常常聽人講有什麼抗疫疲勞，其實都唔奇，始終在疫症期間做什麼都好似唔多暢快，多多限制，相信大家都明白...
這一刻能使港人有一點精神安慰或實質安慰都係好，最好就係有得食，有得shopping等等~~繼上次政府派錢後，今次又有舒困方案，就係派$5000元電子消費券...其目的除了鼓勵市民多些消費之外，仲要所謂振興巿面經濟......森伯作為市民當然好啦~~據講電子消費券會放入四款電子錢包內，森伯果類原始人只有發達窿，其實遲下都可能會用支付佬網購，其餘兩樣完全唔識~~
暫時就話會將$5000元分五個月發放，每月入$1000元，月尾用唔完就冇晒，真真正正要用這些錢去促進經濟，順便打擊埋好似森伯果類老人家，諗住儲個錢傍身唔願駛的人士~~XXD
既然要「月月清」，就要諗諗點駛，反而我會諗諗有什麼小商舖可以用到電子支付...既然冇得留起儲起，森伯呢個老人家都要豪一豪去促進下經濟!!!!
原來每月$1,000要用晒架！我仲諗住等吓乜乜節日大減價慢慢使。
回覆刪除會買擺得嘅食物好似米、油、罐頭…………慢慢食。仲有壽命短又未壞嘅電器。
我都係用8仔，其他方式都未用，落後過森哥。
就係要用晒先至可以迫你去消費嘛，買野都唔駛等大節日，香港地想買就買~~
刪除米、油、罐頭......你講到好似打仗要儲糧，屋企儲太多呢類糧油雜貨冇訂企，可能一爺兄個雜物房都大過森伯間屋呢!!!!
我諗時下都有好多人用8仔，就算老人家都要用來有乘車優惠~~~
森哥咁豪氣，想買就買，有啲嘢我會計劃消費，好似波鞋等百貨公司大減價，湯圓等中秋、冬至、年夜飯、元宵特價，X本城每年有二次8折，超市逢3號尾用XX信用卡有92折，屋邨街市每月28號有雙倍積分…………減價促銷引誘我呢類消費者。
刪除學唔到大收藏家森哥屋企放埋放埋咁多名貴寶石、郵票、蠍子模型……我呢啲弱勢社群嘅屋企係囤放減價時嘅基本需要食物同日用品，冇乜唔等洗嘅奢侈品。
自己講自己係弱勢社群唔算數，係中電支援我呢啲弱勢社群，送咗$100消費券畀我，幫補吓生活喺水深火熱嘅窮民。
噚日去咗中伏，接種復必泰，冇咩反應，希望大步檻過首周危險期。
森伯買野前都要三思好耐，唔會隨便買~~~但一些普通的柴米油鹽才話買就買，人生有幾多個十年，等完過年又要等中秋，過完冬又等復活節大減價...
刪除通常買野都係急需或當下需要，例如衣服上換季就多數買，有些已經舊到想爛就要換，就算公司有冇大減價都要買架啦!!!!邊有一爺兄咁型，就算著爛的衫褲都似走在時代的尖啄......
郵票簿得果一本，膠蠍子得一隻，普通櫃桶仔都裝晒~~香港地要買糧油雜貨類都好易，有時我常同人講，香港地方矜貴，地方仲貴過你囤積的東西，而且雜物太多活動空間又變少了~~~
而家的時勢，各大社會企業都有些優惠等回饋返社會或大眾，唔通咁就係弱勢社群?!...
如果要打疫苗，就近都有得打，不過好怕係不良反應...都唔一定有事，冇得太擔心，相對出事的比率都唔算話高~~~~
爛衫爛褲喺屋企著，唔會著出街。
刪除避開唔講寶石！！！放晒喺森哥投資銀行保險箱！
係中電公司網上新聞稿話我係弱勢社群，建立公益形象。
未有疫苗就好想打，到有咗疫苗因安全問題又遲疑咗，我都好矛盾，但係要群體免疫才有效，自命係一個好健康嘅人，所以，最終都踏出第一步，不過，病老弱殘就唔好搏。
爛衫爛褲都唔緊要，當走型格路線……
刪除唔係避開，覺得好無聊，森伯啲寶石好普通，唔係咩貴重寶石，實用價值高過金錢價值……
你好勁!!!有新聞稿寫你?!!你告佢報導失實囉!!弱勢社群都分好多種架!!
