因為有些事，需要聯絡同事們班whatsapp群，而且有新加...在此發現到幾有趣，雖然這類聯絡社交帳號係個人的，但很多頭像照都是以物品代替，群組當中都沒有人用親身照，問題就是有whatsapp來，就一定要看回之前的留言訊息才知邊位發送，有時又要新增聯絡人，送出後又唔知有冇錯，有親身照應該就包冇錯~~
森伯自已雖然都冇用親身照，是用漫畫化的自己作頭像，但起碼我send畀人，人家都會知道，我認為這樣會較好，唔知各位Blog友，你們在這類社交或聯繫平台，多數會用什麼作頭像相呢?!!唔敢放真身照又是什麼原因呢?!!都想知知...
諗諗下都要摷返張屬於自己靚靚仔仔的照片出來，作個人帳號的頭像相，不過搵足大半日都搵唔到~~~><
我用fb張照片。
回覆刪除但是否用物件照呢？!
刪除冇懼怕用唔見得人嘅個人大頭醜樣照片。
刪除但我認識的人當中，又真係好少見人用親身照當頭像照!!
刪除你都話我係外星人，當然與別不同。
刪除我某話你外星人，話你外星生物啫!!哈哈
刪除想做外星植物食陽光就飽足，唔使驚揾唔夠錢去退休，搞到抑鬱病。😢
刪除搞到抑鬱病………有咩唔開心，講咩森叔叔聽!!雖然未必幫到你，但分憂吓都好!!
刪除擔心揾唔夠錢就被迫退休、冇得撈，點算好呀？
刪除唔驚喇，平時有儲開錢，見你都好節儉...退休後最大開支是住屋和醫療，所以照顧好身體都是需要~~
刪除可以save個名嘛。
回覆刪除我未必逐個save個名……
刪除我一向用自己照片，覺得OK！
回覆刪除我都認為用自己相好啲，畀人易識別!!
刪除在雅虎博時期，我一直用一張紅葉林的照片作代表。轉來google網之後，改用一張在廣西西竹山上拍的照片。無懼風風雨雨，已經用了很多年。
回覆刪除*
至於人之美醜，本無標準，人心不同，各如其面。相由心生，相亦由心改，善會變醜，醜也會變美。 現代人說的男女是什麼的「豬扒」「小鮮肉」，對人的批判極其刺耳 ! 美是虛浮的，而每個人的取捨都不同。
寫了網誌都有一段長時間，記得都用過不同的頭像照，不過用得最多係卡通形式的頭像照，起碼都可算當作一種個人代表的形式……
刪除秋葉寫得好好，講得好啱呀…我活到一把年紀，都不會計較太多的外表，只是跟大家講講笑……人生活得寫意，沒什麼壓力，吃得好，睡得夠個人自然容光煥發，自然靚啦……
我 fb 都係呢個頭像，十幾年無改過，網友 blog 友一睇就認得係我！^ω^
回覆刪除十幾年無改過，好貫徹始終喎!!固定頭像仲好，不需要成日變，睇開的朋友一定認得~~~
刪除Facebook及Whatsapp都只限認識的朋友溝通，所以我從盤古初開已經用自己的真面目靚仔相，而且一直冇改過，朋友一望便知。至於Blogger，考慮到都是公開的，所以為自己創作了這個logo，也是從Yahoo Blog年代一直沿用至今。
回覆刪除我都認為用親身相較好，facebook, whatsapp組群的人也會認得你，就好似親自跟大家對答交流，如搵到合用的親身照都會放~~
刪除由寫blog至今都換了好幾張頭像相，當為一種給予人或自己的新鮮感，若能夠長時間固定一張代表相都不容易!!!