近排可算是忙到甩轆，可謂工有工忙，私有私忙，本來都冇打算出博，不過唯有懾些時間來打打「森」事~~
忽然間又多了工作量，算係開工忙到收工，當然間中會蛇吓王抖抖啦，其實現在能有工作忙都應該興幸，尤其是在這個時勢下，相信忙一段少少時間，又可以hea番夠本~~~
最近可謂買手機月，政府的消費券未到手，D消費欲已經蠢蠢欲動，講笑啫 !!要買的東西都要買，因為之前的智能機已經用了相當長時間，越叉越少電，一日可以叉兩三次，唔用就熄機~~都係時候要換換，於是終於買到部華X手機，當然唔駛用高價錢，基本上打出打入上吓網就OK，另一部係長者機，多一部電話用，之前都用了很耐個幕都有少許爆裂，另外可能會買給長輩用的手機，總之就乜都手機~~
呢篇可算是即諗，即打，即出的Biog，真係無乜幾可!!!!!
想買就買，隨心所欲，幾好喎。
回覆刪除你也可以，因為香港買東西都很方便.....
刪除森少公私兩忙，真是能者多勞。
回覆刪除覺得手機真係一種劃時代的產品，為人們的聯絡通訊提供了很切身的方便。
種種功能，又好像主宰了人們的生活。
秋葉見笑，蠢者跟唔上工作進度，先有排做~~~~~
刪除你講得好啱，現在基本人人都有部手機，見人閒來或工作都係對手機，不自覺地深入了生活中~所以閒來都寧願做吓其他事!!!!
森少你謙啫，總之有得做就好。這兩年失業的人士很多。
刪除發明手機真是功德無量。記得在90年中，還是用Call機的年代，在荃灣站要打個緊急電話，可是那一排公眾電話，個個都塞不進硬幣，全都壞了 !
走入商場，見到有人借電話說畢離去，我借來拿起撥打就是不通 !
森伯都係講事實，不過忙也好感到生活夠充實~~
刪除你講起九十年代用CALL機，忽然感到呢十幾二十年的手機進程很快，短時間就人人也有一部，不簡單喔!!
其實森伯到可以掙錢買東西的時候，已經不是CALL機年代，買第一部通訊工具是摩托羅拉的手機仔!!霎吓眼已經多年了，現在都轉用智能機了!!!
在97年時，我第一部買的手機也是“摩托羅拉”，可能因為機身後背附著很厚重的電芯，所以稱為“細龜”(初期的水壺型手機，稱為大龜)。當時要每月付費三百多元，真係幾貴吓。
刪除在20年間，已換過幾部手機，今年換了一部Samsung,其間走位很敏感，盡量適應中。
你講起我有少少印象什麼是細龜，應該係類似家居電話的分機大細，大哥大電話同細龜都唔係我的年代，記得那部摩托羅拉，好細部方便攜帶，不過就沒有影相功能，以前更加無所謂，總之可以跟人聯絡就算，當時都用左好耐，諗住收起點知拿出來都脆化晒，証明佢唔襟擺!!!!
刪除適應一部新機總要時間~~~~
森少你那部“摩托羅拉”收起來之後，拿出來竟然脆化晒，真係好“化學”!
刪除不過在當年，都算好矜貴。
可能隔了太耐，手機上的油漆，電話天線都甩了出來，比較化學，而另一部收藏的"落基亞"就好得多仲保存得好好…兩部都是一般價錢，不屬矜貴，始終當時新手都唔會買貴價機…
刪除我諗當時秋葉97年買的手機會較貴，啱啱手機出了不耐……記得我那部機大概是零幾年才擁有……
月費貴，機價不太貴。初時不知道機身那麼重，但幸而買了它，當時為家事的聯絡上，起了很重要的功用。
刪除係呀以前的月費都係貴，如果不是有事要跟人聯絡都未必會選擇月費計劃，我記得當時係用儲值咭，用完可以去增值，比較經濟簡單~~
刪除現在的手機吾耐用，平均兩年就要換，我買手機吾要太貴，只要影相靚就得，
回覆刪除唔耐用都唔太覺，好多時都係因為電池老化才迫住換新機...
刪除現在的人喜歡周圍拍拍，所以影相功能都係揀手機的首要選項~~
手機越叉越少電，只是電池老化，以我經驗用百幾蚊換舊電池就一切正常，不過既然你話部舊手機都用咗相當長時間，咁又不妨搵個藉口換部新機。順便一提，我都係用緊X為牌手機，超級抵用、好用。
回覆刪除你講得啱，部智能機的電池直情老化，而且它是內置的，所以要換都要去到原廠才可換，而且也問過原廠話機款已舊電池也沒有存貨，所以索性換過新!
刪除所以好多時電子東西過一段時間就要換款，冇得耐用...暫時仲新，稍後試試好不好用，聽人講唔錯，所以買來試!!!
內置電池就費事諗了，換機是明智之舉，因為就算在總代理可以換到電池都好貴，唔值。
刪除而家出的新智能機好多都係內置電池，基本上用上兩三年都要換，除非一般稱為長者機，那就可以更換電池……
刪除我唔係咁敢用華X手機與X果，聞說因政治問題，有些APP不能使用，我SONY覺得麻麻，改用三叔好些，耐用的，拍照片又靚的，我是用壞才換機的慳家人士。
回覆刪除係呀，呢個問題我都想問用開華X的朋友，好似講有些外國應用程式用不到，whatsapp是其中一樣...不是是否屬實，我唔會最新款的，用舊款應該冇問題卦!!!遲吓要寫番個用後報告，三叔好似幾大部?!!...
