發覺間屋的問題，時時都同水呀濕呀有關係，早前天花有水氣，搞到要大整大維修，今趟又同水氣有關，廚房的收納櫃無故的木板發黑兼且漆油剝落，而且外面都濕濕，打開一看原來個櫃裡的隱藏喉管漏水，一滴一滴水滲漏到櫃內，搞到裡面的東西都濕濕，好在就發現及時，但櫃邊都唔要得，可能都要執一執~~
右邊圖是正常的較位，左邊圖已經成個櫃門較已濕到甩了下來......
我認為住所裡最怕就是有什麼唔妥要維修，真係幾傷腦筋，好似前排的天花燈壞了，要整都好麻煩，真係唔好以為換一個燈膽咁簡單，燈的型號要在網上搵，可能燈款已經過時，就算買到都要有人識裝，好在有人識裝可以慳番筆，聽講若冇人裝搵師傅都要成千元去換，而拆出來的燈罩好特別就成個小型大光燈咁~~~~~
所以唔好睇少家居的小小壞了的東西，要搞到搞餐慒，如果有公司可以幫人一條蟲服務維修家居瑣碎問題至大型維修，相信會幾好生意，不過最緊要係價錢經濟實惠啦!!!
完全明白呀！
回覆刪除揾到問題所在還好，我試過地板滲水，揾咗好耐才揾出問題所在。
對呀，有些損壞情況真係幾難搵源頭，好在今次管理處有人來幫手，否則要到外邊搵師傅處理!!!!
刪除最怕漏水，我現在裝左個漏水警佈器在廚房底，一有漏水就發出聲響架﹗好彩個警佈器還未有用得著^_^
回覆刪除咁好，有警佈就最好，起碼唔會搞到周圍都濕濕，有咩事都可以及早解決!!尤其一些平時唔會注意到的地方~~
刪除間屋忌水！真慘。
回覆刪除我個厨櫃底光管已經唔生產，我都唔明起樓啲人點解唔揀普通光管咁鬼蠢。
基本上間間屋都忌水架啦!!!!
刪除我都同樣有諗過，發展商真係離晒大譜，要裝都裝過普通款式的射燈，要換都換得容易，咁樣即係玩住戶啫!!
受盡地產霸權一肚氣，逢霸權都好乞人憎，所以，習主席都寸美國總統，『世界要公道，唔要霸道』。世界前途命運應該由各國共同掌握，不能把一個或幾個國家制定嘅規則強加於人，一啲都唔平等。
刪除美國不停咁壓制別國進步，破壞地區和平去窒礙地區發展，民不聊生，但又扮晒嘢喺度指責他國冇人權，其實，係佢最冇人權。行為卑劣令人髮指。以前，我都唔明白有啲國家人民點解咁憎恨美國，我仲會崇美添，依家，美國執政群真令我好反感。
美國喺共和黨總統執政時二次退出巴黎協定，因為碳中和會影響經濟增長，又影響美國販賣自己獨有嘅頁岩油事業。欠缺大國負責任風範，又凸顯咗兩黨鬥爭民主制度上嘅缺陷， 遜過一黨專政朝向長遠規劃走，冇信心換黨會達標。
明明針對緊中國，又要同中國合作解決減碳目標，唔知背後又搞咩阻慢中國進程，有人陪佢考試包尾。
而家香港人乜都同政治扯上關係，包括屋企漏水...
刪除一爺兄唔需要太過勞氣，資訊發達的社會，大家可以憑自己所睇到的知道的了解更多，反而想知一爺兄受到霸權什麼氣呢?講到好嚴重!!!
如果大部份港人好似你咁睇通睇透，根本外面的勢力係冇咁容易入侵，好老土講句團結就是力量，可惜唔係，我發覺大多數人對自己國家、民族係反感，不過遇到重大事件，唔會只有輸的一面，嬴到的就是知道什麼是民族精神，以前聽呢個詞好虛無縹緲，原來呢個詞係好重要，冇呢種精神，自己的民族就任人四分五裂...
