都想知道大家平時多唔多買餅乾，餅乾既可當零食，也可以當為食糧，尤其是飯餐之間有少少肚餓都會是不錯的食物...
又因為易於存放，相信家家戶戶都總會有些餅乾，隨時都可以醫下肚~~
有時去到超市有林林總總的餅乾任你選擇，在眾多餅食中要揀自己喜歡都唔易...
我就揀了三甲最喜歡!!
第三位~~~~
克力架，呢種餅記得好細個就會浸煉奶食，直到現在間中都有這種癖好...哈哈哈
第二位~~~~
椰子餅，天生椰子控，自不然椰子餅走唔甩啦!!!!最近買了一隻椰子餅幾特別都唔錯!!
登登登凳，第一位~~~~
牛油酥餅，逢親牛油餅都喜歡，據講係純牛油製所以都OK，偶爾會買來當早餐吃吃~~
講左咁多餅都有D肚仔餓，吔返塊牛油餅餅先!!!!
好多餅乾我都鍾意食，迫我揀嘅話，我會揀消化餅、 曲奇餅 、細細粒威化餅 、百力滋，不過，我排唔到名次。然後，係睇價錢。如果森哥送嘅，一定叫你買最貴啦！因為要襯得起你尊貴嘅身份。如果要我自己揞荷包，當然係大件夾抵食嗰隻啦！獅奶上身嘛！
回覆刪除可惜患上零食暴食症嘅我，唯有聖誕及新年期間容許自己放肆吓買黎食，其餘係禁買期，想食就用生果封住把囗。哈哈！係一爺獨特食物制裁法。
以前都會揀消化餅，要指定麥維啦嗰隻，不過現在味道都唔似以前...平時家中都備有消化餅(另一牌子)當早餐食!!!曲奇餅都鍾意不過食完好熱氣，所以少食~~餅乾大眾化，好少好貴價錢~~
刪除如果要一爺送，會揀細罐曲奇，食完個鐵罐可以儲下散銀，放紅簿仔擺落床下底~~~現在買的麥消化餅遲下可以介紹，都係大件夾抵食，啱晒你啲隨時獅奶上身的人!!!!
只要唔過份，食少少零食都好，通常我食餅乾係早餐或者Tea Time，又或者肚仔餓的時候~~~~
咁我要買大盒裝畀你放啲唔見得光嘅成人玩具喺床下底。
刪除新年期間價X棧賣$6/400g消化餅，睇過營養標籤係唔似X維他用棕櫚油整，佢嘅飽和脂肪酸好低，抵食又少害。
就算唔肚餓，我一出手就要食夠300g餅乾才會停口，有冇嚇襯你。
我幾時有話要大盒裝，你又老屈森伯，細細個裝吓散銀，餅咭，紅簿仔就可以~~~哈哈哈
刪除有時在價X棧都買到些唔差的小食，除了味道最緊要唔好太多添加物，而且又經濟實惠!!見人買自己未踏足過...
你咁大食，會唔會嚇親你另一半呀!!!!哈哈
係喎！你啲玩具成個人咁大個，大罐都裝唔落啦！我好笨。
刪除消委會報告發現多達99%的餅乾含致癌物丙烯酰胺，好多人都有食，所以，上篇你同我講雪藏梘肉可能會喺唔乾淨水域，我話唔理得咁多。
人得一半？？？佢會嚇親我多過我啦！
蜆肉唔係梘肉。哈哈！打錯咗。
刪除乜人都可以當玩具?!!只有一爺呢啲人先做得出……
刪除呢個餅乾報告都有人傳過畀我，我冇買過報導話有問題的餅乾，都市人唔怕得太多，空氣有致癌的懸浮粒子，唔通你唔呼吸，你係外星生物就話得啫，普通地球人的森伯就唔得嘞……
唔駛驚啦，做得一爺兄的另一半都預左……
吹氣公仔嘛！再多幾拾年會係AI智能機械人照顧森哥渡過餘年。
刪除咁咪係人為汚染同人工食品構成種族滅絕，咁森哥要生番十個八個。
冇咗下半身喎！森哥唔驚架！
原來你有個吹氣公仔架，唔怪得你咁長氣，日日吹訓練有數…到真正的人工智能機械人普及，相信森伯都去咗太空…
刪除乜一爺好驚?!!現在的人類長壽咗，要食得健康，就要考考自己智慧!!
漸漸發覺你乜都驚一餐……
細路哥時有過吹氣水泡同浮床，去沙灘玩時就吹餐死。
刪除森哥上太空，人生路不熟更要個機械人帶路啦！
仲記唔記細蚊仔年代嘅麥芽糖夾餅，可以玩個幸運輪，好彩轉到多一、二塊。
喺森哥面前我仲識驚。
恕森伯井底蛙，唔知你玩開嗰類吹氣玩具同水泡浮床，沙灘波同唔同喎~~~~
刪除你又欺負老人家，到時實有電子導航，仲要帶多個機械人咁累贅?!!
森伯同你都唔同年代，我細蚊仔年代唔興麥芽糖夾餅，有時有股衝動想買麥芽糖來夾餅食!!
你驚森伯食咗你呀?!!...哈哈
我好精打細算，咁貴喺成人吹氣玩具我就唔會買啦！平時吹脹森哥仲開心啦！
刪除森哥好享受被我欺負，我會加大力度架喇！太空船嘅內外好多工作要揾機械人做架，點都好過畀老人家做啦！
好似驚黑社團大佬咁嘅感覺。
以一爺兄身家豐厚，啲吹氣玩具又算得乜~~~哈哈哈
刪除呢啲唔係叫享受，叫百忍成金，每日都預咗被一爺欺負架啦!!平時一爺精精伶伶，今次扮蠢番次，我講既上左太空，指百年歸老!!!!
咁你的感覺完全係零準!!!!
我喜歡吃餅，牛油酥餅是我的第三位呀！
回覆刪除我諗餅乾香香脆脆，都會好多人喜歡食，咁牛油酥餅都係你三甲之內喎!!!!
刪除我屋企都常備。但係香港就唔會，啲餅好易受潮。
回覆刪除我放在密實盒內比較存氣，冇咁易受到濕氣影響~~可以放一個月左右!!
刪除我沒有吃零食的習慣。但是吃零食真是很方便的止肚餓方法。
回覆刪除終於也購備了餅乾、堅果作不時之需。不過，不宜吃太多牛油的餅食。
吃零食也是間中，在我的角度看餅乾都不算零食，因為可以飽肚~~
刪除常備有餅乾堅果也很好，到有需要時可以吃，起碼家中也有些乾糧儲備!!牛油餅只是耐唔耐食...
原來你都係咁嘅....我正餐好簡單，通常只吃七八成飽，中午及晚上就靠吃些餅以消除肚餓的感覺。日常會儲備四五種餅在零食櫃，通常有梳打餅、威化餅、提子餅、椰子薄脆、曲奇餅、蛋卷、米通、杏仁酥﹝排名不分先後﹞ 。
回覆刪除都有人是這樣，正餐反而食得唔多，個肚留空位食些其他餅食，如餅乾、蛋糕仔之類，相信你個零食櫃都幾大個，有咁多餅類零食類，活像一間小士多...
刪除有時同一時間，家中都會有幾樣餅乾，你列舉的餅食都有幾多，而且樣樣都美味脆口!!!
第二、三位餅干都係我嘅心水之選。
回覆刪除又估唔到man man都鍾意食克力架，以為太淡味冇乜人鍾意…
刪除最愛始終都係檸檬夾心餅！😋
回覆刪除檸檬夾心在肚餓時食幾正，厚厚地又甜甜地……
刪除