刪除我都係用緊華X，到現在為止所有我想用的APP都用到，包括whatapp，反而最遺憾的是只可用美國的GPS卻不能用中國的"北斗"
刪除有Peace兄用家講就大可放心，其實手機對於我來講，太過多功能或什麼應用程式都唔會用得多，就算whatsapp，我都只係作普通溝通之用~~~
刪除原先計劃等暑假政府派$5k換新機，我部7吋華X手機/平板二合一都用咗4年半，2個按鈕和耳筒插頭都壞咗，幾日前跪低咗聯唔到網，仲諗住周日要去買米，可能夏日炎炎最好眠，啱啱佢又瞓醒肯開工，要佢爭氣捱多幾個月就過骨，到時由得佢長休。
回覆刪除得一部上網係唔得，要買多部平板做後備。呢幾日感覺與世隔絕，唔係平靜係不安，因為係有嘢要上網搞嘅，現代人完全切割係唔得嘅。
你又好野，如果平板加手機真係唔知點用，出街好少帶太大部的物件，其實現在電子產品用上三四年都已經OK...
刪除我智能手機同平板分開，應該襟用少少，唔駛佢地太過操勞~~以為你講買米係買部小米機!!定要去糴米?!!
希望你要做的事情可以順利同盡快搞掂，都市人都慣了活在網絡世界，不可分開~~~
得森哥誇獎我『好野』，有點飄飄然。
刪除阿伯當電腦、平板或手機係同一樣嘢咁用喎！冇咩分別。
7吋唔算大啦！一隻手掌握到，有優勝處架。打第二針時，喺門囗檢查我手機短訊有冇去錯點、打錯針嘅工作嬸嬸讚：『呢部好喇！夠大』 。老花眼都睇到。都係我揀佢嘅理由，啱我老爺爺。我要貪大，好似貪森哥某處好大咁啦！
畀鬼針對會有些軟件用唔到，早排用谷歌時成日hang機自動reboot，驚有潛在問題，華X都話要將呢part賣盤，所以，轉米機囉！支持國貨，抵制惡霸。
鄉下佬都要活喺網絡中。
現代農夫與科技緊貼，自動機去耕田、灌溉、施肥、收成。無人機巡視。田上感測器測量環境。農夫安坐控制室做出最有利作物嘅判斷就得啦！農夫新定意。
所以，美國鬼生安白造嘅新疆棉花係強迫勞動咁落後嘅做法，根本係唔可信。 妄想高科技只有優越白人才識，其他低等智慧有色人種永遠過著奴隸粗活同戰亂中。 攻擊中國係佢內心好怯，不敢相信中國人聰明過美國人，已被超越，未來會大幅度拋離。
係有實質本事先會讚你好野，森伯輕便較啱!!出到街都免得帶太多野，簡簡單單最好最自在……所以買機時會對比本身的手機，差不多大細已經OK，太過細部又睇得辛苦……
刪除難得嬸嬸欣賞一爺夠大喎…部平板手機!!!!如果字太大，要逐隻字睇，一篇文都有排睇，戴老花鏡仲方便~~貪森哥好大…咩大先?!!自大定年紀大?!!
暫時買左仲未用，怕有啲應用程式有點問題……米機冇諗過買，聽人講都係抵用之選!!
現在做農業都要科技幫手，才會有更大的效益…
如果真係要屈人，都要做吓功課先喇，聽人講笑到肚孿，外國人唔知新疆響邊，以為在廣州……森諗有冇搞錯，連地方都未搞清楚，正如你話種綿花，採綿花都已經機械化，聽起來可信性都唔高，正所謂認真便輸了，當佢周星星啲戲囉，得啖笑!!!
『便携』：除手機……我個出街袋有放幾片藥水膠布同橡根應急，我係咪好杞人憂天呢？
刪除『好大』：咪係森哥覺得自豪嘅地方囉
『屈人』：假如又鬧厠紙荒，你快冇厠紙用要用左手辦大事，開口求人，同你平時好friend嘅A君囤積夠1年嘅份量，不過，A君話先要照顧家人，唔畀得你。E君一樣有半年用量都係唔肯轉賣啲畀你。只有平時唔玩開嘅C君搭訕話可以江湖應急，免費送你2卷，此時，同你玩得好埋嘅A君大大聲講，C君別有用心想拉攏你，佢喺厠紙落咗毒藥架，唔好用。森哥對A、C、E君有咩睇法？ 唔係老作，係有咁類同慘劇。
厠紙換上疫苗，A=USA， C=PRC，E=Europe
幾片藥水膠布都唔係重，我都會帶其他需要的東西外出，所以都有個外出袋~~~
刪除感覺自豪的地方相信人人都有!!!!反問一爺兄最自豪的地方係乜?!!
你想講疫苗?!如果係純粹冇廁紙就簡單啦!!但係關乎人的生死，國家的存亡就唔講得笑!!可惜某國要面子，唔需要求人幫助!!!!
平庸外貌証明靠實力。
刪除聽你咁講，森伯都係靠實力嗰類!!!
刪除