當你玩開烘焙(製作麵包糕點)，就會更加愛上這玩意，雖則話玩，其實內裡都要認真做，才可以做出可口的糕點，森伯整糕點好簡單，唔會太講究，又唔會用太多工具電器，做出來的糕點最簡單、最原味就可以了!!
事實呢個世代，買個饅頭鬆糕都好容易，而且比自己整更省時方便，而且味道好好，自己做就可能要點時間、心機，不過做出來有種自然的味道而且健康一點~~事實上自製糕點唔算麻煩，我認為最關鍵就係發酵問題，如果麵糰、麵糊能夠好快發酵，這樣便會得心應手易做得多...早排因為天時冷，要麵糊發酵可能要等一些時間，所以放低一排...
見這陣子天氣回暖，於是整些鬆糕做早餐，可能換了隻新酵母，擺相同的時間已經發到撼撼聲，有很多發酵泡泡，酵母菌幾活躍...見到呢個情形就開心，意味著糕點容易成功!!
蒸出來的椰汁鬆糕有幾多隆隆，而且夠晒彈性，口感真係唔錯...
記得初時做蒸饅頭，那天回看舊相片，已經是十年前的事，不經不覺做了包點都有十年了......@@
...........................................................................................................................
補充：可能啲酵母+發粉勁得滯，舊鬆糕好似粗海綿狀，之後識用新酵母，再調整份量，做出來的鬆糕似樣好多，這次用蛋整，望落好些吧~~
自家製一定冇添加劑。
回覆刪除都要落少少發粉(泡打粉)，唔算零添加~~
刪除預算、食安、衛生、營養、份量通通掌控喺森手中，有時間、放工唔攰當然自制好啦！
回覆刪除鬆糕唔係黃色架咩？森哥咁純潔連底糕都係白雪雪嘅！
真係好多窿喎！感覺好彈手，泊得住森哥肌肉。
十年人事幾翻新，十年前森哥都未用智能手機，十年前我哋認識未呢？
都可以咁講，整的份量，落的食材都可以由自己控制...放工唔會做，等假期先喇~~
刪除本身鬆糕應該落雞蛋，但我冇，所以用椰漿做望落比較白淨...
其實呢舊鬆糕發得太勁，窿窿太多，似舊沖涼海綿~~唔太成功!!!
乜肌肉彈手?!!你模咗邊個呀?!!XXD
你真係好記性，十年前都未用智能機，十年前你玩BLOG未呢?!!可能只係博友甲，博友乙......
個窿窄就啱森哥心水。
刪除咁難掌控大細，唔知可以點整細呢？
對森哥上下其手，佢都話我摸得佢好舒服。
摷番王子記錄，2011年我嘅踪跡已經喺奧國王子度出現。森哥有冇留檔呀？
我喺Blog界一開始就用呢個名，做人光明磊落，闖蕩江湖十幾年，行不改名，坐不改姓。
整鬆糕的窿窿應該比較細，有機會再影過啦~~
刪除都冇留檔，早期的博文有留純文字檔，粹純作個人記錄，至於留言部份就沒有!!!
我到現在都冇變，由第一日寫BLOG開始，都原用森源同森情小品文，都寫了那麼耐，這個名字很有感情......
係咪要加上森哥嘅細心，鬆糕啲窿先至會細細架。雖然我唔會整，但係好奇想知，好似上化學物理課。
刪除認真男人最有型，好彩森哥用心發糕冇公開，否則，會引到好多尖叫聲。
都唔一定要細心，做糕點要時間及專心，這樣都會做到好糕點，你又講得啱，落泡打粉真係好似上化學堂，加在水裡它會即刻起泡~~~~~
刪除認真先有型...咁死得啦~~~森伯十份之九點九時間都唔認真架喎!!!
好多尖叫聲，你估森伯製毒咩!!!!!!
好多明星都話自己又肥又醜，外人覺得佢哋已經靚爆境，仲瘦到紙咁薄，查實係對自我要求極高，所以，森哥自認唔認真，外人睇落已經好認真。
刪除『中毒』講得好啱，森哥令人迷戀上癮，中毒太深不能自拔，病入膏肓，病發時更會尖叫，只要定時服用森哥呢片解藥才能頂癮。😂
認識森伯耐的人都知森伯為人老實，率直，純真，唔識講大話，如果你見到森伯好認真，咁你就好好彩，連0.1的認真都畀你見到，要去買張六合彩~~~~哈哈哈
刪除病發時更會尖叫......係咪俗稱的發羊吊(癲癇症)呀?!!森伯冇解藥，最多幫佢call白車咋!!!
唔識講大話：即係會講大話，不過，好易畀人識穿你係講梗大話。
刪除『森哥唔認真』 被我識穿呢句係大話。
森哥fans只要將森哥敷喺佢哋身上就係解藥，互相肌膚緊貼。好似脷底丸含喺口中藥效更高。
話唔識即係識……呢啲係咩邏輯~~~森伯平時演技好，啲人都唔知我講真定講假，希望個老實樣呃到人!!!!!
刪除森伯唔係演藝界人士，冇fans架喎，你啲戲太屎又太浮誇，啲人以為你收左森伯好多做枚酬金!!!!!!!
大發特發的鬆糕，好吃好兆頭！
回覆刪除聽你咁講，早知新年時整來吃!!!哈哈
刪除看來森少好有當糕點師傅的潛質，都是一種個人創作的手藝。
回覆刪除整餅都唔算什麼手藝，只要材料，份量用得啱，每個人都做得到~~
刪除有時都會失敗!!
以前我都有做過馬拉糕，蘿蔔糕。這些手藝是越做越有興趣，一放下了就是後勁不繼。
刪除蘿蔔糕真的要經驗才能做得好，你講得啱呀，疏懶一排唔整就會冇心機再整，不過我會Keep住個簡單做法睇睇就會記得...
刪除自家製的食物健康同衛生D。
回覆刪除雖然買都好方便，但正如你講食得健康啲同衛生啲!!
刪除椰汁鬆糕, 唔錯咁噃, 味道好嗎?
回覆刪除因為我落的糖好少，基本上都係原味道，有淡淡椰香都幾好味!!!
刪除我在三四年前開始學整糕餅包之類，現在多數整簡單蛋糕，貪佢易整、快趣、包成功、成本低。整麵包最大問題係啲酵母好快過期失效，發唔起。
回覆刪除有同感，當見人在視頻的甜品糕點製作時，覺得又複雜又多材料，自己整就越簡單越好，所以我都係做些容易整，又唔易失手，整出來的糕點原味道不花巧就OK~~~
刪除酵母可能擺太耐先發唔起，平時乾酵母我多數放雪櫃保存......
希望peace兄有日分享一下你整的糕點網誌!!!
我比較少整麵包，所以開咗包乾酵母要等好耐先到下一次，通常買一盒50g的乾酵母都用唔到一半就廢咗武功，好浪費，其實我都係放入雪櫃，是-18度的冰格，結果一樣，或者要勤啲整才掂。
刪除有機會一定會寫點整糕點的網誌交流一下。
基本上每次用酵母的份量只是以茶匙來計算，所以一包乾酵母真係有排用，通常至到期時還剩下很多，常用反而划算...放冰格，不用呢!!!放冰格下層便可，否則要放暖一段時間才能發酵，所以冬天發酵要長些時間~~
刪除期待你做糕點的網誌!!!