如果大家冇好似森伯伯咁間歇性腦退化的話，應該重記得不久前的「 黑人的命也是命 」Black Lives Matter，當時鬧得熱哄哄，森裡都估到爭在遲定早，實搞到華亞裔人，大多數亞洲人都是黃皮膚，在外國人的眼中都當為華人、唐人...近排外國接連發生多宗白人襲擊華人或者亞裔人個案，都有發生命案，所以引起大眾極度關注~~
其實外國人歧視華人的事件一向以來都存在，以前曾經有句說話從長輩口中所聽，中國人與狗不得內進~~憑這句說話，都已經感受到外國人對華人的一種歧視，甚至敵視...當然不能一竹桿打一船人，不過住在外國的中國人，好輕易都曾經遇過唔同程度的歧視經歷~~~~
無論聲音有多大，你有你嘈，我有我依然照舊，就好似早前的黑人的命也是命，到最後聲音都越來越小，至於中國人、亞裔人被歧視事件，最終都可能不了了之，想反抗也抗不到什麼...
一向以來華人的性格好聽就話內斂，查實就怕事，畀人欺侮一般都會啞忍要面子唔敢出聲，人在外地更加唔敢大聲疾呼，形成了被欺侮、被歧視的對象!!
一般稱為「金叵籮」是指最疼錫，在你眼中最矜貴的人，大都是指初生子女或孫仔孫女，或者人生中總會有些人你會當他們如珠如寶...
查實「金叵籮」的原意是酒杯，出自古詩!!
真實的「金叵籮」只能是可遇不可求……雖矜貴但都畀森伯伯遇到好幾個...金菠蘿~~~乜菠蘿都有分金定唔金，第一次聽!!!
不過都唔貴，廿令蚊就有交易...喜歡吃菠蘿的朋友可以試試，只是森伯大鄉里，可能大家都已經食過~~~
近排台灣的菠蘿都成為政治炒作，外銷變內銷台民話可以哽晒咁多菠蘿，仲講笑說一日可以三餐食菠蘿...哈哈
長輩們都話菠蘿唔可以多食，怕濕熱，但日日食就算冇濕熱，都恐怕胃酸過多喇~~
森伯一向都好少食鮮菠蘿，只因怕太酸，罐頭菠蘿較甜都間中食，不過就適可而止~~
因為有些事，需要聯絡同事們班whatsapp群，而且有新加...在此發現到幾有趣，雖然這類聯絡社交帳號係個人的，但很多頭像照都是以物品代替，群組當中都沒有人用親身照，問題就是有whatsapp來，就一定要看回之前的留言訊息才知邊位發送，有時又要新增聯絡人，送出後又唔知有冇錯，有親身照應該就包冇錯~~
森伯自已雖然都冇用親身照，是用漫畫化的自己作頭像，但起碼我send畀人，人家都會知道，我認為這樣會較好，唔知各位Blog友，你們在這類社交或聯繫平台，多數會用什麼作頭像相呢?!!唔敢放真身照又是什麼原因呢?!!都想知知...
諗諗下都要摷返張屬於自己靚靚仔仔的照片出來，作個人帳號的頭像相，不過搵足大半日都搵唔到~~~><
其實過年都不外乎食食懶懶，不過大時大節都預了食得多，當然唔介意，尤其早陣子更覺得自己需要食多點，所以食多都唔怕~~
過年時節糕點都少不了，眾多的糕點中馬蹄糕都係首選......
今年逗的利是雖然少了，但利是最主要是著重意頭，多少並不是重點~~有時見到設計精美的利是封都會把它收藏起來，不過就唔多~~
至於買利是封都會趁過年買，比較多款式，自己姓氏是首選不過今年冇周圍搵，通常有需要時用得著~~
事先聲明，森伯伯唔係心虛，只不過逗得利是多都要作番少少回禮...哈哈哈
幸好超市選擇多，行一轉就可以買齊晒，唯獨最麻煩好多都太甜一唔係就唔多健康，事關佢地仲腌尖咀刁過森伯...
呢排的疫情都係反反覆覆，相信今個農曆年都要平平靜靜渡過，仍然要戴住口罩做人~~
近來口罩都係一種暢銷物品，好難得人人都需要，相信商家唔會錯過呢個搵錢機會，口罩的款式越出越多，見過最好笑的款式應該係袁專家的鴨咀口罩，唔係個個人接受到戴出街，太花的口罩自己都未必會戴，當然喇，普通外科口罩都戴到悶悶地，有日見到呢款口罩，又覺得唔錯，花款得來又唔會太誇......
顏色都似係牛仔布，一盒內有三個款式，雖然佢標示是防花粉口罩，但森伯通常都Double戴，都冇乜問題，戴了都OK，總算是平淡之中又有少少新花款，有疫情以來呢盒都算我第一次買的口罩..
