前日收到雅虎一封電郵，內裡大致話...Yahoo 知識+ 到下月就停止服務，唔提起都唔記起了，一話停止服務就諗起曾幾何時的雅虎Blog，相信大家都記憶猶新，現在有很多Blog友都係在那個時期認識...但講到Yahoo 知識+又有冇人知道呢?!!其實呢個Yahoo 知識+的原意係幾好，當有人對些事情唔知道的時候，都好想搵個人解答，當然係上至天聞，下至地理的問題都可以答，但又容不容易有人答到呢?!...當時係唔錯，問的問題好快就搵到人回應，但時至今日有很多唔明的事宜想了解，都第一時間摷摷網上資料啦，仲等人回答咩?!!久而久之這個Yahoo 知識+ 都放埋一邊...完全忘記了!!
唔知大家Blog友有冇玩過...?!!
講開又講相信現在很多人的免費電郵都轉晒用G-mail，因之前上課見個個同學仔的聯絡電郵都用G-mail，只得森伯仲用Y-mail，可能用了好耐都唔捨得無故去轉，都習慣了~~現在實在太多要登入的乜乜物物，記login名同密碼都有排記，唔想太多勒，用返舊的好吧!!
人和事都經歷興衰，此起彼落。
回覆刪除比較抗疫成效，國家基建速度及設施，高科技長遠策略，碳中和實行力高低，一黨專政通過法案機率，中國喺執行力、效率、財力、人才各方面都優勝過美國，就算美國搞任何污衊，中起美落必然事實，只係發生喺何時，一旦超越後，仲會快速地遠遠拋離。
生活就是這樣吧，總有高低起跌~~~
刪除一爺兄做咗推廣中國大使?!!近年來政治議題多了人關注，我自己都係啦...近來世界立立亂，疫情+經濟...人心惶惶~~~~
但今篇講的內容是有關啞虎知識+，同你答的是兩回事...
離咗題添，依家考DSE中文科實肥佬啦！
刪除我都有用雅虎知識揾答案，後來，就用谷歌。
講離題嘢，一爺最在行，通常越講越離題…………
刪除乜谷歌都有呢種問與答的功能架?!!完全唔知……
天南地北古今中外自由講，係啱我呢啲已經好OUT嘅被遺忘咗嘅維園阿爺。我又離題啦！ 啱啱睇電視先知道大陸會有組織喺南海地區人工培植珊瑚，好似綠化土地咁樣，去修復破壞咗嘅海洋生態，不久未來會有 媲美澳洲大堡礁 嘅新景點 - 大南礁。
刪除形式唔同但結果都係揾答案啫！谷歌更廣闊、更有彈性，形式近似去圖書館自己摷書獲取答案。 好似問森哥係咪好型仔，雅虎就冇呢條問題，當然就冇答案啦！但谷歌會揾到個自稱行走型仔路線嘅森伯。係咪強大好多呢！
森伯又冇一爺咁見多識廣，井底森乜都唔識……
刪除咪幾好，大陸的改變不單單為自己，仲去做些珊瑚群的保育工作，如果係真嘅都可算是惠及全球…有時改變不會是一時三刻，待慢慢改變吧！
我現在雅虎，谷歌的搜尋器搵資料，兩邊都有用…搵圖片多數用谷歌!!!
捕魚太多，中國每年夏天有兩個月休魚禁捕期，生番多啲魚。呢個係海中建造棲息地，可野生更多海鮮，怕冇得食。
刪除街市買魚貴咗唔少，畀14億大陸人搶貴晒。
啲人富貴咗，對海鮮的需求大!!森伯本身對海鮮嘢麻麻地，甚少食魚生海鮮，就算生蠔都係一隻起兩隻止~~~
刪除街市買魚貴咗唔少......咁對一向慳家的一爺兄來講咪好頭痕?!!買些雪藏魚柳囉，既經濟又啖啖肉!!!
時時聽豪氣森哥講嘅鮑蔘翅肚更係名貴海鮮，估計食唔少，一大大大隻起两大大大隻止都係珍饈，唔嘢少。
刪除Easy啦！每周必食罐頭茄汁沙甸魚(212g/$9.2)，而BB蠔豉(2lb/$98)同急凍淨梘肉(1lb/$14)就每月一次。我嘅精選廉價又能滿足身體所需營養素。
睇台灣某電視健康節目話匿埋屋企自己煮食欠缺社交，仲時時重複食同一樣食物會高風險患阿兹海默症，我中晒啦！不過，我又唔信喎！
話明海鮮又點會同鮑蔘翅肚一樣，鮑蔘翅肚一般都曬乾，森伯幾時有食過大大大隻既珍饈，你係咪睇左邊位富貴blog友呀?!!
