都仲未到端午，天氣已經熱熱熱，四月尾感覺經已踏入夏季，而過去的冬天春天都只是有幾天冷的，所以今年換季清清個衣櫃時，都要清埋些舊厚褸!!!因為已經好耐冇穿過...
天氣好似不知不覺在變化，一來夏天早來了，若到七、八月有可能更加酷熱...二來雖然天氣熱辣辣，但落很大的雨水近排都冇，如果香港單憑落雨來供水，相信隔日就要制水~~~~
如果唔係有冷氣，相信大熱天時都會幾難挨，尤其是森伯呢類燥熱底，都好怕天時熱成身黐立立~~~
早上浸的眉豆，下午就見發出長長的芽，熱的威力好勁呀~~~只是短短幾小時!!@@
...睇嚟浸下芽菜食都好喎!!
這幾天真熱，坐着不動也汗流浹背！
回覆刪除孵荳芽，好主意，荳芽爽口，適合夏天吃！
係呀，如果沒有冷氣風扇都幾辛苦~~~
刪除孵荳芽看似好簡單，其實工序都繁複，新鮮水要常更換，放的位置都要注意...冇咩耐性~~~
冰凍椰汁、雪藏西瓜、雪米糍、凍豆腐花……諗起都咋一聲……凉晒！
回覆刪除冲凍水凉、歎冷氣、攝條冰凍手巾仔下火。
今日我都浸雜豆過一晚去煲糖水，有芽仲正。
今年咁熱，可能平時唔常食的雪糕雪條都要食番夠本~~~哈哈哈
刪除森伯大汗怪，沖凍水涼唔乾淨，一定要熱水沖走汗漬!!!!
早排我都有煲豆粥，最主要食些紅豆花生，當養生早餐...遲吓網誌講~~記得既話!!!!
紅豆同花生我常食。營養師話日常都要食吓豆類同堅果類補充各種營養。我好乖、有聽話。
刪除咁今次眉豆整咩呢？
其實你整開雜豆糖水，紅豆花生都唔少得，呢排試下多些食雜豆粥，幾好味又飽肚，減少吃太多精製澱粉之類，如麵包……
刪除今次整個眉豆蕃薯飯，這些食材大熱天時最啱!!!
比拼營養成份，眉豆蕃薯飯 [勝] 精製澱粉 [敗]。
刪除蕃薯飯我初時覺怪怪地，食落變喜歡，加無花果乾仲好食……你接受到蕃薯飯嗎？!
刪除南瓜 薯仔 蕃薯 芋頭 甘筍 洋蔥 椰菜 粟米 栗子 蕃茄 矮瓜……飯全都鍾意，加埋肉粒大堆頭一窩煮熟更合我嘅方便同 均衡營養飲食原則，興幸我粗生粗養，唔使太精緻。
刪除咁炒飯都有幾種料，會有啲群組森哥會接受唔到？
你講的材料除咗洋蒽及蕃茄，其他都整過飯，薑蒜唔食得...一天總有餐食全素都好，多數帶飯的時候，尤其現在天時暑熱食素會比較好~~而且唔需要諗太多，來來去去都係蕃薯，山藥，素雞素鴨或者硬豆腐之類~~~~
刪除炒飯如果落鹹魚肉粒，腸仔煙肉，罐頭菜或肉都唔多接受，食少少~~~
作者已經移除這則留言。
刪除炒飯更香囗，連我平時唔食嘅鹹魚都會食。
刪除發芽會改變豆豆成份，營養更高。
所以，有超貴催芽米賣。
芽證新鮮，唔係死豆啦！
點解有則留言刪除...唔出得街架!!!哈哈哈
刪除都好少自己整炒飯，懶開鑊同洗鑊~~~:P
發芽米未食過，啲人話好有營養，唔知商家怎樣處理發芽米?!!
一向都有食粉紅扁豆，易煮好食含植物蛋白，你會吃嗎?有機會講吓...
我嘅尺度大過森哥，係怕激怒森哥，必須删除，咁重視你，會感動嗎？
刪除我同森哥一樣咁聰明省力，用最方便煮食方法。
芽米貴到我唔想食，點會晒時間去鑽研。
未食過喎，期待森哥粉紅扁豆篇，睇吓森哥寫真。
有自知之明都係好既~~~
刪除一時時啦，要看食什麼，若果整夾三文治都要炒蛋才好食!!
你唔講起芽米，都唔記得有發芽米賣，點點六都有~~1公斤60蚊左右!!
就一爺兄想睇，可能稍後才出，返去摷摷啲相......
呢度相反，今個四五月係廿幾年嚟最凍。
回覆刪除我寧願凍凍地，以前初夏時份比較暖和舒服~~~
刪除幾小時就發芽，好意頭﹗發﹗發﹗發^_^
回覆刪除又唔係咩都講意頭，只是無意發現，證明屋企都好熱下!!
刪除浸眉豆見出長長的芽，見証生命的成長！
回覆刪除邊有諗到咁快就可以出芽，到準備煮才留意到!!!
刪除白豆的芽菜同綠豆的芽菜都食過，但就未食過眉豆的芽菜。
回覆刪除哈哈，眉豆發芽唔常見，有機會趁大熱天時可以再浸浸，眉豆的芽可能比較幼身，所以做芽菜未必好食......
刪除我都好怕熱，現在先係五月咋，仲有排熱.......
回覆刪除係呀，熱到嗌救命~~哈哈哈
刪除尤其現在外出都要戴口罩，在街上行都會幾悶熱~~~~~~~