感到現在食素的人越來越多，只視乎係得閒食吓素，還是食全素咁呢?!...以前食素的人多數有些因由才選擇食素，但現在都巿人吃素大多是為健康著想，又或者被身邊人們所感染~~
聽來都幾奇，在公司反而常會接觸素食，因為有什麼聚餐的時候都會見到些齋口唔齋心的素菜，基本上森伯都幾接受素菜，現在每天都總有一餐半餐食素，慢慢養成一個飲食習慣!!
若然話要食全素，我應該不會，營養均衡最重要!!少少森得奉勸各位要長期食全素的人，素食的種類好多，要食多種多樣才是最理想，我認為奉行蛋奶素最好~~
今次公司叫的素食到薈又唔錯喎，賣相都幾得，味道就一般始終都是素菜為材料嘛!!當日剛剛帶了私家飯，唯有食住咁多先...
好少公司會搞素食到會，咩原因呢？老闆要食素積福？好處係唔會有冇情雞。
回覆刪除以前覺得食齋好健康，依家知道要識食才會健康，因為好味素食會高油、高鹽、高糖、人造色素。另外，植物會缺乏某啲動物營養素，要特別補充番。
森哥素食前後有咩變化？皮膚好咗？
就算積福都係老闆既福，員工就做到福頭個福!!!乜一爺好驚品嘗到無情雞咩?!!...
刪除你所講我都認同，若然識食素，基本上都可以同三高講聲拜拜，當然要控制調味料同添加物啦，可以在餐單加些奶類製品和蛋，就應該幾好~~
因為唔係長期食全素，所以都唔太覺有咩轉變，總之畀人話個樣冇咩變，已經老來安慰~~~~哈哈哈
望都望[正常]老闆幸福，員工才可能、有機會過好日子啦！
刪除有效管理員工就係要佢哋有最大輸出。
乜森老闆會想自己員工唔忙碌嘅咩？咁唔好請我，我唔係大懶蟲。
近退休老臣子條件變差，通常都係開刀對象，都知森哥家底厚，賺錢買車揸當然唔至在份工啦！
長春不老係好多人嘅夢想，我都想老化速度慢啲。
不如你講呢個時勢有份工作做都已經感恩萬分~~總之做員工既知道幾時有糧出就算...
刪除老闆諗乜，森伯呢類小小員工真係唔知，當然佢地面前扮下勤力，做戲做全套嘛~~
我都話一爺兄深得老闆厚愛，勤力就是優勢!!!!
你即係話森伯係近退休的老員工喇，準備退休更加要志在份工，退休生活要駛好多錢架~~邊似一爺兄退休後即嘆世界!!好羡慕~~~
退休生活要使好多錢？富貴森哥要雲遊豪食天下就係啫，我呢啲正常人支出係少咗。
刪除車費$2蚊雞遊勻全港九。兩大超市喺周三買特定牌子可低至85折。睇政府醫生$50。窮老人叫十字車同住院費可免費，出院有免費醫院非緊急車送你番屋企或老人院。
每年有醫療券$3千蚊，可買保健品。
收入有窮老人(資產入息檢查過)津貼$3千幾或有錢人生果金$1千幾，每年會有double pay 或 triple pay。
老人胃位冇咁好會食少咗，一日兩餐最健康。
森哥可做保安員，做環保先鋒執紙皮增加收入。
過時過節保皇黨會派年糕、儍、月餅畀老人。
老人中心買老人用品如奶粉、紙尿片……可以平啲。
老人中心搞活動派油、派米。
森哥快啲揾社會福利處社工問吓，同去就近老人中心增進老人Jetso知識，攞老人証就要申請入住政府老人院，9X歲會輪到你。
睇完一爺兄的詳盡老人福利報告，真係認識到香港的老人家都幾幸福，我諗政府的大前題都係想減低長者的一些經濟上的壓力。
刪除相信每一個人都怕自己老來的生活駛費唔夠用，相信最驚是醫療，反而其次是生活所需，老人家正如你講，食得幾多，少少就夠，衣服就更加唔會成日買，夠著就算~~
至於醫療方面，有什麼情況都可以去公家醫院睇症，但若然有乜唔妥，就要照乜照物，因為好多公家醫院都要排期，排得來都天光，所以一般醫生都叫你去私家照，私家動輒都幾千元，
可能呢個就係最大問題，若果長者患的是罕見重症，而藥物不是有政府補貼名單內，你果下醫藥費先最襟計，所以好多老人家都唔會晒錢去醫...諗下都幾心酸!!!!
做老人其實都唔需要太負面，生活都總有出路，或者晚年真正是一個人最自在的時日，後生時沒有時間不能做的，到老來就可以做，只要年青力壯時顧好身體，相信老來都不會太差勁~~
你真係好睇得起森伯伯做保安員，我諗捱唔到三個禮拜就暈低，我諗住執紙皮，或者搭架木頭車賣下雞蛋仔，可惜呢個世代好似己經冇呢支歌唱~~
咁講即係一爺己經查詢定老人院，周圍八定搵定老人著數優惠，為將來安排好晒...老人家知識，幾時都可以請教一爺兄!!!
