一般稱為「金叵籮」是指最疼錫，在你眼中最矜貴的人，大都是指初生子女或孫仔孫女，或者人生中總會有些人你會當他們如珠如寶...
查實「金叵籮」的原意是酒杯，出自古詩!!
真實的「金叵籮」只能是可遇不可求……雖矜貴但都畀森伯伯遇到好幾個...金菠蘿~~~乜菠蘿都有分金定唔金，第一次聽!!!
不過都唔貴，廿令蚊就有交易...喜歡吃菠蘿的朋友可以試試，只是森伯大鄉里，可能大家都已經食過~~~
近排台灣的菠蘿都成為政治炒作，外銷變內銷台民話可以哽晒咁多菠蘿，仲講笑說一日可以三餐食菠蘿...哈哈
長輩們都話菠蘿唔可以多食，怕濕熱，但日日食就算冇濕熱，都恐怕胃酸過多喇~~
森伯一向都好少食鮮菠蘿，只因怕太酸，罐頭菠蘿較甜都間中食，不過就適可而止~~
新鮮嘅食完條脷變“鞋”，只愛罐頭。少食喎！
回覆刪除依家巡超市執平生果$1個，$23買到23個可以食成個幾禮拜。我覺得唔平喎！
台灣友都話自己禁買咗大陸好多嘢，一直貿易順差，台灣攞好多著數，禁咁少就多多聲氣。
平時甚少食新鮮菠蘿，其實港人買鮮菠蘿都唔多，不是熱門水果，反而罐頭菠蘿比較多食，有隻D字牌的罐頭菠蘿幾甜…
刪除有時超市的平價水果，未必是想買，初時出的金奇異果都買到貴一貴，呢隻來自菲律賓的金菠蘿廿令蚊有大大個都唔係貴，可能會香甜……
台灣班政客都唔抵可憐……XXD
我小學雞去旅行係例牌買罐頭菠蘿架！
刪除清貨平水果要撞啱時間，慢啲會畀師奶群組搶晒。
咁自大嘅袋鼠國呢？邊有老闆賣嘢會鬧走黎買嘢嘅客仔架，熊貓國唔再幫襯佢。
去旅行帶罐頭?!!又要帶罐頭刀，記得以前打風，或間中才食罐頭食物…
刪除師奶群組未出現前，一爺群組去捷足先登搶先得唔得…XXD
啲五眼國家買賣都要睇阿頭，等於啲狗食嘢前都要望一望主人!
物以罕為貴，細路時總覺得罐頭比新鮮食物更美味，盼望日日打風爽放假。
刪除單打老伯鬥唔過師奶聯盟力量強大，太多線眼可互換消息呀！我係慢半拍，好在都有斬獲。
狗眼看人低不識好歹。打狗看主人，熊貓都唔怕同狗主硬碰硬，更何況係隻跟尾狗呢。西方勵行民主自由，自由貿易，有自由唔買你啲嘢，誓要激到隻袋鼠紮紮跳。
我呢個黃綠分析師估中美開打要到有一方被完全擊敗才肯收手，未來拾幾年加埋歐盟會三分天下，細國迫住靠邊站，考眼光喺賭枱買大細。
可能屋企人對罐頭食物唔太熱衷，所以到大時都未必會食太多罐頭嘢...
刪除你唔夠班師奶群組鬥，原因係你大老爺的習性，訓到日上三竿，行到超巿乜都畀人搶購一空~~~
大阿哥的位置被動搖，點會罷休，世界的角力舞台阿頭才有話事權，能夠掌控各國舔盡好處...正所謂勝者為王，敗者為寇~~世界的棋局可能才剛剛開始，一日未定輸贏，可能都有排爭...無論中國人，香港人，台灣人都是同根生，希望大家能夠團結，才是呢場角力的最強力量!!!!!!!
森伯真係不食人間煙火，啲特價生果唔係㩒個制就喺度，超市員工都好多嘢做，喺貨架執出黎嘅時間係飄忽不定， 最早要10點，有時下午，仲唔係日日有架。
刪除再講吖，耆英森伯唔知老人家都係倒塔咁早就醒咗，只有重病至會瞓到黃絲百晏，係得森伯瞓得晏咁例外。
喺我工作上同過美國佬接觸，我一直認為中國人更聰明又勤力，只要配合好制度，唔係做就36，唔做又係36，中國發展咁快速係因為14億人呢股巨大推動力，美國得2億人，又比較懶，人口加長工時嘅總動力係美國10倍，開放40年即係人哋400年發展。
不吃人間煙火呢句係褒定貶?!!我諗超巿的特價生果當然唔會時時有，差唔多過期又開始熟，員工就會收集起再打包，既然咁就要靠運氣碰啱時間才買到~~吼下上午時段，每朝開門都一定見到新鮮水果上架，擺舊的水果就會包好再出售......
刪除都唔一定，見一爺兄可能財多身子弱，訓到黃絲百晏都唔奇，訓醒就去半倒酒店嘆個早茶，呢個時候森伯應該捱完半日騾仔，頻頻撲撲咁食餐晏仔......
可能文化有唔同，我都認同外國人打工好悠閒，從來冇見過佢哋拼搏做野，唔係坐就係行來行去~~~我覺得中國人唔團結，畀人搞分化真係好易，唔似日本人咁有民族精神，團結一致!!
其實大陸所禁的菠蘿只佔台灣出口往大陸產品的好少數，台灣人當然不在乎啦，所以先至咁輕佻話"一日可以三餐食菠蘿"，如果大陸有心經濟制裁台灣，大陸一定還有後著，不必笑得咁早；如果大陸真的是為了防止害蟲輸入而禁﹝全世界都會這樣做﹞，台灣為何不自我檢討一下，杜絕害蟲。
回覆刪除現在有關兩岸的新聞，點都要加些政治炒作，製造話題，製造事端……若果冇事的時候，可能只是小事一則……哈哈
刪除你講得啱，如果要真正的制裁可能就冇咁簡單，叫他們好自為之……呢個時候台農應該改好自己的出品，管理好自己先啦~~
我愛罐頭多d.
回覆刪除可能食罐頭菠蘿比較方便……
刪除靚的新鮮菠蘿清香甜美，我喜歡，其實甚麼也不宜多吃。
回覆刪除記得以前屋企買新鮮菠蘿喜歡用鹽水浸，令到菠蘿甜些好味些……
刪除我都鍾意吃菠蘿，但係只會少吃。
回覆刪除菠蘿通常不會買很多，一般都好少吃過量!!
刪除各地種植的菠蘿，出口外銷都養活了很多人。罐頭菠蘿確是方便和較甜。
回覆刪除側聞台農把很多賣不出去的菠蘿丟棄，情況慘淡。
早前幾年台灣不再讓大陸遊客入境之後，有些食肆的生意人，對著來採訪的電視鏡頭大吐苦水，說恐怕遲些會收皮執笠。香港因前兩年的黑暴事件和疫症發生，經濟也陷落不少。
如果只是供內銷就一定唔會種太多，賣出外就有大量生產~~正如你講賣不出的菠蘿只能棄掉，據講說有蟲害，哪會有人要呢?!!
刪除對於人民來講，有得搵食能做生意，這樣才能維持生計...看著對大陸的政策改變而影響民生生意，很多人都不願看見，冇遊客生意點都有影響~~
黑暴加上疫情，香港已元氣大傷，事情過後希望香港回復正常!!