如果大家冇好似森伯伯咁間歇性腦退化的話，應該重記得不久前的「 黑人的命也是命 」Black Lives Matter，當時鬧得熱哄哄，森裡都估到爭在遲定早，實搞到華亞裔人，大多數亞洲人都是黃皮膚，在外國人的眼中都當為華人、唐人...近排外國接連發生多宗白人襲擊華人或者亞裔人個案，都有發生命案，所以引起大眾極度關注~~
其實外國人歧視華人的事件一向以來都存在，以前曾經有句說話從長輩口中所聽，中國人與狗不得內進~~憑這句說話，都已經感受到外國人對華人的一種歧視，甚至敵視...當然不能一竹桿打一船人，不過住在外國的中國人，好輕易都曾經遇過唔同程度的歧視經歷~~~~
無論聲音有多大，你有你嘈，我有我依然照舊，就好似早前的黑人的命也是命，到最後聲音都越來越小，至於中國人、亞裔人被歧視事件，最終都可能不了了之，想反抗也抗不到什麼...
一向以來華人的性格好聽就話內斂，查實就怕事，畀人欺侮一般都會啞忍要面子唔敢出聲，人在外地更加唔敢大聲疾呼，形成了被欺侮、被歧視的對象!!
歧視邊度道有。
回覆刪除有次見工，嗰個老細公然喺我面前拎住一份黑人嘅CV同佢同事講黑人唔請。
呢度CV一定要有相。
刪除歧視真係度度都有，在乎程度多少...
刪除黑人唔請，咁真係有歧視存在，唔同人種都好少會請黑人，尤其一些管理階層的職級...
所以好多時都見到黑人做些體力勞動的工作~~~~
始終你喺人哋地頭你都屬少數，搞咩示威遊行人哋都唔理你啦！冇作用嘅做黎都多餘，做人要自愛、自強，只有中國富強才可減少歧視華人。
回覆刪除有次喺網上同隻蘇格蘭鬼講中國運動員攞冠軍就畀美國鬼唱衰係食藥，真係好歧視，跟住佢覆我話先進嘅美國佬喺用藥至係世界冠軍，真係笑C我， 怒氣全消。
舊公司喺收購某品牌時連佢嘅墨西哥工廠都要一併買埋，我有次搞南美洲產品，其中一個環節係要檢查說明書有冇錯誤，英文版當然冇問題啦，但份說明書有西班牙文，制程上係要所有環節通過才可簽署批准生產，班墨西哥佬明知我唔識西班牙文都硬要我檢查，想為難我，我咁聰明梗係唔同佢哋糾纏落去， 好簡單啫我一個屈尾十揾個南美洲marketing講呢單嘢，佢會緊張落貨，一定鬧到班墨西哥佬狗血淋頭啦！第二日呢單嘢好快就擺平嘢！只要我自強，班墨西哥佬唔敢再欺負我啦！喺呢度讚下自己。哈哈！
咁又係呀~~人家地頭大聲D都唔敢，何況要搞大型遊行......尤其當地華人，總之他們認為接受到，又唔係有咩大件的歧視事件發生，一般都自掃門前雪就算，反而真真正正做個沉默的大多數......
刪除其實我都有諗中國人走向富強，唔多唔少都會獲到其他國家的人尊重，但事實並非如此，今時今日我仲聽到有人認為有些中國人是土豪，去到邊個國家都恃住有錢大搖大擺，惹來人家不滿反感，所以都有人話是畀人傷害的天大理由，簡直不知所謂，打人傷人都是不對的事嘛...仲去將歧視當為合理化!!!!
運動員有冇食過藥，係check得到，無論你怎樣歧視怎講，都可以清者自清，所以無論什麼情況都有可能遇到的歧見問題~~~
一爺兄簡直為世界上幾多萬億的華人出番啖氣，倒玩返班墨西哥佬，等佢哋見識一下一個既靚仔又聰穎的一爺兄的處事手法，咁老闆有冇即刻加你人工?!!雖然歧視事件時時有，身為中國人華人都應該學識自強自重最為重要!!!!
依家網上咁多社交媒體畀你擺佢上枱，唔會沉默啦！
刪除早5、6年前我喺電視都見啲有錢父母畀子女去學社交禮儀 ，係不斷進步中，要常常update 自己。
就係道高一呎，魔高一丈，有哋藥檢都測唔到嘅藥物。
同事間鬥爭係唔會加人工。要修正森哥思維，靚仔冇腦，醜男多計。
冇聽書!!我話唔辣到埋身，係冇人理!!只要唔太嚴重係寧願少一事~~~~
刪除對呀，係要時間去改變，但現在我覺得每個地方的文化唔同，去尊重包容的森態去看待~~~
你話藥檢都檢唔到...你意思指山草藥類!!!!
啲人生得靚仔又腦筋轉得快，真係唔易搵，做老闆都要加些碼留人才~~XXD
森哥都話我係聰明人，咁都畀森哥抽秤到，咁森哥咪係超級聰明人。[啲人生得靚仔又腦筋轉得快，真係唔易搵]，呢度咪有一個囉！扮忘記要我講森哥人生得靚仔又腦筋轉得快。😀
刪除森伯出名醜樣豬豬，兼個樣冇腦，所以都羨慕一爺個腦筋轉得快又有靚樣…………森伯只能走實力派!!
刪除森哥又蠢又醜咪冇人因妒忌而針對你， 最多畀人歧視， 諗落做人點樣都有人唔妥你，生活壓力好大，好在我唔多理會人哋閒言冷語，自得其樂。
刪除又蠢又醜應該唔會令人妒忌，反而更加受人愛護同情~~哈哈哈......