係我照顧長者時嘅得益！衰老知多啲！幫我順利進入耆老階段。森哥唔係有照顧長者咩？無理由唔知道喎？
刪除知道老人最大支出係醫療，就住呢個重點，必須有組織、有策略、有心態 超超超超超大力改動生活習慣、飲食習慣、運動習慣，體現健康就係財富呢個道理，唔好加重自己、家人、政府負擔。用小小錢、小小時間做個健康存摺上非金錢嘅百萬富翁，可享受生活。
照X光排半個小時。係超昂貴醫療器材磁力共振掃描要約期大約半個月。政府使納稅人錢，要資源盡用，唔可機等人，空置率太高。
我冇錢就唔醫，提早埋單，縮短折磨時間，就算有錢醫好，延長生命，身體殘障咁捱落去都唔好受啦！森哥時不時變硬繃繃，果種痛不欲生心情，對生命不在乎長短嘅認識畀我更有深度體會。
之前你都有提過要照顧家中長者，而照顧人有時都係一種得著，你會長知識，所以我有乜長者問題都會向你請教~~森伯除左自己，暫時都冇長者要照顧...不過認識定都冇壞，可能日後有機會用到......
刪除世事真係有很多事情係估唔到，尤其是人生或未來，當然做好養老的準備，到將來都唔會太徬徨，亦都可以有心理準備迎接老年生活~~
公家醫療實在太多人爭，所以很多服務都要等，有些醫療設施要留畀住院的人，基本上若然你可以私家做檢測，就叫你去睇私家醫療服務，頂多帶埋你份報告畀公家醫生評估~~
一爺兄唔驚啦!!!時時都聽你慳錢，又識享盡生活優惠，慳慳埋埋都唔少，而且一爺又唔需要養細蚊露(森伯既年代應該講蘇蝦仔...XXD)，應該唔駛煩啦!!!!
你話埋單就埋單?!!，冇錢醫都要身心受病苦，飽受精神壓力，未來的事冇人知，唯有現在顧好身體，雖消極但也是最正面的做法~~~~
難得一爺知道森伯伯硬班班的狀態，習慣左都冇乜野，你唔好加鹽加醋，好似訓在森伯個床下底咁~~XD
估唔倒森哥喜歡人哋匿喺床下底 偷偷 摸摸！咪要林峰🎼伸盡手臂🎶 才摸到吖！咁有想法！ 咁刺激！到底森哥有幾多十打匿喺床下底嘅致友？耐人尋味！搞到Vibe好hot， Leslie出場 🎼可否快快用力射我🎶。 齋囗唔齋身，即時咪齋砵都打爛晒！
刪除完全唔知你想講乜~~森伯個床下底已經冇位，雜物滿房~~~
刪除打爛齋缽都畀你知道!!!!
中餐素菜花樣豐富。
回覆刪除中餐素菜比較講究，冬菇、竹笙用素上湯煮...正呀!!!
刪除而家多左人食素，但假既肉話有肉味的，我就不敢興趣啦！🙂
回覆刪除明明唔係肉就有肉味，都知係食品添加劑，我都唔太喜歡食呢類素食，但偶爾食下都可接受...
刪除要食全素，我也不會，腸胃與口味已經習慣，可減少，但不能全素。
回覆刪除我諗對於大部份的人來講，要長期食全素都冇咩可能，但素多肉少都係要慢慢適應!!!
刪除我間吾中都會食素，食得豐富或重味嘢，食素可以清吓腸胃﹕素肉看似健康，其實是最吾健康的食物﹗
回覆刪除係呀，香港有好多人大時大節食得雜多，都會隨後食些素清下腸胃...
刪除真正為健康的人，根本唔會揀素肉食，素肉係畀初初食素的人習慣下~~~
聽講吃素有益於健康，相信植物確是有很多的好處。包括菇菌類、堅果類、蔬果類等。
回覆刪除我也想全吃素，可惜卻不能，不吃肉，總是若有所失，殺生啊 ! 阿彌陀佛 !
植物性的食物基本上適合人體，但都市人基本上已經雜食慣，有肉有菜有果實，食開雜食要轉食全素，相信好多人都未必慣，其實餐單裡多菜少肉已經唔錯!!
刪除要食肉，殺生都無可避免，盡量食少些習慣吸收植物蛋白~~~~~
知道牛、馬、大象、長頸鹿、熊貓都是吃草或葉的，可都是十分健壯，證明植物真是十分有益。其他的動物又有很多的食肉獸，從視頻上看到：很多的水鳥俯衝而下，一下子就叨了一條小魚來吃。牠們能飛，更加本事。
刪除人類不懂飛，但發明了飛機。多菜少肉，相信是最好的辦法了。
動物的構造跟人好唔同，好多小動物食少少草，少少胡蘿蔔就有足夠的能量去活動每一天...
刪除人相對較食得多，可能只係都巿人...
秋葉都有看動物記錄片，以前好喜歡看星期四明珠台的變變生命力 (野生動物記錄片)
明珠台除了有一個專門播影野生動物記錄片的節目，還有一個名為「野性巴黎」，野性乜乜，野性物物，拍攝各地知名城市的動物生態，我都很喜歡看。
刪除野性乜乜，等我記記先，因為現在少了時間專注看電視，所以有些好節目都遺漏了，不過近好些年都少了看動物記錄片，希望有日可以重拾返看動物片的專注，記得以前只有明珠台才有動物記錄片看......
刪除間唔中我都會食吓齋菜架。
回覆刪除齋菜我都有成日食，不過是純素，並不是加很多調味那種~~
刪除