲有食糙米、燕麥，每周一日食吓粉麵啦！
咁你跟個傻瓜舉啦！
隨著時間的過去，很多事情也不攻自破，明眼人始終會看得到...看來一爺對某國仇怨幾深，日日都要在森博大講突講，又唔見你在其他博友發表這些偉論...哈哈哈
刪除呢個世界什麼事也是互相影響，當你見到它有問題，你未必會重蹈覆轍，唯有做得更好...況且中國人好喜歡引經據典，你唔記得有本孫子兵法嘛!!!
碳水又是否真的得人驚?!我只限制吸收，年紀越大都唔敢攝取過量...好認同你所講的風製麵包，所以我已習慣自家製糕點，原材料可由自己控制份量，落乜都得，整出來的糕雖然比較實淨，但絕不是一陣風，糕身會回彈...咁先係真材實料!!!
有時就係人人都怕食澱粉質，這樣肌肉無能量燃燒，老人家最緊要係要有肌肉行走活動，否則就腳仔軟軟......
我唔需要膠水樽，反而有對啞鈴仔(買咗好耐)，記得都會舉吓!!!
佢成日搬弄是非，激到我不吐不快。唔知點解淨係想同森哥傾？
刪除醣份引致森哥最怕嘅發炎，一般蔬菜、瓜、水果、果仁 、牛奶、豆制品都含醣，走唔甩。森哥無事可多食。
我成日都諗住買啞鈴，不過，又怕封塵。一般買幾多磅？
有時明知佢哋係搬弄是非，只要時間一過，大家都清楚晒！
刪除森伯只是近幾年才有留意時事咋……
大自然最容易得到的營養素係醣份，証明醣份對人好重要！
其實無論食咩都不能過量，實行大自然飲食，多數奉行生機飲食……
冇留意自己個啞鈴幾多磅，總之小型那種，太大啞鈴舉舉吓會勞損之後又係放低封塵！現在有些膠啞鈴是入水，可以甄應返自己的能力！
雖然政府解除口罩令，但我並未放棄戴口罩，每次出街必戴，或者三兩個月後再檢討吧！
回覆刪除係呀，相信我外出時也會戴上口罩多一段時間，再看看有否反彈情況……
刪除真係要睇定啲先，當疫情風平浪靜，出街不戴才安心些。
回覆刪除口罩幾時都有用。
記得自從03年沙士平息之後，多年來，我每逢乘搭公共車輛，都定必先戴上口罩。 見過有些乘客張大嘴巴打呵欠、打噴嚏，咳嗽時不掩口鼻，難免口沫橫飛。 在繁忙時段，聚在身邊的汗臭味，也很難頂。
無論如何，一到下車，當時我就立刻把口罩扔進垃圾桶裡去。
係呀，剛剛放寛都唔敢太過"大解放"，都係適當時候做適當的事就最穩陣~~~
刪除而事實當前個個人都似是患過新冠，暫時群眾都有一定的免疫力卦!!!
多年來，我每逢乘搭公共車輛，都定必先戴上口罩>>>>>>>>真架?!!即是未有新冠前你都有戴口罩的習慣，現今世代流行病肆虐，做下個人衛生都需要......
在公車上有很多人都難以避免，如果真的很怕就唯有自己戴好口罩，不過夏天將到，到時或會有很多人不願戴口罩...
哈哈哈，秋葉真的很衛生...雖然現在已經解除口罩令，但自己仍備有少量口罩應急!!!!
現在出街都有帶口罩，過一排睇下情況才考慮帶唔帶。
回覆刪除係呀，我都一樣...遲吓當情況穩定下來時，就唔需要再戴口罩~~~~
刪除