有時未有預備早餐，就可以食些饅頭，其實我認為饅頭係一種幾唔錯的粗糧，用料簡單...麵粉，水和少少油和少少鹽糖，幾合乎現代人的健康飲食原則~~
一般的西餅麵包，最怕係酥油和糖，相對饅頭較為健康~~如果自己冇整饅頭，就多數會買，需要食時就拿出來蒸蒸就可以，相當方便，而且饅頭的用料唔多，變壞的機會不大，連同包裝袋放入雪櫃內可以擺幾個星期都冇問題...
麥饅頭比白饅頭有麥香，吃起來都較可口，以前唔太多地方有饅頭買，現在要買來吃都好容易，最簡單超市都可以買到~~基本上饅頭蒸熱都好好食，如果嫌太齋口，可以搽些花生醬，芝麻醬都好適合好夾，而且買定隨時話食就可以食!!!
乜唔自家製？
回覆刪除遲吓一定有自家製饅頭睇...
刪除夾沙甸魚。
回覆刪除魚夾饅頭好似怪怪哋...
刪除饅頭、麵包、森哥一樣係順德人，隨和到咩嘢都夾得一餐。
刪除我個人咁岩巉，森哥都能相處，換咗其他人，早就不歡而散(有事實依據)。森哥 為人好 nice 。
咩都夾得一餐......都唔係，起碼唔夾沙甸魚，可能未食過，食過都可能鍾意~~~
刪除我覺得未必人家都好似自己所想像中的人，人性總有出入，有這種諗法心態自然會自在些~~~
點解唔夾？做事要突破框框限制，創新思維。
刪除當歐美列強囤積疫苗為自己國民施打，喺呢段疫苗緊絀時期，中國係世界上唯一外輸疫苗嘅國家，反向而行，共享資源，仲畀美國唱衰為疫苗外交，西方又話尊重人權，一點人性都冇，毫無道德，極之醜陋。[即係:未必人家都好似自己所想像中的人，人性總有出入，有這種諗法心態自然會自在些]
突破框框...森老伯冇一爺兄咁有創新思維，唔喜歡就無謂迫自己勉強夾~~~~
刪除經過這段時間，會畀人睇得好清楚外國人的種種咀臉，如果仍相信外國這一套的人，我都冇話可說，的而且確仲有人係執迷不悟......
現在鬧哄哄講疫苗，疫苗就好似是唯一救星，多時以來反而好少聽到有冇咩特效的醫治方法?!!...每日聽新聞只報幾多人確診，幾多人死亡，但冇乜聽到有幾多人好返又係點可以康復過來呢?!!唔多聽到...
我想將普通饅頭 用破框 轉換到 中美政治 話題。中國唔畀全民先打疫苗反而外送照顧他國都係破框表現，對比起歐盟實施疫苗出口管制，加拿大4千萬人囤積4億劑疫苗，中國好有人性，有領袖之風。
刪除昨天中美又開會，開場白充滿火藥味，美國又嗆中國港、台、新疆人權問題，從疫苗上美國都冇尊重其它窮國人民嘅生存權利，仲喺度擺一哥款妄想領導他國，從疫苗控制效果，反影美國處理失當，以前，盲目跟從美國做法就係最好，已經唔係呢回事。跟大佬一係佢處事方法好好，一係佢好多著數畀你，又冇分享疫苗喎！呢啲都係令人臣服你。依家呢個美國大佬只係蝦蝦霸霸，欺壓他國強迫屈服。
以前，美國就係最先進國家，係新科技起源，現在，中國新科技已經喺某些領域超前，地球霸主係要最先進架。
民主制度變成二黨之爭癱瘓國家進步，選個不合格總統，投票英國脫歐行條衰路，令我質疑最好制度未必係民主制度，呢個係美國最倡議嘅價值觀，又唔太正確。
美弱中強已係不爭事實，希望有個電視節目講呢方面話題，因對世界影響深遠，同我哋息息相關。
一爺兄真係見多識廣，講咩話題都得，唔想講森伯啲普通饅頭，講下中美政治話題又得，上至天聞，下至地理，講乜都頭頭是道...
刪除研發新冠疫苗好短時間就要趕住面世，疫苗有什麼不良反應根本都未有時間去做太多測試，所以我都唔敢話好定唔好，其實我都好佩服第一批打疫苗的人們，面對艱難時期，什麼事情都變得大無畏...
今次中美開會，啱晒班花生友，正路諗都應該充滿火藥味，借呢個會大家都要將忍了好耐的怒火發出來~~
自從侵侵做了總統，某國的狀況都大不如前，你講得十分對，以前好多國家都會睇住某國頭，佢做什麼都是對的，
什麼事都會跟她頭，現在卻不是了...中美鬥爭先開始，來的可能更多，放長眼睛睇睇會發生什麼~~
其實某國驚定先，論科技發展，鍾國仍要努力發展，不過鍾國首先要做，希望大部份的人民先脫貧，人人有飯食先有精神氣力做好其他，講起扶貧，森伯都好想畀佢扶一扶~~~><
某國要針對一個國家，都不外乎兩個借口，一係就話你有大型殺傷武器，一係話你冇自由民主...