你好叻叻頁岩油都知，森伯完全唔識...平時風平浪靜就可以講下風範風度，到迫在眉睫的境況之下什麼醜態也盡露，令人咋舌令人髮指~~~
其實好老實講，中國大陸發展到今時今日，試問有咩風風浪浪冇遇過呢!!話冇都冇人信啦，能跨過萬難，就會更上一層樓，可能更加令人信服......
香港地產霸權又冇乜點對我，只係借題發揮啫，反而係感到蠢鬼同事好霸道，戾橫曲折，雖然針峰相對時必據理力爭，以完成項目開發為重，好多時都要忍讓。如果國家興盛，角色互換，蠢鬼受我氣咪幾好呀！想中國變強呢啲喺咪民族精神？由其是身處異地時，感覺更強烈。
刪除曾經亞洲四小龍 港、 星 、台、 韓，佔咗三處都係華人，覺得最聰明、最能幹都係中國人，本質卓越，只係啱啱碰到改朝換代中嘅衰弱時期。國家短短幾十年間以驚人速度增長就係好嘅証明，真係破晒世界紀錄，令人刮目相看，亦嚇怕咗最強大嘅美國日本，鬥唔過唯有出那渣招鉗制，從來，中國係憑實力喺逆境中成長，假以時日誓必超前。唔似美國以中國為假想敵，唔想法子令自身變得更好，中國只係想超越自我。
一爺兄謙虛啲啦，自己有外星生物血統特別精伶，又話人家同事蠢鬼，因住畀人話歧視，中國人唔太團結，就算有人同一條心，大家都係各自掃門前雪，好難先至團結一齊去對抗外敵~~
刪除國家要富強，人民大家都要齊心，才可以令環境改變~~~
當世界覺得中國仲係封閉的國家，內裡就默默做自己應做的事，結果打出令人刮目的一面，
正常的人都望自己國家好既!!!!
聰明森哥真係提醒咗我，從來只有白人歧視其他族群，咁我要創先河去歧視白人，應該會贏得好多掌聲同歡呼聲，大快人心。
刪除幾拾年前有次搭飛機去美國公幹又遇到個認叻嘅白人 笨蛋老頭。態度同語氣帶有鄙視，想表達我呢啲低等窮鬼黃種人未坐過飛機 ，同我講我坐錯咗佢個位。我椅背係40D，我坐喺位見到前面椅背係39D。我都冇氣同呢位39D蠢人講多半個字，直接叫佢嗌空姐黎解決。
好多白人都好蠢，但佢哋覺得自己叻過晒所有低等有色人種，咁呢個自以為是不知進取嘅國家只有衰退。國民真係會相信總統講，話中國盜取美國科技才能搞到5G，可能中國人係坐時光機飛到2050年偷美國高科技。
『正常的人都望自己國家好既!!!!』 森哥想話邊個唔正常嘅香港人呀？
講到簡直係個民族英雄...哈哈哈~~~崇陽媚外都仲有大把人啦!!!!
刪除現在已經有人話要支持反歧視，影星吳彥祖傾力帶頭發聲，相信都係得個講字，到最後都未必反到什麼，當然做好過唔做，否則感覺華人怕事，畏首畏尾...
咁你件事最後如何擺平呢??空姐過來話邊位坐錯位呀?!!你咁講證明一樣事，就係國家強連帶人民都畀人感覺好優先好優越，就算笨蛋都覺得特別精伶，人就係看外表，有時連中國人都唔幫中國人先至冇骨氣呀!!!!