刪除最衰你唔寫blog，都想睇你點整啲沙甸魚，你講起梘肉都有少少肚仔餓，未買過來煮...呢類海產好有營養，問題就是否來自污染的海洋~~~
唔駛驚，你又食沙甸魚，又食硯肉蠔豉，咁多元化...我都唔信咁就會患上阿茲海默症~~~~
唔諗得咁多，靠晒佳寶做安檢。
刪除唔整架，開罐頭一半即食，另一半放雪櫃等第二餐拎出黎當冷盤凍食。
的確好多食物都未必安全，除非自己種自己養啦~~~~
刪除冷盤魚，森伯一定唔食，諗起都腥!!
如果咁緊張，日本快要傾倒核廢水，咁森哥唔好食海鮮、海味、海鹽……。我只有避開高危，中危諗諗，低危唔理啦！太高要求會神經衰弱，現實係橫死掂死。
刪除普通人都知道罐頭魚唔會腥架啦！森哥唔使禮貌地砌詞回覆喎！我唔會介意你覆嘅字數少過我架！我會唔停咁留言。
你又想砌森伯啲生豬肉，我冇緊張過，森伯好少食海產、海鮮之類，唔多食魚就係怕魚腥~~~所以日本嘢魚生刺身基本上都冇乜影響!!!係人都橫死掂死，但睇吓點死法啫......
刪除好少食罐頭，更何況罐頭魚，我覺得罐頭野好多添加物...你又屈森伯，森伯冇砌詞，只係覆得啱啱夠數啫!!哈哈哈
我以前有玩Yahoo 知識+㗎，多數係解答問題。
回覆刪除我又相反，都係問的多，記得好似問養龜之類......
刪除我都曾經有用Yahoo知識+，當時亦獲得過不少幫助，解決不少疑難，但也不知道是甚麼原因、從甚麼時候開始，慢慢停用了這項服務﹝可能是yahoo Blog執笠時吧)，如果不是收到email通知結業，真的完全忘記了Yahoo知識+
回覆刪除佢本身係幾好架，遇有唔識的問題難題，都可以問吓人...但當時都有很多討論區，內裡都設有很多選項，有咩問題或者意見交流都可以講講，所以這個知識+就可有可無......
刪除其實兩項服務yahoo blog, 和yahoo知識+兩樣比較，應該BLOG較多人玩，而且保留會多些瀏量，不過網友都係喜愛新鮮多變，玩一排就會唔玩，好少像一班舊blog友咁長情~~~
唔係認叻，當年參與Yahoo知識+年代，我都答過唔少問題，幫助網友解決不少問題 :)
刪除原來這裡都有人玩過Yahoo知識+，記得我都係問人多，都係有關水族問題養龜之類~~
刪除相信peace兄用自己專業的意見幫了不少人!!!
Yahoo 知識+我未用過，我只記得yahoo blog已成為一個時代的終結﹗
回覆刪除雅虎知識+應該唔會太多人用過，相對yahoo blog就肯定好多人寫blog都會記得佢，是一撮人的集體回憶~~
刪除很少用Yahoo知識+，多用goole。
回覆刪除多謝雅虎Blog，令我精神生活有寄託，寫網誌不經覺已經12年，實體生活上與網絡上多了朋友，豐富了我的生活與見識。
知識+相信唔係太多人玩過，通常間中有些問題想知才問問...
刪除或者多謝呢類社交平台，在於很多人的眼中寫blog都幾好玩，在生活上影些相片又可以寫吓自己感受，的確可以讓生活充實一點...
遇有疑難事想知，我都是上網搜查，亦會參考維基百科。沒有特別留意Yahoo知識+,
回覆刪除雖然Yahoo blog已經摺埋好耐，我都沒有撤消雅虎新聞版。
現在有咩唔識都會上網找答案，方便嘛…
刪除雅虎新聞唔多清楚，因為我通常設雅虎為桌面首頁，一開便看到，很方便!!