聽慣了都沒當一回事~~
關於政治方面，香港的電視台好少觸碰政治議題，好難看到呢類電視節目，唯有看一些網上視頻，有大把你聽!!!
要我用饅頭為題作文千字， 𢲷甩頭都冇¼，只有大文豪魯迅才能駕馭寫出人血饅頭咁精彩，咁有森度，見我上面留言咁簡短就知我無料到啦！森哥要體諒我能力有限，唔係唔尊敬森哥，更有興趣講中美時事熱話，當今咁沙膽罵美國只有上一代二佬俄國，同被佢經濟制裁得好慘嘅小國。日前見80年代世界第一嘅日本奸(菅)首相向美國防長次級官員鞠躬致敬咁卑微。
刪除當然，中國咁有底氣，係喺拜登未上任時已同東南亞簽RCEP，仲有趕住喺年底前同歐盟簽BIT，非洲由佢喺同中國都係最窮困時互相扶持嘅深遠兄弟，只剩南、北美洲同走狗澳洲，日本、印度係陽奉陰違，迫住站喺美國邊，私下同中國搞經濟。
咁啱開會當日，拍到美國總統登機時喺條長樓梯跌了三吓，同戴卓爾夫人傾香港基本法時跌咗一交一樣，好似話畀人聽美國跟英國一樣日漸衰落。
商人已經用Tiger楊罵美國嘅金句做T-shirt販賣。
以前同美國相安無事係因為幫佢生產只賺產利潤嘅3%又對環境汙染嘅低廉產品，美國佬 翹埋手坐享97%利潤，等佢國民可以用買到超平貨物，生活質素好好。生產呢啲低廉產品要轉畀別國，中國要另覓生路 - 高科技。
我反而覺得係發展科技急切行頭，因為只有新科技才可賺取最豐厚利潤，到時才有錢扶貧。喺賣軍備、送人造衛星上太空、北斗導航、高鐵、核電、水力發電、築橋修路時嘗到甜頭，呢條路走啱咗。當然，中國人力足夠發展新科技同扶貧一齊做啦！
5G AI 機械人 大數據等都係未來十年必需科技，從專利數量，中國已領先世界，即係未來十年中國發展係第一。研究中嘅量子電腦、核聚變發電等都係強國戰略性科技都走喺世界前列。
covid-19係對國家能力大考，中國好精準咁投放咗2兆[人仔]穩住咗14億人口嘅經濟，而美國用4兆[美金]，其中2兆係派糖畀2億國民，美國暫時都未穩得住，可見國力強弱，由其是國家元首習、侵嘅高低立見。
係呀！我睇台灣同大陸嘅網上資訊，會有偏頗，想睇多啲立場唔同嘅地區制作，會令我對事情有更中肯判斷。
嘩...又係千字文~~~~覆得少又話森伯伯唔尊重博友的留言，覆得多又好似罰抄咁!!!!XXD
刪除你唔算冇料到，反而目不識丁的森伯怕露出條...狐狸尾巴出來，畀人知道原來冇咩墨水~~~~~
打blog跟覆留言一樣，日子有功就可以好快打出要講的說話，一個簡單的題目，都可以看圖諗字，打出一篇千字文的blog，都算唔簡單!!!
森伯唔識政治，本身對政治議題的興趣亦不大，只憑睇唔過眼要出聲才發表下個人己見，講到九唔搭八就要多多包涵...
身為一國的領導人跌一跌或者失足都幾唔老嚟，所以一舉手一投足都要加倍小心~~
高科技只是其中一樣要發展的東西...其實中國之大仲有很多方面都要有正面和好的發展才最為重要...很多人只將科技視為最重要的地方，反而舊有的傳統特色都應該好好發揚一下，例如藝術與文化方面，這個才有自家的特色...聽講大陸已經乜都電子化，呢樣對一個國家的先進程度好重要，能靠科技改善人民生活就最理想!!
做領導人唔係話係就係，正常來講都要有策略、有計謀、又要夠膽，所謂有勇有謀!!!
想睇多啲立場唔同嘅地區制作，會令我對事情有更中肯判斷.......講到好似要做個時事評論員咁款!!根本個個睇視頻，都係揀自己同聲同氣想睇嗰啲~~
而家既饅頭都好多口味選擇啊!
回覆刪除對呀，不過我多數選擇麥饅頭，味道好些~~
刪除買現成饅頭，要看清楚包裝袋上的說明，如寫明有太多的 E1X3 E4X6的各種數字，即是含有各種化學劑的成份，則多吃無益。
回覆刪除其實饅頭製作村料不多，要用的添加劑也不多，每次買食品時都會睇睇營養標籤和成份，大多數饅頭都係乾身，所以放在雪櫃內可以放一段時間...
刪除其實越簡單越好，但現代人貪方便快捷，食物添加已經番不到轉頭，就算麵粉也經過漂白了！
回覆刪除對呀，稍稍的食品添加劑都避也避不到，就算自己整，發粉也要用少許...所以很少買白饅頭，麥饅頭比較接近粗糧~~
刪除我鍾意食白饅頭多啲，可能細細個習慣咗……
回覆刪除有時食慣了便不會改，白饅頭我嫌太過冇味，搽些醬或煉奶較易入口~~~
刪除