刪除在Blog裡都有一爺唔妥森伯喇，受盡一爺兄的冷嘲熱諷，單單打打，森伯老人家唯有忍氣吞聲，仲要扮好好笑~~~~~XXD
想喺自稱重視人權西方諸國得到愛護和同情簡直係無可能，他們只着重自己利益，大家都要認清現實社會係唔會發生，森哥唔好患上妄想症，自認弱者只會畀西人踩喺腳下隨便凌辱，要有骨氣唔好搖尾乞憐，加強自身力量，勇敢硬碰反擊，嚇退敵人。森哥要温習孫子兵法。
刪除曾經統治地球200年嘅聰明白人，佢哋講嘅就係法律，其他低等族裔必須仰視優越嘅白人，服從白人命令，所以，歐洲白人同美國白人好多時都站喺同一陣線，用生安白造嘅疆血棉整治中國次級黃種人，唔可以發展高科技，搶白人飯碗，挑戰白人領導地位。
要喺現實社會生存，森哥就要承受得起來自4方8面嘅冷嘲熱諷，單單打打，我畀森哥壓力測試，唔好做温室小森苗，要鍛鍊成風中森林。
此致
被森哥歧視嘅外星人物種上。😀
個人又唔係國家，首先聲明森伯冇話所有外國人都是歧視人，有些外國人都好好架~~最基本是國與國的鬥爭，國家的話事人講的說話，都有可能導致有人相信，繼而把仇恨發洩在華人身上...
刪除森伯仲以為自己認醜認老會畀人話老實，原來會畀西人踩幾腳兼且凌辱，森伯啲Blog都唔會有外國人睇，根本想凌辱森伯歸根究底只得一爺兄一人，仲以為好老友，結果畀人踩多兩腳~~~哈哈哈
美國白人原本都係歐洲人，佢哋一定站在同一陣線，只有中國人呢種民族先喜歡搞分化...近排新疆綿的事件，對於我們一般人來講，見到啱身的衣服OK就會買，好少留意佢既綿花來自邊個地方!!!
相信隔一排件事凋淡晒，啲人就唔記得照舊有衫就買，都冇話抵制唔抵制~~~
乜唔係溫室小森苗不吃人間煙火咩!!!森伯都見慣風浪，唔需要太過操心...咁你又唔可以抹黑森伯，由外生來的生物都受到森伯尊重!!!
有部份香港人都歧視內地人。
回覆刪除其實內地人香港人，本是同一群人，何必要戴上有色眼鏡呢~~
刪除外地好多時都聽到有排華呀！^o^
回覆刪除係呀，時有聽到排華的新聞，歧視問題好常有…
刪除種族歧視的問題，一直都在世界各處發生。華人在外地捱盡艱辛，十分勤勞而致富，跟著就會被當地人排擠，排華事件一再發生。白人歧視黑人，黑人毆打黃種人。
回覆刪除種族歧視的問題都成為一些先進國家的社會問題，有可能華人比較刻苦耐勞，什麼工作也願意去做，爭了不少當地人的機會，所以產生積怨...
刪除聽到黑人打黃種人不多，因為大家都是有色人種在外國都是受歧視的一群~~~
以過去印尼排華事件為例，當時的印尼人生活態度散慢，男女都不積極工作。而華人不少因勤奮而致富的，因此觸發嚴重的排華事件。不存在搶飯碗的問題。
刪除在歐美國家和澳洲，都有華人個別受到歧視，但住在人家屋簷下，只有低頭啞忍。自從新冠肺炎肆虐，英美的華人，在街上會被南亞人吐口水，或推撞。
刪除最近的一宗，是一個白人男人襲擊一個華裔婦女，嘴巴都腫脹了，她不甘示弱，反抗把那白男打到上了救護車。
去年美國加州三藩市，舉行過一場大規模的反歧視華人的集會和遊行，但並不能阻止一些白人的歧視。 不久前也發起了一次反歧視遊行，可見得問題嚴重。
刪除有很多華人都肯搏肯捱，工時可以很長，唔似外國人一到時間就準時收工，有時見他們還提早收工，做老闆當然會選擇勤力的員工啦~~
刪除華人移到外地知道自己很多方面都輸蝕，唯有做什麼都不介意，就算人工低，工時長都照煞!!可謂生存之道，令當地人覺得是搶飯碗或者爭飯碗.....
總之住在外國的華人就要好小心，因為唔知他們何時會突然襲擊過來，因為自己在明，想突襲的人在暗，完全冇得防範...
講得對，以為一場大遊行會令到當地的仇華情緒會改變，一定不會，就算早前的歧視黑人事件，隨著時間的過去都會故態復萌也說不定...
美國自稱自由民主，但其實都是白人至上的社會，有色人種地位一向偏低，黑人一向受嚴重歧視，其實亞裔人士又嘗不是，不同的是黑人較多，反抗聲音大，亞裔人士較少，一向怕事，不敢強出頭，我們感覺不那麼強烈而已。
回覆刪除去到一些歐美國家，白人主道的地方，有色人種變為次等，所以被歧視的情況都會常見，好似以上都有blog友提到香港人都歧視內地人，道理都差唔多...
刪除你講的我也有同感，華人一向都比較羞怯，尤其去到外地事毋必要都不會強出頭，怕有什麼後果~~~所以寧願變沉默...
我都認同這點，香港人種族歧視並不嚴重，但"國籍歧視"頗普遍，有不少香港人以嚴重的偏見看待內地人，覺得他們做甚麼都是不對，我認為這是由於傳媒長年累月的抺黑所致。
刪除對呀，反而"國籍歧視"比一般的種族歧視問題更大，今時今日有這樣結果，可謂非一朝一夕的事正如你所講某些傳媒的刻意抹黑也是原因之一，人與人相處怎會沒有分歧，只能在分歧中找到包容和尊重才是重要~~~
刪除