唔正常嘅香港人，雖然為數唔少，但應該冇一爺兄份~~~~哈哈哈
係森哥功勞，應該封森哥為民族英雄先驅，頒個金紫荊獎畀你。
刪除只要中國超越美國，就唔會歧視華人。需要巨大國力架，睇黑人境況就知一群人力量起唔到咩作用。我好開心能睇到中國硬碰美國，今年外交策略改咗平視美國，一點不退讓，時時狠批美國。我希望夠長命等到超越美國呢一日。
當然係條儍鬼失威啦！ 頭耷耷坐喺我前面。
咁你又睇錯，森老伯唔係貪有獎先去做，冇獎都一樣啫，隨森~~~~
刪除都唔一定，中國越巴閉，仲多人睇唔順眼都唔定，則多你幾徐種族歧視更嚴重......
你咁講忽然諗起早排網上有講，一代填詞人霑叔，話希望能在有生之年看到中國富強，可惜佢未睇到...就算富強唔富強都好，始終要看天時，地利，同人和!!!!!
一爺大爺出馬，鬼佬當堂頭耷耷，簡直爭番啖氣!!!!
森哥係道德高人唔貪獎。
刪除咁唔係歧視，會係酸民唔抵你叻而針對你，依家美國為頭嘅聯盟咪針對梗中國，而且當中國經濟更發達，市場份額更大，高科技領先好似5G/AI/高鐵/基建/碳中和嘅太陽能發電/風能發電/電動車/電池/稀土/數字化人民幣……，更多國家靠向你，賺你錢，或出錢乞求你賣專利，就好似現在美國霸王用加關稅、半導體、美元、GPS，SWIFT、武器……去制裁你，等你驚咗佢，乖乖變成佢嘅奴隸，各國都退讓9分，到時，針對中國一哥情況會自然大大降低。
係空姐開口落佢面，由頭到尾我都冇晒氣，靜靜坐喺有人爭唔贏嘅經濟位度睇好戲，喺漫長飛行途中帶來娛樂，心涼又開心。
唔貪…不過都恨攞獎!!!!!!
刪除其實因現時疫情關係，個個國家經濟都係麻麻地，若果是最快復甦的國家，可能已經算是大嬴家，所以唔理什麼打針的副作用，各國都提倡要國民接種，一冇事就可以開啟經濟活動，只要針針有效感染率少些，經濟上就可見曙光!!!就等如做領頭者，但世界可能都冇想像中咁理想，你睇好多國家，一開通後感染率又升高~~你睇近排某個亞洲國家就知喇……
真係好佩服一爺兄的足智多謀，冷酷中滿肚計仔，講多無謂即刻叫空姐來搞掂，一於就笨人出口，自己就坐定定睇好戲~~~
好多國家一放寬活動感染數字就飆升，你講邊個？
刪除你講同中國對立嘅印度單日三十幾萬感染。寧死都拒絕中國援助，諗住係QUAD四國聯盟(美印日澳)成員想向美國求助， 點知……自私嘅美國佬無得傾， 真係跟錯咗一個唔會撐你又無能嘅大佬，清醒吓啦！
邊個...有好多個國家都有這個情況，一放寬人就聚集，啲人又出出入入。唔爆發都奇~~
刪除你都好跟貼新聞喎!!照常理，印度都唔會求助中國，之前仲響邊境有磨擦，你估而家細路仔坃泥沙咩~~~~~
人地話水為財，其實呢啲水帶來的結果往往是「破財」。
回覆刪除對呀，破財都預咗，最弊仲要搞一大餐來收拾呢啲小殘局呢~~~~哈哈
刪除屋漏更兼逢夜雨，要及早修復為上策，小小工程是免不了。
回覆刪除祝森少府上早日搞掂。
難得秋葉明白森伯的苦況，屋已經爛漏仲要遭逢連夜雨，膠桶都要擺十幾廿個...哈哈哈
刪除好在近排冇乜雨水，暫時有師傅過來幫幫手，不用一分一毫，但櫃可能要整整~~~~
家居有問題係煩，但都要盡快搞好為上！
回覆刪除因為有人睇過整過，暫時已經把滴水源頭止住...
刪除