其實打疫苗未必個個都適合，因應返自己情況……
森哥又話自己走型格路線，我係崇尚簡約平實路線，爛衫爛褲咪啱晒你啦，我著咗出街咪畀人知道我係弱勢社群，唔係人人都適合呀！世界係唔公平嘅。
刪除知道啦！我係細細聲講架！怕賊佬會吼住你呢啲有錢佬，導致森哥被劫財劫色、謀財害命就唔好吖！
係呀！新聞稿講我係弱勢社群，一啲都唔馨香，邊及得森哥早1周前啲新聞稿講你，香港有51.5萬個千萬富翁。又一次世界係唔公平嘅。雖然可以同森哥近距離傾偈，但是，同森哥貧富距離愈拉愈遠，真係 這麽近，那麼遠。
同人唔同命，我認命架！😁
走型格路線唔等如走寒酸路線，森伯平時著衫老實型，好似五六十年代feel...早前為了騰出衣櫃的空間，一爛都唔補就丟了，因為件衫可能太耐冇掂過都蛀窿窿了~~~~
刪除你估個個大賊都係gay既咩，劫財又劫色?!!...你又定!!森伯兩樣都冇，所以大賊唔會打老人家主意，反而驚打劫不遂殺人都敢，到時我叫佢打劫你，起碼你可以畀佢有財劫財，有色劫色......XXXXD
森伯仲為生活挨世界，如果係千萬富翁都唔駛提早退休住，而家千萬富翁都冇咩保障，因為生活使費貴，尤其住屋!!!
森伯掹車邊都唔及一爺啦，直情唔敢高擧!!!!!!
同樣係褲穿窿，有人著得型仔，有人著成乞兒，氣質唔同。 好似十前年流行低腰褲露出底褲邊同股罅，我接受唔到。
刪除現今世界好開放架，仲記得央視前靚仔狀元主播芮成鋼遭高官令計劃妻及其他20位高官妻子逼姦。有女賊架，原來，森哥覺得自己魅力非凡，男女通殺。森哥榮獲年度最男女受歡迎嘅男插X師，要走紅地氈。
我都想有人睇得起我，劫財劫色，當兩大皆空時會老羞成怒，捅我幾刀見紅洩憤架。森哥定必恨我入骨，想借刀傷我。
千萬收5厘息，每年收入50萬，更有進取啲高息股達10厘，年收100萬，50萬夠我洗架啦！森哥仲覺唔夠？？？森哥高人一等。
低腰褲露出底褲邊同股罅......呢啲裝扮又太偏激，好人好者都唔會諗住要露股罅啦，不過我露孖煙囪邊又時有發生，因為橡筋褲頭鬆咗~~XXD，唔緊要響屋企啫!!!!
刪除遭高官令計劃妻及其他20位高官妻子逼姦.......咩劇情嚟架，十足十成人MV橋段，男主角一定係靚仔，果啲高官的妻子個個都外貌娟好，身材火辣，都叫你唔好睇咁多，睇得多以為呢個世界就係咁XXXD
都話同一爺溝通唔到，唔知你想講乜，當你真係遇到個劫財又劫色的賊你驚驚啦，望都唔望會發生!!!!
冇你數口咁精識計數，而家就算有一千萬，買層樓都去咗六七成，樓價越升越有，現在大多數的業主都已經坐擁成千萬物業......
高官妻子同情婦係唔同啦！好樣火辣唔會係妻子，而且，高官同妻子都老咗變醜啦！
刪除退休唔使返工住啲3百幾萬元朗村屋，森林山水空氣好、光猛開揚心情靚，空間寬闊多走動，優秀環境啱退休。剩低5百幾萬食股息永無憂。
上面打錯字AV變咗MV...你睇的AV唔會啦!!!哈哈哈，這個世界什麼人都有，人一有權勢金錢，思想也易走歪，不出奇~~~
刪除森伯退休住間納米樓都夠，年事已高都唔想打理太多，夠住便算~~
真係要聽吓一爺講吓投資經，時下有咩穩陣的收息股呢?!!匯窿都未必有息收喇.....
一千可以買到啲乜會升值嘅呢？
回覆刪除我都有諗過，投注站有電子支付都可以諗諗~~~~哈哈
刪除夾埋一家大細啲錢去買金。
刪除我諗又冇咁誇，好多人多數用來購物或去食吓嘢~~~
刪除使錢無難度。
回覆刪除Stella出入名店，使慣錢當然咁講啦~~森伯只會講：慳錢無難度~~~~~><
刪除四種收錢方式，啲人都仲話未夠，有乜可能連八達通都唔用？真係唔知要點樣塞錢入佢個袋先至滿意。
回覆刪除其實全港巿民是否人人有這些電子錢包，我諗又未必，都總有人用現金駛現金......
刪除peace兄真係唔好見怪，森伯用左發達窿都唔係好耐咋，之前都係乜電子錢包都冇~~~~
真係有人吾用八達通架，我有個親人，用現金坐巴士吾坐地鐵>_<
刪除一定會有人冇發達窿，認為生活上無這種需要，就費事申請~~~~
刪除聽講話：或者會分兩次派，每次2500元。
回覆刪除規定使唔晒就冇得留低。既然係咁，梗係盡量使晒佢啦。搵錢就話難啫，使錢容乜易吖。
刪除政府始終點派法都仍未落實，可能會不斷改變想法...分兩次派又冇分開幾次派咁好!!一次又唔會買到太多!!
我諗好多人都會咁諗，感覺好似一分鐘到超巿掃貨咁，限時內掃得幾多就幾多!!!哈哈